فهد: كنت عايز اسألك بخصوص الحب يعني ازاي تعرفي انك بتحبي الشخص ده او بتحبي بصفة عامة
حلا بابتسامة: ده انت حكايتك حكاية وفاضي
فهد: حلا بليز انا محتاج بجد اعرف لاني بجد في حيرة ومش عارف حاسس بشعور غريب واحساس يعني...يعني مش عارف اوصفلك ولا اشرحلة لاني مش فاهم اساسا
حلا ضحكت: حاسة بيك وفهماك من غير ما تشرح تعالى انهاردة مع الشباب وهتلاقي اجوبة لكل اسئلتك ديه
انجلي ومريم: انتي هتتكلمي عن الحب انهاردة
حلا بابتسامة: اه
مريم: اوبااااااا ده على كدة انهاردة ليلة رومانسية طالما حلا اللي بذااات نفسها هتتكلم عن الحب
حلا ضحكت: عادي على فكرة لو مش عايزين خلاص
انجلي بصراخ: لاااااا انا عايزة
حلا ضحكت: ههههه اللي يشوفك يقول انك واقعة في الحب
انجلي بغرور: ليه مليقش ولا مليقش
حلا رفعت احد حاجبيها: احنا هنأفلم من اولها ولا ايه
انجلي باستغراب: قصدك ايه
حلا: قصدي لسة ملقيتيش حبيب القلب
انجلي بصدمة: عرفتي منين
مريم ضحكت: لاااا انتي لازم تتعودي على كدة لان حلا من نظرة تقدر تعرف ايه اللي جواكي
انجلي بدهشة وعدم تصديق: لا مش معقول يا شيخة
مريم: لا معقول ونص
حلا: عايزة دليل نص اللي في المكتب دلوقتي او بمعنى حقيقي كل اللي في المكتب دلوقتي بيحب ما عدا انتي
انجلي بصدمة: بتهزري
حلا: اه والله
اريان باستغراب: قصدك ايه
حلا بصتله: قصدي هتفهمه انهاردة بليل
مريم بخبث: بس غريبة انك قولتي ما عدا انجلي بس معنى كلامك انك بتحبي
حلا بصتلها: اه ليه مشبهش ولا مشبهش
مريم بتمثيل عدم التصديق: لا بتهزري
حلا: يا بنتي انا اصلا اتعديت مرحلة العشق اساسا
انجلي بفرح ومحاولة في انها توقع حلا بالكلام: مين يا حلول
هنا قصي قلبه دق بسرعة وكان يتمنى انها تنطق اسمه لانه عارف انها بتتكلم عنه
حلا بصت لانجلي: مش هقول لاني مش عايزة اقول وماليش مزاج
مريم: لا ونبي لا تقولي وحياة اختك يا شيخة
حلا: هبقى اقولك واحنا مع بعض
انجلي بتمثيل الزعل: كدة مش هتقوليلي انا كمان خلاص
حلا بصتلها: هقولك بس في الوقت المناسب ده اساسا لو قولته لمريم وضحكت
مريم رفعت احد حاجبيها: يعني بتنيميني يا حلا إما وريتك
حلا ضحكت: بالظبط كدة
مريم باسفزاز وغيظ: طب ليكون في علمك انا عارفة مين هو وعارفة كل حاجة بس ماسكة نفسي ومتكلمتش واتلمي بدل ما افضحك
حلا بصتلها وبهدوء: طب ما انا عارفة انك عارفة كل حاجة واساسا متقدريش تفتحي بوقك لانك عارفة كويس انك لو فتحتيه ايه اللي هيحصل وانا هعمل ايه وعارفة كمان ان مايا وروما هما اللي حكولك ومش بس كدة وحازم كمان عارف
مريم بصدمة وحازم: انتي عرفتي منين
حلا بابتسامة وعقدت ذراعيها امام صدرها: مش انتي لسة قايلة اني من نظرة اقدر اعرف ايه اللي جوة الشخص
قصي: شكلك مش سهلة يا حلا
حلا بصتله وبثقة وغرور: لو انا كنت سهلة مكنتش هبقى هنا دلوقتي
سكتوا شوية ثم
حلا: مين هيجي معايا البيت يساعدني في تحضير الغدا
مريم: انا هاجي
انجلي: وانا كمان
آسيا وجميلة متكلموش
حلا: انتوا ناويين تغيروا وتيجوا ولا ايه
آسيا: حلا بصي إحنا مفيش مانع ان إحنا نيجي بس بيات برة البيت ابويا هيشلوحني ده غير انه ميعرفش ولسة مقولتلوش لسة هكلمه وهشوفه هيقول ايه
جميلة: وانا نفس النظام
حلا عقدت ذراعيها امام صدرها: لو على عمو وليد وعمو عماد فسيبوهم عليا انا هقنعهم وبعدين اساسا دول بيحبوني اوي ومش بيرفضولي طلب ولما يعرفوا انكوا هتباتوا عندي مش هيقولوا حاجة بس لو مع حد تاني ممكن يقولوا
آسيا: ايوة بس........
قاطعتها حلا: مبسش ولا حاجة
حلا: تمام يبقى روحي جهزي نفسك وشوفي في شغل هيخلص ولا لا وهاتي شنطتك وتعاليلي
مريم: انا خلصت شغل هروح اجيب شنطتي واجي
حلا: طالاما كدة يبقى حصلينا على الجراش
مريم: ماشي
خرجت مريم
انجلي: إحنا هنمشي دلوقتي
حلا: اه لاني لسة هروح اجيب رقية وهنجيب روما ومايا من بيتكوا وهنجيب ستي كمان
انجلي باستغراب: هو إحنا هنجيب ستي معانا
حلا: اه اومال هنسيبها لوحدها في البيت
فهد: حلا انا بحسك بتهتمي فيها اكتر مننا
حلا رفعت احد حاجبيها: ليه مش عجبك
فهد بنفس الطريقة وهو رافع احد حاجبيه: لا مش عجبني هتعملي ايه يعني
حلا: لاااا من ناحية اعمل ايه ده انا اقدر اعمل حاجات كتير اما بالنسبة لموضوع ستي مش انا اللي هعمل انت اللي هتعمل يعني لو مش عجبك عندك مليون حيطة تقدر ترقع راسك فيها لاني بصراحة ميهمنيش رأيك ومحدش طلب رأيك من اساسه يلا يا انجلي يلا يا آسيا وجميلة
آسيا: حلا انا.......... هنا تليفون آسيا رن فردت
آسيا: الو يا بابا ............ حلا شدت منها التليفون
وليد: الو يا آسيا يا حبيبتي هترجعي امتى البيت علشان نتغدا مع بعض
حلا: يعني عايز تتغدى مع آسيا ومش عايز تتغدى معايا إخص عليك يا لولو
وليد بفرح: عاملة ايه يا نن عيني وحشاني يا حلا يا بنتي عاااش من شافك وسمع صوتك
حلا بابتسامة عريضة: انا الحمد لله انت عامل ايه وطنط لميس عاملة ايه
وليد فتح الاسبيكر: خدي كلميها ايه
لميس: حلول عاملة ايه يا قلبي
حلا: انا تمام يا ست الكل انتي عاملة ايه وعم الحاج عامل معاكي ايه اوعي يكون مزعلك
لميس: انا الحمد لله يا حبيبتي لا خالص مش مزعلني بس مغلبني
حلا ضحكت: ههههههه مغلبك طب ما كل الرجالة لازم تغلب مراتتهم مش عارفة في ايه مع ان إحنا اللي المفروض نطلع عنيهم
جميلة: حلا افتحي الاسبيكر
حلا فتحته وبقى الكل سامع المكالمة
وليد: بت يا حلا انتي بتهدي ولا بتولعي ما تهدي علينا شوية ابوس ايد اهلك
جميلة بمرح: يظهر انك مش قادر على بعد القمر يا عمو هي طنط لميس احلوت ولا ايه قولي بس علشان لو كدة هفضيلك الجو
وليد بتوهان: إلا حلوة يا بت يا جميلة
الكل ضحك
حلا بضحك ومرح: طب لو قولتلك انا عندي الحل
وليد باستغراب: حل لايه
حلا: بص يا سيدي بما انه طنط لميس محلوة وانت هتموت عليها ها وضحكت انا هاخد البت آسيا وافضيلك الجو انهاردة واهو منه نقضي وقت مع بعض وتبات عندي انهاردة وبليز مترفضش وانا بكرة هجيبهالك بنفسي لحد البيت ها قولت ايه يا عم الحاج ديه فرصة ذهبية مش هتتعوض
جميلة: اه والله يا عمو وافق نصيحة مني
آسيا بغيظ: ما تتلمي منك ليها انتوا بتتكلموا زي اما اكون كتمى على نفسهم ده تقريبا مبيبعدش عنها ودايما معاها حتى في الشركة وفي البيت ده تقريبا مش شايف غيرها ده حتى مبيقعدش معايا
حلا وجمياة ضحكت ووليد ولميس
حلا: انتي غيرانة يا بطة
آسيا بغيظ: حلا اتلمي
وليد: طب بدمتك مين اللي كان قاعد مع اهلك امبارحة كان شبحي مثلا
آسيا: طب بذمتك بتقعد معايا ربع اللي بتقعدوا مع ماما
حلا: يا بنتي بدل ما تحسديهم وتبقي غيرانة المفروض تفرحي هو في حد لاقي حد يحبه زي اما ابوكي بيحب طنط لميس تفي من بوقك وقولي ربنا يخليهم لبعض يا ساتر يارب ايه البت ديه
آسيا بغيظ: والله طب ورحمة ابوكي وامك يا شيخة مكنتيش بتغيري على ابوكي من امك
حلا ضحكت: انتي بتتكلمي ازاي اذا كنت انا اوس مشاكلهم دايما كانوا يتخانقوا بسببي بس انا اللي كنت بصالحهم لو سمحتي من غيري اساسا ابويا مكنش يعرف يعمل اي حاجة
آسيا بغيظ وغضب: يعني كنتي بتغيري عليه يبقى ملكيش حق تتكلمي ماشي علشان ما روحش فيكي في داهية
حلا بحزن: اي نعم كنت بغير معاكي حق بس مكنتش مضايقة زي اما انتي مضايقة ده انا كنت يوم عيد جوازهم بحضرلهم مفاجأة وكنت باخد اخواتي ونروح نقعد مع عمي شوية وبعدين نرجع البيت واول يوم العيد كنت بقولوا ياخدها يفسحها في مكان وكنت بساعدوا في اختيار الهدية ده غير اني كنت دايما بزن على دماغوا انه ياخد اجازة ونطلع نصيف علشان يقعدوا مع بعض لان إحنا ولاده كنا كدة كدة بنقعد معاه غصب عن عينه كان يقعد معانا ويسهر معانا ويتفرج معانا على افلام وبالاخص انا مكنش يقدر يرفضلي طلب بس كان بيبقى مقصر في حق ماما يعني تقريبا مكنش بيشوف وشها غير لما يقعدوا على الاكل او لما يجي ينام ده اذا كان بينام ولو كان بينام كنت ببقى متحشرة ما بينهم يا شيخة روحي ياريييييييت الايام ديه ترجع تاني هو حد طايل وبعدين انا من يوم يومي فخورة ان ابويا بيحب امي الحب ده كله ودايما بتمنى ان ربنا يرزقني بزوج حنين زيه ويحبني ربع حب بابا لماما ده بدل ما تقولي ربنا يديهم طول العمر ويخليهم لبعض وحبهم يكبر كل اما هما يكبروا ويطول في عمرهم لحد اما يشوفوكي مع اللي يستهلك واللي يحبك زي اما ابوكي بيحب امك بتنقي عليهم لييييه يا بنتي ده وربنا دلوقتي يعني بتشوفي المراااار على اما تلاقي واحد ابن ناس محترم عنده اخلاق بدل ما انتي مضايقة كدة افرحي كتك القرف في شكلك انا مش عارفة انتوا مستحملينها ازاي
وليد: شوفتي يا آسيا اتعلمي من حلا ربنا يخليكي يا حلا وعموما متزعليش على باباكي ومامتك هما دلوقتي في مكان احسن واكيد مرتاحين لان اللي عنده بنت زيك يعني بجد يدخل بيها الجنة تربية واخلاق وعارفة ربنا وقلبها ابيض وكبير مفيش منها اتنين وبدل ما تزعلي ادعيلهم
حلا بحزن وصوت مخنوق: بدعيلهم والله يا عمو وعارفة انهم في مكان احسن من ده بس هنعمل ايه القلب وما يريد وحشني اوي بس ده القدر هنعمل ايه
لميس: حلا انتي عارفة ان لما إحنا نكون عايزين حاجة ومتحصلش ده معناه ان في الاحسن منها او ممكن يكون الحاجة ديه فيها اذى لينا او شر صح وبعدين ما يمكن ربنا اخدهم علشان يحطك في اختبار ويبعتلك ابن الحلال اللي يستهلك ويعوضك عن ابوكي وامك عارفة ان الاهل مبيتعوضوش بس يمكن ربنا يرزقك بواحد يحبك زي اما ابوكي بيحب امك ويغير عليكي ويخاف عليكي زي اما ابوكي بيخاف عليكي وبيغير ويخاف على امك صح ولا انا غلطانة
حلا: صح معاكي حق
جميلة محاولة تلطيف الجو: عمو قولت ايه عايز الجو يفضالك ولا
وليد: علشان حلا انا موافق لان انا عارف حلا كويس وواثق قيها وطول ما انتوا مع حلا ميتخافش عليكوا
حلا ضحكت بس بحزن: والله انتوا بتبالغوا
جميلة: عمو وليد هو بابا عندكوا
هنا دخل عماد على وليد
وليد: اه اهو لسة جاي جبنا في سيرة القط جيه ينط
عماد رفع احد حاجبيه: قصدك مين اللي ينط يا وليد
حلا ضحكت: عامل ايه يا عمو عماد
عماد بفرح: ايه ده الرائد حلا بجلال قدرها الف مبروك على الترقية وعاش من سمع صوتك يا معفنة
حلا ضحكت وبخبث: والله غصب عني بس قريب هبقى اجي ازوركوا يعني تقدر تقول انكوا هتفرحوا ببناتكوا قريب جدا
وليد: ايه ده بجد ولا بتهزري
عماد: يعني لقيتي العرسان
حلا: امم ايوة العرسان عندي وهبقى اجي اكلمكوا في الموضوع ده لاني محتاجة مساعدتكوا في حاجة
وليد: ايه عي إحنا جاهزين لاي حاجة
حلا: لا لما نكون لوحدنا هبقى اقولكوا
جميلة بغيظ: ده انتوا اما صدقتوا وعايزين تيزيحونا وتمشونا علشان الجو يحللكوا
عماد: هو من ناحية هيحلو هيحلو طب بما ان إحنا وكيلنا الموضوع لحلا ولقيت عرسان ليكوا طب مش ناوية تفرحينا بيكي انتي كمان يا حلول ولا ايه
وليد: اه صح يا حلا ممكن نلاقيلك عريس انا وعماد وتتجوزي مع مقاصيف الرقبة دول
جميلة وآسيا بفرح: الللله هتكون حلوة اوي
قصي انزعج واضايقك
حلا بغيظ: هو ايه اللي هييه وهتبقى حلوة يعني انا بحاول افضلكوا الجو انهاردة وواقفة في صفكوا تقوموا تيجوا عليا بالطريقة البشعة ديه هو انا اخلص من مراة عمي انتوا تظهرولي لا كدة كتير ده انا كرهت الرجالة وسيرتهم وكرهت العرسان والجواز يخرب ابو الجواز على اللي بيتجوزوه يا شيخ حرررراااااام عليكوا بتدعوا عليا ليه هو انا ناقصة
وليد: جرى ايه يا بنت المجنونة ديه دعوة حلوة وليكي مش عليكي
حلا: يا سيدي انا مش عاوزة اتجوز ولا عاوزة عرسان واقفل سيرة ام الموضوع ده وقول لعمو عماد اللي انا قولتهولك لان مش قادرة اتكلم ريقي نشف
عماد باستغراب: موضوع ايه
وليد: حلا عايزة تاخد البنات يقعدوا معاها شوية انهاردة ويباتوا عندها وهتبقى تجيبهم بكرة لحد البيت بنفسها
حلا: قولت ايه يا عمنا الحج
عماد: ماشي يا حلا بس ابقوا طمنوني عليكوا لما توصلوا وخلي البت مقصوفت الرقبة ديه تاكل عدل علشان بقالها كام اسبوع مش بتاكل عدل
حلا ضحكت: بقى جميلة مبتاكلش لا اتحسدتي يا جميلة
جميلة: شوفتي يا حلول حد عينه رشقت
آسيا بغيظ وحطت ايديها في وسطها: لااا يا شيخة ناقص تقولي ان انا وحلا اللي حسدناكي
جميلة: كويس انكوا عارفين نفسكوا
حلا: لا يا حبيبتي تلاقي معدتك تعبت من كتر الحشر اللي بتحشريه فقالت تقفل لمدة كام اسبوع تاخد نفسها لانك بتاكلي في اليوم الواحد اكل لمدة شهر او شهرين ده لو انتي حامل مش هتاكلي كدة يا خوفي ارمال لما تبقي حامل هتعملي ايه هتاكلينا وتاكلي جوزك
الكل ضحك
عماد: تصدقي معاكي حق يا حلا
جميلة بغيظ: ده على اساس ان انتي وآسيا مبتاكلوش
حلا: انا انا عن نفسي بقعد بالاسبوع عايشة على الماية والادوية والقهوة يعني ممكن اكل سندوتش واحد في يوم واحد بس في الاسبوع وباقي الايام لا اما بالنسبة لآسيا فيا عيني عليها بتاكل بس حاجات بسيطة اما بقى بالنسبة ليكي اناي ومايا وفارس بسم الله ماشاء الله علسكوا خمسة وخميسة في غيني لو دخلتوا محل اكل وعجبكوا ممكن تاكلوا المحل كله
الكل ضحك
وليد: طيب يا حلول خلي بالك من نفسك ولما توصلوا ابقوا طمنونا وابقي ابعتلنا من الاكل اللي هتعمليه والحلويات
حلا: حاضر من عنيا بس كدة ده انا اجي اطبخلوكوا مخصوص افوق بس من شغلي واجي اظبطكوا يوم كدة ماشي
وليد: ماشي يا قلبي يلا عايزة حاجة
حلا: عايزة سلامتك يلا لا إله إلا الله
وليد بابتسامة: محمد رسول الله ربنا يحفظك يا حلا
حلا بابتسامة: ويخليكوا ويديكوا طول العمر لحد اما تشوفوا جميلة وآسيا احلى عروسين في العالم يلا سلام عليكم
عماد: وعليكم السلام
قفلت حلا معاهم لجميلة وآسيا: اظن كدة مفيش اعذار يلا بينا
جميلة وآسيا: يلا
حلا لاريان: اريان حبيبي لما تخرجوا من البيت وتقربوا مننا بعشر دقايق كدة ابقى اديني رنة
اريان باستغراب: ليه
حلا بغيظ: علشان احطلكوا الاكل هيكون ليه يعني هحب فيكوا مثلا
ادم بغرور: وهو انتي تطولي اصلا
حلا رفعت احد حاجبيها: امممم لا بصراحة مأطولش ابقى شوف نين اللي هيحضرلك الفطار والهدوم بعد كدة
ادم: ايه يعني روما ومايا موجودين
حلا ضحكت: وخياتك ما بيعرفوا يعملوا كوباية قهوة عموما سلام
الكل: سلام
حلا اخدت انجلي والبنات واخدت مفاتيح سيارتها ونزلت على الجراش وبعدين مريم لحقتهم وجميلة وآسيا طلعوا ورا حلا بعربيتهم
حلا اتصلت بفاطمة( ست قصي ): عاملة ايه يا بطاطا وحشاني اوي
فاطمة بفرح: وانتي اكتر يا حلول انا الحمد لله يا حبيبتي
حلا: طيب جهزي نفسك علشان هاجي اخدك بعد نص ساعة كدة
فاطمة باستغراب: ليه
حلا: لما اجي هبقى اقولك او خلي مايا وروما يفهموكي على اما اوصل يلا سلام
فاطمة: سلام
وقفلت معاها واتصلت برقية
حلا: رورو انتي في البيت ولا برة
رقية: لا في البيت ليه
حلا طب اجهزي علشان هعدي عليكي بعد ربع ساعة علشا اخدك
رقية: ليه
حلا: علشان في تجمع في بيت المزرعة مع البنات والشباب
رقية بفرح: بجد كل البنات هتكون هناك
حلا: اه اجهزي بسرعة ها
رقية بفرح: هوا سلام
حلا: سلام
قفلت معاها بعدين
انجلي: إحنا رايحين فين دلوقتي
حلا: هنطلع على السوبر ماركت نجيب شوية حاجات
وفعلا حلا دخلت السوبر ماركت وانجلي ومريم استنوها في العربية وجابت حاجات كتير
انجلي ومريم: اييييييه ده كله انتي جبتي السوبر ماركت كله ولا ايه
حلا: اخرسي يا بت منك ليها لاني معرفش ايه اللي موحود في البيت وايه اللي مش موجود فجبت كل اللي طلع في وشي
مريم: اااه قصدك جبتي السوبر ماركت كله
انجلي باستغراب: مش انتي عايشة في بيت المزرعة
حلا بنفاذ صبر: ايوة بس مبعملش اكل ولا بدخل المطبخ فمعرفش ايه اللي موجود وايه اللي مش موجود
مريم باستغراب: ليه مبتاكليش
حلا بغيظ: لا لاني بروح بيت اخواتي وبطبخلهم وممكن اكل معاهم وممكن لا خلصت اسئلتكم الكتير ولا لسة
حلا طلعت بالسيارة على بيت قصي وجابت فاطمة ومايا وروما بس هما ركبوا في عربيتهم واخدوا ست قصي معاهم وطلعوا ورا حلا وجميلة ووصلوا على بيت المزرعة على الساعة 5 المغرب
حلا دخلت ودخلت الحاجة اللي كانت جيباها المطبخ وخرجت للبنات
حلا: مبدئيا الاوض عندكوا والدولاب عندكوا اللي عايزة تغير هدومها وترتاح شوية وانا ابقى اصحيكوا على الغدا تتفضل على اما اجهز الغدا
انجلي: خديني معاكي اساعدك
مريم: وانا كمان
حلا: طب مش هتغيروا هدمكوا الاول
انجلي: نبقى نغير لما نخلص يلا
البنات دخلوا المطبخ بس كانوا محتارين هيعملوا ايه
انجلي بانزعاج: طب هنعمل ايه دلوقتي
مريم: مش عارفة
حلا: طب انا عندي فكرة اكلم الشباب واتس واسئلهم ياكلوا ايه ايه رأيكوا
انجلي ومريم: اشطات
حلا كلمت اريان وبعتتلوا رسالة على الواتس
حلا لاريان: اريان بص شوف هتاكلوا ايه انت والشباب علشان نحضروا
____________________________________________
في شركة قصي الشباب كانوا قاعدين بيشتغلوا ولوئي وفارس كانوا بيتكلموا في شغلهم والشباب قاعدة فجأة اعلن موبايل اريان برسالة فاريان كان مشغول فقصي شاف ان الرسالة من حلا
قصي لاريان: اريان حلا بتكلمك واتس تعالى شوف عايزة ايه
اريان: قصي معلش رد عليها انت لاني مش فاضي
فقصي مسك تليفون اريا وقرأ الرسالة فرد عليها
____________________________________________
في بيت المزرعة
حلا: انا من رأيي ان نبدأ بالحلو على اما يقرروا
مريم: طب هنعمل ايه
حلا: تشيز كيك بس تحبوه بالشيكولاتة ولا بالتوت ولا بالفراولة
انجلي ومريم: بالشيكولاتة طبعا
انجلي: بس يا حلا قصي.........
قاطعتها حلا: قصي عنده السكر وهل هناكل وهو لا احب اجاوبك ان هو كمان هياكل ومتقلقيش انا دكتورة برده وعلى الاكيد مش هقتل اخوكي يعني انا هعمله واحدة لوحده هو وستي بطريقة غير بتاعتنا فمتخافيش
انجلي ابتسمت وعرفت قد ايه حلا بتحب قصي وبتفكر فيه قبل الكل حتى قبل نفسها
اعلن تليفون حلا عن رسالة ففتحتها وكانت من موبايل اريان
اريان او نقدر نقول قصي: اعملي اي حاجة مش شرط
حلا ردت عليه: على فكرة لو كدة كنت عملت اي خاجة يعني مكنتش هعذب نفسي واقولكوا تاكلوا ايه فانجز لاني معرفش اعملكوا ايه
قصي شاف الرسالة فاتصل بيها من تليفونه
حلا لقيت ان في رقم مجهول بيتصل بيها فردت
حلا: الو مين معايا
قصي باستغراب: بجد يعني مش عارفة مين معاكي
حلا باستغراب: قصي
قصي بغيظ: لا والله دلوقتي عرفتي ولا كنتي بتستعبطي
حلا: لا والله بس انا الرقم مش متسجل عندي وبعدين هعرفك منين هشم على ايدي يعني علشان اعرف اللي متصل مين وبعدين عرفتك من صوتك عايز ايه تاني وبعدين متصل ليه في مشكلة ولا حاجة في الشغل
قصي بابتسامة: ليه لو في مشكلة هتحليها
حلا: لو هقدر اكيد ولو عندي الحل ليه لا
قصي بابتسامة: لا مفيش مشكلة بس مقولتليش ليه مش مسجلة الرقم اظن اني اتصلت بيكي قبل كدة
حلا تذكرت لما كانت راجعة تعبانة من الشغل وكانت في احد المهمات وكانت متصابة إصابة خفيفة وقتها هو اتصل علشان يطمن عليها
حلا بتلقائية: اه بس وقتها كنت تعبانة وراجعة من الشغل مش شايفة قدامي وهموت وانام فوقتها مسجلتش الرقم بس
قصي: اممم طيب
حلا باستغراب: بس انت متصل ليه دلوقتي
قصي: ابدا بس انتي بعتي وبتسألي تعملي اكل ايه فأحب اقولك متعذبيش نفسك اعملي اي حاجة
حلا: ولا عذاب ولا حاجة
ثم اكملت باستغراب: بس لحظة انا كنت بكلم اريان على الواتس انت ايه عرفك
قصي بابتسامة عريضة: لان انا اللي رديت عليكي لان اريان مشغول وطلب مني ارد
حلا: امممممم طب ممكن تقولي هتاكلوا ايه
قصي بخبث: اي حاجة من ايديكي هتبقى حلوة ده كفاية بس انها من ايديكي
حلا وشها احمر وخجلت: طيب تحبوا تاكلوا بيتزا ولا اعمل اكلتك المفضلة
قصي بخبث وتفكير: امم وايه هي اكلتي المفضلة علشان معرفش
حلا: قصي بطل رخامة انت عارف ايه هي فانجز لاني مش فاضية وعندي شغل كتير
انجلي فرحت لانها بتكلم قصي مريم غمزت انجلي في دراعها وهمست في ودنها
مريم: شكلهم بيحبوا في بعض من ورانا مشوفتيش وشها احمر ازاي من شوية
انجلي: لا اخدت بالي ياريت يا شيخة يحبوا في بعض ده يوم المنى
قصي: بتكلم بجد والله ايه هي اكلتي المفضلة ما انا بحب اكل حاجات كتييير
حلا: الاكلة المفضلة مكرونة بالصوص الابيض والحلو المفضل تشبز كيك بالشيكولاتة كفاية كدة ولا تحب اقولك معلومات اكتر
قصي ابتسم وفرح لان بعد مرور عشر سنين لسة حلا عارفة ايه هي اكلته المفضلة وادق التفاصيل عنه اللي يمكن هو ذات نفسه ميعرفهاش او يعرفها وناسيها
قصي بابتسامة: يعني لو انا قولتلك هتعملي اللي هاقولك عليه
حلا: امممم
قصي: مكرونة بالصوص الابيض بس بطريقة حلا مش بالطريقة التقليدية
حلا بعدم فهم: قصدك ايه
قصي: سمعت انك بتعملي اكل حلو وبيبقى عليه تركات كدة بتغير نكهة الاكل وتخليه احلى يعني ضيفي لماساتك على الاكلة
حلا بعفوية: من عنيا تؤمر بأي حاجة تانية
قصي بحب وتوهان: تسلميلي وتسلم عيونك ويخليكي ليا
خلا توترت وخجلت ووشها احمر من الخجل
حلا بتوتر: ط......ط.....طب سلام دلوقتي علشان الحق اخلص
قصي بحب: سلام
قفلوا مع بعض نيجي للشباب اولا حازم وفارس ولوئي كانوا مركزين مع قصي
حازم: الله يسهلوا
فارس: اوببببا شكل الحب ولع في الدرة ولا ايه
لوئي: تحب نجيب المأذون والشربات وإحنا رايحين لهناك
قصي كان قاعد على الركنة فمسك احد المهدات وحدف حازم وفارس ولوئي بيها
قصي: طب بدل ما انتوا مركزين معايا ركزوا مع نفسكوا وكل واحد يخليه في حاله
لوئي ضحك: يعني منجبش المأذون وإحنا رايحين وغمزله
قصي بحب وتوهان: ياريت ترضى ده انا افرشلها الارض ورد
اريان كان قاعد جنبوا وادم قاعد على الكرسي المقابل ليهم وجنبيه فهد وسمير وكمال
اريان ضرب قصي في كتفه: ما تتلم انت مش واخد بالك ان إحنا قاعدين جنبك ولا ايه ولا مش شايفنا
قصي بغيظ: لا مش شايفكوا وبعدين هو انا بقول عايز ابوسها بقول عايزها تبقى مراتي بس هي ترضى
ادم بغيظ: لا ما هو ده اللي ناقص
قصي: بجد يعني اعمل ايه علشان تعترف بحبها ليا ده انا تعبت وغلبت معاها لدرجة اني محتار اذا كانت بتحبني لسة ولا لا
ادم: عايز ترتاح وتطمن
قصي: يا ريت
اريان بابتسامة: للدرجاتي بتحبها يا قصي
قصي: إلا بحبها ده انا بعشقها وبعشق امها كمان بس هي ترضى
ادم: احب اطمنك هي لسة بتحبك ويمكن مش بتحبك ديه بتعشقك
قصي بانزعاج وحزن: لا ياشيخ وهي لو بتعشقني كانت هتفضل بعيدة عني كدة وكمان مش راضية تقولي حتى انها حلا حبيبتي حلا اتغيرت كتيير عن زمان يا ادم مبقتش حلا اللي اعرفها
اريان مسك ايد قصي: قصي متقولش كدة صح حلا اتغيرت بس هي عمرها ما هتتغير في حبك وهي ما اتغيرتش في حبها ليك بالعكس حبها بيزيد كل يوم ويمكن كل ساعة وثانية ولحظة بتمر فيها حبك بيكبر في قلبها وااكدلك ان حلا منسيتكش لحظة في العشر سنين اللي فاتوا
قصي بحزن: لو هي زي اما بتقول كدة طيب ليه مش راضية تيجب تعترف بالحقيقة تعترف بحبها وتعترف تقولي هي مين
فارس: بص يا قصي حلا ليها اسبابها في انها بعيدة عنك ومقلتش ليك على الحقيقة يس إحنا منقدرش نقولك لان لو في حد ليه حق يتكلم في الموضوع ده هي حلا الوحيدة اللي هتقدر تجاوبك على كل الاسئلة اللي بدور في دماغك وتفسرلك السبب مش إحنا
اريان: بس عايز اقولك على حاجة يا قصي حلا مستعدة تعمل اي حاجة علشانك حتى لو هضحي بحياتها بس في نفس الوقت مستعدة تتعذب وتشرب كاس المر بدل المرة عشرة بس اهم حاجة عندها تكون انت مرتاح ومبسوط
ادم: قصي حلا مش سهلة متفتكرش انها ممكن تستسلم لو انت عذبتها شوية او تقيلت عليها او قسيت عليها انها كدة ممكن في يوم من الايام تتعب وتستلم وتيجي تقولك على الحقيقة لا والف لا انت كدة هتخليها تصر على البعد وهتتحمل قسوتك وعذابها لاقصى حد انت ممكن تتخيله ومتتخيلهوش اختي وعارفها حلا صبرها طويل جدا فانت اللي هتتعب وهتتعذب معاها بالطريقة ديه
قصي: اومال هعمل ايه
فارس: عايز الحل
قصي: يا ريت يا اخي الاهي تنستر دنيا واخرة ويبعتلك بنت الحلال اللي تصونك وتحبك وتعشق امك الحق اخوك لحسن ممكن اروح فيها واخوك واقع خاااالص
الكل ضحك على قصي لانه قالها بطريقة كوميدية
فارس: اظهر لحلا قد ايه انت بتحبها خليها تندم على انها مقلتللكش الحقيقة بص يا قصي هكون معاك صريح حلا مش بتيجي بالقوة ولا بالعند هتعند معاها هي هتعند اكتر وتنشف دماغها اسمع مني حلا هتيجي بالحنية وبالاخص منك لانها بقالها عشر سنين مشفتكش ولا سمعت صوتك فجأة في يوم وليلة انت ظهرت قدامها وبقيت بتشتغل معاك وانت قصاد عنيها فهي مش مرتبة لده ولا محضراله فاظهرلها قد ايه انت بتعشقها واعترف بحبك ليه واظهر لها حنيتك وقتها هي مش هتستحمل وهتضعف وهتيجي بنفسها تقولك الحقيقة وتجاوبك على اسئلتك بس في حاجة مهمة لازم تعرفها
قصي: ايه هي
فارس: انت ممكن تشوف في عنيها الوجع والعذاب لان الي انا قولتلك عليه ده هي هتحاول تقاوم وتتهرب بس مش دايما هتقدر هتستلم في يوم من الايام فده هيعذبها شوية ويمكن يتعبها لانها عندها القلب وهيجرحها كمان بس ده هيساعد انها تعترف بالحقيقة
اريان: فارس معاه حق في كل كلمة هو قالها حلا مش هتيجي غير بالطريقة ديه
قصي: بس ده صعب عليا مش هقدر استحمل اشوف في عنيها الوجع او اني اجرحها كفاية اني جرحتها مرة ولحد انهاردة بلوم نفسي وبتعذب بسبب الموضوع ده
ادم: مفيش غير الطريقة ديه والقرار قرارك يا إما تعمل كدة او تستحمل بعدها
فارس: وليكون في علمك حلا ناوية بعد المهمة تسافر ويا عالم اذا كانت هترجع تاني ولا
قصي سكت شوية ومن ثم
قصي بتفكير: بس انا كدة عاوز مساعدتكوا
الشباب: وإحنا جاهزين لاي حاجة
قصي ابتسم: والله من غيركوا مش عارف كنت هعمل ايه
اريان ربط على كتفه: احنا معاك يا قصي بس لو زعلت حلا او ضايقتها في يوم من الايام او جرحتها ورحمة اهلي ما هرحمك
قصي: ده انا هشيلها في عنيا
وقعدوا يتفقوا هيعملوا ايه
( سابوا الشغل وبيفكروا في الحب والله على رأي حلا ناس فاضية😂😂😂😂 )
____________________________________________
في بيت المزرعة بعد اما حلا قفلت مع قصي
مريم: الله يسهلوا ايه قالك بيحبك ولا ايه
حلا بصتلها بغيظ: وانتي مال جوزك في ام الموضوع
مريم باستفزاز: جوزي الحمد لله تمام كويس
حلا: طب يلا علشان نحضر الاكل ونخلص
مريم: افضل واحدة قابلتها في حيانها بتغير المواضيع في لحظة
حلا بصتلها: ما كل واحد يخليه في حاله احلاله
انجلي: طب خلاص صلوا على النبي خلونا نجهز الاكل يلا وبدأوا يجهزوا الاكل وخلصوا وعلى اما هما خلصوا اريان اتصل بحلا
حلا: الو يا حبيبي
اريان بابتسامة: إحنا خارجين من الشركة يا حلول وجايين اهو يعني تلت ساعز كدة ونكون عندكوا
حلا خرجت من المطبخ: ماشي يا حبيبي بس خلي بالك من نفسك وخلي قصي يسوق على مهلوا ومتستعجلوش في السواقة
اريان كان فاتح الاسبيكر فقصي سمع والشباب كمان سمعوا
ادم بخبث: تحبي اقوله حلا سكيرتيرتك اللي بتقول الكلام ده ولا حلا حبيبتك لان لو المفروض هتكلم من الناحية ديه او اذا كانت مين اللي بتتكلم هتبقى حلا حبيبة قصي
حلا بغيظ: اتلم يا ادم وإلا ورب العزة ما هيحصلك طيب وبعدين انت ايه اللي غيظك اه بحبه وبموت في دباديب امه عندك اعتراض يا استاذ وبصراحة يعني لو عندك اعتراض ميفرقش معايا ياريت تخليه لنفسك ثم ان يعني انا كنت بكلم اريان انت ايه اللي حشرك في النص
قصي فرح جدا من كلام حلا بس كان يتمنى انها تقوله ليه هو
اريان ضحك: خلاص خلاص روحي اجهزي وإحنا مسافة السكة ونكون عندكوا
حلا: هتروحوا تغيروا الاول في البيت اللي جمبينا وتاخدوا دش الاول ولا هتيجوا على البيت
اريان: لا هنروح ناخد دش ونغير ونجيلكوا بس ليه بتسألي
حلا: ابدا بس علشان احضرلكوا الحمام والهدوم
اريان ابتسم: دايما بتفكري فينا قبل نفسك والله من غيرك مكناش عارفين هنعمل ايه
حلا ابتسمت: يعني هو انا ليا مين غيركوا علشان اهتم بيه
ادم: لا ليكي قصي
حلا: يادي قصي اللي وقفلك زي الشوكة في زورك يا بني ارحمه ارحمه يا اخي ده حتى ميعرفش اني انا حلا اومال لو كان يعرف كنت هتعمل ايه ولا لو كنا متجوزين كنت هتعمل ايه ده انت بتتكلم ولا كأنك جوزي ده لو جوزي مكنش هيبقى زيك كدة ارحمه يا حبيبي شوية
ادم: اه اه ما هو حبيب القلب
حلا بنفاذ صبر: اللهم ما طولك يا روح اشوف فيك يوم يا ادم يا بن يحي الدالي اشوف فيك يوم رات عامل زي الفرخة الدايخة كدة وعمال تلف حولين نفسك وانت واقع في غرام واحدة ومش عارف تعمل ايه
ادم: قصدك حالي يبقى زي حال قصي
حلا بغيظ: لا اسوأ
ادم: ماشي يا حلا يا بنت ام حلا إما وريتك
حلا: اعلى ما في خيلك اركبه
ادم: طب متنسيش تحضري الحمام وهدوم لقصي ها لحسن ده حبيب القلب والروح واللي شاغل عقلك ليل نهار
حلا باستفزاز: طبعا ده هو قبليكوا اساسا يلا سلام علشان انا لسة مجهزتش
اريان: حلا انتي ناوية تجهزي لقصي ولا علشان اصدقائك
حلا: اووووووف لا كدة كتير كفاية عليا ادم وفارس مش انت كمان يا اريان
اريان ضحك: روحي يلا شوفي هتعملي ايه يلا سلام
حلا: سلام
لوئي لقصي: ايوة يا عم الله يسهلوا
قصي: يا اخي اتوكس يعني هي كانت قالتلي انا ده لاخوها
فارس وحازم سوى: ومالك عمال تعدد زي الست المطلقة كدة ليه
قصي: يعني هو انا كنت طولت الجواز علشان اطول الطلاق
الشباب انطلقوا على بيت المزرعة
____________________________________________
حلا ذهبت لبيت المجاور ليت المزرعة وحضرت للشباب الحمام والهدوم وطبعا هدوم لقصي بعدين رجعت الببت وطلعت اخدت شاور ولبست وقالت للبنات علشان يجهزوا
____________________________________________
يا ترى ايه سبب التجمع؟!
ويا ترى حلا هتقدر تصمد اما حب وعشق وشوق قصي لها ام ستستسلم؟!
ويا ترى بماذا ستجيب حلا فهد عن سؤاله عن الحب؟!
وهل هي السعادة ستدوم ولا لا؟!
