بعد اما حلا هديت شوية وقعدت تشتغل حاست بخنقة غير طبيعية فطلعت وقعدت على الشاطئ قصاد البحر شوية وضمت برجليها الى صدرها وفضلت تبص للقمر وقصي والشباب كانوا قاعدين بيتناقشوا فجاسر تعب من القاعدة فقرر يبص من البلكون شوية فشاف حلا قاعدة تحت ومضايقة فجاسر بص لاريان وادم
جاسر: اريان ادم
فاريان وادم بصوا لجاسر وشافوا انه قلقان فاستغربوا بعدين شافوا جاسر بيبص من البلكون فعرفوا ان في حاجة فقصي قام وادم واريان
قصي ربط على كتف جاسر: مالك يابن............... وهنا عينه جات بالصدفة على حلا هما كانوا شايفين حلا من ظهرها وادم واريان شافوها
اريان: ديه حلا ايه اللي بتعملوا في الوقت ده وليه صاحية
جاسر بتفكير: حلا مبتقعدش القعدة ديه غير لما تكون مخنوقة او متضايقة
ادم نزل بسرعة لحلا واريان وجاسر وقصي اما شافوه اتخضوا فنزلوا وراه ادم نزل جري وراح لحلا واتجه ليها براحة فعرف ان في حاجة حصلت ضايقتها
في بيت البنات مايا وروما معرفوش يناموا لانهم حاسين بالندم بسبب الكلام اللي قالوه لحلا فنزلوا علشان يقعدوا معاها ويعتذروا ويحاولوا يهدوها شوية ووقت نزلوا لاقوها قاعدة عند البحر على الشاطئ
مايا بانزعاج من نفسها: ياربي ازاي عملت كدة
روما بانزعاج ايضا ولكن مصحوب بقلق وخوف على اختها: مايا انا خايفة لحسن يحصل معاها حاجة
مايا: تعالي نقعد معاها ونخفف عنها ونصلح اللي هببناه
ادم قرب من حلا لحد اما بقى وراها وانخفض ليها وحط ايده على راسها حلا انفزعت ومسكت ايد ادم بسرعة وتنتها على رقبته وكانت هتضربه وخانقته بايديها بس ادم وبحركة سريعة منها لف نفسه وزق حلا فوقعت ونامت على الرمل وثبت ايديها وبقى هو فوقيها
ادم بانزعاج ولكن باطمئنان لحلا: ممكن تهدي ده انا اخوكي ايه هتقتليني يا شيخة
حلا تنفست بعمق وغمضت عيونها بألم ادم بعد عنها بعد اما حس انها بجد مخنوقة
حلا بغضب ضربت ادم على كتفه: انت عارف اني مبحبش حد يمسكني على غفلة كدة وبتخض حرام عليك يا ادم قلبي كان هيقف
ادم: وانا مالي انتي اللي قلبك رهيف
حلا بغضب: بجد تصدق انك بارد
ادم بصلها وبهدوء: عندك شك
حلا ابتسمت: رخم
ادم: عندك مانع
حلا: اه هتعمل ايه بقى
ادم قعد جنبها: هقولك ارقعي راسك في اي حيطة
حلا: امم طيب
ادم: مالك بقى في ايه
حلا بتوهان: هاا ولا حاجة
ادم ابتسم ومسك دقنها ولف وشها لتقابل وشه: تقدري تقولي الكلام ده لاريان لجاسر لروما او حتى لقصي بس مش ليا في ايه مالك
حلا بصتله وبعدين حطت راسها على صدره ولفت ايديها حوالين خصرها وهو لف ايده حوالين خصرها وضمها لحضنه حلا بصوت مخنوق: تعبانة اوي يا ادم مبقتش قادرة استحمل اكتر من كدة الكل بيجي عليا ومحدش حاسس بيا ومحدش هيحس بيا
وهنا دموعها نزلت ادم بعد عنها ومسح دموعها
ادم مسك وشها بين ايديه ونظر في عنيها: ده معناه ان الموضوع بخصوص قصي
حلا بعدت وشها عن ادم ادم حط ايده على كتفها وضمها ليه
ادم: اتخانقتي انتي وروما ومايا صح
حلا: اه
ادم: وطبعا ده لانهم اتكلموا بخصوص قصي وعلى الاغلب الكلام كان جارح وكان حقيقي ايضا
حلا قامت وقفت وبغضب: ادم لو ناوي تسمعني كلمتين كالعادة ياريت تخليهم لنفسك انا مش محتاجة نصيحة من حد وانا عارفة انا بعمل ايه وعندي اسبابي
ادم وقف قصادها وببعض الغضب: لا يا حلا انتي مش عارفة اللي انتي بتعمليه ده ده انا يا شيخة في اوقات بشك انك تكوني بجد بتحبيه لان اللي بيحب يا حلا مبيجرحش ومبيعذبش ومبيبعدش حبيبه عنه ويكذب عليه ويوهمه انه مات ويخليه يعيش في عذاب ويخليه يتمنى الموت بجد يا حلا هو ده الحب اللي بتحبيه لقصي
حلا بانفجار وبغضب: عايزني اعمل ايه يعني يا ادم اروح اقوله انا حلا بنت يحي صديق والدك الله يرحمه احمد او اقوله ان انا البنت اللي انت حبيتها من عشر سنين عايزني اعمل ايه ها ما ترد وتقولي انتوا عايزني اعمل ايه
ادم بغضب: وفيها ايه لما تقوليله وتعترفيله بحبك يا حلا انتي اللي دايما كنتي بتقولي الحب مش ضعف ولا حرام ولا عيب طيب ليه انتي انهاردة بتتهربي منه ليه بتبعديه عنك مع انك مش عايزة غير قربه
حلا بغضب ودموع: لان ليا اعداء كتير ادم محدش يعرف ان انا ليا اخوات ولا حد يعرف انا بنت مين ولو عرفوا اني بحب او في حد عزيز عليا وغالي هيقتلوه علشان بس يكسروني ويذلوني زي اما حصل ساعة بابا وماما ولا ناسي ان الحادث كان مدبر وكان بسبب اعدائي واعدائه انا مش خايفة على نفسي يا ادم وانت عارف ده بس انا خايفة عليكوا وعلى قصي ولو انا دخلت على حياة قصي مش هنتهنا ببعض ده بالاضافة ان حياته وحياة عيلته هتتعرض للخطر
ادم بغضب: طيب ليه بتفكري بالسلبية ديه فكري بالاجابية يعني ليه ميكنش لما تتجوزوا وتعيشوا مع بعض ااااا........ مثلا عمرو يبعد عنك واعدائك يقلوا يمكن هما بيلحقوكي علشان انتي مش ملك لحد مش متجوزة لانك لسة عزباء وغير كدة انك بتعيشي لوحدك وبعدين يمكن عمرو يبعد عنك ويسيبك في حالك
حلا ضحكت في وسط دموعها وعقدت ذراعها امام صدرها: ادم انت بتتكلم وانت متعرفش انا شوفت ايه في العشر سنين اللي فاتوا ومتعرفش ايه اللي حصل فيا
ادم: لا عارف يا حلا انا عرفت كل حاجة
حلا ابتسمت بوجع: مش كل حاجة يا ادم
ادم بغضب: لا كل حاجة لان
حلا قاطعته: مايا حكيتلك صح بس حكيتلك اللي تعرفه
ادم عقد حاجبيه باستغراب وعدم فهم: قصدك ايه
حلا: انا حصل معايا حاجات كتييير اوي مايا متعرفش عنها اي حاجة ومفيش حد يعرف حاجة عن الموضوع ده ولا حتى مايا لان مايا حكتلك اللي كان بيحصل فيا لما هي بتكون معايا بس محكتش اللي كان بيحصل فيا وانا لوحدي او لما بكون برة البيت ومرجعش بالاسبوع وبالشهر و3 شهور لان اللي كان بيحصل معايا اسوأ ما يكون حوادث وخطف وتعذيب بأبشع انواع التعذيب اللي ممكن تتخيلها
ادم بصوت محنوق وفيه في عنيه دموع: معقولة وشايلة كل ده جوا قلبك ومحكيتيش لحد عنه احكيلي يا حلا بالتفصيل ايه اللي حصل مع اختي وانا مش موجود وبعدين ليه مكنتيش بتتصلي بينا تقوليلنا نيجي نبقى في ضهرك
حلا ابتسمت بوجع: لا يا ادم انا عمري ما هحكيلك اللي مريت بيه ولا المرار ولا العذاب الي شوفته اما بخصوص انا ليه متصلتش بيكوا انا خسرت اربع اشخاص غاليين عليا اوي وهما اهلي وانا مش مستعدة اخسر حد تاني اول مرة دخلت في حالة نفسية لدرجة اني كنت هتحط في مصح عقلي وكانت حالتي الصحية زي الزفت بس لو مريت بالموضوع ده تاني وقتها هروح فيها اول مرة اتصبت بالقلب وكنت هموت المرة التانية وقتها قلبي هيقف انا مش مستعدة اخسر حد تاني وبالاخص لو قصي او حد منكم عرفت ليه انا بعيدة عن قصي البعد كله واما بخصوص عمرو فده بقى اللي من سبع المستحيلات انه يسبني في حالي الا في حالة واحدة لو هو مات او انا اللي موت واما بخصوص اني اكون مع قصي ووقتها عمرو يسبني في حالي عمرو عارف اني بحب قصي ودايما بيهددني بقتله لو قربت منه وعارف اني في مهمة مع قصي علشان احميه وبصراحة اللي متعرفهوش انه قبل كدة شوه صورتي قدام قصي وزور وفبرك فيديو فيه انه انا بنت مش محترمة
ادم باستغراب وببعض الغضب: قصدك ايه يا حلا وضحي كلامك اكتر الفيديو كان فيه ايه
حلا بصوت مخنوق: كان.......كان فيه ان ......ان حازم بيخون مريم معايا بس الفيديو كان متفبرك بس الاوضاع فيه مكنتش حلوة خالص وكان وسخ اوي
ادم بانزعاج: وقصي عمل ايه لما شافه
حلا هنا الدموع اتجمعت في عنيها وبصوت مخنوق: يععني لو انت مكانه هتعمل ايه وهو ميعرفش ان اللي واقفة قدامه هي حبيبته فعلى الاكيد هتصدق الفيديو
ادم بغضب: يعني صدق الفيديو وسمع كلام ملهوش تلاتين لازمة
حلا بمحاولة تهدأت ادم: ادم وحياتي عندك ما تفتح الموضوع ده معاه ولا تكلمه خالص في الموضوع ده بص هو مكنش يعرفني كويس وغير كدة هو ميعرفش انا مين فهو زيه زيي ضحية لمؤامرة كانت ساندي وعمرو عملينها لانهم كانوا عارفين ان قصي هيتقدملي في اليوم ده وعلشان يقدروا يفرقونا عملوا ده لان ساندي طمعانة في فلوس قصي وعمرو طمعان في جسمي علشان كدة عملوا الفيديو الوسخ ده
ادم: وقصي عرف الحقيقة حلا انا متأكد انك معاكي دليل يثبت برائتك
حلا: اه معايا بس مش هوريه لقصي بص يا ادم بصراحة اه صح الكلام اللي سمعته منه وجعني اوي بس ده كان احسن بدل ما كنت رفضت طلب جوازه مني وجرحته ده كان هيوجعني اكتر وده احسن لينا احنا الاتنين
ادم: ده انتي جبرووت ازاي قادرة تستحملي الوجع ده كله
حلا ابتسمت بوجع: مضطرة علشان اقدر اعيش
ادم قرب منها واخدها في حضنه وحلا اغمضت عينيها وفضلوا هكذا لبعض الوقت
ادم: بس انا مش هسمحلك انك تفضلي بعيدة عن قصي اكتر من كدة لانه حرام عليكي نفسك
حلا رفعت اصبعها في وجه ادم: اياك تقوله حاجة
ادم ابتسم بخبث: وانتي فاكرة ان قصي غبي ومش هيقدر يعرف انك انتي حبيبته
حلا: مش مطمنة لابتسامتك ديه
ادم: لا متقلقيش بس احب اقولك انك تقلقي من ناحية قصي وغمز لها
ادم: انا هطلع بقى انام شوية علشان بقالي يومين منمتش عايزة حاجة
حلا عانقته: الله يكون في عونك انا حاسة بيك لاني بقعد بالاسبوع مبنمش يلا تصبح على خير
ادم بخبث: وانتي من اهل قصي
حلا ضربته في كتفه ادم ضحك ومشي ودخل البيت وطلع ينام وطبعا قصي واريان وروما ومايا سمعوا حلا وادم وسمعوا كلامهم كله قصي ومايا وروما عنيهم دمعت وكذلك اريان ولكن قصي قلبه وجعه اوي الشباب طلعوا يناموا اما بالنسبة لروما ومايا فقرروا يكلموا حلا الصبح ويسيبوها شوية حلا قررت تدخل تكمل شغل وفضلت تشتغل لحد الفجر وبعدين قامت صليت وقرأت في المصحف لحد الساعة 6 الصبح بعدين قامت وطلعت غرفتها ارتدت ترينج رياضي مكون من ثلاث قطع بنطلون ليس بالضيق وليس بالواسع وبضي بحمالة ليست بالرفيعة وليست بالعريضة وجاكيت لون الترينج اسود وكوتشي اسود ولمت شعرها ذيل حصان وطلعت تركض حوالي لساعة وبعدين رجعت البيت الساعة 7 عملت بعض التمرينات واليوغا وبعض حركات الكونغ فو بعدين حضرت الفطار وحطته على السفرة وطلعت وهي طالعة قابلت روما ومايا
مايا بإحراج: حلا إحنا اسفين على اللي حصل امبارح
حلا: الفطار جاهز على السفرة انزلوا افطروا وانا هاخد شاور واغير هدومي واجيلكوا
روما: حلا والله ما نقصد نجر....
قاطعتها حلا: بلا تقصده بلا متقصدوش اللي حصل حصل خلاص انزلوا افطروا
حلا طلعت وسابتهم اخدت شاور وبعدين ارتدت بنطلون اسود وارتدت بضي لونه ابيض بكم من قماش الضنتيل الكم نازل على الكتف وارتدت حذاء بكعب عالي لونه اسود وساعتها الفضية وارتدت حلق نازل على الكتف اسود وتركت شعرها مفرود على ظهرها ونزلت وفطرت مع البنات بعدين روما راحت على كليتها اللي هي كلية الهندسة وحلا خدت آسيا وجميلة وصلتهم على البيت بعدين رجعت لبيت المزرعة ولكن اتجهت للمرسم بتاعها وكان ما بين بيت البنات وبيت الشباب بيت صغير مكون من طبقة واحدة يصعد لها بسلم وعبارة عن بيت مصنوع من الازاز اي من بالخارج يرى من بالداخل عبارة عن مكان حلت بحب تقعد ترسم به حلا قعدت لبست شئ مثل الماليرة وقعدت ربطت طرحة على عينيها ووضعت الهاند فريي في اذنها وبدأت الرسم وهي مغمضة العينين حلا بتحب تعمل كدة لما تكون منزعجة
____________________________________________
في بيت الشباب استيقظ قصي وادم واريان واخدوا شاور وغيروا هدومهم ونزلوا واتقابلوا على السلم
ادم: ناوي تروح فين دلوقتي يا قصي
قصي بكسل: مليش مزاج اروح الشركة فهفضل هنا طول اليوم
اريان: وانا برده
ادم: انا كدة كدة اجازة بقالي يومين تعبان وسهران
قصي: انا هحضر حاجة ناكلها
هنا جرس الباب رن عندهم فادم راح يشوف مين اللي جيه ففتح الباب وكانوا مايا وانجلي وفي ايديهم اكل
ادم بابتسامة: حاسين بينا والله اتفضلوا
مايا وانجلي ضحكوا وقصي استغرب وجودهم
قصي باستفسار: انتوا هنا ليه ومن ثم تبدلت ملامحه للقلق والخوف
قصي: حلا فيها حاجة جرالها حاجة وستي كويسة في ايه
انجلي بصوت عالي: اهدى شوية ادينا فرصة نتكلم
مايا وهي بتضحك: ب...بصراحة ......... حلا هي اللي بعتتنا بالاكل
قصي تنفس بعمق وانجلي ومايا مش قادرين ياخدوا نفسهم من الضحك وكذلك اريان وادم
ادم حط ايده على كتف قصي: مكنتش اعرف انك واقع كدة
اريان: واقع بس ده دايب وتايه في عالم تاني كمان
قصي بغيظ: ما كل واحد دخليه في حاله احلاله
مايا: عفوا الجملة ديه بتاعت حلا
انجلي: القعدة شكلها بتبقى ليها طعم تاني مع حلا
وبعدين البنات حطوا الفطار وفطروا
انجلي: ناويين تروحوا على الشغل ولا اجازة
ادم: اجازة
قصي: هي حلا فين
مايا بابتسامة: راحت توصل جميلة وآسيا لبيتهم
ادم بتذكر: اه صح لازم اقول لجميلة ان مفيش شغل انهاردة
اريان: سبق وعملت ده كلمت آسيا وقولتلها تقول لجميلة
ادم: طب كويس
انجلي: بس قولي يا قصي بتسأل عن حلا ليه
قصي: كنت ناوي العب بأعصابها شوية
اريان: قصي خليك بعيد عن حلا عارف لو جرحتها او ضايقتها تاني مش هيحصلك طيب
ادم: مايا عملته ايه مع حلا
مايا: مرضيتش تسمعنا
ادم: ولا هتسمعكه
مايا: بس هي غلطانة يا ادم
ادم بتفهم: انا معاكي ان هي غلطانة بس هي عندها اسباب
مايا بغضب: ما هي ديه المشكلة هي لو تقول الاسباب بس هي مش راضية تقولها
ادم: هي مش عايزة تقول الاسباب لانها عارفة ان مهما كانت الاسباب هنقولها متشليش هم وخليكي مع قصي وعارفة ان قصي مش هيهمه وهيتمسك بيها
اريان: خلينا نروح نطمن على حلا ادا كانت رجعت ؤنطمن على تاتا فاطمة
ذهبوا الكل ولكن قصي لفت نظروا باب المرسم مفتوح
قصي بتساؤل: هو ايه البيت ده
مايا: ده المرسم بتاع حلا لما تكون مخنوقة بتقعد ترسم ولكن وهي مغمضة العينين
اريان: طيب ليه الباب مفتوح
ادم: اظن ان حلا فوق خلونا نروح نشوفها ونطمن عليها
طلعوا على المرسم ووقفوا ولكن اتصدموا من اللي حلا رسمته وهي مغمضة العينين حلا رسمت قصي بأدق التفاصيل ليه تعجبوا من رسمها حلا انتهت من الرسم وشالت الربطة من على عينيها لتنظر ماذا رسمت وتفاجأت ايضا بأنها رسمت قصي غسلت ايديها ووشها وهي لم تدرك بأن قصي وادم واريان وانجلي ومايا بالغرفة معها تليفونها رن ولكن برقم مجهول حلا ردت
حلا: الو مين معايا
المتصل: .............................
حلا بغضب عارم: وربي العزة لو لمست شعرة منخا ليكون اخر يوم في عمرك يا عمرو
عمرو: نفذي طلبي وقابليني في فندق(............) غرفة 102 الساعة 7 بليل بس لو منفذتيش طلبي وقتها معرفش ايه اللي ممكن يحصل في اختك وعلشان اكون لطيف معاكي وحبوب هخليكي تكلميها
عمرو اعطى التليفون لاحد رجالته ووضعه على اذن روميساء وكانت متكتفة ومغمضة العينين
حلا: الو روما انتي كويسة
روما ببكاء: حلا انا خايفة معرفش مين دول ولا عايزين ايه مني
حلا: طب اسمعيني انتي شايفة ايه حواليكي او سامعة ايه
روما ببكاء: انا مش شايفة حاجة ولا عارفة حاجة انقذيني يا حلا انا خايفة اوي ودخلت في هيسترية بكاء وفجأة الخط انقطع
حلا: الو....الو روما تبا
حلا بغضب وقعت كل الالوان اللي على الطرابيزة
حلا بغضب: لا يا عمرو مش هسمحلك تئذي حد تاني من عيلتي حتى لو التمن حياتي
حلا اتصلت بأمان ولكن التليفون مغلق فاتصلت بعمها
حلا: الو عمي هو امان في المركز
محمد باستغراب: لا سافر في شغل وهيرجع بليل
حلا: لااا مستحيل مش دلوقتي
محمد: هو في حاجة يا حلا صوتك مش عاجبني
حلا: لا يا عمي مفيش بس كنت طالبة منه شغل مستعجل بس انا مضطرة اقفل علشان عندي شغل
محمد بعدم ارتياح: سلام
حلا قفلت معاه وبتوتر بدأت تلف الغرفة ذهابا وايابا وتحدث نفسها
حلا: هتصرف ازاي يا ربي
ومن التعب لان قلبها تعبها ووجعها سندت على الطرتبيزة واغمضت عينيها وتذكرت عندما اعطت لروما سلسلة بها صورة يحي ومها والديهما ولكن طلبت منها وعد بالا تخلع هذه السلسلة من رقبتها ورأتها في الصباح برقبتها ولكن الذي لا تعرفه روما ولا احد ان حلا وضعت جهاز تعقب بهذه السلسلة لانها تعرف ان عمرو يستطيع ان يفعل ما لا يتخيله المرء ففتحت عينيها
حلا: ازاي نسيت الموضوع ده انا شوفت روما لابسة السلسلة اللي انا ادتهالها وانا زارعة فيها جهاز تعقب حلا مسكت تليفونها وبدأت بتعقب مكان روما وقدرت تحصل عليه بعد خمس دقايق
حلا: هو ده وربي العزة لاكون مدفعاك التمن غالي يا عمرو الكلب
____________________________________________
ماذا سيحدث يا ترى؟!
