قصي باستغراب: ريحته مش غريبة عليا حاسس اني عارف الريحة ديه بس مش فاكر شميته إمتى
حلا دفعته بعيد عنها وبغضب: والله مليش فيه شميته مشميتهوش انا مالي وبعدين مأظنش انه شئ يخصك لما تعرف نوعه
حلا اعطته ظهرها ووقفت تكمل عمل القهوة قصي سرح شوية في ريحة البرفيوم تذكر انها كانت تضعه وهي صغيرة لان والديها كانوا يحبون البرفيوم ده كثيرا ولا تضعه غير وهي بالمنزل لا تضعه خارج المنزل فاق قصي من سرحانه ونظر لحلا وهي تعطيه ظهرها وجاءت في راسه فكرة لكي يلعب باعصابها
قصي سند على الحيطة وعقد ذراعيه امام صدره: حلا هو ايم والدك ايه
حلا اتصدمت من السؤال: افندم
قصي بابتسامة: مالك مصدومة من السؤال عادي بسألك اسم والدك ايه اصل اللي معروف عنك انك الرائد حلا وبس اظن ان مفيش بنت متعرفش ابوها مين انا معرفش ايه السبب اللي يخليكي تشيلي اسم عيلتك وباباكي من اسمك
حلا بغضب: امم يبقى على الاكيد شئ ميخصكش انك تعرف اسم والدي ايه وبعدين ايه اللي خلاك بعد سهر ونص تيجي تسألني عليه
قصي: عادي يعني بس يهمني اعرف مين هو لاني حاسس بشعور غريب يعني في صدف كتير بتقابلني ليها علاقة بالماضي
حلا: اممم يعني لو سيادتك عرفت اسم والدي ايه هتتجوزني مثلا بخصوص شعورك شئ ميخصنيش وبصراحة اكتر مش عايزة اعرف اي حاجة عنك سواء ماضي ولا حاضر ولا حتى مستقبل
قصي: وليه لا
حلا باستغراب: ليه لا ايه
قصي: ليه لا ما اتجوزكيش بعد اما اعرف اسم والدك ايه هو يمكن تطلعي البنت اللي بحبخا من عشر سنين
حلا حاولت تمسك نفسها بألا تضعف
حلا: امم وليه اه وبعدين مأظنش اني هي البنت اللي انت حبيتها من عشر سنين لان لو كان فعلا ده حقيقي ليه مقالتلكش الحقيقة على الاكيد انا هكون عارفة مين انت واذا كنت شخص انا حبيته ولا لا
قصي قعد على الرخام اللي قصاد حلا
قصي بخبث: طب تعالي نفكر انا وانتي سوى اسمك حلا وبتشتغلي رائد واترقيتي قريب وده برضه حصل مع البنت اللي حبيتها خدي الاغرب نفس اسامي الاخوات وحتى عمرهم في سن بعض يعني البنت اللي بحبها اخوها الكبير اسمه اريان والوسط ادم والاصغر في الشباب جاسر وكان عندها اخت توأمها اسمها ررميساء واختها حلا دايما تدلعها وتناديها روما تمام سيبك من كل ده الاعجب واللي يحير اكتر نفس الاسلوب ونفس الطبع ونفس الطريقة في التعامل بتاعتك هي هي طريقة تعاملها يعني في حاجات كتير مشتركة ما بينكم هي كانت بتحب العزف والغناء والرسم والرقص وانتي كذلك طب بلاش كل ده ايه هي الوانك المفضلة او اللون الاكتر اللي بتحبيه
حلا بعفاوية: الاحمر والاسود والموف الغامق بس لو هقارن ما بينهم بحب الاحمر والاسود اكتر
قصي: ليه
حلا بعفاوية ايضا: لان الاحمر نابع من الحب او بيعبر عن الحب وطالما في حب يبقى في امان والاسود بيعبر عن النقاء والهدوء والارتياح
قصي بابتسامة خبيثة ونظرة ايضا خبيثة: بس غريبة نفس تفكير البنت اللي بحبها ونفس الالوان ونفس التفسير ليه تفتكري يا حلا ان ده كله صدفة
حلا بصدمة وتوتر: ا......اا......اه عادي يعني عادي ممكن يكون تشابه اسماء وتشابه طبع عادي يعني وبعدين في مقولة بتقول يخلق من الشبه اربعين
قصي: معاكي حق نوعا ما طب في سؤال محيرني ليه اخوانك ادم واريان سموا الشركة شركة الدالي ده معناه ان انتوا من عائلة الدالي بس لحظة نفس اسم عيلة البنت اللي انا حبيتها على حسب ما انا فاكر كان اسمها حلا...يحي....الدالي
قالها بصوت متقطع ليرى رد فعلها وتصرفها هيكون ازاي حلا غمضت عنيها بوجع وقلق وتوتر وخوف
حلا لنفسها: احيييه لو عرف انا مين
قصي: يعني فسري ليا ايه سبب تسمية الشركة بالدالي
حلا بتوتر: ها.....لا........هو.....يعني........كان في صديق لاريان وادم وكانوا بيحبوا بعض بس الشاب توفى وكان من عائلة اسمها الدالي فهو.........علشان هما بيحبوه كتير سموا الشركة على اسمه يعني بس ده كل الموضوع يعني لو واحد عمل محل وسماه المستقبل ده معناه ان عيلته لقبها او اسمها المستقبل عادي يعني بيبقى تشابه اسماء الفرق في الاسباب في التسمية
قصي: تمام حلا مين اللي سماكي حلا وايه السبب
حلا بغضب لان اعصابها مبقتش تستحمل اكتر من كدة: اظن انه شئ ميخصكش ولا انت جاي تحقق معايا لنا مالي انا انت حبيت ولا محبتش بدخل اهلي انا في ام الموضوع ده ليه وفاتح معايا تحقيق ما بدل ما انت قاعد وفاتح معايا تحقيق ما تروح تفتح تحقيق مع البنت اللي انت حبيتها
قصي: طب ما انا فاتح معاها تحقيق اهو
حلا بنفاذ صبر: اظن كلامي واضح تحقيق مع اللي بتحبها
قصي: واظن ان انا جاوبتك وقولتلك اني فاتح معاها تحقيق دلوقتي
حلا: امم لما تبقى بقى توصل لحاجة ابقى قولي
حلا صبت قهوتها وخرجت من المطبخ وتركت قصي
قصي بابتسامة انتصار: تصدقي عجبتني اللعبة هفضل العب بأعصابك لحد اما احاصرك ونشوف وقتها ايه هيكون مبررك وهتقدري تلاقي اعذار واسباب وتبريرات وتكذبي اكتر من كدة عليا ولا مش هيكون عندك رد فعل
حلا دخلت وقعدت مع العيلة وقعدوا يهزروا ويضحكوا
انجلي: قصي ما تغني حاجة
قصي: لا
مايا وروما باستغراب: هو قصي بيعرف يغني
انجلي ضحكت: اه وصوته حلو جدا بيخليكي في دنيا تانية وبالاخص لو بيغني رومانسي
مايا: زي حلا بالظبط
رقية: لالالا هي حلا ليها مثيل ديه ملكة الدراما والنكد والفقر لو غنيت اغنية حزينة يا ختاااااااي بيبقى يوم مش فايت اتحدى اي حد انه يخرج مش معيط سواء راجل او امرأة
حلا بهدوء: يا بنتي يا حبيبتي ده معروف عني اني ملكة الدراما والفقر والنكد في التمثيل والغنى لاني درساهم واهم حاجة انك تتقمسي الشخصية وتحسي بالبطلة وعلشان الجمهور يطلع فعلا حاسس انه عاش القصة ديه فلازم تضيفي مشاعر والله بقى سواء كانت مشاعر مضحكة مشاعر حب وعشق وجنون او مشاعر فقر ونكد ودراما
مايا: اه وحلا ملهاش حل في الرومانسية
انجلي بصدمة واستغراب: بتهزري بجد يا حلا
حلا: مايا بتحب تِأفور فكك منها
روما باعتراض: لالالالا ديه حقيقة عن حلا بجد يخرب ام الرومانسية بتاعتها
حلا ضحكت: ناقص تقومي تطلبي ايدي انتي وهي
رقية: والله لو مكنتيش بنت وكنتي راجل لكنت اتجوزتك وخطفتك بتتكلمي ازاي
فارس بمرح: لاا خليكي معايا انا واتجوزيني انا واخطفيني مش هعترض
رقية وشها احمر وماي وروما وحلا ضحكوا جامد
حلا بضحك: بس يا فارس اتلم وابعد عن فراولتي
رقية كانت قاعدة جنبها فنغزت حلا في دراعها
حلا: الحمد لله انه مش دراعي المصاب بس راعي يا اختنا ان ده دراعي اليسار فنخف شوية
ادم بضحك على حلا: اه صح مش دراعك المصاب بس احب اقولك ان اللي قاعد جنب دراعك المصاب اسخن فاحذري كانت مايا هي اللي قاعدة جنبها حلا قامت بسرعة وقعدت جنب ادم واريان ما بينهم
حلا باسته من خده: ولا تزعل يا دومة هقعد جنبك وانت واريان
اريان بزعل: يعني بتدلعي ادم وبتقوليله مليون اسم دلع وبتدلعي جاسر وبتقوليله اسم دلع إشمعنا اسم امي انا اللي مش بيدلع
الكل ضحك حلا عانقته وباسته من خده: ولا تزعل يا اريونتي ولا تزعل ده انت الاساس والباقي كله ببلاش
ادم بغيظ: قصدك ايه يا حبيبتي
حلا: لا ابدا مش قصدي حاجة يا حبيبي
روما ضحكت: حلا شكلك حلو وانتي خايفة
اريان: مين ديه اللي بتخاف ديه تخوف امة بحالها
حلا: طب كويس انكوا عارفين فحاسب بقى بدل ما تكون من ضمن الامة اللي هتخاف مني
ادم: سيبكوا من الهري ده كله وغني يا قصي
قصي بغيظ: ما قولنا لا
انجلي: علشان خاطري يا بصي بليييز حلا ما تقوليله حاجة
حلا باستغراب: وانا مالي هو مش عايز يغني بتجبريه ليه
ادم لحلا بخبث: ما بلاش انتي
حلا بلعت ريقها بصعوبة: قصدك ايه
ادم واريان ضحكوا اريان: لالا مش قصده حاجة
حلا نغزتهم بدراعها بس دراعها المصاب وجعها
ادم: احسن علشان تعرفي اللي بيجي عليا مبيكسبش
حلا بتحسر: اه اه انت هتقولي يا عيني عليا ده انا اللي كله وكل العالم جاي عليها تفتكر يعني تعمل ايه اديني اقتراح المفروض بقى اني اموت نفسي
الكل: بعد الشر عليكي
قصي بغضب وغيظ: ممكن بلاش السيرة ديه تاني ويستحسن انك متجيبهاش على بوقك تاني
حلا بصتله وشافت في عيونه نظرة حب وخوف وعتاب
حلا وهي سرحان في عنيه: حاضر
سمير: يلا يا عم الحاج انجز وغني
لوئي: انا وحشني صوتك اوي
ادم باستغراب: ليه هو من إمتى مغناش
قصي وهو يبص لحلا: من عشر سنين بس كنت بغني وانا قاعد لوحدي اغاني فراق وحزن يعني في اوقات كنت ببقى قاعد مخنوق فبغني وافتكر ذكريات من الماضي وعلى الاغلب كنت بتذكر البنت اللي حبيتها
حلا هنا شرقت وهي بتشرب القهوة وفضلت تكح ادم واريان قاعدوا يخبطوا على ضهرها وشها احمر ومكنتش قادرة تاخد نفسها فادم ضربها جامد على ضهرها
حلا بتألم: ااااااه يا ادم
ادم بغيظ: طب اعملك ايه ما انتي هتموتي
حلا وهي بتتنفس بصعوبة وبغيظ وغضب: ده انت كدة هتموتني لان ايدك تقيلة والضربة سمعت في ضهري كله وقلبي وجعني ايه الافترى ده في حد يضرب حد بالقوة ديه يخرب جبروتك يا اخي
فارس ضحك: ما بلاش انتي تتكلني عن الجبروت لان جبروتك ابشع واسوأ من جبروته
حلا بغيظ: ممكن تخرس خالص وتحط لسانك اللي بينقط سم ده جوة بوقك
اريان بخوف: انتي كويسة يا خلا طب اتصل بشاهر
حلا: انا كويسة يا اريان متقلقش بس شرئت وانا بشرب القهوة مفيهاش حاجة
ادم انخفض على ودنها: قلبك واجعك ولا حاجة لو واجعك قوليلي اتصل بشاهر او اطلع اجبلك الادوية
حلا ابتسمت: واجعني شوية بس متقلقش هبقى كويسة كمان شوية بس ضربتك كانت بتوجع اوي
ادم باس راسها وبابتسامة عذباء: انا اسف يا ستي حقك عليا وبعدين مكنتش اعرف ان قلبك رهيف كدة وبيوجعك من اقل حاجة
حلا ابتسمت وساندي بغيظ: ما انتي كويسة اهو كان لازمة ايه الشويتين دول اللي عملتيهم
قصي اتغاظ من كلام ساندي
قصي بغيظ: اظن انتي مكنتيش مكانها يا ساندي يعني متعرفيش اذا كان حقيقي ولا تمثيل بس احب اطمنك ان حلا مش من البنات اللي بتحب تمثل او اللي بتبقى خبيثة وغامضة مش زي ناس يا عالم ايه اللي جواهم
حلا مكنتش قادرة تتكلم لان قلبها كان وجعها فعلا والوجع كان بيزيد لدرجة ان حلا غمضت عنيها بألم وقصي لاحظ ده وحس انها فعلا موجوعة كان هيتكلم بس لقاها بتنخفض على اخوها ادم
حلا بتعب: ادم عديني عايزة اطلع اخد الدوا لاني مش قادرة
ادم قام وقف ومسكها وطلعها على اوضتها
روما لاريان بخوف: هي حلا كويسة
اريان بتوتر: اه اه كويسة متقلقيش
مايا فهمت ان حلا قلبها تعبها
وعلشان اريان يخفي توتره
اريان: ما تغني حاجة يا قصي بدل الملل اللي إحنا فيه
انجلي: حلا فيها ايه يا اريان وبتحاول تخبي ايه
مايا: مفيش يا انجلي بس هي طلعت.ِ......علشان تغير على الجرح بس
قصي بقلق: طب ما نتصل بشاهر يجي يطمنا عليها
اريان فهم ان قصي عرف فابتسمله بإطمئنان: متقلقش هي هتاخد المسكن وهتبقى كويسة
فاطمة بتذكر: بس لحظة حلا مفطرتش عدل ومتغدتش
انجلي: اه صح انا هقوم احضرلها حاجة تاكلها
ادم: طب خلاص روما مايا رقية قوموا ساعدوا انجلي في تحضير الغدا او العشا للكل لان مفيش حد اكل اساسا
مايا لادم: بس حلا مش هتاكل
انجلي باستغراب: وانتي ايش فهمك ولا عرفك
مايا: يا بنتي ديه حلا وانا عارفاها كويس مبتاكلش عدل نادر لما تاكل وانا عارفة انها هترفض لانها شربت القهوة
روما: اللمة بتأكل هتاكل بس يلا خلونا نحضر الاكل
البنات قاموا يحضروا الغدا
____________________________________________
بغرفة حلا بالاعلى ادم ساعد حا انها تقعد على السرير وجابلها الدوا وكوباية ماية وساعدها في اخده
ادم قعد جنبها: بقيتي احسن ولا اتصل بشاهر
حلا بتعب: شوية بس وهبقى كويسة مفيش داعي انك تتصل بشاهر انزل انت اقعد معاهم وانا شوية وهاجي علشان محدش يقلق
ادم: لا انا هفضل معاكي لحد اما احس انك كويسة وتمام وننزل سوى لتحت
حلا كانت هتتكلم بس مقدرتش فسكتت
____________________________________________
في الاسفل شاهر دخل عليهم
شاهر: عاملين ايه
الكل: الحمد لله
قصي شد شاهر واخده على جنب واريان راح معاهم
قصي بقلق وخوف: اطلع اكشف على حلا فوق في اوضتها وطمنا
شاهر باستغراب: ليه ايه اللي حصل تااني
اريان: حلا شرئت وبعدين قلبها تعبها وادم طلعها فوق
شاهر طب تعالى معايا اما نشوف فيها ايه
طلعوا ودخلوا بس قصي فضل واقف برة بس اريان شدوا دخلوه شاهر فحصها
شاهر بغيظ: اممم انتي مفطرتيش عدل ويا ترى بقى شاربة قهوة اد ايه
حلا بتعب: حوالي 6 او 7 مجات ليه
شاهر بغيظ: ليه لان بصراحة يا هانم ضغطك نازل ولو فضلتي كدة هتتحجزي في المستشفى علشان تبقي متسمعيش كلامي حلو
حلا بضجر: اوووف بقى انت مبتعملش حاجة في حياتك غير انك تحجزني في المستشفى
شاهر بغضب: يبقى لازم تاكلي دلوقتي
حلا: لا انا مش جعانة ومش قادرة وبعدين لسة شاربة مج قهوة
شاهر لادم: اختك ديه عايزة دماغها يولع فيها علشان مبتسمعش كلامي
قصي بمرح: وهو انت من إمتى حد بيسمع كلامك
اريان بمرح ايضا: انت محدش بيعملك حساب
ادم بمرح: اوبا شكلك بقى زبالة اوي يا شاهر
شاهر بغيظ لحلا: عجبك كدة يا ست هانم
ادم حضن حلا: ديه ست الهوانم كلهم
حلا بوجع: ااااااه
قصي انفزع من صوتها ركض عليها ومسك وشها وملس على شعرها
قصي بخوف وقلق: حلا انتي كويسة مالك شاهر خلينا ناخدها على المستشفى
شاهر: هي لو كلت هتبقى كويسة
ادم: يلا ننزل علشان تاكلي واحنا كمان ناكل
ادم وقف وكان بيتكلم مع اريان وحلا حاولت تقف بس ترنحت وكانت هتقع بس قصي مسكها من خصرها
قصي بخوف: حلا انتي كويسة
حلا هزت راسها بالنفي: مش حاسة بجسمي وحاسة بدوخة جامدة ااااه يا راسي
قصي قاعدها على السرير وحط مخدة ورا ظهرها وادم رفع رجليها على السرير وغطاها
اريان: طب انا هنزل اجيب اكل لحلا من تحت
اريان نزل يجبلها اكل من تحت بس انجلي قالتله ان هي هتطلعه وطلبت منه انه يروح يقعد ياكل وهي هتأكل حلا وفعلا انجلي اخذت الاكل لغرفة حلا وشاهر نزل علشا ساندي والباقي محدش يشك في حاجة او يقلقه وبالاخص ان ساندي متعرفش ان حلا معاها القلب
انجلي دخلت غرفة حلا
انجلي بابتسامة: يلا يا حلول علشان تاكلي
حلا بتعب: قولت مش عايزة اكل خلاص سيبوني انام وهبقى كويسة
انجلي: وحياتي عندك كلي علشان خاطري
حلا بتعب وضجر: قولت مش عايزة اكل خلاص سيبوني انام
قصي بص لانجلي بمعنى قومي وقصي قعد مكان انجلي ومسك المعلقة ومد ايده لحلا
حلا بانزعاج: انا قولت مش عاي...........
قاطعها قصي بحب وحنان: حتى لو قولتلك علشان خاطري طب على الاقل متكسفيش ايدي
حلا لم تستطع الرفض فاضطرت انها تاكل ادم وانجلي ابتسموا لانهم يعلمون انها تستطيع ان ترفض اي طلب من اي حد الا قصي حتى لو التمن حياتها مستعدة تضحي بيها علشانه قصي فضل يأكل حلا لحد اما اكلت نص الطبق
حلا: كفاية كدة مش قادرة اكل اكتر من كدة
قصي: طب ديه بس
حلا: مش قادرة والله
انجلي وادم في نفس الوقت: طب وحياة قصي لتاكلي ديه
حلا بصتلهم بغضب: طب ليه الحِلفان ده
قصي بابتسامة: امم شكلي مليش عندك معزة
وكان هينزل ايده بس حلا مسكت ايده واكلت قصي فرح
حلا: انتوا قولتوا ديه اخر واحدة وانا بجد وحياة قصي حاسة اني هطرش خلاص
قصي ابتسم: طيب خلاص نامي وارتاحي
ادم: إحنا هنبات معاكوا
انجلي: انا هفضل جنب حلا
قصي: تمام وانا هنام في اوضتك هي فين
انجلي بابتسامة: الاوضة اللي جنب اوضة حلا
حلا: والهدوم حلا كانت هتقوم قصي مسكها من دراعها
قصي: رايحة فين بس
حلا: هجبلوكوا هدوم تغيروا قبل اما تناموا
قصي: ممكن ترتاحي احنا عادي ممكن ننام بالعدوم اللي علينا عادي
حلا: انت عارف اكتر مني يعني اولا انت اساسا مش بطيق تنام بالتيشيرت بتاعك لانه بيخنقك ده غير انك بتحس ان الجو حر في عز التلج والبرد وادم واريان مبيحبوش يناموا بهدوم خروج حتى لو جايين تعبانين وجسمهم وجعهم بيغيروا قبل اما يناموا
قصي باستغراب: انتي ازاي عرفتي اني مبنمش بتشيرت محدش يعرف الموضوع ده غير ستي وانجلي
حلا بتوتر: هاا عرفته من تاتا فاطمة يعني هكون عرفته منين
ادم: عموما يعني احنا هنقدر نتصرف
حلا: بس.........
انجلي: خلاص يا حلا هروح انا والبنات نجبلهم لبس من البيت التاني وروما ورقية ومايا اظن انهم هيناموا في اوضة واحدة
حلا: طيب
انجلي وادم كانوا هيخروجوا ويسيبوا حلا وقصي شوية لوحدهم
حلا: انجلي. انجلي بصتلها: قلبي
حلا ابتسمت: ابعتيلي روما عايزاها في موضوع
انجلي: حاضر يا قلبي
انجلي وادم نزلوا والبنات راحوا يجيبوا هدوم وانجلي قالت لروما تطلع لحلا علان هي عايزاها
في غرفة حلا تليفونها رن فردت عليه
حلا بتعب: الو
امان: عاملة ايه يا حلا
حلا بتعب: الحمد لله بس لو جايبلي مصيبة او مشكلة او ناوي تجلطني تقفل دلوقتي لاني تعبانة وعايزة انام
امان: لا جايبلك معلومات بخصوص مهمة قصي
حلا: ايه خيير
امان:........................................
حلا: طيب تمام
امان: انتي هتيجي المركز بكرة ولا
حلا: معرفش لو قدرت هاجي
امان: تمام سلام
حلا قفلت معاه وهنا روما دخلت
روما: حبيبتي انتي كويسة
قصي وقف علشان روما تقعد وقف وسند على الحيطة وكان ينظر لحلا
حلا باطمئنان: اه يا روحي انا كويسة
روما: خير يا حلا انجلي قالتلي انك عايزاني ضروري
حلا: اه كنت عايزاكي تحكيلي كل حاجة بالتفصيل حصلت معاكي انهاردة يعني من اول ما خرجتي من البيت لحد اما انا جيت وفكيتك
روما: انا طلعت من البيت على الكلية ركنت عربيتي وكنت لسة هدخل الباب في حد جيه من ورايا وخدرني بعدين محستش على حاجة ولما فوقت كنت مربوطة ومتكتفة ورابطين عيني فمكنتش شايفة حاجة بس..
حلا باستغراب وخوف: بس ايه
روما بدموع: سمعت اتنين كانوا بيتكلموا و
فلاش باك
وروما كانت مربوطة لما صحيت سمعت اتنين بيتكلموا
رجل1: البنت جميلة اوي يخربيت كدة
رجل2: اه والله ولا جسمها ولا شعرها تخيل بقى لو كانت لابسة جيبة قصيرة او فستان قصير كانت هتبقى مزة اوي
رجل1: قصدك تتاكل
رجل2: ما تيجي يا عم نغتصبها وهي مخدرة كدة
رجل1: والله لو مكنتش التعليمات كنا عملنا كدة بس هنعمل ايه التعليمات ان احنا منمسهاش بس لو حصل في الامور حاجة وقتها نقتلها
رجل2: يا خسارة مش هنطول القمر
عودة من الفلاش باك
روما ببكاء هو ده اللي حصل ووقتها انتي دخلتي وضربتيهم وفكيتيني
روما جسمها كان بينتفض
حلا شدتها من دراعها وعانقتها جامد وروما لفت ايديها حول خصر حلا وعانقتها بقوة
حلا فرت من عينيها دمعة ولكن سرعان ما مسحتها
حلا وهي تملس على شعر روما وظهرها بحنان وحب: حبيبتي خلاص اهدي هشششش انا معاكي وجنبك وطول ما انا عايشة محدش هيمس شعرة منك ها بس عايزاكي تكوني قوية ومتماسكة ها ومتخافيش من حد ولا حاجة
روما بخوف: حلا انتي متعرفيش الشعور ده قد ايه يرعب ويجرح ويوجع وحطت ايديها على وشها وقعدت تبكي
حلا بوجع: ومين قالك انا اكتر واحدة تعرف الشعور ده كويس اوي واكتر واحدة تحس بيكي
روما باستغراب: قصدك ايه انتي مريتي بده قبل كدة
حلا: سيبك مني بس عايزاكي تعملي حاجة تتفقي مع اخواتك تروحي معاهم الصبح يوصلوكي الكلية او انا ابقى اخدك قبل اما اروح لشغلي بس مش هعرف اجيبك فحد من اخواتك او فارس او حتى عمي محمد يجبوكي وممنوع خروج من غير ما اعرف او لوحدك سامعة يا روما لحد بس اما اخلص مهمة قصي وبعدين هقعد معاكي اضربك على فنون قتال وازاي تدافعي عن نفسك وازاي تستخدمي السلاح وهبقى اساعدك في المذاكرة تمام
روما بفرح: بجد يا حلا
حلا بابتسامة: بجد يا روح حلا بس عايزة ثقة في نفس وجبروت وقوة ومفيش خوف مفهوم
روما عانقتها: ربنا يخليكي ليا يا احسن اخت في الدنيا
حلا بادلتها الحضن: ويخليكي ليا يا عمري
روما بقلق: حلا ممكن اطلب منك طلب
حلا: الجميل يؤمر وانا انفذ عايزة ايه
روما: ممكن انام جنبك انهاردة
حلا باستغراب: مش انتي ومايا ورقية هتناموا مع بعض في اوضة
روما: اه بس انا عايزة انام جنبك
حلا: لا
روما بصوت مخنوق: يا حلا نفسي انام جنبك مرة يعني انا كنت غايبة عنك عشر سنين نفسي انام جنبك
حلا بإصرار: وانا قولت لا
روما ببكاء: يعني موحشتكيش ولا بتحبيني
حلا مسكت وجه روما بين اديدها ونظرت في عيونها: اوعي تقولي كدة انا بحبك اكتر من اي حد حتى اكتر من نفسي
روما: طيب ليه مش عايزاني انام جنبك
حلا: لاني بشوف كوابيس بليل واخاف اني اتحرك كدة ولا كدة ائذيكي او افزعك من نومك
روما: لا متخافيش
حلا بإصرار: وانا قولت لا
روما: علشان خاطري يا حلا ورحمة بابا لا تنيميني جنبك
حلا بانزعاج: هوووف طيب ماشي
روما نطت وبفرح وصقفت: هيييييييه
حلا بصتلها: بحس اني بتعامل مع اطفال انتي ومايا ربنا يهديكوا انتوا الاتنين انا اشك انكوا حتى لو ارتبطوا او اتجوزتوا هتعقلوا
روما رفعت احد حاجبيها وبغيظ: ده على اساس انك في حياتك ما تصرفتيش تصرف طفولي لما تفرحي
حلا ضحكت جامد: لما افرح مرة واحدة احب اقولك ان من ساعة اما اهلك ماتوا وانتي بعدتي عني انا مشوفتش فرح مشوفتش غير المرار والعذاب يا بنتي ديه مايا كانت بتعافر علشان تخليني ابتسم بس ده انا والله مش فاكرة اخر مرة ضحكت او ابتسمت فيها من قلبي كانت امتى يا شيخة روحي
روما: طب انا هنزل اقعد معاهم شوية واجيلك
حلا وهي تنام: وانا هنام
روما خرجت وحلا نامت وقصي كان جنبها وفضل جنبها لحد اما انجلي وروما دخلوا وهو خرج ينام في غرفة انجلي مع انه كان يتمنى يفضل جنبها بس كان في سؤال محيره ماذا كانت تقصد حلا عندما قالت لمايا انها اكثر واحدة تحس بيها وعارفة الشعور ده كويس؟!
____________________________________________
تاني يوم ابطالنا صحيوا لكي يبدأوا يوم مليئ بالاحداث والمشاكل استيقظوا ابطالنا وغيروا هدومهم ونزلوا يفطروا وحلا كانت معاهم على الفطور
فاطمة: عاملة ايه دلوقتي يا حلا
حلا: الحمد لله احسن
ادم: ناوية تعملي ايه انهاردة
حلا: مفيش كالعادة هروح الشركة واخر النهار هروح المركز
قصي: انهاردة انتي اجازة من الشركة لاننا هنروح على المستشفى الاول نعمل إشاعة على مخك
حلا باستغراب: مين اللي هيروح
قصي: انا وانتي ومفيش اعتراض لانه لو مكنش برضاكي هيبقى غصب عنك
حلا بتذمر: امم وازاي بقى يا استاذ اساسا محدش يقدر يجبرني على حاجة انا مش عايزاها ومش هروح على المستشفى
قصي: بسيطة هشيلك واخدك على المستشفى يعني لو مش بالرضى والحنية يجي بالقوة ولا انت ايه رأيك يا ادم
ادم: معاك حق يا قصي
حلا بغضب: انت اخويا ولا اخوه
ادم: لو كنت هقرر هبقى اخوه طبعا
قصي: حبيبي يا ادم
حلا بغضب: على فكرة انا برضه اعرف اتصرف بقوة
قصي: بجد متقدريش تعملي حاجة
كلهم خلصوا اكل وجلسوا بالصالون قصي سلم على سته وباس راسها وخدها وايديها وسلم عليها
فاطمة: حلا انا ناوية ابات هنا معاكي
حلا بابتسامة: ده انتي تنوري يا طمطم
فاطمة ضحكت: خلاص بقى انا هستقر هنا
قصي: يلا يا حلا
حلا باستغراب: يلا فين
قصي: على المستشفى هيكون على فين يعني
حلا: وانا قولت لا عندي شغل كتير
قصي بغضب: امشي قدامي وبلاش عند ومتخلينيش اتصرف معاكي تصرف تاني
حلا بغضب: نفسي افهم انت فاكر نفسك ايه
قصي رفع احد حاجبيه: بقى كدة يعني ده اخر كلام عندك
حلا: اه
قصي: طيب مع احترامي ليكوا يا اريان وادم وجاسر بس لازم اعمل كدة معنديش خيار تاني
قصي بحركة سريعة منه حمل حلا بين ايديه حلا اتصدمت من تصرفه
حلا فضلت تضرب فيه وتزوقه
حلا بغضب: قصي نزلني انت ازاي تتجرأ تلمسني بالطريقة ديه وفضلت تضرب فيه قصي كان خرج بيها من البيت
قصي ضغط على خصر حلا يقربها منه لدرجة ان اصبحت المسافة بينهم شبه منعدمة ويشعرون بانفاس بعض وحلا اغمضت عينيها من اثر لمسته ليها وفتحت عينيها عندما تحدث ووقتها كانت تقابل عينيه وسرحت بهم
قصي: لو مسكتيش هسكتك بطريقة تانية تخليكي تفضلي خارسة طول اليوم لحد اما تستوعبي انا عملت ايه ها
مشي قصيوهو حملها وهي كانت سرحانة فيه ودخلها العربية وركب وانطلقوا للمستشفى وعملوا الاشاعات وبعدين وصلها على المركز
قصي: هبعتلك السواق بسيارة علشان وانتي راجعة
حلا هزت راسها بالموافقة
حلا دخلت المركز وباشرت بعملها
وعلى الساعة 5 المغرب جيه تليفون لحلا برقم مجهول
حلا: الو مين معايا
المتصل: انتي ناويةتحمي رجل الاعمال قصي لنشوف ازاي هتقدري تنقذيه من الموت دلوقتي
حلا بغضب: مين انت وعملت ايه
المتصل ضحك: هسيبك تكتشفي انا مين اما بخصوص انا عملت ايه حركة بسيطة قطعت فرامل سيارته لقصي يعني مفيش امل انه يعيش او يتنفس مرة تانية وهو دلوقتي ركبها ومتجه لبيته بتمنى انه يكون من اهل الجنة وضحك ومن ثم قفل مع حلا
حلا بخوف وتوتر: لاللا اكيد بيحاولوا يخوفوني قصي مش هيحصله حاجة اهدي يا حلا قصي هيبقى كويس
حلا اخدت تليفونها واتصلت بقصي وخرجت من المركز شافت السواق اعطاها مفاتيح السيارة وهي انطلقت بسرعة جنونية
قصي رد عليها
حلا بخوف وقلق: قصي انت فين
قصي ابتسم: ليه وحشتك
حلا بغضب: قصي مش وقتك وانجز وقولي انت فين
قصي باستغراب: انا لسة متحرك من قدام الشركة مبقاليش 5 دقايق ليه
حلا: سرعتك قد ايه
قصي: 70 كيلومتر في الثانية
حلا: اضغط على الفراميل شوفها شغالة ولا
قصي باستغراب: ليه في ايه
حلا: في حد اتصل فيا وقالي انه عطل فرامل عربيتك فاضغط عليها وشوفها شغالة ولا
قصي نفذ كلام حلا ولكن الفرامل لم تكن تعمل
حلا: هاا يا قصي
قصي لم يكن يعرف بماذا يجيبها حلا فهمت ان كلامها كان صح
حلا: قصي بليز متقفلش معايا وقولي انت فين بالظبط
قصي: ليه هتعرفي تنقذيني يعني حلا مفيش مفر المكابح مش شغالة والسرعة بتزيد يعني مفيش امل
حلا: ما تقولش كدة وارجوك قولي انت فين على الاقل
قصي بصوت مخنوق: في الشارع اللي شبه مقطوع اللي هو على يمينه ويساره شجر وصحرا
حلا: تمام خلي التليفون مفتوح ومتقفلش معايا يا قصي
حلا سرعت سرعتها ل120 كيلو متر في الثانية لحد اما بقيت خلف قصي وقريبة منه
حلا: قصي انا وراك هنحاول نعمل اي حاجة علشان نوقف السيارة
قصي: انتي مجنونة نوقف ايه انتي ممكن تموتي معايا انتي بتهزري يا حلا
حلا: مش مهم واظن ده شئ ميخصكش بس اعمل زي اما بقولك
فجأة جاءت شاحنة بسرعة كبيرة كانت هتصطدم بسيارة قصي وقصي لم يستطع التصرف حلا حركت سيارتها بسرعة الا ان اصبحت بجانب قصي ومن ثم ضربت سيارة قصي بقوة بسيارتها لكي ينحرف مسار السيارة بعيدا عن مسار الشاحنة فسيارة قصي اصطدمت في شجرة وحلا سيارتها اصطدمت بالشاحنة ولكن من الخلف فحلا ارتدت للامام اثر الاصطدام ودماغها اتخبطت واتفتحت وكانت الرؤية غير واضحة اوي نزلت من سيارتها وركضت اتجاه سيارة قصي الذي اتخبطت دماغه في عجلة التحكم بالسياة وكان الجرح كبير وبينزف وفاقد الوعي حلا بصعوبة قدرت تطلعه من السيارة وعافرت لكي تنقله بسيارتها الى ان نجحت ولكن فجأة دوى طلق نار في المكان.................
____________________________________________
يا ترى ماذا سيحدث؟!
