فجأة دوى ضرب نار في المكان وعربيات وحلا تصابت في رجليها ولم تعلم كيف تستطيع ان تركب السيارة اخذت سلاحها وكانت بتضرب اي حد تلاقبه في وشها لحد اما استطاعت ان تركب السيارة وانطلقت بسرعة فائقة وكانوا من افراد عصابة وكانوا قافلين الطريق على حلا بعربيتهم حلا قادت بسرعة فائقة واضطرت انها تصطدم في السيارات لكي تستطيع ان تفتح الطريق لها وعلى الاقل تنقذ قصي بعدت عنهم حاولوا يلحقوها بالعربيات ولكنهم لا يعلمون انها عندما يتعلق الامر بحبيبها فيمكن ان تحرق العالم كله قدرت بمهارة وبراعة ان تضللهم عن طريقها حلا قائدة سيارات سباق بارعة وماهرة حلا بصعوبة قدرت تبعد عنهم ووقفت شوية على جنب تاخد نفسها ونظرت لقصي لقيته بينزف من دماغه كانت رابطة طرحة على رقبتها فكتها وربطتها على دماغه علشان توقف النزيف واخذت قصي على بيت بعيد شوية عن المدينة ولكنها دخلت احد الصيدليات اشترت بعض الادوية وذهبت للبيت الذي يعد احد بيوتها سندت قصي ودخلته للمنزل بصعوبة واراحته على الكنبة وفكت الطرحة اللي كانت ربطاها على جرحه وجابت المطهر والقطن وبدأت تطهر جرحه ولما خلصت اعطته حقنة مسكن واخذته على احد الغرف واراحته على السرير وخلعتت عنه جاكيت بدلته وضعت يدها على كتفه اليسار لانها كانت تريد ان تعدله ولكن احست بشئ بيدها نظرت الى يدها لقيتها غرقانة دم لان عندما سيارة قصي اصطدمت بالشجرة الازاز اتكسر وجرحه في كتفه حلا فكت ازرار قميصه وخلعته وضمدتله الجرح وبعدين خلعت حذائه وغطته كويس ونزلت ضمدت الجرح اللي في ايديها وحضرت مكرونة لقصي علشان ياكل علشان الدوا اللي اخده وغيرت خطها واتصلت بفارس
حلا: الو فارس معاك حلا
فارس باستغراب: انتي غيرتي رقمك تاني
حلا: لا بس فكك من الموضوع ده وركز معايا انا وقصي اتعرضنا لهجوم في حد اتصل بيا وقالي انه عارف اني مع قصي علشان حمايته وقطع فرامل سيارة قصي وكنا هنموت انا وهو وكان في شاحنة هتضربنا بصعوبة قدرت انقذوا من الشاحنة بس في رجالة وسيارت جم وقعدوا يضربوا علينا نار وكانوا ماشيين ورانا بس انا قدرت اهرب منهم بس قصي متصاب في دماغه وانا في رجلي فعايزاك تخلي بالك من العيلة وتنقلهم في بيت محدش يعرف عنه حاجة ولا اي حد وانت مسئول عن حمايتهم لان يظهر كدة ان العصابة عرفت حقيقتي فاحنا هنستعد لان ابواب جهنم هتتفتح علينا
فارس: تمام بس انتوا كويسين ولا ابعتلوكوا شاهر
حلا: لا احنا كويسين ومتقلقش علينا انا هبقى قافلة تليفوني علشان محدش يحاول يتعقبه ولما هعوز اكلمك هكلمك من ارقام غريبة تمام طمن العيلة وانا وقصي بخير بس احنا بعاد شوية عنكم فممكن نيجي بعد اربع اايام تكون الدنيا هديت شوية ماشي
فارس: ماشي انا هكلم جاسر ولوئي وهقولهم ينقلوا الكل على بيت تاني
حلا: تمام بس خلي بالكوا لا يكون في حد مراقبكم
فارس: تمام ماشي
حلا: فارس خلي بالك ونبي من مايا وروما وانجلي
فارس: حاضر يا سلام
حلا: سلام
حلا كانت واقفة بتحضر الاكل وبتحضر عصير وافتكرت انها هتحتاج دوا قلبها فلبست جاكيت بظنط ولبست الظنط علشان محدش يتعرف عليها وخرجت تجيب الدوا ولكن رجليها كانت تؤلمها بشدة
____________________________________________
قصي فاق وقام بصعوبة من على السرير كان حاسس ان جسمه كله بيوجعه
قصي بوجع: اااااه
ونظر لنفسه قصي باستغراب: مين غيرلي القميص ونظر حوله
قصي: انا فين ومين جبني هنا
بعدين افتكر حلا وافتكر الشاحنة قام نط من على السرير
قصي بخوف: تبا اتمنى ميكنش حصلها حاجة المجنونة بنت المجانين ديه قصي طلع بيجري وينده عليها بصوت عالي زي المجنون
قصي بصوت عالي: حلاااااااا
وبدأ يدور عليها زي المجنون ولقى كل الاوض فاضية دخل المطبخ ولم يجدها دور عليها في البيت كله وفكر انه خسرها للابد قصي انهار على الارض وبدأ يبكي
قصي ببكاء وصراااخ: حلاااااااااا لااااااااااااااا
قصي ببكاء وانهيار: يارب بلاش تختبرني يارب رجعهالي يارب انا مقدرش اعيش من غيرها ودخل في حالة بكاء هيستيري
هنا حلا دخلت البيت ووضعت المفاتيح وقلعت الجاكيت كانت ترتدي بنطلون كرينة اسود طوله يوصل لبعد الركبة بشوية وبضي لونه احمر حمالته عريضة وكانت منزلة حمالة دراعها اليسار على كتفها وعاملة شعرها ذيل حصان
دخلت شافت قصي منكمش على نفسه ركضت عليه وملست على شعره
حلا بخوف: قصي قصي انت كويس في ايه
قصي رفع وجه ونظر لها حلا اتفزعت من منظره عينيه كانت حمراء لون الدماء ووشه احمر قصي اما شافها مقدرش يتحكم بأعصابه شدها من دراعها وسحبها لحضنه عانقها بقوة وفك شعرها ودفن وجهه بعنقها وشعرها يستنشق عطرها الذي يعشقه عانقها بقوة كالطفل الذي كان يخاف من ان تتركه امه عانقها بقوة لكي يحد من قلقه وخوفه من ان يخسرها وليطمئن قلبه بانها ما زالت بجانبه حلا اتصدمت من تصرفه وجسمها صارت به قشعريرة لان قصي لم يكن يرتدي شئ في الجزء العلوي فكان عاري الصدر ولكنها حست انه فكر انه خسرها لما صحي وملقهاش في البيت فعانقته بتردد وبدأت تملس على شعره لكي يهدأ ويشعر بالامان
حلا: ممكن تهدى شوية انا اهو كويسة وجنبك اهدى
قصي بعد عنها ولكنه وضع جبينه ملتصق بجبينها وكان يتنفس بصعوبة
قصي بوجع وخوف: انتي عارفة انا حسيت بإيه لما صحيت وملقيتكيش في البيت
حلا مسكت وشه بين ايديها وبعدت عنه ونظرت في عينيه مباشرة
حلا بحب: بس انا عايشة وجنبك اهو وكويسة بس اهم حاجة قولي حاسس بإيه في حاجة وجعاك
قصي اراح رأسه على الحيطة اللي خلفه وجذبها وقربها منه وحاوط خصرها بذراعه المصاب ونظر لحلا
قصي بحب: وتفتكري لو انتي جنبي هحس بوجع
حلا مسحت دموعه وقصي بدأ يقرب منها شوي شوي وكان مركز على شفايفها حلا لم تعلم كيف تتصرف مش عايز تبعد علشان خايفة لو هي بعدت دراعه يوجعه فحطت ايديها على صدره تمنعه وبعدت راسها شوية
حلا بتوتر: قوم علشان تاكل علشان انت مصاب وخسرت دم كتير وعلشان في ادوية كمان هتاخدها
قصي فاق لنفسه واستغفر ربنا في سره وفك ايده من على حلا فحلا بعدت عنه ووقفت ومدت ايديها ليه علشان تساعده لكي يقف
حلا: هات ايدك اساعدك تقوم
قصي بصلها وبص لايديها ومد ايده وحلا ساعدته وساندته لحد اما قعدته على الكنبة
حلا: ثواني هجبلك حاجة تلبسها علشان متبردش
حلا طلعت جابتله تيشيرت بنص كم اسود وساعدته في ارتدائه وذهبت للمطبخ وجابت طبق من مكرونة بالصوص الابيض عليها صدور فراخ وديه اكلة قصي المفضلة قعدت قصاده على الطرابيزة وبدأت تأكله وهو اكل من ايديها ولكن كان يستغل الامر لصالحه فكان يمسك يدها من المعصم عندما تمد يدها له لكي يأكل وكان يلاحظ توترها هذا عندما يلمسها انتهوا من تناول الطعام واعطته المسكن وجابتله كوباية كبيرة من عصير الموز باللبن وعليه عصير فراولة وهو يحب هذا الكوكتيل كثيرا وهيا متجهة له بكوباية العصير انتبه ان في حاجة في رجليها لانها ماشية بتعرُج
قصي باستغراب وهو يأخذ منها الكوباية: مال رجليكي
حلا: مفيش بس اتصبت فيها
قصي باستغراب اكتر: هو انتي ازاي عرفتي ان فرامل عربيتي متعطلة وازاي قدرتي توصليلي بسرعة
حلا بابتسامة: قولتلك على فكرة لما سألتني بس عادي اقولك تاني يا سيدي بص في واحد اتصل بيا من رقم غريب وقالي انا عارف انك في مهمة بتحمي رجل الاعمال قصي وريني دلوقتي ازاي هتقدري تنقذيه بعد اما انا قطعت فرامل عربيته مئظنش ان فيه في ايدك حاجة تعمليها بس وقتها قولت يمكن حد بيعملي فخ او حد متقصد يقلقني عليك فوقتها اخدت تليفوني وخرجت اخدت من اليواق مفاتيح العربية وسوقت وانا بكلمك ووقتها عرفت ان هو فعلا مكنش بيكدب وان ده حقيقي
قصي: انا مش فاكر حاجة غير ان كان في شاحنة هتخبطني وحاسس او فاكر او مش عارف اني سمعت حاجة زي صوت طلق ناري
( يخرب كدة سمعك ايه فل وعشرة😂😂😂)
حلا جواها: يختاااي ده انا كنت ناوية اخبي عنه الموضوع
حلا: هااا اه هو يعني
قصي بصلها اوي: هو يعني ايه بقى ولا هتفضلي كدة كتير احكيلي من اول اما انا شوفت شاحنة في وشي ايه اللي حصل بعديها وإياكي تكدبي عليا علشان هعرف
حلا باستسلام: طيب انا وقتها سرعت عربيتي و..........
حكتله كل حاجة
قصي بغضب وغيظ: وافرضي سيادتك الشاحنة كانت شَليتك وموتي وقتها كنتي هتعملي ايه في حد عاقل يعمل اللي عملتيه
حلا وقفت وبغيظ وغضب: بقى ده كل اللي طلع معاك ده بدل ما تقولي شكرا انا ممنونلك بدل ما تتشكرني على اني انقذتك مع اني كان ممكن اخسر حياتي بتعاتبني وبعدين يا سيدي يعني سواء مت ولا عيشت مش فارقة وبعدين ده شغلي اني احميك وانقذك من اي خطر حتى لو على حساب حياتي وحتى لو هموت فيها دايما بتشوف الكل غلط وانت الصح
قصي وقف قصادها وبغضب: على الاقل مبخبيش مشاعري ومبظهرش اللي جوايا
حلا بغضب وعقدت ذراعها امام صدرها: امم قولتلي طب انا على الاقل بخبي اللي جوايا على عكسك انت مش بَبين عكس اللي جوايا وبتودد لشخص تاني علشان اغيظ شخص
قصي بغضب: يعني كنتي عارفة اني بتودد لساندي علشان اغيظك ده معناه انك فعلا اتغظتي
حلا بغضب وتوتر: واتغاظ ليه كنت تقربلي ولا كنت حبيبي
قصي بابتسامة: اه حبيبك
حلا بصدمة ولكن حاولت ان تخفيها بسرعة
حلا بسخرية: لا واثق اوي من نفسك
قصي رفع احد حاجبيه: اصلها معروفة عني ان كل البنات هتموت عليا وواقعين في حبي مجتش عليكي
حلا ضحكت: لالالا انت فهمت غلط مش انا اللي قلبها يتخطف بسرعة ومش انا اللي تقدر تكسب ثقتها علشان قلبها لانك علشان تخليني اثق فيك هتعافر ومش بعيد تموت وانت بتحاول تخليني اثق فيك فما بالك بقى علشان تخليني احبك
قصي: لا واثقة اوي من نفسك لالالا عجباني ثقتك في نفسك
حلا بغرور: ليه فكرني بتهز من حاجة ولا ايه
حلا فتحت التلفيزيون وقعدوا يقلبوا فيه
قصي: خلينا نتفرج على رعب
حلا بإنزعاج: لا رعب ايه يا شيخ
قصي: ليه بتخافي متخافيش انا معاكي مش هيحصل حاجة
حلا: لا مبخافش بس عادي بس بلاها رعب
قصي: ااااه خايفة بس بتحاولي متبينيش
حلا بغيظ: لا قولتلك مش خايفة
قصي باستفزاز: يبقى نجيب فيلم رعب
حلا جابت فيلم اجنبي بس كان مرعب اوي
حلا: الفيلم الرعب اللي سيادتك عايزه
قعدوا يتفرجوا على الفيلم وبعد عشر دقايق النور قطع
قصي: اوبا ده وقته كان في حتة جميلة
حلا ولعت كشاف الموبايل بتاعها
قصي بصلها: ايه خايفة من الضلمة
حلا زفرت وبصتله بغيظ: انت ايه علاقتك مع الخوف يعني لازم اي تصرف اعمله يدل على اني خايفة لا مش خايفة بس هقوم اجيب شمع بدل ما نقعد نلوش ونقعد في الضلمة
قصي بخبث: ليه ده الجو حتى رومانسي وحلو وبعدين الجو حلو والدنيا ضلمة كدة
حلا هزت راسها: طيب انا هدخل اشتغل شوية على اللاب توب وانت خليك في الجو الشاعري الرومانسي بتاعك
قصي مسك ايديها: طب ما تقعدي معايا
حلا: انا عندي شغل انت طبيعي انك تكون مرتاح سيادتك احنا لسة هاربين من الموت بصعوبة وانت عمال تقولي الجو شاعري ورومانسي بس انا مهمتي احميك يعني على الاكيد مش هلاقي الجو شاعري ورومانسي وهقعد معاك في ورايا مسؤليات وشغل وبعدين مش انت مش بتخاف من الضلمة ولا لتكون بتخاف وبتقولي الجو شاعري وعايزني اقعد معاك علشان متبينش ده
قصي ترك ايديها: لا على فكرة مش خايف هخاف من ايه
حلا اعطته ظهرها: تمام انا هدخل اشتغل
قصي: يعني هقعد لوحدي اعمل ايه ما بين اربع حيطان هكلم نفسي مثلا
حلا بنفاذ صبر واستسلام: هروح اجيب اللاب توب واجي اي اوامر تانية او اي طلب تاني عايزني انفذهولك
قصي هز راسه بالنفي: طالما انتي جانبي مش عايز حاجة تانية
حلا ذهبت جابت اللاب توب وقعدت تشتغل وقصي ظل ينظر لها طول فترة شغلها الى ان ذهب في سبات عميق حلا لم تأخذ بالها من قصي وانه نام وفجأة حسيت ان في حاجة تقيلة على كتفها فبتبص لاقت راس قصي على كتفها ورايح في سابع نومة كانت عايزة تعدله بس كانت خايفة توجعه فيصحى
حلا: خليه نايم بدل ما يسمعني كلمتين احسن
فسابته نايم بس رفعت راسه وعدلتها وكملت شغلها لحد اما نامت على الساعة حوالي 12:30
قصي فاق على الساعة 10 الصبح وكان بيرفع نفسه بس دراعه وجعه رفع وشه شاف حلا نايمة وشعرها على وشها وعلى رجليها اللاب توب قصي قفل اللاب وشاله حطه على الطرابيزة ونظر لحلا وشال شعرها من على عنيها براحة وظل ينظر لها حلا الضوء ازعجها ففتحت عينيها ببطء الى ان اعتادت عليه ولما فتحت عينيها اتصدمت عندما رأت قصي بجوارها وينظر لها فاعتدلت بسرعة
حلا باستغراب وصدمة: انت بتعمل ايه هنا
قصي رفع احد حاجبيه وباستغراب: ده على اساس انه معاكي زهَيمر مثلا ولا ده فقدان ذاكرة مؤقت يعني ولا ايه
حلا باستغراب وغيظ ايضا: بس انا بتكلم جد ومبهزرش بتعمل ايه هنا
قصي: نمت امبارح وانا قاعد جنبك ولسة صاحي من حوالي دقيقتين وصحيت لقيت نفسي نايم على كتفك وانتي نايمة
حلا تذكرت انه كان نايم على كتفها ولكنها استغربت من الجملة الاخيرة اللي قالها
حلا باستغراب ولكنها مصحوبة بصدمة: انا نمت امبارح
قصي باستفزاز: لالا مش انتي امي قامت من قبرها وجت نامت هنا او ممكن يكون شبحك هو اللي نام
حلا باستغراب: هي الساعة كام
قصي بص في اللاب توب وفتحوا قصي باستغراب: الساعة دلوقتي داخلة على 11 الظهر ليه وراكي مشوار ولا ايه
حلا بصدمة: معقولة الفجر اذن وانا مسمعتهوش
قصي: طب ما هو طبيعي لانك كنتي نايمة
حلا بصدمة اكير: بس غريبة اني مصحيتش بليل
قصي باستغراب: الناس كلها تتمنى تقضي حياتها نوم وانتي زعلانة ومضايقة لانك مصحيتيش بليل اما انتي اساسا نايمة متأخر ده انتي غريبة صح وبعدين انتي ليه كنتي بتسألي عن الوقت وراكي مشوار
حلا بصتله: المفروض والطبيعي انه ورايا
قصي باستغراب: قصدك ايه
حلا: يعني لو مكنش اللي حصل امبارح كان هيبقى ورايا شغل في المركز
قصي: طب ما تروحي وتشوفي شغلك وانا هروح على الشركة
حلا: لأ لا انا ولا انت هنروح لمكان هنفضل هنا حوالي يومين
قصي بغيظ: ده ليه ان شاء الله طب انتي شغلك ممكن فارس او اخوكي جاسر يشيله شغلي انا مين هيشيله ان شاء الله
حلا: في سمير وفهد وكمال وحازم يعني عندك مليون شخص ده بالاضافة لادم واريان وآسيا وجميلة واسماء ومريم ايه بقى الحجة اللي عندك وعلى فكرة مش حبا فيك هنفضل هنا ده غصب عننا لان سيادتك مستهدف حاليا في حد عايز يقتلك فده لا بمزاجك ولا بمزاجي
قصي: طب ما تروحي انتي على شغلك وانا هفضل هنا
حلا ابتسمت: لا يا سيدي مش هينفع اسيبك لوحدك وبعدين ممكن حد يراقبني وانا مقدرش اخاطر مخاطرة زي ديه علشان الشغل شغلي سيادة اللوا محمد زمانه عرف اللي حصل لاني قولت لفارس وقولتله يعمل ايه ويقول لعيلتك انك كويس ويطمنه وهخليك تكلمهم فيديو صوت وصورة علشان يطمنوا عليك بس شوية كدة وهقول للوئي على شوية شغل يعني متشلش هم حاجة
قصي ابتسم: ده انتي مظبطة كل حاجة
حلا ضحكت: لا لو كنت اعرف من قبل انه هيحصل معاك كدة مكنتش هسمح بانه يحصل وكان زمانك دلوقتي في بيتك ومرتاح بس يا سيدي اهي جت سليمة الحمد لله بس هتضطر تتحمل الفترة ديه واللي جاية وبعدين هترتاح ان شاء الله ومش هتشوف وشي تاني ولا هيبقى قيه مشاكل ولا حوادث
قصي بحزن: حلا عارفة
حلا: ايه
قصي: انا مستعد انعزل عن العالم كله الا عن شخص واحد عارفة مين هو الشخص ده
حلا ابتسمت: يا إما تيتا فاطمة او انجلي مين فيهم
قصي هز راسه بالنفي: لأ انتي
حلا اختفت من على وشها الابتسامة وبلعت ريقها بصعوبة وبصدمة واستغراب: انا
قصي ابتسم بوجع وحزن: اه انتي ليه مستغربة ليه متشبهيش ولا متشبهيش
حلا ابتسمت بوجع ايضا ووقفت: لا يا قصي مشبهش لان انا وانت مفيش مستقبل لينا ولو فيه مش هيطول لان في اعداء هيهدموه عموما اطلع خد شاور وغير هدومك على ما اجهز الفطار علشان تفطر وتاخد علاجك والمسكن
قصي بحزن: بتعرفي تتهربي من الموضوع كويس اوي
وسابها وطلع وهي بصتله بحزن وحدثت نفسها وهي تنظر له حلا بحزن: انا اسفة بس غصب عني يا قصي مقدرش اخاطر بيك ولا هقدر اتحمل اني اخسرك زي اما خسرت اهلي انا لحد انهاردة بعافر وبحارب الناس اللي كانت السبب في قتلهم وعمر مش سايبني في حالي ولو عليه ينهش في عضمي ولحمي ويشرب دمي ودايما بيحاول يستخدم نقطة ضعفي وبيهددني بيكوا سواء ان كنت انت ولا اخواتي
وقتها دخلت المطبخ جهزت الاكل وحطته على السفرة وطلعت اوضتها اخدت شاور ولبست بنطلون جملي وشميز ابيض وافزت اكمامه وبوط طوله لبعد الكعب بشوية لونه اسود وبكعب طوله متوسط وعملت شعرها ذيل حصان ورفعته وارتدت ساعتها الفضية ووضعت من البرفيوم الهادئ ونزلت وقابلت قصي على الدرج ونزلوا سوى يفطروا وبعد ما فطروا حلا شالت الاكل واعطته الدواء بتاعه( دواء السكر )والمسكن وبعدين اخدت ادويتها والمخدر وعملت لقصي كوب عصير برتقال وعملت ليها قهوة وقعدوا يتفرجوا على التليفزيون بس مكنش فيه شئ حلو او يجذب فحلا حست ان قصي مخنوق وحاسس بملل
حلا: لو تحب في اسطبل ورا البيت لو حابب تركب خيل علشان تكسر الملل والخنقة اللي انت حاسس بيهم
قصي بصلها باستغراب: وانتي عرفتي ازاي اني حاسس بملل
حلا بتوتر: لا عادي لاني شرطية واتعاملت مع ناس كتير فمن نظرة اقدر اعرف الشخص اللي قدامي حاسس بإيه وايه اللي جواه
قصي: امم طب هتيجي معايا ولا هتقعدي
حلا: لا هاجي معاك لاني بقالي فترة مركبتش خيل وده بيخليني حاسة بشعور خانقة غير طبيعية واضرب شوية على الرماية
قصي باستغراب: هو انتي بتعرفي تركبي خيل
حلا ابتسمت: لا بص اتعود انك متستغربش والاهم انك متتصدمش لانك هتكتشف حاجات كتير عني يعني تفتكر واحدة زيي في شرطة ومخابرات تفتكر مش هتعرف تركب خيل بص يا قصي اي حاجة ينفع تتعمل او كل ما يجي على بالك اي حاجة انا بعرف اعملها
قصي بصلها باستغراب وعدم تصديق: اي حاجة اي حاجة
حلا بابتسامة: اي حاجة اي حاجة
قصي: يعني مثلا بتعرفي تحاربي او بمعنى اصح تبارزي بالسيف زي المحاربين بتوع زمان
حلا: اه ومحارية بارعة وماهرة ديه مش ثقة ده اللي عمي وفارس ومرات عمي دايما بيقولهولي
قصي: قيادة سيارات سباق
حلا: اه
قصي باستغراب: بتعرفي ايه في فنون القتال
حلا: كراتيه وكونغ فو وحاجات كتير يعني تقدر تقول كل فنون القتال بأنواعها صيني روسي هندي اوربي اسيوي بعرف اعمله
قصي ضحك: طب بما انه انتي بتعرفي تعملي كل حاجة ايه اللي مبتعرفيش تخبيه
حلا ضحكت: مبعرفش اعمله اني اخبي مشاعري او اظهر عكس اللي جوايا ويوم اما اظهر عكس اللي جوايا ده شئ مش سهل عليا ابدا هو شئ صعب جدا ويمكن بيعذبني لابعد واقصى حد انت ممكن تتخيله بس طالما انا ظهرت عكس اللي جوايا ده معناه اني عملت كدة لسبب قوي يعني معملتش كدة من فراغ
مشيوا واتجهوا للاسطبل وهما في الطريق
قصي: ايه هي الاسباب وايه ممكن اللي تخليكي تظهري عكس اللي جواكي لو قولنا علشان اللي بتحبيهم وايه ممكن اللي تعمليه علشانهم
حلا ابتسمت بوجع: لا حاجات كتير يعني ممكن ابعد عنهم واظهر ده مع اني مش عايزة غير اني افضل معاهم ومش عايزة غير القرب ممكن ابعد عنهم لو حياتهم هتتعرض للخطر بسببي مستعدة اضحي بحياتي علشان الناس اللي بحبهم وبالاخص اخواتي عايز تعرف ايه السبب اللي يخليني ابعد عنهم
قصي: اه
حلا: طب اولا متستغربش من السبب ثانيا هتوعدني انك متقولش لحد
قصي: تمام اوعدك ايه بقى السبب
حلا: الخوف
قصي باستغراب: الخوف عايزة تفهميني انك بتخافي يا حلا يعني حتى عيب في حقك لانك شرطية
حلا بوجع وهو لاحظ ده كويس اوي: لالالا يا قصي مش معنى اني شرطية معناها اني مبحسش او اني قلبي ميت او اني جاحدة او معنديش مشاعر ليكون في علمك اني اكتر بني ادمة ممكن تقابلها في العالم ده كله وفي حياتك بتحس اوي انا ممكن من اقل حاجة اتجرح يمكن اكتر واحدة تحس بوجع وتحس بحد موجوع لاني فاهمة الشعور ده كويس اوي اوي وجربته ومريت فيه انا خايفة من الفراق فراق حد انا بحبه اوي وده سبب قوي يخليني ابعد عن الكل لاني مبتحملش لمجرد التفكير في الموضوع ده بص يا قصي وفاة اهلي يمكن هو السبب في الخوف اللي جوايا ده هتقولي طب ما انا دوقت نفس الفراق ده هقولك لا لانك مشوفتش اعز الناس وهما بيموتوا قدام عيونك وانت مش قادر تتصرف ولا قادر تعمل حاجة ومصدوم كأنك في عالم تاني مش متخيل انك في لحظة لحظة بس وثانية واحدة تكفي علشان تخسر اعز الناس واكتر ناس غاليين على قلبك شعور وحش اوي
قصي: انتي عارفة اني كان نفسي اكون موجود في مكان حادث اهلي كنت عايز اعرف ده حصل ازاي
حلا ضحكت: طب كويس انك مكنتش موجود لانك كنت هتكره حياتك لان المنظر مكنش لطيف خالص
قصي: وانتي ايش عرفك كنتي مع اهلي وهما بيموتوا
حلا بتوتر: لا بس يعني اللي سمعته انهم ماتوا في حادث سيارة وان السيارة انفجرت بيهم وانا اهلي ماتوا بنفس الطريقة يعني وساعتها انا كنت موجودة فعلشان كدة بقولك يعني عن تجربة شخصية بس مش اكتر
قصي قصد انه يسألها السؤال ده علشان يعرف رد فعلها ايه ويخرجها من الحزن ويفرفشها شوية وينسيها الموضوع ده هما هنا وصلوا الاسطبل وكل واحد وقف قدام فرس معين والاتنين كانوا جنب بعض قصي كان واقف قدام فرس ابيض وحلا قدام فرسة لونها اسود
قصي: حلا انتي برضه مجاوبتنيش على سؤالي
حلا باستغراب: ايه هو
قصي بخبث: اسم والدك ايه
حلا بهدوء: واظن اني جاوبتك قبل كدة مئظنش انه يخصك او يهمك او هيفيدك في حاجة لما تعرف اسمه
قصي: واظن اني جاوبتك وقولتلك اني عاوز اعرف مكان البنت اللي بحبها
حلا: تمام وانا مال اهلي وايه اللي دخلهم في الموضوع حلا خرجت الفرسة وركبت عليها
حلا: عايز تعرف مكانها اسأل قلبك عليها وهو هيدلك
قصي ركب الفرس ايضا: ما انا سألته من زمان بس جاوبني جواب غريب وعايز اتأكد منه
حلا باستغراب: ليه مبتثقش بقلبك ولا مبتثقش بالبنت اللي بتحبها
قصي: لا طبعا بثق بالاتنين بس جوابه كان غريب اوي
حلا: ليه جاوبك بإيه
قصي: عايزة تعرفي الجواب يهمك
حلا: لا هو ميهمنيش بس لو عاوز ممكن اساعدك في التأكد
قصي: خلاص خلي الموضوع ده نتكلم فيه بليل وايه رأيك نتسابق
حلا: يلا
وبدأوا يتسابقوا وحلا فازت وبعدين قعدوا على الرمل قصاد البحر وفضلوا ساكتين شوية لحد اما قصي كسر الصمت ده
قصي: حلا ما تكلميني عن حياتك
حلا نظرت له باستغراب: ليه
قصي: هو ايه اللي ليه بقولك كلميني عن حياتك يعني مريتي بايه في حياتك حبيتي ولا لا ايه صعبة
حلا ضحكت: لا مش صعبة وصعبة في نفس الوقت بس استغربت سؤالك
قصي: ازاي بقى صعب ومش صعب في وقت واحد فهميني
حلا: انا حياتي سناريو طووويييل عرييييض يعني عايزين بتاع اسبوع اسبوعين علشان احكيلك
قصي: طب ما تحكي احنا فاضيين ومش ورانا حاجة
حلا بصتله قصي: انا سامعك
حلا تنهدت: بعد حادثة اهلي في نفس اليوم وفي نفس توقيت انفجار السيارة انا عملت حادثة جات عربية بسرعة كبيرة وقتها انا مكنتش في وعيي من اثر الصدمة وبشاعة المنظر مأخدتش بالي ان في عربية هتخبطني وقتها نزفت من راسي كتير بعدين صحيت بعد حوالي 3 شهور من الغيبوبة ووقتها كنت تعبانة جدا حتى اني مكنتش بتكلم مع حد ولا باكل ولا بشرب كنت عايشة على المهدئات وحالتي النفسية كانت زفت بمعنى الكلمة لدرجة اني فضلت سنتين مبروحش المدرسة وفين وفين لما شاهر ومايا وفارس وعمي قدروا يخرجوني من الحالة ديه وبعدين كملت دراستي بس اتغيرت كتير عن قبل يعني بقيت قاسية مبقتش اثق في اي حد وبالاخص ان بعد حادث بابا عرفت ناس كتير على حقيقتها واتعرضت لخيانة من اقرب الناس ليا ففقدت الثقة في كل الناس بس الحمد لله محدش يقدر يكذب عليا او يضحك عليا بكلمتين لاني اقدر افهم الناس من نظرة عين
قصي بمرح: ده على كدة يتخاف منك مش عليكي
حلا ضحكت: لا الاتنين مني وعليا
قصي: وازاي بقى يتخاف عليكي ده انا عرفت من انجلي ومن مايا ان اي راجل يعاكسك او يبصلك بس بتمسحي بكرامته وكرامة اهله الارض
حلا ضحكت: طب ما هما اللي مهزائيين انا ذنبي ايه ما هو لو كل واحد محترم وبقى في حاله ملهوش دعوة بأي بنت سواء حلوة او وحشة العيشة هتبقى فل ومش هيبقى في حاجة اسمها ان الست تمسح بكرامة الراجل الارض المشكلة ان رجالة زمان ماتوا في حرب اكتوبر نادر ان لقيت راجل بجد ومحترم في الزمن ده تحس ان كل واحد ماشي بمزاجه معندوش حاجة اسمها دين لو كل واحد اتبع تعاليم دينه وقتها مش هنحتاج لقانون علشان نوقف الجرايم اللي بتحصل
قصي: ايوة انا معاكي ان في رجالة شمال ومش محترمة وماشية بمزاجها ومعندهاش حاجة اسمها دين بس مش لدرجة مسح بكرامة الراجل الارض وبعدين طبيعي اي حد يشوفك هيحبك يعني واحدة بالجمال ده مش عايزة الرجالة تبصلها
حلا لفتله وعنيها في عنيه: طب انا هسألك سؤال لنفترض انك قاعد مع مراتك او حبيبتك او اي بنت انت بتحبها وبتغير عليها جدا تمام
قصي: تمام
حلا: لو واحد جيه وقعد يعاكس فيها او قعد يوصفها هتسكت
قصي بعصبية: ده انا امرمطت بكرامة اهله الارض
حلا ضحكت على منظره: يعني انت علشان غيرت على حبيبتك مسحت بكرااامة اهله الارض بقى مستخسر على البت الغلبانة ديه انها تدافع عن نفسها ما هو انا معيش راجل يدافع عني هسكت هتضطر ادافع عني حتى لو مصابة وتعبانة هتضطر اضربه
قصي بصلها ومعرفش يرد لانها معاها حق ولكن
قصي: طب ما انتي اللي بإيديك انه يكون عندك راجل
حلا باستغراب: ازاي يعني
قصي: اتجوزي ساعتها مفيش حد هيستجري يبص عليكي
حلا هنا متعرفش ايه اللي خلاها تضحك اوي على الجملة اللي هو قالها لدرجة ان عنيها دمعت
قصي بغيظ: ايه قولت نكتة لدرجة انها تضحك للدرجاتي قصي قام وقف وكان هيمشي حلا وقفت ومسكته من ايديه وسحبته وفضلت ماسكة ايده علشان ميمشيش
حلا: انا مبضحكش على اللي قولته بس بضحك على حياتي واللي هيحصل فيها المشكلة ان انا رافضة موقف الجواز ده مش برضايا غصب عني لان ليا اعداء كتير ممكن يئذوني عن طريق الشخص اللي هتجوزه او الشخص اللي بحبه قصي انا مفيش حد يعرف انا بنت مين ولا ان عندي اخوات انا غيرت معلوماتي من عشر سنين
قصي: ماشي بس لو وافقتي واتجوزتي محدش هيقدر يبصلك او يجي جنبك
حلا: ده من رأيك بس انت متعرفش هما يقدروا يعملوا ايه
قصي: طب جر.................
قاطعته حلا: خلاص بقى قفل على الموضوع ويلا علشان تكلم اختك وتيتا فاطمة
دخلوا وقعدوا وحلا فتحت اللاب واتصلت فيديو
حلا نظرت لقصي: انا هروح اعمل قهوة تحب اجبلك حاجة معايا ولا اعملك قهوة معايا
قصي: ليه مش هتكلميهم وبعدين مش انتي كنتي عايزة لوئي
حلا: اولا علشان تاخد راحتك في الكلام معاهم ولو عايز تقولهم حاجة ثانيا انا لازم اشرب قهوة علشان اعرف اكمل اليوم حلو ويا سيدي خد راحتك البيت بيتك ها تحب اعملك ايه
قصي بابتسامة لان حلا فهمته انه عايز يكلم اخته وسته في حاجة مهمة وخاصة: قهوة زيك
حلا هزت راسها بالموافقة وذهبت للمطبخ لكي تعد القهوة
في الصالون قصي كان قاعد بيكلم اخته وسته
انجلي بفرح: قصي عامل ايه انت كويس ومتئذيتش صح
قصي ابتسم: اهدي وانا هقولك كل اللي انتي عاوزاه
فاطمة: قصي هي حلا فين هي كويسة صح
انجلي بقلق وخوف: اه صح فين حلا
قصي: احنا الاتنين كويسين الحمد لله متقلقوش
انجلي غمزت لقصي: طب ايه الاخبار
قصي: ولا جديد لسة قافلة قلبها ومش راضية عني ولا عايزة تفتح قلبها ليا والله انا تعبت واتخنقت وقربت اجيب اخري ولو جبت اخري هعترفلها بالحقيقة وهحطها قدام الامر الواقع وهقولها ان انا عارف كل حاجة وقتها هنشوف ازاي هتقدر تهرب وتكذب زي كل مرة
انجلي: طب استنى واهدى عليها شوية
قصي: حااااااضر ادينا صابرين اما نشوف اخرتها ايه
فهد: عامل ايه يا كينج ولا شكلك مبقتش كينج يعني ينفع تخلي ينت هي اللي تنقذك شكلك قلبت فار ولا ايه
قصي رفع احد حاجبيه: اسم الله عليك انت اللي سبع رجالة يلا وبعدين متخيل ان فرامل العربية مقطوعة هتعمل ايه بقى
فهد رفع احد حاجبيه: اومال حلا انقذتك ازاي
قصي: كانت هتخسر حياتها وهي بتنقذني
فهد وانجلي باستغراب معا: ازاي يعني
قصي حكالهم اللي حصل وقعد يتكلم معاهم بعد حوالي نص ساعة حلا دخلت على قصي بالقهوة وحطت القهوة قدامه جنب اللاب وقعدت جنبه وهنا ظهرت لانجلي وفهد
فهد بمرح: الشبح بتاعنا ظهر عامل ايه يا شبح على فكرة ينفع ان ست هي اللي تنقذ راجل ملو هدومه بذمتك ينفع
حلا رفعت احد حاجبيها: قصدك ان قصي مش راجل
قصي بصلها بصدمة وغضب معا
فهد علشان يستفزه اكتر: حاجة زي كدة
قصي بغضب: طب ماتلم لسانك اللي طول وعايز قصه ده
حلا باستفزاز: يعني انت شايف كدة يا فهد
فهد ضحك: اه يفرق معاكي اذا كان قصي راجل في نظرنا ولا لا
حلا بتلقائية: لا ابدا بصراحة كنت عايزة اقولك ان لو انت شايف كدة ميفرقش معايا لان هو راجل غصب عن اي حد وسيد الرجالة كمان ديه حاجة ثانيا بقى اسم الله عليك بقى يعني انت اللي سبع رجالة في بعض وبعدين كدة كدة مهمتي حمايته وبعدين محدش طلب رأيك اساسا ولا مش عجبك
فهد رفع احد حاجبيه: لا مش عجبني هتعملي ايه
حلا: ابدا هعمل حاجتين بس
انجلي: ايه هما لان بصراحة الموضوع احلو
حلا ضحكت: خالص اول حاجة هقولك ارقع راسك في الحيط تاني حاجة لو قررت الكلام ده عن قصي مش هيحصلك خير
فهد: هتعملي ايه برده لحسن خلاص اترعبت
حلا ضحكت: درس محترم زي اللي خدته قبل كدة ساعة اما دخلت عليا في اوضة قصي فاكر ولا افكرك
هنا الكل ضحك
حلا: على فكرة يا فهد انت لسة متعرفنيش كويس انا كل الرجالة بتترعب من ذكر اسمي بس بيحسوا بخوف فحاول انك تبقى محترم وجنتل مان ده لو كنت جنتل يعني وابعد عن قصي ملكش دعوة بيه بدل ما هتلاقي تصرف مش لائق بيك كراجل وهتلاقي رد فعل مش هتتصوره ولا هتتخيله وهيزعلك جدا وجارح في كرامتك واخلاقك لو مستعد تخسر كرامتك كراجل ويتمسح بيها الارض معنديش مانع
فهد: اومال لو كنت بتكلم جد ومبهزرش كنت هتعملي ايه هتقتليني
حلا: امم ممكن ليه لا
فهد بخبث: للدرجادي بتحبي قصي
حلا بسرعة وتلقائية: اه ............ هنا قصي اتصدم من صراحتها لانها لم تصراحه بعد ولكن صارحت فهد
حلا وعيت لما قالته فاكملت بتردد وتوتر: قصدي يعني انه مش من حقك تحكم عليه حكم زي ده مع ان لو انت مكانه يمكن مكنتش هتعرف تتصرف
انجلي: عايزة تقنعيني انك لما حاولتي تنقذيه كان تأديت واجب وشغل مش اكتر يعني قصي زي اي حد غريب
حلا: اه تأدية واجب مش اكتر
فاطمة: بس يابت انتي وهو واوعولي كدة اتكلم مع بنتي حبيبتي عاملة ايه يا حلول وقوليلي الواد قصي ده بيضايقك ولا حاجة
حلا ابتسمت: انا الحمد لله متقلقيش اما بالنسبة لقصي بيضايقني شوية يخليه في حاله هنبقى حلوين مع بعض
قصي رفع احد حاجبيه: قصدك ايه
حلا: لالا متشغلش بالك
انجلي: حلا انتوا امتى هترجعوا
حلا: لسة مش عارفة يا جوجو الا قوليلي الواد لوئي وفارس وسمير فين
كان فارس ولوئي وسمير لسة داخلين
فهد: تعالوا يا شباب كلموا حلا عايزاكوا
فهد كان هيقوم
حلا: خليك يا فهد انا عايزاك انت كمان
فهد غمزلها: ايه ده مكنتش اعرف انك بتحبيني للدزجادي يا حلا
قصي انزعج وعصب وكان نفسه يطول فهد ويكسر عظمه
حلا بعصبية: طب اتلم وخف تعوم ولا شكلك ناوي تخلي الحساب يتقل
فهد: طب بذمتك مش معايا حق اتحب ولا متحبش
حلا: حبك برص وعشرة خرس يا شيخ لا متتحبش وبعدين تتحب ده لو انت راجل
فهد رفع احد حاجبيه: قصدك اني مش راجل
حلا: اممم يعني محتاج شوية تعديلات كدة علشان تبقى راجل فحاليا يعني انا مش بكلمكوا علشان نتكلم في الحب والرجولة والقرف ده كله
فارس غمزلها: الحب برده قرف يا حلا
حلا بصتله بعصبية: شكلكوا انتوا الاتنين وحشكوا الضرب اللي كنت بضربهولكوا اتلموا انتوا الاتنين وخلونا في المهم
لوئي: حلا تفتكري ان العصابة عرفت حقيقتك
حلا بتفكير: بص مش عارفة لان لو جينا وحسبناها وقولنا انهم عرفوا حقيقتي اول حاجة 5 يعملوها انهم يقتلوني ليه هيحاول يقتلوا قصي وبالنسبة ليهم قصي ورقة رابحة ميقدروش يحرقوها لانهم لو حرقوها مش هيقدروا يتمموا صفقتهم لان لسة اوراق الصفقة قصي موقعش عليها
فارس بتفكير: طيب يا ترى مين اللي هيحاول يقتل قصي ومين اللي ليه مصلحة في قتله
حلا بتفكير: مش عارفة بس لو طلع اللي في دماغي صح يبقى يومه مش معدي
فارس: قصدك اااا...........
حلا: بالظبط كدة. ( كان قصدهم على عمرو )
فارس: بس يا حلا هيستفيد ايه يعني من محاولة قتل قصي وبعدين انتي متأكدة
حلا: لا هيستفيد وهيستفيد جامد ولا انت نسيت اللي حصل من عشر سنين لا مش متأكدة بس هتأكد وانا قلبي حاسس وانت عارف كويس اني الاحساس الي بحسه بخصوص موضوع زي ده بيبقى صح بس ورب العزة ورحمة اهلي ورحمة ابويا اللي معنديش اغلى منه لو طلع صح يومه مش هيعدي وهسودله عيشته
لوئي باستغراب وعدم فهم: انتوا بتتكلموا على ايه
حلا وفارس في نفس الوقت: لا متشغلش بالك
حلا: اول حاجة فارس مش عايزاك تفارق فهد وسمير وحازم لحظة واحدة علشان منعرفش العصابة ايه الي في دماغها وعايزين ينفذوا ايه بس إحنا هناخد احتياطنا علشان انا مش عايزة مصايب كفاية المصيبة اللي كانت هتحصل تمام
فارس: حاضر
حلا: لوئي عايزة منك خدمة انا عارفة انك في اجازة بس طالاما انا اتعرفت واتعرف شكلي واتعرف اني سكيرتيرة قصي فمش هينفع ادخل جوا العصابة فبما انك مز وحليوة كدة فالمطلوب منك ايه في بنت قريبة من زعيم العصابة تقريبا اسمها سناء واظن انهم بيثقوا في البنت ديه عايزاك تكسب ثقتها وتحاول تشتغل معاهم وتعرفلي كل صغيرة في المهمة
لوئي: هي سهلة ومش سهلة
حلا: انت هتشتغل على البنت وانا هشتغل على جورج ومعرفش ليه احساسي بيقولي ان ده زعيمهم
قصي بعصيبة وغيرة: اظن انك تخلي احساسك لنفسك
حلا بصتله بعصبية: حد طلب رأيك في حاجة
قصي كان لسة هيتكلم قاطعهم فهد: يا جماعة استهدوا بالله وصلوا على النبي كدة احنا في ايه ولا في ايه
لوئي: بس حلا لو انتي هتوقعي جورج في حبك انتي كدة هتعرضي حياتك للخطر اكتر ويمكن ميبقاش في امل انك تعيشي لانهم لو عرفوا حقيقتك هيقتلوكي مش هيستنوا عليكي لحظة واساسا م غير حاجة المهمة خطيرة جدا واذا حسبناها كويس هيبقى في خساير يعني فيه خساير مفيش امل واللي انتي بتقوليه ده انتي كدة رايحة للموت برجليكي
حلا: مش هتفرق وبعدين انا بتكلم لو جورج هو الي بدأ وحاول يقرب مني مش اكتر ساعتها هتديله الفرصة وممكن اخليه يقع في حبي وممكن علشان اكسب ثقته اوهمه اني بكره قصي واني داخلة الشركة بهدف الانتقام مش اكتر وده سهل
قصي بصلها بغيظ: طب متفتحيله باب انه يخطبك بالمرة او يكتب عليكي كدة انتي توصلي للمعلومات اسرع وبسهولة اكبر
حلا بهدوء: ممكن افهم انت ايه اللي غيظك ومضايقك وبعدين ليكون في علمك ده لمصلحتك مش لمصلحتي ممكن بقى افهم ايه اللي مضايق حضرتك
قصي بعصبية: لانك بنت في الاول والاخر وبعدين مينفعش انك تبقي مع راجل لوحدك
حلا: تمام اظن بقى ان ده شئ يرجعلي وميخصكش من اساسه
قصي بعصبية: لا يخصني وليا فيه كمان
حلا ببعض العصبية ممزوجة بالهدوء: لا ميخصكش لانك متقربليش ولا انت جوزي علشان تدخل في الموضوع ده وبعدين انا مأخدتش رأيك ومحدش طلب رأيك
قصي بعصبية: لا اقربلك لانك تكوني...............
فهد قاطعه: تلاقيه مخنوق ولا حاجة علشان مش متعود انه يقعد في البيت
حلا: والله لو عايز تفش غلك فشه في اي حاجة عندك البيت كله لو عايز تكسره كله كسره انا معنديش مانع لكن ماتجيش تفش غلك فيا كفاية ان الدنيا فشة غلها فيا بزيادة
قصي بعصبية: ..................................
____________________________________________
بصوا انا موبايلي بايظ ولسة هجيب تليفون جديد فانا هتأخر في الكتابة معلش لان ربنا الي عالم انا ازاي كتبتلكوا البارت ده بس وعد اول اما اجيب التلبفون هنزلكوا بارت صغير
