عشقتك رغم جروح قلبي

الحلقة الرابعة عشر

قبل اما انجلي تطلب من حلا انها تطلع تجبلها اللاب توب وقت كانوا بيهزروا انجلي وفاطمة ومايا اصروا ان حلا تفرد شعرها حلا رفضت بس هما اجبروها وكتفوها وفردوه وقتها حلا اخدت دبوس الشعر اللي كان في شعر انجلي وهي طالعة غرفة قصي لمت شعرها كحكة لما حلا دخلت غرفة قصي انبهرت لان ذوق قصي زي ذوق حلا سواء تصميم الغرفة او الالوان الغرفة يعني مثلا غرفة حلا زي غرفة قصي في السرير لونه اسود والجدار كلها لونها رمادي فاتح ما عدا جدار واحد لونه ابيض الفرق بقى ان فرش سرير قصي غامق كان رصاصي غامق وفيه ابيض بس بسيط جدا اما غرفة حلا الفرش بيبقى فاتح نسيبنا من الغرفة ولونها وتنظيمها ونيجي لابطالنا
كانت حلا واقفة منبهرة بالغرفة اما قصي كان معاه تيليفون وكان خلصه بمجرد ان حلا دخلت كان بيلف علشان ينزل تحت يجلس مع سته واخته بس رأى حلا فوقف يشوف هي هتعمل ايه وجات ليه غرفته وهي يا ترى عارفة انها غرفته ولا لا بس نقدر نقول ان عقله وقلبه خانوه لانه سرح في جمال حلا بالاضافة اللون الموف اللي لبساه بيبقى فوق الجمال والخيال فيها وبتاخد نظر وعقل اي راجل فاقت حلا من انبهارها وظلت تبحث عن اللاب توب بالغرفة
في نفس الوقت اللي صعدت فيه حلا غرفة قصي رن جرس الباب فذهبت انجلي لترى من الطارق وكانت الصدمة والمفاجأة في نفس الوقت
انجلي بصدمة: انت ازاي ! انت جيت امتى اصلا ؟ هو مش انا وقصي لسة مكلمينك من يومين وقولت ان قدامك اسبوع على ما ترجع ايه اللي حصل انا مش فاهمة حاجة
ضحك هذا الشخص: طيب دخليني الاول ولا هتستجوبيني على الباب وتفضلي تسأليني
انجلي بحرج: سوري ادخل ها قولي بقى ايه اللي ولا ليكون انت كنت بتستظرف معانا اه ما انت عمرك ما اتكلمت عدل او جد دايما هزار في هزار ان شاء الله هيجي يوم وحد يديك علقة ما اخدهاش حمار او كلب في مقتل يا فهد متتلم بقى
ضحك فهد: طب خلاص خلاص حيلك عليا ايه بلاعة واتفتحت ياابوي منك يا ستي كنت عاملها مفاجأة لولاد عمي انا غلطان حقك على اللي جابوني ممكن ندخل ولا لا دخلوا وهما في طريقهم للصالون
فهد بمرح: الا قوليلي يا نونو الواد الزفت بن عمي قصي موجود ولا ضحكت انجلي
انجلي بضحك: هههههههه يالهوي لو سمعك مش متخيلة هيعمل فيك انجلي بتمثيل
انجلي: لالا يا قصي فهد ميقصدش ميقصدش والله خلاص
التف فهد بتوتر وخوف ومن ثم انفجرت انجلي من الضحك
انجلي: يالهوي اللي يشوفك دلوقتي ميشوفكش وانت بتقول قصي الزفت وكمان الواد يالهوي مكنتش اعرف انك بتخاف من قصي اوي عموما هو اه موجود
فهد بغيظ وغضب: تصدقي اني مش هرحمك ...... تعالي هنا جريت انجلي وجري وراها فهد فشاف جدته
فهد: هسيبك بس علشان انا مش فضيلك
جلس فهد على ركبتيه امام فاطمة وباس ايديها الاتنين
فهد: ازيك يا ست الكل عاملة ايه وحشتيني مووووت والله
فاطمة بفرحة وابتسامة: حبيب قلبي انت عامل ايه والسفر عمل معاك ايه قام فهد قعد جنبها
فهد: انا الحمد لله كويس والسفر كان ممتاز الا قوليلي قصي فين
ابتسمت فاطمة: في غرفته اطلعله
فهد: اما اروح اشوف الواد ده هبب ايه في غيابي
فاطمة وانجلي في نفس الوقت: لو سمعك هيشعلقك من قفاك وضحكوا وهو صعد لغرفة قصي
[ فهد بيكون اخو كمال وابن عم قصي بس هما التلات اكتر من ولاد عم زي الاصدقاء اسرارهم مع بعض وكل حاجة هو شاب اقصر من قصي شوي شعره بني فاتح شوية ابيض البشرة عيونه ضيقة ولونها ازرق في رمادي فاتح من الاخر ملامحه ملامح اوروبية زي فارس جسمه رياضي ومفتول العضلات زي قصي تماما هو شاب مرح وظريف دمه خفيف وممكن لو شاف بنت يعاكسها هو مش بتاع بنات هو وقت الجد جد بس ده لو عنده جد اصلا😂 هو دايما بيهزر بس بيتعامل مع البنات بحدود وادب وشاب محترم جدا جادي في شغله وشاب وفي ومخلص وينتظر اميرته اللي هتسحره بيتمنى واحدة تكون فريدة من نوعها ومفيش منها اتنين والاهم انها تسرق قلبه وعقله ]
صعد فهد الى الاعلى بغرفة قصي حلا رأت اللاب توب فذهبت ناحيته لكي تأخذه وكان قصي يراها ولم يشح بنظره عنها المهم كان اللاب موضوع على الطربيزة الصغيرة الموجودة في منتصف الغرفة كانت حلا تعطي للباب ظهرها فانخفضت حلا لكي تأخذ اللاب وفي هذا الوقت دخل فهد من دون ما يطرق الباب
فهد: ايه يا عم انت......... انفزعت حلا من دخوله الغير متوقع والتفتت بسرعة ومع التفافها شعرها اتفك ونزل على كتفها ووشها وظهرها كان منظر جميل وكانت في غاية الجمال شعر حلا الطويل الذي يصل لبعد الخصر بشوية ومن نعومته اتفك والدبوس وقع انبهر فهد بجمال حلا ولم يستطع ان ينطق بحرف نظرت له حلا بغيظ وغضب
حلا بغضب: مش تخبط قبل ما تدخل ولا انت مبتفهمش في الذوق
فهد بحرج: سوري بصراحة شكلي دخلت اوضة غلط نظر حواليه ليتأكد انها مش غرفة قصي ولكن رأى صورة كبيرة معلقة على الجدار وكانت صورة لقصي
فهد بمرح: بصراحة اول مرة اعرف ان القمر بيطلع بالنهار وكمان بينزل على الارض
رفعت حلا احد حاجبيها وبغيظ: بجد طب هو فين وريهولي
فهد بابتسامة: شكلك مابصتيش في المرايا قبل ما تنزلي
ابتسمت له حلا بس ابتسامة صفرا
حلا: اممممم قولتيلي طب يا ترى انت ما شوفتش نفسك في المرايا قبل ما تنزل
طبعا قصي كان متابع فهد وانزعج من كلامه ومدحه لحلا ولكن عندما سمع ردها ابتسم ومسك نفسه بالعافية انه ميضحكش وقرر يشوف ايه اللي هيحصل
فهد بابتسامة: اه معاكي حق كل البنات بيقولوا اني مز وحلو وانتي كمان بتقولي نفس الكلام انزعج قصي
حلا ببرود وهدوء: ومين قال اني بقول نفس الكلام
فهد: انتي لسة قايلالي اني مابصتش في المرايا قبل ما انزل من البيت ثم انتي بتعملي ايه في غرفة قصي سكت شوية واكمل معقولة تكوني مرات قصي
حلا: لا انا مش مراته ثم ان انت مفيش حاجة فيك تشد يعني فبالنسبالي مش حلو خالص
انصدم فهد من ردها ومن ثم اكمل بغيظ
فهد: بجد يبقى اتعاميتي تحبي اقولك على دكتور عيون شاطر ثم لو مكونتيش مراته اومال بتعملي ايه هنا في غرفته لوحدك والباب مقفول تكونيش عشيقته ولا واحدة والسلام ولا خطيبته وانا معرفش
حلا بغضب وهدوء في نفس الوقت: اولا شكرا على نصيحة دكتور العيون ونصيحة قدام نصيحة متاخدش في نفسك مقلب اوي وابقى شوف نفسك في المرايا بعد كدة واظن انك عايز دكتور عيون اكتر مني وعايز دكتور نفسي وتجميل كمان ثم انه اتكلم بطريقة لحسن وقسما غظما لاوريك النجوم في عز الظهر وهخليك تندم على اليوم اللي شوفت خلئت اهلي فيه
فهد بغيظ: شوف شوف مين اللي بيتكلم عن الاحترام ثم مين انتي وازاي تتكلمي معايا بالطريقة ديه وانتي تقربي ايه لقصي وبتعملي ايه في اوضة نومه
حلا بغضب: اولا لو انا متكلمتش عن الاحترام مين اللي هيتكلم انت كاد فهد ان يرد ولكن حلا قاطعته وكملت وصوتها علي شوية
حلا: ثااانيا شئ ميخصكش انا مين واقوب لقصي ايه سواء بقى مراته او حبيبته او خطيبته او حتى عشيقته ديه حياتي الشخصية ومين انت علشان تدخل فيها او تكلمني بالطريقة ديه بقولك ايه عدي اليوم بدل ما قسما عظما اطربق البيت ده فوق دماغك ودماغ اللي خلفوك
اخذت حلا اللاب وكادت ان تخرج ولكن فهد مسكها من ايديها بقوة
فهد: انتي رايحة فين وواخدة اللاب معاكي
حلا بغضب: سيب ايدي والا قسما عظما الم عليك البيت
اخد منها فهد اللاب بالقوة ومن ثم بصلها
فهد بهدوء: بجد طب ناديهم ونادي الامن كمان علشان يرموكي برا البيت ده مش كفاية انك داخلة تسرقي ايه فكراها سايبة ولا ايه
رفعت حلا صوباع ايديها اليسار في وشه
حلا بغضب: الزم حدودك والا مسك فهد ايديها ولفها ورا ظهرها وضغط عليهم وده قربها جدا منه وانزعج قصي كثيرا وكان هيروح يضرب فهد بس انصدم من رد فعل حلا
ضربته حلا براسها في نص مراخيره فجابت دم ورجع لورا وسابها وضربته بالقلم على وشه وكان هيضربها بس هي كانت اسرع ومسكت ايده ولفتها ورا ظهره بس جزعتلوا ايده وسابته وقامت ضرباه بالبوكس في وشه فوقع فهد على الفراش وفمه وانفه كانوا بينزفوا وكان حاسس بدوخة وقام قعد بس اتفاجئ انها واقفة قصاده وقريبة جدا لدرجة لازم يرفع راسه اوي علشان يبص في عنيها وهي بتتكلم اما حلا كانت واقفة وعقدت ايديها قدام صدرها وكانت بتشاور بايديها
حلا: انا بقى هديك نصيحة وهي اولا لما تدخل اي اوضة تخبط حتى لو كانت غرفة شاب ثانيا اسمع قبل ما تحكم على حد وعلى اخلاقه وتربيته وتشكك فيهم ثالثا مش من حقك تمسك ايد اي بنت من غير اذنها ورابعا متمدحش اي بنت من غير اذنها لان ده مش من حقك الا لو كانت تخصك خامسا واخيرا انا مين او اسمي ايه او علاقتي بقصي ايه او علاقتي بأهل البيت ده ايه ده بقى شئ ميخصكش وحياتي الشخصية مالكش حق تدخل فيها والله بقى سواء بحبه او هو بيحبني او خطيبته او مراته ده شئ ميخصكش وكادت ان تذهب بعد ان اخدت اللاب ولكنها وقفت ولفت وشها من دون ما تنظر ليه
حلا: واه معلومة انا لا مراته لقصي ولا خطيبته ولا حتى حبيبته علاقتي معاه بيزنس مش اكتر علشان متفتكرش اني بتربطني بيه علاقة رسمية وياريت بقى تحافظ على مسافة وعلى حدودك كويس بدل ما اخلي وشك اللي انت بتتفاخر بيه وفاكر نفسك حلو اوي وواخد في نفسك مقلب وقلم وقتها هخليك تتحصر عليه انت حر اللهم ما بلغت اللهم ما فشلت وسابته مصدوم منها ومشيت نزلت لانجلي واعطتها اللاب بغرفة قصي دخل قصي وهو يضحك على منظر فهد وفهد اتغاظ وغضب جدا
فهد بغضب: بقى انا حتة بت لا راحت ولا جت تعمل فيا كدة اه يا بنت ال............. والله ما انا سايبك
قصي: اهدى انت اللي غلطان ولعلمك انت بتلعب في الحتة الغلط ومع الشخص الغلط وانصحك بلاها لحسن ديه ممكن تواديك البحر وتجيبك عطشان بالاضافة ان ممكن توديك لورا الشمس
فهد بغضب: ليه ان شاء الله بقى حتة بنت زي ديه تعمل ده لا ده انا فهد حسن الشناوي هي فكرة نفسها مين ده انا باشارة مني وانسفها من على وش الارض
قصي: اهدى واسمعني ديه بتكون الرائد حلا بتشتغل تبع المخابرات السرية وهي معايا في الشركة على اساس انها سكيرتيرتي ومديرية اعمالي الخاصة وفي نفس الوقت تمسك المجرم لانهم وصلتلهم معلومات انه هيجي يعقد صفقة وهيكون متنكر علشان محدش يتعرف عليه اما بالنسبة للصفقة علشان يقدر يكمل اعماله الغير شرعية بس وفي فيوم تعبت فجبتها علشان كانت واخدة ادوية وقتها ومكنتش عارفة تقف وكانت فاقدة الوعي انجلي وستي اتعرفوا عليها وحبوها وستي حالفة انها تفطر وتتغدا معانا وتقضي اليوم وبتعتبرها زي انجلي عندها
فهد بابتسامة وغمز لقصي بعنيه: يعني مفيش حاجة كدة ولا كدة يا قصي
قصي: لا وبعدان ما انت عارف اني بحب حلا بنت عمو يحي
فهد: مش هي ماتت يا قصي خلاص بقى افتح قلبك لغيرها الدنيا مبتقفش على حد وبعدان ده انت قدامك البنات اشكال والوان ويتمنولك الرضى ترضى خلاص بقى انساها بس بصراحة انا حاسس ان في إنة في موضوع وفاتها
قصي: بصراحة انا مش مصدق انها ماتت مع انها كانت بت مهمات مستحيلة مش عارف يا فهد حاسس في حاجة غريبة
فهد: بقولك ايه انا كنت بسمع من عمي احمد اللي هو ابوك يعني ان اللي بيحب بيحس بحبيبه طب متسأل قلبك وهو اكيد هيجاوبك
قصي: مش عارف يا فهد انا بسأل قلبي بيقولي انها عايشة مش عارف
فهد: طب ما هي ممكن تكون عايشة فعلا هو انت حاولت تدور عليها؟
قصي باستغراب من سؤال فهد: اه بس ليه بتسأل
فهد: على حسب كلامك انها كانت رافضة تشوفك او تكلمك صح
قصي: اه وبعدان يعني
فهد: مش انت قولت ان اللواء محمد عمها
قصي بنفاذ صبر: ايوة انت عايز توصل لايه يعني
فهد: ممكن تكون فبركت خبر موتها علشان متدورش عليها وتوصلها
قصي: لنفترض ان كلامك صح ليه عملت كدة
فهد بمرح: مش عارف ممكن تكون مثلا لما كبرت شكلها اتغير وبقيت وحشة ومش حلوة وبعدان في حد يسيب القمر ده اللي تحت وشغال قدامه وسكيرتيرته ويشغل باله بواحدة هو مش في بالها وبعدان البت صااااروخ يخربيت جمال امها يا اخي
ضحك قصي: انت لسة متعلمتش من اللي حصل في وشك وشكلك فعلا عايز وشك ده ميكنش باينله وش من قفا وشكلك هتبقى شبه الكلب المسلوخ ههههههههه
وظل يضحك وفهد ضحك معاه وعانقوا بعض وظلوا يتحدثوا عن الشغل
في الاسفل عند انجلي وحلا ومايا وفاطمة
حلا: اتفضلي يا ست انجلي اللاب اهو
انجلي: شكرا يا حلولا. رن جرس الباب وقامت انجلي تفتح وقتها كانت مايا دخلت من الجنينة
مايا: حبيبة قلبي يا روحي مالك ضربة بوز الخشب كدة ليه في حد ضايقك قصي يعني ضايقك
في نفس الوقت كان فهد نازل هو وقصي وكمال قابلهم وهما نازلين ورحب باخوه ونزل معاهم
حلا بانزعاج: لا في شخص كدة غريب وانا في الغرفة اللي فوق كان بيستظرف
فاطمة بابتسامة: ده بيكون فهد ابن عم قصي واخو كمال متشديش اوي ده طبعه دايما بيهزر
مايا: اه والله ده دمه خفيف وحتة سكرة
نظرت لها حلا نظرة حارقة اصمتت مايا لانها فهمت معناها
حلا بانزعاج: منبي يا شيخة بقى البني ادم ده دمه خفيف ده دمه يطرش
الشباب كانوا واقفين بعيد عنهم شوية بس كانوا سمعينهم فكمال وقصي ضحكوا على كلام حلا وفهد نظر لهم بغيظ دخل عليهم فارس وادم واريان وجاسر طبعا حلا كانت واقفة بعيد شوية كانت بتكلم امان في الشغل وكدة واول اما خلصت لقيت حد بيحضنها من ورا
ادم: وحياتي عندك خلاص بقى انا اسف مش هتتكرر تاني بس بجد يعني احنا كنا قلقانين عليكي فقولنا كلام منعرفش ازاي قولناه وبعدان ده كان كلام ساعة غضب وباسها من خدها طبعا قصي كان عايز يمسكوه ويضربوه زقت حلا ايد ادم ورجعت قعدت جنب فاطمة ست قصي ومسكت تليفونها ولم تعطي لاحد اهتمام
فارس: طبعا انا اكتر واحد المفروض يعتذر انا اسف يا حلا على اللي حصل واني انفجرت فيكي من غير ما اسمع وجهة نظرك مش احنا ولاد عم وزي الاخوات والاخوات بيسمحوا صح انا اسف جدا [ طبعا كان بيتكلم عن اليوم اللي عرف فيه ان هي قالت لقصي انها ميتة ]
رفعت حلا نظرها لفارس: مفيش داعي تعتذر يا بن عمي وبعدان انت مش غلطان انت كنت خايف عليه وده مبرر وبعدان الخبر كان صدمة بالنسبة ليك وانا مئولتلكش
فارس بابتسامة: الحمد لله بس ده ميمنعش انك غلطانة برده بصي هي وجهة نظرك غريبة ومش داخلة دماغي بجنيه ومش مقتنع ببها انا من رأيي تلحقي نفسك بدل متخسري وهتخسري كتير اوي وهتندمي
حلا: وهو انا لسة هندم ما انا ندمت ومشي الحال وبعدان هو انا هخسر اكتر من اللي خسرته ايه يلا الحمد لله على كل حال
انجلي: هموووووت واعرف بتكلموا على ايه
همست لها مايا: هبقى اقولك بعدان. هزت انجلي راسها بالموافقة
ادم واريان وجاسر: يعني سمحتي ابن عمك واخواتك لا
ذهب اريان ناحية حلا وهي كانت قاعدة ركع على ركبتيه الاتنين علشان يبقى في مستواها
اريا بحزن ووجع: انا عارف ان احنا غلطنا وانا اكتر حد غلط فيهم لان المفروض انا الكبير كان المفروض اسمعك بس انا حكمت وقولت كلام المفروض ميتئلش والمفروض اني اكون بمثابة الاب بس انا فشلت وانا اسف وعارف اني مستهلش السماح
حلا وعنيها لمعت من الدموع: اريان ممكن اسألك سؤال بس تجاوبني بصراحة وكانت بتتكلم وصوتها مخنوق
اريان وعنيه دمعت ايضا: قولي يا حبيبتي عايزة تسأليني على ايه. حلا سكتت شوية وحاولت تستجمع نفسها علشان تقدر تتكلم بس عينيها خانتها ونزلت الدموع منها
حلا بصوت مهزوز ومخنوق: لو كان بابا عايش كان هيعمل وهيقول اللي انته قولتوه وكان هيتهمني اتهام زي اللي انت اتهمتهولي انا عارفة اني غلطانة اني متصلتش وقولتلك عن مكاني وانا فين بس كان غصب عني وبما انه انت الكبير فمن المفروض تثق في شوية يا اريان كاد ان يتحدث ولكن قاطعته وكملت
حلا بدموع: حاول تفهم اني كنت عايشة لوحدي 10 سنين ده بالاضافة ان شغلي بيجبرني انزل في نص الليل وبعد نص الليل يعني مليش وقت معين وغير كدة انا شغلي في مخاطرة كبيرة وممكن في اي وقت اخسر حياتي وانت عارف اني تعبانة ( قصدها على مرض القلب ) وبرجع ببقى هلكانة من التعب انا عارفة اني غلطانة اني متصلتش وقولتلكوا ومعاكوا حق انكوا تضايقوا وتتعصبوا وانا مقدرة ده وعارفة انكم كنتوا هتموتوا من الخوف عليا بس ده ميدكوش الحق انكوا تحكموا من غير متسمعوا او تتهموني اتهام زي ده انتوا متعرفوش انا مريت في ايه بعد موت بابا وماما وكفاية اني لحد انهاردة يوم الحادثة ملاحقني وعمري مهقدر انساه وانا الدنيا جاية عليا بما فيه الكفاية يا اريان وانا لو عايشة ومستحملة لحد انهاردة فده علشانكوا مش علشاني انا لو عليا مش عايزة حياتي من غير بابا وماما واختي بس انا مستحملة علشانكوا الم الفراق والعذاب ده ولو ان انت عارف انا بابا كان بالنسبالي ايه وانا مكنتش اقدر اعيش من غيره فمتجوش انتوا وبدل متخففوا عني تزودوها
عيط اريا وادم وجاسر على عياطها حتى قصي عنيه دمعت واستغرب من ده لانه من ساعة وفاة اهله وهو منزلش دامعة واحدة على مين ما كان وطبعا فاطمة ومايا وانجلي وفارس وفهد وكمال كلهم عيطوا على عياطها والاكتر انجلي ومايا وقتها قصي انسحب علشان مكنش عايز يبين دموعه لحد قام اريان وقعد جنب حلا وضمها بقوة لصدره
اريان بدموع: والله عارف كل كلمة انتي قولتيها وحاسس بيكي ومايا حاكيتلي كل حاجة وانا اسف يا روحي واوعدك مش هتتكرر خلاص علشاني
بعد عنها ومسح دموعها
اريان: مش عايز اشوف الدموع ديه تاني مفهوم ولا لان دموعك غالية عليا ها واتلمي علشان شكلك ناوية تستغلي نقطة ضعفي علشان اخدك تاكلي في المحل المفضل ليكي ها فهمك انا بس مش هيحصل علشان عيطتي وخليتي الكل يعيط ابتسمت حلا
ادم وجاسر: احنا اسفين احنا كمان
ادم: بس يعني بعد اذن سيادتك يعني مش حلو وعيب في حقك اريان تحضونيه واحنا لا يعني
جاسر: احنا ملناش فيه عايزين حضن كبير وطويل قامت حلا وعانقتهم
اريان وادم وجاسر: صافي يا لبن
ابتسمت حلا: لا مش صافي لان المفروض يكون في قشطة وانا اللبن بالنسبالي بيكون صافي بالقشطة الكل ضحك على كلامها قاعدوا كلهم مع بعض وفاطمة اصرت ان فارس وادم وجاسر واريان يتغدوا معاهم وحلا اصرت انها اللي تعمل الاكل وقرروا انهم ياكلوا مكرونة بالصوص الابيض وديه اكلت انجلي وقصي المفضلة وطبعا الاكلة المفضلة ايضا لحلا😉 جيه معاد الغدا والكل قعد على السفرة طبعا فاطمة على راس السفرة والشباب على ايديها اليمين والبنات على ايديها اليسار وقعدوا يتغدوا بس قبل اما الاكل يتحط قدام كل واحد جيه تليفون لحلا فاستأذنت ترد والباقي كان قاعد بياكل والاكل عجب قصي جدا وكان طعمه مختلف
قصي بفضول: هو انتوا غيرتوا الشيف ولا ايه
ابتسمت انجلي وغمزت لقصي بعنيها: ليه بتسأل هه
قصي: عادي بس طعم المكرونة المرادي مختلف
فاطمة بابتسامة: طعمه مختلف لل احلى ولا لل اوحش
قصي: لا لل احلى طبعا اقصد روعة بجد الاكل المرادي تحفة بس بجت هموت واتعرف على الشيف اللي عملها بجد محترف انا لو عليا اكلها كل يوم فطار وغدا وعشا ولو عايزين سحور كمان الكل ضحك
فاطمة: عايز تعرف مين اللي عملها وهنا جاءت حلا وجلست تاكل معاهم
قصي: يا ريت
فاطمة وانجلي: حلا هي اللي عملته
انصدم قصي من اللي سمعه
قصي: افندم مين اللي عملها
ضحكت انجلي: مالك يا قصي في ايه مصدوم ليه حلا سكيرتيرتك هي اللي عملت الاكل انهاردة
قصي بعدم تصديق: بتهزري
انجلي: والله هي يا ابني مش مصدقني خلاص تقدر تسألها حلا قوليله حلا كانت سرحانة في موضوع المهمة
فاطمة: حلا حبيبتي
مايا بصت لانجلي وطبعا حلا كانت ما بين الاتنين انجلي فهمت مايا وفجأة الاتنين في نفس الوقت في ودن حلا
انجلي ومايا: حلااااااااااااا
انفزعت حلا كثيرا لدرجة انها مكنتش قادرة تاخد نفسها والشوكة وقعت منها في الارض غمضت عنيها وكانت حاطة ايديها على قلبها وحاولت تاخد نفسها وبصت ليهم هما الاتنين
حلا عملت نفسها منزعجة: انا عارفة ان الفكرة ديه فكرة المعتوهة اللي جنبي مايا وبصت ليها
حلا: والله انا عارفة ان هيجي يوم موتي هيبقى على ايديك لانك ناوية توقفيلي قلبي بعاميلك
ضحكت انجلي ومايا
انجلي: كلمي قصي عايزك ثم انه ممنوع السرحان وانتي معانا
حلا بابتسامة: حاضر يا قلبي ثم بصت لقصي
حلا: نعم يا قصي عايز تفتسر عن حاجة
قصي: مين اللي عمل الاكل
ابتسمت حلا: انا اللي عملاه ايه مش عاجبك
ابتسم قصي: لا الاكل يجنن تسلم ايديكي
بادلته حلا بابتسامة اوسع: بالهنا والشفا على قلبك
انجلي: حلا قصي مكنش مصدق انك انتي اللي عملاه
حلا باستغراب لقصي: ليه يعني
قصي بابتسامة: عايزة الصراحة ولا لا
حلا باستغراب: اكيد الصراحة
قصي بابتسامة اوسع: يعني متوقعتش ان الايد تمسك سلاح وطارد مجرمين ممكن تطبخ
ضحكت حلا وهنا قصي سرح في ضحكتها وكذلك فهد
حلا بضحك: مش معنى اني بشتغل شغل رجالة وفعلا ببقى راجل مش بنت في شغلي يبقى انا مبعرفش اطبخ يعني ولا انت ابه رأيك وبعدان طبيعي ان البنت تعرف تطبخ علشان لما تتجوز هتطبخ لجوزها ولا انا غلطانة ومعروف ان اكيد حلم اي شاب ان ياكل الاكل اللي بيحبه من ايد مراته
مايا: على فكرة يا قصي حلا بتطبخ اي انواع اكل ايطالي فرنسي صيني هندي كله كله بس ايه بقى تحفة وروعة هي فعلا طباخة محترفة
قصي: معاكي حق فعلا انتي طباخة ماهرة يا حلا
نظرت له حلا والاتنين سرحوا في بعض وبعد ما خلصوا غداء قعدوا مع بعض في جنينة الفيلا بس كان فيه قصاده بحر حلا ذهبت وقفت هناك لوحدها لمحها قصي وكان هيروح يوقف معاها بس لمح فهد
فهد: احم احم
نظرت له حلا: يا فتاح يا عليم يا رزاق يا كريم خيييييير عايز ايه حضرتك
فهد باحراج: انا كنت جاي اعتذر عن اللي حصل فوق
حلا بغيظ: واعتذارك مش مقبول كان فارس داخل عليهم
فارس: اعتذار ايه اللي مش مقبول ي حلول! ازيك يا فهد ليك وحشة
فهد بابتسامة: والله انت اكتر بس فينك مش بنشوفك
فارس: ابدا بس كان عندي مهمة برا البلد وكانوا طالبني بالاسم بس مئولتيليش يا حلا ايه الاعتذار اللي مش مقبول وليه ايه اللي حصل بينكم
حكاله فهد بحرج كل حاجة ضحك فارس
فارس بضحك: علشان كدة وشك متشفلط بس احب اقولك انت لعبت في الناحية الغلط ومع الشخص الغلط وقرب وهمس في ودنه
فارس بهمس: متحاولش علشان هي مش هتسمحلك
فهد بهمس: ليه بقى
فارس بغيظ: ابعد عن بنت عمي يا فهد بدل ما هتشوف وش مني عمرك ما شوفته ده غير وشها هي هه انا نصحتك
فهد: لا والله انا بس عايز نبقى اصحاب
فارس: مش بالسهل برده انت حر بقى وسابه ومشي وحلا رجعت قعدت مع العيلة وبعد شوية جيه فهد
فهد بابتسامة: انا في حد ازعجته والمفروض اعتذر منه قدام الكل انسة حلا انا بجد اسف وبتمنى تقبلي اعتذاري
حلا بغضب وبتجز على اسنانها: سبق واعتذرت وردي كان واضح اني مش قبلاه
فاطمة: هو ايه اللي حصل يا فهد حكى فهد كل حاجة
فهد بحرج: هي مش عايزة تقبل اعتذاري والله مكنش اقصد بس هي نرفزتني ضحكت فاطمة وطبعا الكل ضحك
فاطمة بضحك: تصدق تستاهل وهي معاها حق واكملت بجدية: بس انت غلطان اوي يا فهد ازاي تسمح لنفسك تكلم عن اي بنت بالطريقة ديه وهي معاها حق حياتها الشخصية متخصكش
فهد بهزار: خلاص بقى يا حلول فكيها بقى ويا ستي انا اسف والله ما اقصد طب ايه رأيك نبدأ صفحة جديدة ونبقى اصحاب
حلا بغيظ: اولا دناديني انسة حلا مش مسمحولك تناديني زي اما يناديني اخواتي ثانيا انت فاكر صحوبيتي سهلة يا استاذ ولا ايه بس هجاوبك واحب اقولك لا شكرا عندي اصدقاء كتير فبالنسبالي الفريندز بالنسبالي كومبليت شكرا ليك
فهد بهزار: بما انه الفريندز كومبليت خلاص اعتبرني Brother ها قولتي ايه
بصت له بغضب وغيظ وكادت ان ترد عليه بس لقت ايد على كتفها
انجلي بابتسامة: فهد مش من نوع الشباب الصايعة يا حلا هو محترم وصدقيني اللي عمله ما كانش يقصده هو بس استغرب ازاي كنتي في غرفة قصي لان قصي مبيحبش حد يدخل اوضته من غير استأذانه او بمعنى اصح محدش بيدخلها غيري انا وتاتا وفهد وكمال بس الخدم مبيدخلوش الاوضة بتاعته
حلا باستغراب: وانا امتى دخلت غرفت قصي يعني امتى
انجلي بضحك: بجد انتي متعرفيش ان الغرفة اللي جبتي منها اللاب هي غرفة قصي
انصدمت حلا ووشها اصفر
حلا بحرج: انتي بتهزري صح ووشها كان احمر من كتر الاحراج وصوتها كان شبه مسموع انصدمت انجلي انها متعرفش وعينيها وسعوا على اخرهم
انجلي بصدمة واستغراب: بجد انتي مكونتيش تعرفي
هزت حلا راسها بالنفي وكان قصي قاعد قصادها
قصي باستغراب: بس كان موجود صورة كبيرة في الغرفة وكانت صورتي واي حد يدخل يشوفها ازاي انتي مشوفتيهاش واكيد اللي بيشوفها بيعرف انها غرفتي
حلا بصتله: الصورة محطوطة فين
قصي: فوق السرير متعلقة على الحيطة بجد مشوفتيهاش ازاي
حلا: اولا انا مبحبش ادقك في تفاصيل اوض نوم اي حد لانها مش اوضتي ثانيا ديه خصوصيات انا مليش حق ابص في اي حتة وخاصة لو غرفة حد لان ده مش من حقي وعموما انا اسفة اني دخلت اوضة حضرتك من غير ما استأذن بس بجد مكنتش اعرف انها غرفتك وبصراحة اكتر بس يا ريت متفهمنيش غلط لو كنت اعرف انها غرفتك مكنتش هدخلها ابدا
انجلي باستغراب: ليه يا بنتي هو انتي كنتي داخلة تسرقي ولا حاجة وبعدان انا اللي طلبت منك ده مش انتي اللي روحتي وخلاص
حلا بصتلها: انا اسفة يا انجلي بس بجد لو كنت اعرف انها غرفته كنت هرفض طلبك واقولك ابعتي حد غيري
قصي باستغراب: ممكن اسألك ليه لو معندكيش مانع
حلا بصتله وابتسمت: عايز تعرف ليه بس من غير زعل
بادلها الابتسامة قصي: اكيد مش هزعل
حلا: وهتوعدني انك متفهمنيش غلط وتزعل
قصي: اوعدك ها بقى قولي
حلا بابتسامة وبصاله وعينيها في عينه: علشان ديه غرفتك
قصي باستغراب: وايه يعني هتفرق لو كانت غرفتي او غرفة انجلي
حلا: اه تفرق كتير كمان اولا انت راجل غريب عني ثانيا انت شاب وسيم واعزب وبصراحة اكتر مش ده السبب السبب هو انها غرفة راجل انا في عمري كله مدخلت غرفة حد غير اخواتي حتى ابن عمي لما مرات عمي تقولي اطلعي صحي فارس كنت برفض
قصي باستغراب: ليه مش بتثقي في ابن عمك ولا ايه وبعدان يعني اه صح انا لسة متجوزتش بس يعني مش لدرجة اني اعمل حاجة في الحرام او تكون عيني زايغة وبصلها بغيظ: ومش لدرجة انك متثقيش فيا وبعدان انا عمري ما جيت جنبك او شوفتي مني تصرف وحش علشان تفكري فيا كدة
حلا ابتسمت: مش قصة ثقة طب لعلمك بقى انا بثق فيك جدا وبثق في ابن عمي وبعتبره زي اخويا بالظبط المشكلة انا مبحبش ادخل اوضة راجل سواء ان كان اعزب او حتى متجوز هو ده طبعي بقى
قصي ابتسم: اذا كان كدة ماشي يعني انتي بتثقي فيني
حلا بابتسامة: اه بس ده ميمنعش انك لو حاولت او فكرت في حاجة كدة او كدة ده يعني اني هتساهل معاك لااااا ده انا في موصوع زي كدة مبتواصاش الصراحة وابقى اسأل عني كويس وحولت نظرها لفهد
حلا باحراج: اعتذارك مقبول وانا اسفة بس انا كنت مستغربة كلامك مش اكتر وكلامك غظني الصراحة
فهد بابتسامة: لا ولا يهمك اصحاب يعني ومد ايده يصافحها مدت حلا ايديها
حلا بابتسامة: اصحاب بس في حدود في التعامل
فهد بابتسامة اوسع: وانا عارف الحدود ديه كويس
بعدان سهروا مع بعض وكل واحد روح بيته وناموا
تاني يوم استيقظت حلا كالعادة وزي كل يوم على كابوس في وقت الفجر قامت صلت وقرأت في المصحف شوية وعملت رياضة ورجعت البيت اخدت شاور 15 دقيقة وخرجت لبست وجهزت في 10 دقايق لبسها كان عبارة عن بنطلون جينز اسود وشميز احمر وبوط لحد بعد كعب الرجل بشوية اسود وبكعب عالي بس مش اوي ولبست ساعتها ووضعت من البرفان ولمت شعرها ذيل حصان ولبست نظارتها الشمسية اخدت موبيلها ومفاتيحها ونزلت على الشركة
عند بطلنا قصي عمل رياضة بعد اما ادى فريضته وقرأ في المصحف شوية واخدت شاور ولبس بدلة سودة والقميص ابيض ووضع من برفانه وارتدى ساعته واخد مفاتيحه وموبايله ونزل ولبس نظارته الشمسية وركب عربيته وراح على الشركة
____________________________________________
عند الشركة حلا وقصي وصلوا في نفس الوقت وقصي شاف حلا وهي بتركن عربيتها بس هي ماشفتهوش وهو فاضل ماشي وراها لحد جوا الشركة طبعا حلا مكنتش حاسة بيه بس لما دخلت استغربت ان الكل قام وقف بس هي عارفة ان هما بيقفوا لما قصي يدخل هنا التفت لقيته وراها بس هو تخطاها زي متكون ولا كأنها هنا
حلا حدثت نفسها: اه هيرجع قصي بيه تاني اوووف صبرني عليه يارب ذهبت خلفه المفروض ان فيه اصانصير لقصي بس واصانصير للموظفين والاتنين جنب بعض حلا ظلت تضغط على الزر بس مفيش استجابة واحد معدي من جنبها
الشخص: للاسف الاصانصير عطلان
حلا بصتله ومئلعتش النظارة: شكرا ليك الشاب مشي وهي هنا رفعت النظارة عن عنيها وحطتها على راسها وبصت للاصانصير
حلا بزهق: ياربي لا هطلع على رجلي عشر ادوار ده شبه انتحار واشك اني لو طلعت العشر ادوار هكون عايشة بعديها هوووووف بقى
ابتسم قصي على طريقة كلامها زي الاطفال وبص حواليه لقى الكل مركز في شغله وهنا اتفتح الاصانصير
حلا بعد اما خلصت كلامها لاقت حد بيشدها وانصدمت لما عرفت مين
____________________________________________
مين اللي سحب حلا وشدها ؟ ويا ترى قصي هيتعامل ازاي مع حلا ؟ ويا ترى امتى هيظهر المجرم اللي بسببه حلا بتتظاهر انها سكيرتيرة قصي ؟ وهل قصي هيحبها ولا لا ؟