حلا: ده معناه ان انا وانت نتجوز
قصي باستغراب: افندم
حلا: انت لسة قايل ان ده سبب للجواز فانا بديك مثل بس يعني انا بفهمك اكتر من نفسك فبقول ايه رأيك نتجوز
انجلي بفرح: واو وهتبقي مرات اخويا وهزهئك واخليكي تطفشي من البيت ها تحبي الفرح امتى
حلا ضحكت: يا بنتي انا بهزر انتي خدتيها جد
انجلي: ليه لا
حلا ابتسمت: وليه اه
قصي: وليه لا
حلا ببرود: وليه اه يعني انت موافق
قصي: اممم لو قولتلك اه ايه هي ردة فعلك
حلا بهدوء وبرود: ضروري تعرف
قصي: اه عايز اعرف وضروري
حلا: هيكون الرفض لا
قصي رفع احد حاجبيه: ليه لا
حلا: يعني انت مفيش حاجة تجذب او تشد يعني معندكش حاجة مميزة
قصي بغيظ: مفيش حاجة مميزة ده كل البنات هتموت وابصلهم بس
حلا ضحكت: اديك قولت كل البنات لكن مش انا
انجلي وسمير ولوئي بصولها باستغراب ودهشة وصدمة
انجلي بصدمة: قصدك ان قصي مفيهوش حاجة تشد
حلا بصتلها وبصت لقصي: اممممم لا في حاجة تشد
انجلي: ايه هي بقى
حلا ببرود: الغرور والتكبر
قصي حط ايديه في جيوبه: بس ده شئ حلو
حلا ضحكت: افهم بس مين المتخلف اللي قلك انه شئ حلو بالعكس شئ سئ جدا عموما انسى كدة كدة انت مبتسمعش من حد غير لنفسك وبس فلزمتها ايه اتعب نفسي واشرح وسبته وراحت على فاطمة وطت عليها باست راسها وايديها وخدها وقعدت جنبها
فاطمة: عاملة ايه والاخبار ايه
حلا بصتلها: انتي اخبارك ايه
فاطمة بابتسامة: انا الحمد لله كويسة
حلا بابتسامة عذباء: وانا كويسة وبخير طول ما انتي بخير ومبسوطة وطول ما الابتسامة ديه على وشك انا هبقى مبسوطة
فاطمة بابتسامة: ربنا يخليكي وميحرمنيش منك ابدا
حلا: ويخليكي لينا يا ست الكل وباست راسها
فاطمة: اخبار الشغل ايه والعصابة .......... قاطعتها
حلا: بقولك ايه انجلي قالتلي ان قصي مش رايح الشركة واني اجي اقعد معاكوا فقفلي على مواضيع العصابات انا جاية اقعد معاكوا ومش هفكر في العصابات بقى هناخد اجلزة منهم شوية
فاطمة ضحكت: طيب خلاص يعني هو مفيش جديد
حلا بصتلها بغيظ: يعني هترتاحي لو عرفتي
فاطمة: اه هرتاح
حلا: طيب اسمعي بقى ديه معلومات خاصة وخطيرة ومينفعش اقولهالك حلو كدة ارتاحتي
فاطمة: بس
حلا: مبسش ولا حاجة بقولك ايه هتفضلي تفتحي السيرة ديه هاخد بعضي وامشي
انجلي: لا خلاص قلبك ابيض
وقعدوا يتكلموا ويهزروا بس قصي كان في عالم تاني مكنش مركز معاهم كان دايما سرحان في حلا
حلا تليفونها رن فقامت ترد
حلا: الو
المتصل: ها فكرتي في الموضوع ولا نسيتي
حلا: لا نسيت ليك شوء في حاجة
المتصل: اه ليا يا حلا وليا ونص انتي ملكي انا وبس ومش ملك حد تاني
حلا ضحكت: انا فعلا مش ملك حد ولا ملككانا ملك نفسي وبس
المتصل: اوه بجد انا عارف انك مع قصي في مهمة وهو ابتدى يحبك كمان وانا عارف انك بتحبيه من زمان يا حلا ها قولتي ايه
حلا: انت بتهددني بقى
المتصل: تؤتؤ اعتبريني بفوقك ولا انتي متعلمتيش من اللي حصل لاهلك ولاختك وبعدان ادي اختك رجعتلك بعد غياب 10 سنين واخوانك الشباب حواليكي عايزة ايه تاني ولا لازم نعمل حرب وبحر دماء علشان ترتاحي
حلا بغضب: امم طيب اسمع بقى الكلمتين دول لو انت بتهددني انا مبتهددش واعلى ما في خيلك اركبه ثانيا انا زمان حاجة ودلوقتي حاجة تانية اذا لمست اخواتي او قصي او حاولت تئذيهم انا مش هرحمك وهفرمك
حلا لقيت اللي بيشد منها التليفون
المتصل: طب هديكي فرصة اخيرة يا اما تيجي تقابليني والا وقتها صدقيني هديلك هدية في حياتك ما هتنسيها
فارس بغضب: وانا بقولك لو مبعدتش عنها وقتها انا اللي هقدملك هدية في حياتك ما شوفت زيهاواوعدك ان هي هتكون اخر هدية ليك في الحياة
وقفل الخط في وشه فارس التف لحلا
فارس بغضب: انتي ليه مقولتليش ان الكلب ده رجع يهددك تاني ويبتزك لسة زي ما هو وسخ
حلا بهدوء: اه. حلا لفت وشها الناحية التانية بعيد عن وش فارس فارس مسكها من دراعها ولفها ليه بس هي نزلت وشها في الارض علشان ميشوفش الدموع اللي في عنيها
فارس بهدوء: من امتى بيكلمك
حلا وما زال وشها في الارض: من قيمة يومين
فارس مسك دقنها ورفع وشها علشان تقابل عنيها عنيه
فارس: هو قالك ايه
حلا بصوت مخنوق: كان بيهددني باخواتي وقصي وعارف كل حاجة وعارف اني في مهمة لحماية قصي وفكرني بحادث بابا وماما
فارس وهو بيحاول يسيطر على غضبه: هو لسة بيطلب منك انك تقابليه
حلا هزت دماغها بالموافقة
فارس: حلا ممكن تديني تليفونك انهاردة وتقدري تستعملي تليفوني
حلا بصوت مخنوق جدا: لو عايز تخليه معاك على طول خده والله انا لو عليا مش عايزة اي تليفونات لاني تعبت بجد تعبت وانهارت في الارض وحطت ايديها على وشها وقعدت تعيط مايا كانت واقفة وراهم وسمعتهم وعرفت ايه اللي حصل قعدت في الارض جنبها وحضنتها
مايا بدموع: اهدي يا حبيبتي متخافيش هو ميقدرش يعمل حاجة كلنا جنبك اهو ومحدش حصله حاجة ومحدش هيحصله حاجة وبعدان هو جبان وبيخاف من اخواتك ومن فارس وبيخاف منك كمان لما تقفي قدامه وتتحديه متخليهوش يوصل لهدفه يا حلا انتي عارفة ان هو عايزك تبقي ضعيفة
قصي كان وراهم واستغرب من حالة حلا فارس كان لف وراجع فشاف قصي قصي وقفه
قصي باستغراب: هو في ايه
فارس مسك ايه وشده لجوا ومشي معاه: مفيش حاجة ومتشغلش بالك ديه حاجة بين حلا ومايا تعالى معايا
ودخلوا جوا قعدوا مع العيلة بس قصي باله مشغول على حلا وخايف عليها جدا اما مايا فضلت تهدي في حلا لحد ما نجحت وحلا بطلت عياط فضلوا قاعدين حوالي نص ساعة لحد اما حلا حست نفسها تمام ودخلت هي ومايا ينضموا للعيلة بعد حوالي ساعة
حلا لانجلي: مش انتي كنتي عايزاني في حاجة مهمة يا نونو ايه هيا
انجلي طرقت راسها بايديها: اوبس نسيت خالص انا ومايا وروما هننزل نتسوق وانتي هتيجي معانا
حلا: مين ديه اللي تيجي معاكوا تسوق بصي يا نونو يا حبيبتي انا عندي استعداد انزل معاكي انتي نتسوق إنما مع مايا ابدا ديه لازم تلف المحلات كلها اللي في المول ولو عليها تلف المولات اللي في المحافظة كلها
الكل ضحك. انجلي: علشان خاطري يا حلول ما هو انا مش هنزل غير لو نزلتي معانا
حلا: بس.................. قاطعتها
انجلي: مبسش يا اه يا لا ها
حلا باستسلام: ماشي قومي اجهزي يلا
سمير: طب ممكن بعد إذن حضارتكم انا ولوئي ننزل معاكوا نتسوق إحنا كمان واهو تبقوا في حمايتنا ويبقى معاكوا رجالة بدل ما انتوا بنات لوحدكوا علشان الدنيا مش مضمونة. فالكل بص لحلا
حلا باستغراب: ايه مالكوا بتبصولي كدة ليه
سمير: لان انا باخد اذنك انتي مش اذنهم
حلا ابتسمت: طبعا تقدروا تيجوا
