على نص الليل كدة يعني على الساعة 12.15 حلا فضلت تتململ في الفراش وكانت جبهتها تتصبب عرقا وبعدان حلا قامت مفزوعة وبتصارع انها تاخد نفسها وقلبها كان واجعها اوي ومكنتش قادرة تتكلم وبعد حوالي 5 دقايق فقدت الوعي بس اللي كان يشوفها يفتكرها انها نايمة
في صباح يوم جديد استيقظت مريم على الساعة 7 صباحا واطمنت على حلا بس هي مكنتش تعرف انها نايمة فقالت تنزل تحضر فطار على اما حلا تستيقظ
____________________________________________
قصي استيقظ على الفجر وادى فريضته وقعد يقرأ في المصحف شوية لحد الصبح وعلى الساعة 6 صباحا دخلت عليه انجلي وسته فاطمة
انجلي بابتسامة عذبة: صباح الياسمين على احلى قصي في الدنيا وقعدت على السرير وحضنته وقبلته من خده وراسه
انجلي: عامل ايه وايه اللي مصحيك بدري
قصي بابتسامة: اولا صباح الفل على احلى اخت في الدنيا ثانيا بقى انا مش صاحي بدري خالص عادي يعني زي كل مرة
انجلي غمزتله بعنيها: ايه النار ولعت في الدرة ولا لسة
فاطمة: ولعت من زمااان انتي لسة فاكرة
انجلي شهقت: إخص عليكوا كدة مش تقولولي يا ترى مين تعيسة الحظ اللي هتتجوزك
قصي رفع احد حاجبيه: ليه يا حبيبتي وبعدان هي تظول اصلا ان قصي احمد الشناوي بقادر قدره يبصلها بس ده انا البنات كلها عتموت علشان ابصلهم بصة واحدة بس مش اتجوزهم او حتى احبهم
انجلي بغيظ: الصراحة هي يا قصي انت اللي تطول انها تبصلك بطل غرور بقى وادعي انها توافق بيك
قصي بغيظ: ومتوافقش ليه
فاطمة: وهو انت عايزها تبصلك حتى وانت مغرور كدة الحب مفيهوش غرور ولا تكبر يا قصي
قصي بغرور: وليه متوافقش ديه هي تحمد ربها اني هتجوزها
انجلي: معلومة بس صغيرة يا قصي حلا مش محتاجة راجل في حياتها فممكن يكون وجودك زي عدمه
قصي: اي بنت بتكون محتاجة راجل تبقى في حمايته وتحس معاه بأمان
انجلي ضحكت: قولتلي تبقى في حمايته وتحس معاه بأمان قصي حلا شغالة شرطية وفي المخابرات تفتكر واحدة زيها مش هتقدر تحمي نفسها وهتستنى راجل علشان يحميها وتحس معاه بأمان وهل هي مش عارفة تحس بأمان
قصي: ليه لا يعني
انجلي: يا ابني ده لو حد كلمها حرف او عاكسها بتمسح بكارمته الارض وبتضربه
فاطمة: خلاص بقى قفلي على الموضوع ده قولي يا قصي امتى ناوي تعترف بحبك لحلا
قصي: مش عارف
انجلي: ايه رأيك انهاردة بليل انا هبقى اتصل بيها واقولها تيجي وانت ابقى اعترف بحبك ليها
قصي: فكرة حلوة تمام
ساندي كانت واقفة برا وسمعت كل حاجة
ساندي لنفسها: مستحيل اخليك تعترف بحبك ليها يا قصي انت ليا انا وبس وهي متستاهلكش
____________________________________________
فارس ورقية كانوا قاعدين في مطعم
فارس: رقية هو انا ممكن اسأل سؤال شخصي
رقية بابتسامة: اه تقدر
فارس: هو في حد في حياتك
رقية باستغراب وعدم فهم: قصدك ايه
فارس: قصدي يعني بتحبي حد او مريتي قبل كدة في تحربة حب
رقية ضحكت: يا بني حب ايه انا اصلا مقابلتش حد غيرك انت واعرف اخوات حلا معرفة سطحية يعني تقدر تقول معنديش غير خالتي وحلا ومايا ومريم وجميلة وآسيا بس
فارس: طب هو انتي ناوية ترجعي لبنان بعد اما نخلص المهمة
رقية: لسة مش عارفة بس احتمال كبير اه
فارس: طب لنفترض انك حبيتي حد او حد حبك واتقدملك هل هتوافقي
رقية: امممم يعني لو راجل ومحترم وبيحب اهله وبيخاف عليهم وملتزم وبيصلي تمام ماشي اه اوافق بس اهم حاجة يكون مميز كدة يعني يتحب لالا يتعشق انا عايزة واحد يخليني اعشقه ومقدرش استغنى عنه ثانية واحدة
فارس بابتسامة: قصدك عايزة واحد يوقعك ومحدش يسمي عليكي
رقية ضحكت: بالظبط كدة
وقعدوا يتكلموا ويهزروا مع بعض
____________________________________________
قصي اخد شاور ولبس بدلة رمادي فاتح وقميص ابيض وحذاء اسود ولبس ساعته ورش من عطره واخد مفاتيح سيارته ونزل راح على الشركة
____________________________________________
في بيت الدالي اريان وروميساء وادم كانوا قاعدين بيفطروا
اريان: اومال جاسر فين
ادم: نزل من الصبح بدري عندوا شغل مهم
روما كانت قاعدة سرحانة ومش بتاكل واريان وادم اخدوا بالهم
ادم: مالك يا روبي في ايه يا حبيبتي مش بتاكلي ليه
اريان بقلق: في حد ضايقك ولا حاجة
روما: بسرعة لالا محدش ضايقني
اريان: اومال مالك انهاردة وشك مصفر ومش بتاكلي وسرحانة وقلقانة وخايفة من ايه
روما: مش عارفة يا اريان انا حاسة بشعور مش حلو من امبارح وقلبي مقبوض
ادم: من ايه انتي شوفتي فيلم رعب امبارح
روما: لا بس انا خايفة لاني مش بحس بالشعور ده غير لما حلا تبقى مش كويسة بعيد الشر او حصل معاها حاجة مش عارفة بس انا خايفة عليها اوي
اريان: طب اهدي ايه رأيك تاكلي الاول وبعدان تطلعي تلبسي وهخلي الشوفير يوصلك عندها
روما قامت وقفت: لا انا مش هقدر اكل غير اما اطمن عليها انا هطلع البس واروحلها وبعدان ابقى افطر معاها
وطلعت غيرت هدومها ونزلت راحت على بيت اختها والشباب لبسوا ونزلوا راحوا على الشغل
____________________________________________
في بيت حلا مريم خلصت الفطار على الساعة 7.30 طلعت تصحي حلا ودخلت الاوضة لقيتها لسة نايمة
مريم: حلول يلا اصحي علشان نفطر سوا وبعدان نروح على الشغل لم تطلقى رد من حلا فهزتها
مريم: حلول يلا قومي اصحي بقى ايه النوم ده كله
فلم تتلقى رد من حلا مريم قلقت وخافت هزتها جامد
مريم بقلق وخوف: حلا.....حلا قومي متهزريش معايا
فلم تتلقى رد وقتها عنيها دمعت وكانت مرعوبة مسكت تليفونها ومش عارفة تعمل ايه ولا تتصل بمين
مريم بعياط: يا ربي اعمل ايه طب اتصل بمين اه هتصل بشاهر هو اللي هيقدر يعرف مالها ومش بتصحى ليه يارب استر واتصلت بشاهر
شاهر: ايه يا مريوم عاش من سمع صوتك عاملة ايه والواد حازم عامل ايه
مريم بعياط: الحقني يا شاهر
شاهر اتعدل بقلق: في ايه يا مريم
مريم بعياط: حلا بصحيها بقالي عشر دقايق مبتصحاش
شاهر قام وقف وقلق: ازاي يعني مبتصحاش
مريم بانهيار: مش عارفة يا شاهر ابوس ايديك تعالى بسرعة منبي انا خايفة تك......ت....تكون ماتت لا سمح الله
شاهر بخوف: بعيد الشر لالا متقلقيش ان شاء الله خير انا جايلك بسرعة اهو سلام
وقفل معاها انجلي كانت قاعدة معاه علشان تحاليل فاطمة
انجلي بقلق وخوف: في ايه يا شاهر
شاهر بسرعة: مريم مرات حازم عند حلا بتحاول تصحيها وحلا مبتصحاش
انجلي شهقت: قصدك ايه
شاهر وهو ماشي باتجاه الباب: معرفش يا انجلي
انجلي بصوت عالي: طب استنى هاجي معاك
شاهر مسمعهاش وطلع بسرعة على بيت حلا
____________________________________________
في شركة الدالي آسيا وجميلة كانوا واقفين بيتكلموا في الشغل ففي مجموعة شباب كانوا واقفين بيبصوا عليهم ويتكلموا وفي نفس الوقت ده دخل ادم واريان مع بعض بس الشباب مخدوش بالهم وكذلك آسيا وجميلة
الشاب 1: البنتين دول قمامير اوي
الشاب 2: يا بخت الاستاذ اريان معاه بت مزة اوي وقمر
الشاب 3: والاستاذ ادم كمان معاهم بنات قمامير اوي
الشاب 4: بس البنت اللي اسمها جميلة سكيرتيرة الاستاذ قصي ديه مش سهلة وصعبة اوي
الشاب 1: وانت ايش عرفك
الشاب 5: لا اصلي روحت وحاولت اتكلم معاها صدتني وقفلتني وهدتني اني لو اتكلمت معاها هتشتكيني لاستاذ ادم فمأنصحكوش
الشاب 2: بس البنت اللي سكيرتيرة الاستاذ اريان شكلها غلبانة وطيوبة وقمورة اوي واسمها آسيا
الشاب 3 وهو ينظر لآسيا من فوق لتحت: تصدق فعلا مزة
آسيا كانت لابسة بنطلون ابيض وقميص احمر وعليه بليزر اسود وحذاء ذات كعب عالي اسود وعاملة شعرها سمبولة
جميلة كانت لابسة سولبت بينك غامق وحذاء ذات كعب عالي ابيض وعاملة شعرها سمبولة
الشاب 4: طب انا هروح احاول كدة اتكلم معاهم
اريان وادم سمعوهم اتعصبوا واتغاظوا جدا وكانوا عايزين يولعوا في الشباب
الشاب راح ناحية آسيا كانت جميلة مدياها ظهرها وبعيدة عنها علشان جالها تليفون
الشاب 4: يا انسة
آسيا بصتله: نعم عايز حاجة
الشاب 4 بتوهان: يخربيت عنيكي وجمال امك
آسيا باستغراب: افندم
الشاب 4 باحراج: هو يعني في اجتماعات انهاردة
آسيا وقفت وعقدت دراعها امام صدرها: اظن انك بتكون عارف من الاستاذ ادم او الاستاذ اريان
الشاب 4: بس انتي سكيرتيرة الايتاذ اريان وزميلتك سكيرتيرة الاستاذ ادم يعني اكيد هتكونوا عارفين
آسيا: اه صح انا سكيرتية الاستاذ اريان وصديقتي سكيرتيرة الاستاذ ادم بس ده مش معناه ان إ حنا عارفين اذا كان في اجتماع موظفين ولا لا وحتى لو كنا نعرف منقدرش نقول غير اذا مدرئنا طلبوا مننا ده يعني على حسب ما اظن ان لو في اجتماعات يا إما الاستاذ اريان بيعلن ده يا إما الاستاذ ادم او الاتنين مع بعض بيعلنوا عن اذنك
وكانت هتمشي بس مسك ايديها آسيا زقت ايديه
آسيا بانزعاج: انت ازاي تسمح لنفسك انك تمسك ايدي
الشاب باحراج: انا اسف
آسيا بعصبية: واعتذارك مش مقبول وليكون في علمك متفتكرش اني طيبة او غلبانة وبيضحك عليا لا انا عارفة انت عايز ايه بس قولت اخدك على قد عقلك زي العيل الصغير بس اقسم بالله العظيم اروح اقول للاستاذ اريان وادم اللي انت بتحاول تعملوا انت وزمايلك ووقتها اظن انت عارف ايه اللي هيحصل
اريان هنا اتدخل
اريان: ايه اللي بيحصل هنا بالظبط
آسيا بتوتر: ابدا مفيش حاجة عن اذنكوا
وطلعت على مكتبها واريان اعلن ان في اجتماع بعد ساعة وطلع على مكتبه
____________________________________________
في المطعم اللي فارس ورقية قاعدين فيه
رقية: ايه رأيك نروح لحلا هي وحشاني اوي
فارس: بس كدة القمر يؤمر بس لحظة واحدة دفع الحساب ورجعلها
فارس: يلا
رقية: على فين
فارس: على حلا يلا
رقية بفرح: بجد
فارس: وجد الجد
وراحوا على بيت حلا
____________________________________________
انجلي غيرت هدومها وخلت الشوفير يوصلها على بيت حلا وقالت لستها فاطمة وهي سمحتلها تروح وقالتلها تطمنها واتصلت بمايا وعرفت ان مايا متعرفش حاجة فمقالتلهاش على اي حاجة اخدت منها عنوان حلا وراحت على بيت حلا
____________________________________________
في شركة قصي احمد الشناوي كان قاعد وقلقان لان حلا مجتش حازم دخل عليه وقعدوا يتناقشوا في بعض الامور
في الشغل
____________________________________________
شاهر وصل على البيت وطلع بسرعة على اوضة حلا
شاهر: اهدي يا مريم
وبدأ شاهر يفحص حلا جرس الباب رن فمريم نزلت تفتح الباب كانت روميساء ولما شافت حالة مريم ودموعها
روما بقلق: في ايه مالك يا مريم فين حلا
وطلعت جريت على اوضة اختها شافت شا هر بيفحصها
روما بقلق وخوف ودموع: ايه اللي حصل معاها
شاهر: اهدي يا روما
روما بعياط: اهدى ازاي ايه اللي حصل مع حلا في ايه انتوا مخبيين ايه عني
شاهر: مريم خدي روما واطلعوا برا
مريم نفذت كلام شاهر واخدت روما وطلعت من الاوضة ونزلوا لتحت في الريسبشن
مريم: ممكن تهدي ان شاء الله هتبقى كويسة هي كويسة بس شوية تعب
جرس الباب رن فراحت مريم تفتح الباب كان فارس ورقية وانجلي
مريم: فارس انت ايه اللي جابك
فارس باستغراب: غريب السؤال ده انتي مالك عاملة كدة ليه انتي معيطة صح مالك في ايه وفين حلا
مريم: طب ادخلوا الاول
دخلوا فارس شاف روما بتعيط وروما اما شافته جريت عليه حضنته
فارس بقلق: في ايه مالكوا انتوا الاتنين حلا كويسة
روما بعياط: حلا فوق مبتصحاش وشاهر بيفحصها انا خايفة عليها اوي يا فارس بعدان بعدت عنه
روما: هي هتبقى كويسة صح مش هتسيبني تاني صح
فارس عنيه دمعت: لا يا حبيتي متخافيش مش هتبعد عنك ومعاش ولا كان اللي يبعدكوا عن بعض هي هتبقى كويسة هي بتعمل كدة علشان تعرف غلواتها عندنا اهدي هي هتبقى كويسة
فارس اخد مريم على جنب وبعيد عن الكل
فارس: مريم عايزك تحكيلي ايه اللي حصل بالظبط
مريم حكتله اللي حصل مع حلا في الشركة لحد اما كلمت شاهر
شاهر نزل ووشه باين عليه ان مش كويس خالص
فارس بقلق: ايه يا شاهر حلا حصل معاها ايه
شاهر: ضغطها نازل جدا وحصل معاها صدمة وانهيار عصبي حاد بالاضافة ان حصل معاها ازمة قلبية
مريم: طب هي هتصحى امتى
شاهر: معرفش
فارس مسكوا من ياقة قميصه: يعني ايه مش عارف قالها بعصبية
رقية: قصدك انها دخلت في غيبوبة
شاهر: حاجة شبه كدة بس الاهم ان قلبها ميتعبهاش انا ادتها شوية ادوية وعلقتلها محاليل ان شاء الله تبقى كويسة انا مضطر اطلع على المستشفى عندي حالة مستعجلة هخلصها واجي تاني لو صحيت يا مريم اتصلي بيا
مريم بعياط: حاضر
فضلوا قاعدين حوالين حلا ومسنينها تصحى
____________________________________________
في شركة الدالي اريان اجتمع بالموظفين ورفد الخمس شباب اللي كانوا واقفين عمالين يتكلموا عن آسيا وجميلة
اريان: اظن ان ده مكان شغل مش حديقة ولا قاعة افراح ولا جامعة علشان حضرتكم تقفوا وتقعدوا تمدحوا او بمعنى اصح تعاكسوا وتحاولوا تقربوا من البنات انا ميلزمنيش موظفين كدة في الشركة
واحرجهم وبهدلهم وطردهم
____________________________________________
قصي وحازم كانوا قاعدين
قصي: متعرفش حلا مجتش ليه انهاردة
حازم فكر يحكيله اللي حصل مع حلا بس بعدان تراجع
حازم: ممكن يكون عندها شغل تاني او اختك مثلا او ستك طلبوا منها تروح تقعد معاهم شوية
قصي: هي مريم مراتك تعبانة ولا حاجة
حازم باستغراب: لا ليه
قصي: اصلها مجتش الشغل انهاردة وده مش من عوايدها يعني
حازم باستغراب: ايه ده هي مريم مجتش
قصي باستغراب: ايه يا بني هي مش مراتك وانتوا بتيجوا دايما مع بعض وتروحوا مع بعض ازاي متعرفش اذا كانت جت الشركة ولا لا
حازم: لا اصل........اصل هي قررت امبارح تروح تنام مع حلا وانا وصلتها امبارح فمعرفش اذا كانتجت ولا لا وكمان هي مكلمتنيش
قصي: تلاقيها لسة نايمة ولا حاجة
حازم: طب انا هخرج اكلمها واجي
حازم خرج يكلم مراته واتصل بيها ردت عليه
مريم بتعب وصوت مخنوق: الو يا حازم انت روحت على الشركة
حازم باستغراب: مال صوتك يا مريم ايه اللي حصل معاكي في ايه مجيتيش ليه انهاردة على الشركة وكمان مكلمتنيش من الصبح لبه
مريم بصوت مخنوق اكتر: انت لو في الشركة وجنب قصي قوم من جنبه واخرج برا
حازم باستغراب: انا برا فعلا بس في ايه اتكلمي متقلقنيش
مريم بعياط: حلا تعبانة اوي ودخلت في غيبوبة حصل معاها انهيار عصبي وصدمة حادة ودخلت في غيبوبة انا لما صحيت الصبح وحكتله كل حاجة من إمبارح لحد ما جيه شاهر وفحصها
مريم: ما تقولش حاجة لقصي ولو سألك عن حلا قولوا جالها شغل ضروري برا البلد فأضطرت تسافر ولو سألك إمتى هترجع متعرفش
حازم بقلق: طب هي عاملة ايه دلوقتي
مريم: لسة مصحيتش
حازم بقلق: طب انا جايلكم
ويدوب بعد عن الباب كام خطوة
مريم: اقف يا حازم حازم وقف
مريم: لو جيت قصي هيعرف ان في حاجة ولو حلا عرفت اكيد هتضايق انت عارفها كويس علشان خاطري انا متجيش وانا هبقى اطمنك واه متقولش حاجة لفارس او لاخوان حلا
حازم: حاضر انا مش عارف ايه اللي بيحصل معاها ده ديه في حياتها ما أذت حد بالعكس دايما بتساعد الغريب قبل القريب ومستعدة تضحي بحياتها علشان اللي بتحبهم وكمان تضحي بسعادتها علشان الناس اللي بتحبهم
مريم: يارب إسعدها وريحها حازم انا هقفل دلوقتي
حازم: ماشي يا روحي ومتنسيش تطمنيني
مريم: لا إله إلا الله
حازم: محمد رسول الله
وقفل مع مراته ودخل قعد مع قصي
قصي: ها كلمت مريم ايه عاملة ايه
حازم: هي تعبانة شوية بس علشان كدة مجتش
قصي: طب هي متعرفش حلا فين
حازم: حلا سافرت في شغل مستعجل
قصي: إمتى هترجع
حازم: معرفش........ انت بتسأل ليه
قصي: لا ابدا عادي بس كنت ناوي اعترفلها بحبي ليها
حازم فتح بوقه وبلم وبعدم فهم: افندم......هتعمل ايه
قصي ضحك: مالك يا بني عامل كدة ليه مفيش بس عرفت اني بخبها وعايز اطلب ايديها انهاردة
حازم: حلو اوي يا عم ادي العجل وقع ومحدش سمى عليه
قصي بانفعال: حاااازم
