وصلت حلا ومايا الى بيت قصي
حلا: مايا انزلي انتي وانا هحصلك
مايا باستغراب: حاضر اتصلت حلا بامان علشان تشوف وصل لايه في المعمة
حلا: ها جبت اي معلومات
امان: جبتلك كل المعلومات ولو عايزة ابعتلك الملف انهاردة مع اي حد
حلا: لالالالا ديه مسألة حياة او موت انا هبقى اقولك ونتقابل واخده منك اممممم ممكن بكرة نتقابل في المطعم اللي بنتقابل فيه دايما اوكي
امان: خلاص تمام وقفلوا مع بعض لمت حلا شعرها وعملته سمبولة ووضعتها على كتفها اليسار كانت في منتها الجمال ترجلت من سيارتها وانتظرتها مايا لانها انحرجت تدخل لوحدها
مايا: اتأخرتي ليه
حلا باستغراب: كان عندي مكالمة مهمة وبعدان انتي مدخلتيش ليه
مايا: الناس تعرفك انتي مش انا هدخل قولليهم ايه انا صديقة حلا وجيت افطر معاكم
ضحكت حلا: لا يا فصيحة قولي ليهم انك اختي لانك اختي مش صديقتي ابتسمت مايا لها وعانقتها وقبلتها من خدها
مايا بابتسامة: طبعا يا روحي اومال ده انتي احلى واروع اخت في الدنيا يا قلبي. طرقت حلا الباب فتح لها الباب الخادم ( مهدي )
مهدي: اهلا وسهلنا بحضراتكم اتفضلوا
حلا بابتسامة: اهلا اهلا ازيك عامل ايه يا مهد تسمحلي طبعا اقولك مهد صح
مهدي بابتسامة: طبعا طبعا يا ست هانم وانا الحمد لله حضرتك انتي عاملة ايه
حلا: لا بقولك ايه جو رسميات وست هانم وحضرتك هشوف معاك تصرف تاني انا تناديني باسمي اسمي حلا حلا مفهوم ولا ايه شكلك ناوي ترفعلي ضغطي
مايا: وانا كمان منبي بلاش رسميات انا اسمي مايا تمام مايا وبس الا قولي انجلي فين
مهدي: هما موجودين في الصالون حض.......... نظرت له مايا بطرف عنيها
مايا: يا ايه
مهدي بابتسامة: يا مايا
مايا بابتسامة: يا خلاثي على مايا من بوقك زي السكر والعثل يا عثل انت يا مربى اندهش مهدي من طريقة كلامها لكن حلا لم تستغرب ذهبت مايا الى الداخل نظرت حلا لمهدي وظلت تضحك على منظره المذبهل
حلا: لا انت لازم تتعود لانها طقة منها نفوخها مش فيها فيكون احسن انك تتعود من دلوقتي لانك مبتتعملش مع انسة انت بتتعامل مع طفلة تمام
مهدي بابتسامة: ولا يهمك يا ست هانم 10 دقايق ويكون الاكل جاهز
حلا: يا ابوي منك مفيش فايدة هعديهالك بمزاجي بس تاني مرة تناديني حلا بس مفهوم ولا افهمك بطريقتي انت حر ودخلت الصالون رأتهم يجلسون يضحكون ويهزروا
حلا: لالالالالالا في خيااااااانة هنا بتضحكوا من غيري اخص اخص عليكوا بتتطعنوني في ضهري لالالالا انا مكنتش فكراكم كدة اخص اخص عليكوا متستهلوش الثقة بتاعتي فيكوا خونتوني استغربت فاطمة وانجلي وخافوا هما مش فاهمين هي بتكلم على ايه وخانوها في ايه طبعا مايا هي اللي فهماها
مايا بمرح: ليه بس يا ست البنات زعلناكي في ايه بس
حلا بانزعاج وتمثيل انها على وشك البكاء: بتضحكوا من غيري وبتكلموا عليا من ورا ظهري وبتدبحوني بسكينة تلمة
رأت حلا ان الخوف والتوتر بدأ يزيد لدى انجلي وفاطمة نظرت الى مايا وبدأوا يضحكوا على منظر فاطمة وانجلي وفاطمة وانجلي بيبصوا لبعض ومش فاهمين حاجة
حلا بضحك: مالكم وشكم جايب مليون لون ليه انا كنت بهزر في ايه مبتهزروش ولا ايه
تنهدت فاطمة وانجلي بحرارة وارتياح
انجلي: حرام عليكي قلبي كان هيقف
حلا: ليه بتحبيني اوي لدرجاتي
فاطمة: عجبك اللي عملتيه فيا قلبي بيدق بسرعة حرام عليكي يا حلا ديه مش طريقة هزار ديه انا افتكرت هخسرك في لحظة حرام عليكي
انجلي: ياااااااه ده احساس وحش اوي
حلا بندم: اده هو انا غالية عندكوا اوي كدة
انجلي قامت وشدتها من ايديها وقعدتها في النص بينها وبين فاطمة
انجلي: على فكرة انا من ساعة ما شوفتك حاسيت اني اعرفك من زمان بس بحس بفرحة غريبة وانا معاكي
فاطمة: وانا كمان معرفش ليه بس برتحلك اوي ثم ان انتي بنتي زيك زي انجلي ان مكونتيش غالية عندنا اومال مين اللي هيبقى غالي ها
مايا: يظهر اني ماليش وجود هنا ولا ايه طب يا جماعة سلام انا قامت انجلي وحضنتها من ضهرها وكان وشهم لفاطمة وحلا
انجلي بابتسامة: طبعا لا ديه بقى السكر والعثل اللي بقولك عليها يا تاتا يا عثل انت يا مربرب انت يا مربى على سكر
حلا: اوبا لما هي مربى على سكر وسكر وعسل انا ان شاء الله ابقى ايه يا ست هانم ممكن تفهميني
انجلي ومايا ضحكوا وهما الاتنين في نفس الوقت: اوبا الغيرة هتبتدي
فاطمة بابتسامة: انتوا التلاتة من هنا ورايح ولادي وده بيتكم التاني مفهوم ولا
الكل: مفهوم دخل مهدي بعد ان استأذن
مهدي: الفطار جاهز يا فاطمة هانم
فاطمة: طيب يا مهدي روح بلغ قصي
مهدي: حاضر يا ست هانم اي اوامر تانية
فاطمة بابتسامة: لا شكرا اتفضل ذهب مهدي ينفذ اللي قالتله عليه فاطمة
فاطمة: يلا يا بنات نروح نفطر لحسن انا ميتة جوع
انجلي: اه منبي وانا كمان وعد كميت الضحك اللي الست مايا ضحكتهولنا حاسة بقالي 10 سنين مكلتش حاسة اني هموووووووووت قالتها بصوت عالي شوية
حلا: بعد الشر عنكم ان شا الله انا وانتوا لا ربنا يديكوا طولة العمر بالمناسبة انا مبحبش الكلام ده فياريت ميتكررش تاني والا متلوموش حد غير نفسكم
فاطمة ضحكت: حاضر يا حبيبتي اللي تؤمر بيه بنتي هعملهولها ضحكوا كلهم وذهبوا الى غرفة السفرة كانت عبارة عن سفرة طويلة عريضة شوية عند قصي بغرفته في الطابق العلوي
سمع طرق على الباب
قصي: ادخل
مهدي: ست فاطمة قالتلي اجي واقول لحضرتك ان الفطار جاهز
قصي: طيب ماشي دقيقتين وهكون تحت اتفضل
ذهب مهدي واخبرهم بان قصي شوية ونازل نيجي بقى استيل قصي في لبسه طبعا فاطمة طلبت منه ميروحش الشركة انهاردة وهو مبيحبش يرفضلها طلب كان قصي يرتدي بنطلون جينز اسود وقميص ابيض فاتح اول زرار فيه ومافز اقمامه وكوتشي من الون الاسود وكان جينتل جدا بلبسه او بمعنى اصح لبسه وهيبته كانت بتكلم عن رجولته كان جينتل مان جدا نزل واتفاجئ بحلا بالاضافة انها جلست مكانه فانزعج
قصي: صباح الخير يا ست الكل وقبل راس فاطمة ونظر لانجلي صباح الخير يا احلى نونو في الدنيا
ابتسمت له انجلي: صباح الورد يا عيوني
فاطمة بابتسامة: صباح النور يا حبيلي يلا اقعد افطر علشان تاخد دواك يلا
[ معلومة قصي مريض سكر يعني عنده سكر ولازم يفطر وياخد دواه والا ممكن يحصل معاه هبوط ويتعب ]
قصي: قومي من هنا حلا لم تعيره اي اهتمام
قصي بانزعاج: حلا قومي من هنا ولا طرشتي ومبقتيش تسمعي نظرت له حلا بمنتهى البرود
حلا: لا بسمع لسة مطرشتش بس لو عايز ممكن اعمل نفسي طرشة
قصي بانزعاج: يعني سمعتيني اومال مرضتيش ليه ووضع ايديه امام صدره
التفت حلا حوالبها: هو انت كنت بتكلم معايا معلش مخدتش بالي
قصي: يعني هو في حد غيرك هتكلم معاه
حلا بهدوء وبرود: اه في الا اذا كنت معجب
قصي بانزعاج: قومي علشان عايز اقعد
حلا: متاقعد وانا مسكاك مالكراسي قدامك ايه كتبر
قصي بانزعاج: انتي قاعدة مكاني
التفت حلا حولها وكأنها بدور على حاجة والكل مذبهل من اللي بيحصل لان معروف ان قصي نحدش يقدر يجادله لان الكل بيخاف منه وطبعا البنات بتبقى دايبة فيه وعشقينه فمبيقدروش يجادلوه زي حلا وغير كدة كمان بيخافوا منه والكل بيهابه
حلا: بس الكرسي مش مكتوب عليه اسمك يبقى مش بتاعك
قصي بعصبية: انا بقعد هنا دايما
حلا: وانا جيت الاول شوفلك كرسي تاني
قصي تذكر انه طردته قبل كدة من غرفتها والبيت فحب يردهالها طبعا الكل كان بيفطر قبل اما قصي يجي لانهم ميتين من الجوع
قصي بنظرة خبيثة: انتي ازاي دخلتي بيتي من غير استأذان اتفضلي يلا اطلعي برا وبعدان في حد يجي لحد على الصبح كدة من غير ما يستأذن اتفضلي يلا مش مرحب فيكي هنا. نظرت له فاطمة بانزعاج وغضب ولكن حلا نظرة لها بمعنى سيبيه عليا
حلا بهدوء وبرود: ده شئ ميخصكش
عقد قصي ذراعيه امامه ورفع احد حاجبيه: ازاي ميخصنيش وده بيتي انتي ناسية نفسك مين وبعدان الناس هتقول ايه على بنت جاية بيت راجل غريب ومديرها في الشغل على الصبح تركت حلا المعلقة ونظرت له
حلا: اولا انا مش جاية بيتك انا جاية بيت اختي انجلي وستي فاطمة كاد ان يتحدث قصي ولكن حلا اكملت
حلا: ثانيا ستي هي اللي طلبت مني اجي وافطر وهي اللي تقولي امشي او لا ونظرت لفاطمة
حلا: ها يا ست الكل قولتي ايه
فاطمة باستغراب: انتي بتقولي ايه يا حلا يا بنتي ده بيتك في اي وقت حولت حلا نظرها لقصي
حلا: ثالثا الناس مش هتقول حاجة لانك مش لوحدك في البيت وبعدان متخفش اوي كدة لو سمعت حد اللي هتتأذي فهي انا مش انت
قصي بلئم: انا بس خايف عليكي مش اكتر
ضحكت حلا ضحكة استفزت قصي: لا متخافش يا قصي انا عارفة انا بعمل ايه وبعدان انت ناسي انا مين يعني مارئ في حياتي كتير اوي يعني اقدر اتعامل مع الوضع متخافش ومتقلقش
فاطمة: وبعدان معاك يا قصي هتفضل واقف فوق دماغنا لا انت راضي تقعد تاكل ولا سايب حلا تاكل اقعد بقى يلا
قصي بغيظ: حااااضر جاء ان يلتف ليجلس على الجانب الاخر
فاطمة: انت رايح فين اقعد جنب حلا. نظرت حلا والبنات وقصي لفاطمة
قصي باستغراب: نعم
فاطمة: هو ايه اللي نعم بقولك اقعد جنب حلا مش بناديلك علشان تقولي نعم
قصي: انتي عارفة لو قعدت جنبها معناه ايه
فاطمة بخبث: معناه ايه
انجلي: معناه ان حلا تبقى مرات قصي لان معروف ان الزوجة هي اللي بتقعد جنب زوجها على السفرة كانت حلا بتاكل واول مسمعت انجلي شرقت وفضلت تكح ووشها احمر ابتسمت فاطمة واعطتها ماية علشان تشرب وشربت حلا نظر قصي لانجلي نظرة مشتعلة فبعدت وشها
فاطمة: مش مهم يعني حلا مش هتبقى مراته لمجرد انه قعد جنبها فاضطر قصي يقعد جنبها لانه مببحبش يرفض طلب لسته وهو بيلف علشان يقعد على الكرسي اللي جنب حلا ضرب حلا بغيظ على ظهرها حلا كحت نتيجة الضربة كانت جامدة وكانت بتبلع الاكل وقتها حلا وشها احمر جامد انجلي ومايا وشهم اصفر وخافوا لان حلا مكنتش قادرة تاخد نفسها وقتها فاطمة وقفت حاولت تشربها بس هي شربت بالعافية وقتها مايا طلعت دوا حلا بسرعة من الشنطة
مايا: خدي يا حلا الدوا بسرعة هتبقي كويسة
فاطمة خدته من مايا واعطته لحلا وفضلت تطبط على ظهر حلا لحد اما ابتدى تنفسها يبقى كويس وبعدان قعدت كملت فطار قصي باستغراب: دوا ايه ده وليه قلقتوه للدرجاتي ايه كانت هتموت مثلا من ضربة على ظهرها ونظر لحلا
قصي: اومال انتي كلام على الفاضي ولا ايه ممكن افهم دوا ايه ده فاطمة وانجلي اتوتر لانهم عارفين ان حلا مش عايزة قصي يعرف حاجة عن موضوع قلبها حاولت تستجمع نفسها
حلا: شئ ميخصكش ولا انت لمجرد انك قعدت جنبي هتفتكر انك جوزي بجد
قصي: والله انا مديرك من حقي اعرف كل حاجة عنك
حلا: مديري ام تمام على عيني وعلى راسي بس متخدش في نفسك اوي انت مديري كدة وكدة بس ده مش معناه انه ليك الحق في حياتي الخاصة
قصي بعند: لا ليا ويخصني وهتجاوبيني دلوقتي غصبن عنك ورجلك فوق رقبتك دوا ايه ده
حلا: تمام قولي بقى دوا ايه ده اللي تاتا فاطمة بتكلم عليه
قصي: شئ ميخصكيش وبعدا انتي المفرود تجاوبيني مش تردي عل سؤالي بسؤال
حلا: دوا السكر صح نظر لها قصي باستغراب لان مفيش حد في الشركة يعرف بالموضوع ده غير عيلته وشاهر
قصي باستغراب: عرفتي منين
حلا بابتسامة: انت ناسي انا مين وهنا ليه عموما هجاوبك ولو ان انا مش مجبرة بس علشان تكون مرتاح احنا بيكون عندنا ملف كامل باللي بنشتغل معاهم وفيه ادق التفاصيل زي باباك يكون مين ليك اخوات ولا لا متجوز ولا لا والاهم من ده انه لازم يكون عندنا تقرير طبي اذا كان الشخص ده بيعاني من اي مرض او حاجة علشان نقدر نتصرف في الوقت المناسب بس فانا اعرف كل حاجة عنك بادق التفاصيل وبصراحة اعرف حاجات عنك انت ذات نفسك متعرفش اني اعرفها انا اه صح بنت بس احب اقولك متتخدعش بيا اوي انا صح بنت ويمكن زي اي بنت بس في حاجة انت متعرفهاش اني في شغلي او في التعامل مع الغرباء انا راجل مش بنت وليكون في علمك انا مبتصرفش اني بنت الا مع اللي اعرفهم مع اي حد بصدر الوش الخشب مبحبش حد ياخد عليا وخاصة لو راجل بقى ديه بقى حكاية تانية سرح قصي فيها شوية ثم
قصي: بس بردك مجاوبتنيش على سؤالي دوا ايه ده
حلا: ويهمك في ايه انك تعرف ونظرت ليه وسرح في عينيها للحظات ومن ثم اكمله فطارهم بعد ان انتهوا
قصي: اه انتي مجاوبتنيش بس مصيري هعرف برده
حلا بابتسامة: اه صح انت مبيصعبش عليك حاجة
قصي: وعرفتي منين ان مفيش حاجة بتصعب عليا
حلا: ده معروف عن قصي احمد الشناوي بس احب اقولك طول مانا مش عايزاك تعرف يبقى مش هتعرف
قصي: اممممممم يا ترى منين جايبة الثقة ديه
حلا ضحكت وكنت اول مرة تضحك قدام قصي وقصي اما شاف ضحكتها سرح فيها وطبعا الكل كان واقف ومهدي
حلا بابتسامة: انا سمعت انك بتفهم موظفينك كويس بس انا ظهرلي غير كدة خالص شكلك متعرفش انا مين ولا ايه وعلى كلن لو عايز حاجة اسئلني وانا هجاوبك لان مفيش حد يعرف عني حاجة
قصي: ليه ان شاء الله محدش يعرف عنك حاجة ايه شبح وانا معرفش فضحك الكل وحلا
حلا بابتسامة: لا بس تقدر تقول اني مجهولة بالنسبة للناس محدش يعرف حتى انا بنت مين ولا ساكنة فين مثلا لاني بتنقل كتير علشان ليا اعداء كتير فتقدر تقول اني شبه ميتة بالنسبة للناس انزعج قصي من كلامها الاخير ده
قصي: ليه بتقولي كدة وبعدان هو في حد يشوفك يعني ويسكت ولا انتي رأيك ايه
ابتسمت حلا بوجع: معاك حق
قصي لاحظ تغيرها فاستغرب
قصي: انا اسف مش قصدي اضيقك او اوجعك
حلا بابتسامة: لا ولا يهمك يعني هي جت عليك مالدنيا كلها جاية عليا وبعدان عادي ولا يهمك
مهدي: ممكن اقول حاجة يا انسة حلا
نظرت حلا لمهدي: حلا بس يا مهدي من غير اي القاب قول عايز ايه
مهدي بتوتر وخوف: هو......بس.....
حلا بابتسامة: قول اللي انت عايزه متردد ليه
قصي: اه صح متردد ليه في حد ضايقك يعني وعايز حلا تاخدلك حقك منه
مهدي: لا يا بيه محدش ضايقني بس كنت عايز اقول حاجة لحلا بس متردد شوية
حلا بابتسامة: قول ومتخافش
مهدي: ماشي بس متتعصبيش
حلا ضحكت: لا متخافش
مهدي بابتسامة: ضحكتك حلوة اوي افضلي اضحكي كدة على طول
قصي بانزعاج: يظهر انك كنت مركز اوي معاها فانحرج مهدي
حلا: اممممممم انت عارف انت قولت ايه
مهدي بخوف: ا....اا....اه بس ده كان مجرد اطراء بس مش اكتر والله
حلا بابتسامة: ماشي يا سيدي هعديها بس انا مش بحب حد يطرئني يعني واللي بيعمل كدة بتبقى امه داعية عليه
مهدي: ممكن اسأل ليه
حلا بابتسامة: هجاوبك بس علشان متمدحنيش تاني انا مبحبش حد غريب يمدحني او يقولي اني حلوة هو مش قصت انك غريب لا احنا اصحاب صح هز مهدي راسه بالموافقة
حلا بابتسامة: بس انا اصدقائي عارفين ده فعلشان كدة بقولك اما بقى بالنسبة ليه هجاوبك ولو اني عارفة ان ده مش هيحصل انا لو عايزة حد يمدحني ويقولي ده فيكرن الشخص ده جوزي وبس او مثلا بابايا بس لكن مش حد تاني حتى في اوقات اخواتي بيفضلوا يعاكسوني بعمل فيهم عمايل
قصي باستغراب: غريبة اوي
حلا نظرت له: ايه اللي غريب اني احافظ على نفسي للي يستاهلنل ويحبني
قصي: لا مش قصدي بس مفيش حد بيعمل اللي انتي بتعمليه بصي هقولك هي غريبة في ايه في ان اولا انتي ليه قولتي انه شئ مستحيل الشباب مفيش اكتر منهم ثانيا ليه بتضايقي لما اخواتك بيعاكسوكي انا شيفه عادي لو مثلا مهدي اللي عمل كدة او اي حد مثلا غريب ممكن اه تبهديليه ومعاكي حق بس اخواتك عادي
انجلي وهي تضحك: انا عايزة اقولك يا حلا ان قصي مبيبطلش يعاكسني في الرايحة والجاية
قصي: لو مش عايزة تجاوبي برحتك بس شخصيتك غريبة
حلا بابتسامة: عايزني اجاوبك
قصي: لو تحبي يعني
فاطمة: طب بعد اذن حضراتكم ممكن نقعد الاول وبعدان تتكملوا جلسوا جميعا في الصالون
حلا: ممكن طيب تقولي ايه الغريب في شخصيتي
قصي: يعني فكرة انك تضيقي من اخواتك ديه اللي غريبة
حلا بابتسامة: لا الفكرة مش لان اخواتي بيعاكسوني الفكرة في طريقة المعاكسة يعني مثلا انت لما بتيجي وتعاكس انجلي بتقول ايه وبتعمل ايه
قصي ضحك: هجاوبك يعني.......امممم.......مثلا لو هي رايحة فرح او حفلة عيد ميلاد وبتكون مظبطة نفسها ميكاب وفستان وجزمة بكعب عالي فبتبقى اميرة فبعاكسها وبقولها تسمحيلي ايتها الاميرة اريد ان اخطفك من العالم كله لو مثلا اميرتي زايدة حلوة انهاردة
انجلي ضحكت: انا عايزة اقولك اني بجد بحس نفسي ولا الاميرات تقدري تقولي كدة سندريلا وهنا جاء لحلا مكالمة
حلا: عن اذنكم عندي مكالمة مهمة وطلعت وردت
مايا بمرح: اده يعني احنا كدة عندنا اميرتان والاتنين سندريلا واو حلو اوي
قصي: قصدك ايه باميرتان انا معنديش غير واحدة وهي انجلي
مايا ضحكت: انا مبتكلمش عنك انت بتكلم عني
قصي: ومين هما الاميرتان اللي عندك
مايا: الاولى حلا والتانية انجلي
قصي باستغراب: حلا
مايا ضحكت: اه حلا يا قصي بص هو اه ممكن تكون بتتعامل معاك بطريقة فظيعة زي ممكن تخليك تتعصب بس بجد مفيش اجدع منها ولا اطيب من قلبها صدقني جرب ان هي تكون صديقتك وشوف ايه اللي ممكن تعمله علشانك
انجلي: بس ليه قولتي ان الاولى حلا مش انا
ضحكت مايا: اه اقدر اقول ان ديه غيرة الاميرات بس اقدر اقول ليكي ان سندريلتي مش هتاخد اميرك ثم ان انا شوفت حلا وقت تكون رايحة حفلة هي مش بتحط ميكاب خالص بالكتير اوي بتحط روج لا اكتر ولا اقل وبتحط برفيوم بس بتبقى جميلة الجميلات وهي اساسا كانت واخدة لقب ملكة جمال العالم في عام 2014 بس لما ابقى اشوفك وانتي رايحة حفلة وقتها ابقى اقرر مين الاجمل ولو ان انا مئظنش هقدر وضحكوا وهنا دخلت حلا بس كانت مشغولة في التليفون رأها قصي وظل سارح بها استيقظ من شروده على تليفونه فصعد الى غرفته لكي يرد وقتها دخلت حلا وقعدت مع مايا وانجلي وفاطمة وقعدوا يهزروا ويضحكوا ويتكلموا شوية عن طفولتهم وعلى الساعة 12 الظهر طلبت انجلي من حلا
انجلي: حلا حبيبتي ممكن تطلعي تجيبيلي اللاب توب من الغرفة اللي بالطابق العلوي
حلا: انهي واحدة. شاورت انجلي على غرفة قصي
فصعدت حلا الى الاعلى ودخلت الغرفة من دون استأذان وانبهرت بالغرفة حيث يوجد سرير كبير في احد زوايا الغرفة ويوجد كرسي وطربيزة صغيرة بيقعد عليه قصي يشتغل ويوجد بلكونة عندما تدخلي يوجد حمام سباحة كبير بس هما مش بيستخدموا وفي الوش بلكون اخر بس هنا لما بيكونوا حابين يشوفوا ضوء القمر بليل وبداخل الغرفة بابين واحد باب الحمام والخر غرفة الملابس ونقدر نقول التصميم زي غرفة حلا بالضبط حلا كانت واقفة ومنبهرة بالغرفة ليس لانها كبيرة لا لانها تشبه غرفتها كثيرا رأها قصي فوقف وسرح بها هو لايعلم ما الذي يحدث له عندما يراها ولا يعلم لماذا يريد ان يتحدث معها؟ ولماذا عندما ينظر لها لا يستطيع ان يبعد نظره؟
____________________________________________
هل قصي حب حلا ام لا؟ وكيف اخوات حلا هيصالحوها؟وهل هتتقبل اعتذارهم؟
ارائكم بلييييييز
