شمس بغداد

المشهد

دلير :
ماما لو هاي لو بعد ابقة امكابلج مثل اختي انتي بعد بكيفج

نرجس ام دلير :
ماما انته تعرف احنه كراد وطبيعتنه مو مثلهم وهمه هم ما اعتقد ينطون بتهم الكردي صح همه مثقفين وعايشين بغداد بس يبقى اهلها عرب ومينطون للاكراد

دلير:
ماما هسه لو ما انتي مديرة للثانويه ومثقفه بعدج بهل تفكير بعد اشبقيتي للج.....اسف ماما بس منصدم بيج

نرجس :
اني اشكد صارلي عايشه بغداد ومعاشرتهم وصادفت هواي ناس بس يبقى اطباعهم متتغير اني احجيلك عن خبرة ماما

دلير :
انتي لاتخلين الصوج بيهم وانتي من كاعدج ممقتنعه انتي وافقي وهمه الله كريم 

نرجس :
ماما ماجذب عليك صح اني ماعندي شي وياهم بس هم اخاف .
تعرف انته ابني الوحيد وهمه اقل شي عدهم وفصل واحنه ماعدنه ظهر بغداد وماعدنه هيج قوانين الفصول مثلهم .

دلير :
هههه ليش ممحسستني رايح احارب لو رايح اتعارك حتى اتخافين  ماما اني رايح اخطب واتزوج ولاتنسين ابوها مهندس وصال سنين بغداد وبعيد عن سالفة العشائر

نرجس :
اوك ماما يصير خير الله كريم
....................................................
نرجس :
اني امرأة كرديه من شمال العراق
وحبيت ابن عمي وهوة وياي بلجامعه .
انتقل دراستنه البغداد واني وياه واحد يحب الاخ من الصغر

فقرروا اهلنه يزوجونه ويدزونه البغداد انكمل دراسه
بلفعل اتزوجنه وانتقلنه البغداد وعشنه حياة زوجية ناجحه وحبينه بغداد وقررنه نستقر بيها

اني صرت مدرسة ودلشاد زوجي صار طبيب اسنان
صارت عدنه طفله اتخبل بيضه وعيون زرك وحلكها

مسقول احمر وشعر ذهبي مثل اطفال الاجانب سميناها نازلين :-

لان اني موظفه  وزوجي طبيب محبينه ننجب اطفال ورة ٦اسنين حبلت وجبت ولد وسميته دلير هم اشكر ويخبل

جان وكح ودائما يتعارك يرجعلي لو كاتل لو مكتول واغلب الاسباب لان يكلولة كردي وهوة حسباله يسبوه

عشنه حياة هادئة جان عدني هوس بلنظافة لازم البيت يومية يتنظف لازم محد يدخل للبيت بلحذاء خاله قوانين بلبيت
كلهم يمشون على نظام واحد بس دلير ميلتزم بيها

اما نازلين صارت اضرب مني بحيث شكيت بيها عدها مرض النظافه لان المعقم ميفارك جنطتها

وراحت كليه وتخرجت وصارت محاميه وكلما يجوها خطابه متقبل احس عدها عقدة