شمس بغداد

بارت الثالث عشر

اصيل:-
طلعت منها وكلبي موجر نار خلص لحظات العشك خلصن لحظات الفرح خلصن لابد اعود روحي بلاها

اريد ارد مثل الاول اريد اتنفس هوى جنه مامش هوى والطريق طويل انه ولا ستراحيت واسوق بكل سرعتي

تمنيتها تمنعني تمنيتها تكول افتهمت اصيل انه عد شورك

بس لا هيه متكدر تتحجب ولاتكدر تمشي بشور احد خلص بويه لهنا لابدكلبي يكف عنها
....
نازلين:-
راح وعافني حسيت روحي وحيدة بهل عالم محد يعنيلي شي محد يونسني الحياة مالها طعم بعيني

لاالمكان ولا الاشخاص اكدر اتعيش وياهم طلعنه للغابات واني كاعدة مكاني متحركت من الخيم واتحجج برجلي
كومار:-
ليش متجين نتمشه شويه ونكطع جوز تعاي منظر يخبل ليكدام
نازلين:-
روحو اتونسوا انتو اني رجلي يوجعني كاعده هنا منتظرتكم
كومار :/
لا لعد اني شعندي كعدة يمج احلى
نازلين:-
اتضايقت بس شسوي عفته يحجي ويسولف ويضحك واني بالي اصلا مو يمه هيج هنت عليك اصيل عفتني

وتعرف هذا يتمنى اشارة مني وين صار حبك وغيرتك عليه اكيد لعد متحبني
اجتي سرى يمي
سرى:-
اشوفج مو على بعضج
نازلين :-
لاليش بس رجلي ما اكدر اكوم
كومار:-
زين راح اجيبلج باسكل واصعدج بيه واني اسوق شويه اغيرلج جو
نازلين:-
لا ميحتاج لاتعب نفسك هيج مرتاحه ترة
سرى:-
كومار انته جيب باسكل احسن فكرة هاي
كومار:-
صار يله
نازلين:-
من راح كومار شبيج اتخبلتي شنو اصعد وياه نفس الباسكل بس لاحسبالكم شاديه وعبد الحليم
سرى :-
ههههه لا ولج ردته يروح حتى افتهم شبيج
نازلين:-
ماكو شي
سرى:-
عليه مو اني اعرفج زين
نازلين:-

صدكيني لان ماكو شي ضايجه خلص هوة راح واني قررت اطلعه من بالي واعيش حياتي عادي بس ما اكدر

احس الحياة طعمها اتغير لان ضكت الفرحه والاحساس بقرب الحبيب من راح كلشي ماله طعم
بس لازم انساه وتعايش بوضعي من دونه
سرى :-
اي لازم ترجعين مثل قبل
نازلين:-
سرى عندج مبايل لان مبايلي وكع بلماي ومبايل الشغل ماريد افتحه
سرى :-
اي عندي بس شسوين بيه
نازلين:-
بس اريد اعرف وصل لا وينه ظل بالي عليه
سرى:-
كعدي راحه لا ماعندي مبايل ولا انطيج
نازلين:-
صدك تحجين جيبي مبايلج
سرى:-
هاج مبايلي بس تصرفج غلط نازلين واني ماحب هيج تتصرفين
نازلين:-
اي صح تصرفي غلط هاج مبايلج ماريد احجي ويه احد بس عفيه بلكي تنهين هل سفرة اريد ارجع البغداد

سرى:-
انطي مجال الهذا كومار متكولين شنو نقصه
نازلين:-
تدرين لو متقدملي قبل لا احب اصيل جنت يمكن اتقلمت وياه بس هسه قلبي مو ملكي ما اكدر
سرى :-
انطيه فرصه الخاطري
نازلين؛-
محد يفهمني اوك راح انطيه فرصه
سرى:-
ابن الحلال بذكرة شوفي شلون دبرلج باسكل يله روحي صيري شاديه
نازلين :-
هههه عليج سوالف اضرب من امي
ولو ما استبعد هيه دازتج عليه
كومار:-
يله نازة تعالي
نازلين :-
كومار اجي وياك امشي بس عفيه بدون الباسكل اخاف لا اوكع واتكسر هل مرة
كومار:-
اوك لعد بس تعاي
نازلين :-
مشيت وياه بصراحه هوة شاب ميتعيب وشاريني بس شسوي ما اكدر عقلي وقلبي مو ملكي اخذهن وياه