شمس بغداد

بارت الثلاثون

نازلين:
جنت اكمل شغل واصعد الغرفتي خالية من اي مشاعر كل حواسي متجمدة لاعيني اتشوفهم ولا اذني تسمعهم

ولا قلبي يتاثر ولا عقلي يشتغل
فاتن :
جنت اشوفاً نازلين هيج جافه وياي ماتحجي وياي حقدت على اخوي عبنه هوة السبب نار بكلبي عليها

رحت حجيت ويه الشيخ
شيخ ممكن اخذ من وكتك
شيخ :
تعاي خويه كعدي احجي البعبج
فاتن:
تعرف انته شنهي بلانسبه الي موش اخوي انته ابوي واخوي وتاج راسي وهيبتي وقدوتي

بكد عيوني احبنك
اصيل:
اعرفاً بويه انتي اغلى من سواد العين الي
فاتن :
راح احجي مايهمني اذا زعلت مني عبن بصراحه كلبي موجر منك
اصيل :
فاتن اعرفاً شراح اتكولين وعلمن ضايجه
فاتن:
شيخ انته مايوم ظلمت احد بس نازلين انظلمت يمك وبيتك وانت مسؤل عنها ولا اتشوفني غشيمه البنت ما

تستحق تصير فصليه موش انوب هيج تنظلم وانته مايوم انظلم بديوانك واحد

وحك جدي ياخويه ان مارديت ظليمتها انته لاخوي ولا انه اختك ولساني مايطخ ع السانك  كمت ابجي واشهك متحملت
اصيل :
حركت كلبي بلزايد فاتن حضنتها
وحك دموعج هذني انه موش اخيج اذا مرديتلها اعتبارها
فاتن :
لاتحضني خويه ماريد استند بيك وانت ظالم
اصيل:
كمت ابجي واشهك من حجيها جرحتني بكلبي
خيه لاتظلميني بحكمج ترة كلامج يحز بكلبي انتي

ماتعرفين غلاج عندي
فاتن :
انته جنت رفعة راسي خويه جنت اتفاخر جي انته اخوي هسه من ظلمك مكدر احاجي نازلين ما اكدر

اخلي عيني بعينها  اترجاك خويه من اليوم انه ماريد تحاجيني اله ترجع حك الاصحابه
اصيل :
صار خويه تامريني يا اغلى من ضي عيوني
فاتن:
عفته ورحت الحجرتي هلكد بجيت على اخويه وعلى

نازلين وهاي اول مرة هيج احاجي اخويه وعرفت اتاذة بس محبيت اغالط نفسي وانه مراضيه عنه
اصيل :
كمت مسحت دموعي نار شاب بكلبي هاي موش اختي هاي بنتي وضي عيوني هيج اتحاجيني حكها تربات

ايدي ماترضه للظلم خابرت مجيد وكله هسه اريد اشوفك بلديوان
اجاني مجيد بليدوان
مجيد ؛
شلونك شيخ
اصيل:
اكعد اسمع شكلك وتنفذة بلحرف الواحد
مجيد:
صار
نازلين:
مرت ايام واسابيع اني على نفس الوضع  جنت اسوي جاي وكف بصفي مهند
مهند:
شلونج نازلين شخبارج يلغاليه عاش من شافج
نازلين:
بدون ماباوع بعدني بيه نفس
صبيت الجاي ماعندي رغبه احجي ويه بشر

شفت حنان اتصيح على جوري تامرها تغسل جهالها وهيه حامل وهاي المسكينه شايله بتها على بطنها وجاي

اتغسللها
عفت الجاي  ورحت اخذت البنيه من حضنها
انتي معليج ابنتها هيه مو عرجه ولا مشلوله انتي حامل هيه اتغسللها شبيها شو صحته احسن مني ومنج
حنان .:
جا طلعلج حس  يلفاهيه
اجتني ودفعتني
نازلين :.
شيلي ايدج عني لا اكسرها الج
حنان:.
وج يل فصليه شلون تتجرئين اتجاوبين اسيادج
نازلين :.
مستحيل المثلج تصير سيدة
السيادة بعيد على عقليات متخلفة مثلج
حنان :.
شو دتعاي اراويلج  مكانتج
نازلين:.
لزمت ايدها وحيل ودفعته وكعت بلكاع
حنان :.
يا كلبه ياحيوانه هليوم اموتج بيدي
نازلين:.
يله راويني قوتج سمعي اكلج شغله مو لان ساكته مسميني فاهيه