اصيل:-
جا انه مو سلطان وانتي من حريمي ماتجين الحضني مو كلبي وجر من الشوك
نازلين:-
اعتقد اكو اتفاق بينه
اصيل:-
خوش بويه على راحتج احركي افادي وانه صابر وانتظر تاليها شلون وياج
نازلين:-
ابقه انتظر ميهمني
هسه سويلي درب اريد اروح
اصيل:-
اوف يكلبي اشتحمل شوك لو عشك لو حرمان وانتي كلبج صخر جلمود الين منه
نازلين:-
همزين تعرف قلبي صخر يوم العفت اهلي عفت كل المحبة والمحنه يمهم اجيت بلا قلب حجيتها وتحسرت
اصيل:-
اتكربت عليها بستها من كصتها
اصبري كلشي بلصبر ينحل
نازلين:-
ولو ما اعرف شنو بالك وعلى شنو اصبر لو شنو انتظر بس اني صابرة واثقه بيك رغم تصرفاتك كلها اذتني بس قلبي يثق بيك
اصيل:-
وانه مشكور من ثقتج صدكيني ماخيبلج ظنج بيه
نازلين:-
هسه خل اروح عندي شغل
اصيل:-
روحي بس ديري بالج من العين لاتصيبج
نازلين:-
اذا مفروض اخاف بس من عينك اخاف
اصيل:-
هههه اي بويه حكج
نازلين:-
طلعت منه ورحت والانظار كلها عليه ووبس يتهامسون
ام جاسم:-
ولج شوفيها شطالعه هل فصليه ولج ناديه شيخ مينلام من يصد عنج
ولج شوفيها شحلاتها وهل شعر الذهب شوفيه راح يلوح الكاع. احنه اتسودنه عليها جا الزلمه شلون
ناديه:-
شسويلها هل كرديه
ام جاسم :-
عوفيها علي
هي يلفصليه. تعاي جيبيلي ماي
نازلين:-
شفتهم مجتمعين كلت خل اتجنبهم واجفي شرهم رحت جبت ماي قدمته الهم ام جاسم اخذت كلاص وكعته بلكاع
ام جاسم :-
اشمالج يلفاهيه ماتشوفين
نازلين:-
عرفت حيلتهم بلش حربهم اذا اجاوب اني اخسر
اني اسفه معرفت حقج عليه
ام جاسم :-
شنهي تتاسفين روحي نظفيه فاهيه تهي بهي نسوان اخر زمن
نازلين:-
عفتها ورحت جبت فرجه ومكرافه ولميته اجتي ناديه عمداً داست على ايدي
اه يوجعني وخرتها بيدي شو هاي وكعت روحها بلكاع وكامت اتصيح
التمو النسوان
ام جاسم:-
اشمالج ويه بنت هيج دفعتيها شهل حقد بعدها مصايرة ضرتج هيج اتسوين بيها جا مالج ردادانتي
نازلين :-
بس اني مدفعتها هيه داست عليه
ام جاسم :-
جا انتي يلفصليه اتجذيني انه لو ما جبيتي على ماي عمداً وانوب دفشتي البنت بلا سبب
نازلين :-
اني اعتذر ست ناديه مو قصدي بس انتي دستي على ايدي وردت اوخر رجلج معرفت هيج راح توكعين
ناديه:-
ولج انتي خلك فصليه تجين ادفشيني انه
نازلين :-
هسه مطلوب مني شنو حتى ينتهي هل مسرحيه
حنان :-
ولج انتي من صدك ماتستحين شتقصدين مرت عمي اتجذب وتمثل
نازلين:-
غمضت عيني ودنجت راسي وابتسمت ابتسامه ياس
كملت السبحه
ناديه :-
جريتها من شعرها لفيته بيدي لو بيدي اهلسه الها اتهلس
فاتن :-
بسج ناديه عيفيها ماسوتلج شي
ام جاسم:-
جا احنه كلنه نجذب وهل كرديه تصدك
فاتن:-
حشاج مرت عمي بس مصار شي الهذا كله
ناديه:-
لاصار وانه اربيها
جوري:-
ناديه عيفي شعرها لاتذيها
ناديه :-
هههه هاي ياهو طلع حسه الهديه جا خوش والله همزين سمعنالج حس
أنت تقرأ
شمس بغداد
Mystery / Thrillerقصة تتكملم عن اهم قوميتين في العراق من سلبياتها وايجابيتها بين الاكراد والعرب .فتاة كرديه متحررة تصبح فصليه لشيخ من شيوخ العرب .بلقصة نوضح كل قومية تحتاج للقوميةالثانية كي تعيش حياة جميله ومتكامله
