شمس بغداد

بارت السابع

نازلين:- رجعت من سرى ودموعي بعيني خربت واهسي من كلشي كلامها صح بس شسوي ارتبط بشخص عشوائي بدون مشاعر شلون اعيش افضل ابقه وحيدة العمر كله ولا اظلم  نفسي واظلم انسان وياي شنو بيدي اذا قلبي مدك الاحد بس للمستحيل هسه لو مشايفه دكات الحب هم اهون عليه جان جنت اكول الحب يجي بعد الزواج بس هسه لاما اكدر لان عشت حب مستحيل الوصال وطبيت بلبيت سلمت عليهم وصعدت الغرفتي 
دلشاد:- شبيها نازلين مغثوثه 
نرجس :-اني سبب كلفت سرى تحجي وياها موضوع الزواج وعرفت اني جنت ضاجت
دلشاد:- نرجس عوفي الابنيه لاتعقديها
نرجس:- كل هذا وممتعقدة دلشاد اصحه واقتنع بتك متعقدة من الزواج رافضه فكرة الزواج وانته السبب
دلشاد:- انتي عوفيه بسلام هيه تعرف تصرف اني واثق بيها تعرف تصرف بس بدون ضغطكم عوفوها
يله دلير روح صيحه تتغدة
دلير:- اوك بابا
نازلين:- اندك الباب منو
دلير:- يله يلحلوة منتظريج حتى نتغدة
نازلين:- اتغدوا انتو اني متغديه
دلير:- مو تعرفين اذا متغديتي ابوج مراح يتغدة
نازلين:- بنترة دلير كتلك متغديه شنو مرتين اتغدة تردوني
دلير:- براحتج
دلشاد:- ها مراح تنزل اكيد
دلير:- اتكول متغديه
دلشاد:- لاممتغديه بس هيج اتكول حتى لانلح عليها عوفوها ماريد احد يضغط عليها  وانتي نرجس هذا الموضوع بعد ابد مينفتح وياها
نرجس:- صار بس قنعها تتغدة
دلشاد:- لا عوفيه اريدها ترتاح
نازلين:- كمت ابجي ومبايل العمل ابد مسكت للعلم عندي مبايلين مبايل للعمل ومبايل للاقارب ومبايل العمل بليل اغلقه صارت بل٢ بدلت رحت للجيم كملت رجعت اتحضرت ورحت للمكتب اول مدخلت للمكتب اتفاجئت بوجود الشيخ كاعد منتظرني ويه المراجعين
نازلين:- سلام وعليكم
اصيل:- والمراجعين وعليكم السلام
نازلين:- شلونك شيخ شو جاي من وكت  اصيل لو بس اتشوفين مبايلج راح اتعرفين اشكد خابرتج
نازلين:- حجيت بنبرة حزينه اي حقك اني مجاوبت احد شويه جنت مشغولة
اصيل:- شفتها مو على عوايدها انمرد كلبي عليها
نازلين :-اتفضل شيخ جوة
دخلنه كتله تامرني
اصيل :-حاليا مشي هل زلمتين برة وانه هنا منتظرج تكملين ماوراي شي
نازلين:- اوك
عبير:- دخليهم بلسرة
عبير:- اوك استاذة
اصيل :-اشوفها شلون اتعامل الناس بتواضع وثكل ورزانه وشايف نظرة حزن بعيونها شفتها لمن طلعت من صاحبتها عيونها تجدح نار ردت بس اعرف السبب
كملت هليوم جانو بس ٣ كعدت اكبالها
اصيل:- شبيج نازلين
نازلين :-سمعت صوته الشجي المليان حنيه وصاح باسمي بدون رسميات
بقيت اباوع بعيونه ودكات قلبي ممتوازنه
حجيت بتنهيدة مابيه شي بس تعبانه شويه
اصيل:- اذا على تعب سهله بس شغله اكبر من تعب  ياريت اعرف بلكي اساعدج
نازلين:- ههه لايظل بالك شيخ مابيه شي ها صدك لكيت اسم للمعرض
اني لكيتك اسم اذا عجبك
اصيل :-طبعا بتغير المواضيع ماكو اسرع منج  علعمود شنو الاسم مو اني هم لكيت اسم ونتختار الانسب
نازلين :-صقر العرب
اصيل:- باوعت عليها ابتسمت على اسم حسيتها تقصدني اني  حلو الاسم بس شمس بغداد احلى
نازلين :-عرفت افتهمني اقصدة اله وشمس بغداد قصدة عليه اكيد
اوك براحتك بس اشمعنه هيج اسم
اصيل:- من تكوليلي ليش اختاريتي صكر العرب يمكن اكدر اجاوبج ليش شمس بغداد
نازلين:- اوك اسم حلو واختيارك موفق راح اسجله
اصيل:- اويلي على ذكاء وتبدلي المواضيع بسلوب محد يحس شلون غيرتيه
نازلين:- ههه لاتنسه هاي مهنتي
اصيل:- المصيبه هذا المخوفني منج
نازلين صفنت بوجها مخوفك بيه ليش مفتهمت
شيخ اصيل :-يعني مو خوف بس لان محاميه ولسانج احد من السيف اتخوفين  هم النسوان شطارتهن بلسانهن وشلون لو جانت محاميه
نازلين:- اي بس انته هم بارع بتحوير  الكلام
اصيل:- عرفت لفيت السالفه هاي لازم اكون حذر وياها ميفوته حرف
انه هم شيخ والكلام مهنتي لاتنسين
نازلين:- لا ما انسى انتو دولة وعلم
اصيل:- هههههه هوة هم هيج  بصراحه ماحب اصيحج برسميات تقبلين لو متقبلين غصبا عليج اصيحج باسمج نازلين وبس
نازلين :-بقلبي كلت اني حبيت اسمي من سمعته بصوتك.
عادي بليعجبك صيحني ‏
اصيل :-چايله نازلين امشينه
نازلين:- وين
اصيل:- عوفي شغل شويه وتعاي وياي ومعليج
نازلين :-اوك اني هم محتاجه اطلع
نازلين:- عبير اني طالعه واذا اجه احد اجلي  مواعديهم على باجر
اصيل:- اباوع عليه صح تحجي وتحاول تخفي بس اكوحزن واضح عليها دمرني. حزنها اريد اخذها الحضني  شلون بيه ياربي
نازلين:- خل اتصل على بيت انطيهم خبر
اصيل :-براحتج بس خلي بمعلومج مترجعين اقل من ساعه بل ١١
نازلين:- بابتسامه اوك
الووو ماما اني طالعه من المكتب ويه شيخ اصيل واحتمال  اتاخر لايظل بالكم
نرجس :-خير يوم بيج شي
نازلين:- لاماما ماكو شي
نرجس :-اتغديتي ماما والله بالي كله يمج
نازلين:- ماما اني مو صغيرة حتى تشيلين هم اكلي اني من اشوف روحي جوعانه اكيد اكل انتي لايظل بالج
نرجس :-ماما بعدج زعلانه مني
نازلين:- بصوت حزين ماما ما اكدر ازعل منج بس تكدرين اتعوفين اني اقرر حياتي اترجاج مام
نرجس:- اوك بنتي بس اني ام وقلبي عليج
نازلين:- اوك هذا الكلام مو وقته هسه النه كعدة يله باي
سديته منها ودمعه بطرف عيني كوة اداريها
اصيل:- كاعد وعاين عليها عرف خلافها ويه امها بش شنو سبب معرفت والحزن خيم عليها وعيونها تلمع
لالا ترة حتى لو امج ما اقبل تكون سبب حزنج
نازلين:- ابتسامه جذابه هههه لالا ياحزن انته شتحجي
اصيل:- اي مو الكاعد مكابيلج زعطوط مايفتهم
نازلين:- هههه لالالا حشاك يله وين نروح مكلت
اصيل:- بكلبي كلت هم غيرت موضوع مو مشكله هليوم احجيج احجيج وين ترحين مني
يله بويه كومي
اصيل:- من كلامها ويه امها عرفتبيها ممتغديه
اصيل:- اني جوعان اول شي نروح ناكل مكان يخبل
نازلين:- امممم طبعا انته مجوعان بس افتهمت اني ممتغديه
اصيل:- اي عادي بس اني هم ممتغدي صدكيني انه جنت ماوي نتعشه سوة بس همزين انتي طلعتي ممتغديه
نازلين:- يله اقبل عزومتك
اصيل :-غصبا عليج اتقبلين
حجاها وابتسامه خبيثه بوجها ويباوع على عيوني
نازلين:- تدري محد جابرني على شي بحياتي كله
اصيل:- اي ادري بس انه غير اني اجبرج
نازلين :-امممم يعني جاي تتحداني
اصيل:- اكيد اتحداج
نازلين :-جاي تتحدة بوقت مو مناسب
اصيل:- ههههه خل يولن اعترفي  بهزيمتج. وانتي مو بكد التحدي
نازلين:- بقلبي كلت اي والله وياك مو بكدك ودا اقبل اي كلام اتكوله حتى لو غصب وجبر
نازلين :-اني اتحداك بغير شي بس هسه حاليا اني جوعانه اقبل تجبرني على طعام
اصيل:- ههههه والله محد يكدرلج
نازلين:- ليش اكو افقر مني
اصيل:- انتي
نازلين؛- اي اني
اصيل:- امشينه بسيارتي من نرجع اجيبج ليجاي
نازلين :-اوك
صعدنه سيارة
اصيل:- اريد اعزمج على ذوقي
نازلين :-عادي اقبل
اصيل:- وديتها مطعم باجه حبيت اعرف شنو طبيعتها رغم جنت داز على سمج مسكوف ومندي لحم كباب ومشاوي بس مكتلها
نازلين:- عازمني على باجه
اصيل :-انتي شتشوفين
نازلين:- اذا طلعت ماحب الباجه
اصيل:- مشكلتج اتشوفيني شلون اكل
نازلين:- صار من عيني وتعرف اني جوعانه
اصيل :-هاي مشكلتج اني عازمج وممنوع تاكلين غير الاكل الي اني اقدمه الج واذا دزيتي غير اكل هذا مو من الاصول
نازلين:- اي الاصول يكول اعزم جوعان على اكله احتمال مياكله
اصيل:- واحتمال ياكله اكو عراقي مياكل باجه
نازلين ؛-صار شيخ اصيل الله كريم
نازلين:- اني احب الباجه هواي بس مكتله كلت خل يقدموه وافاجئه
بس مشكله برة استحي اكل باجه
اصيل:- اني منتظر اضوجها اتفقت بس الباجه بلبدايه من انطيهم الاشارة ينزلون الاكل الثاني وجان يجي الباجه
كفيت ردني وعصرت عليه حامض وبصفه بصل
نازلين:- شفته شلون كف ردنه اترخصت رحت غسلت ايدي واجيت منتظرني مماكل شي كتله فصخ الراس والحم كله لان استحي بلمطعم اني افصخ
اصيل:- مشكلتج هذا هوة هيج جابوه
نازلين:- سحبته يمي كمت افلس بلحم الراس واكلت على كيف
اصيل:- شفتها شلون تاكل بنزاكه توقعت متكل باجه عجبني بس اعاين عليها وهيه تاةل ردت اكلها الها هيج اتشهي
نازلين:- شبيك صافن عليه مد ايدك اكل هذا اذا بقيتلك شي
اصيل:- هههه بلعافيه لعد انه وصيتلج كباب ومندي كلت ماتاكلين باجه
نازلين:- ذاك عوفه الك خلي اني اكمل.
اصيل:- هواي كيفت من شفتها تاكل وهيه جوعانه احس انه شبعت
اكلت وياها ونتعاند على لحمه الزينه ونضحك كملنه اكل
نازلين:- ارتاحيت نفسيا وياه اكلت بشراها محسيت اني بلمطعم كملت رحت غسلت ورجعت شربنه جاي وطلعنه رحنه منتزه كعدنه
اصيل :-اريدج اتسولفين شبيج ويه امج
نازلين:- هههههه شمدريك
اصيل:- الماتعرفيه ان انه اقراج
نازلين:- اي بعد اشقريت
اصيل:- اريد اسمع منج ماريد انه احجي
نازلين:- لا احجي القريته عني حتى اشوف صح القريته يو لا
اصيل:- بس انه ما احجي بس الموخوش
نازلين:- واني اقبل اسمع
اصيل :-قريت عنج عنوديه والي براسج محد يغيرة وهاذ مشكالج ويهامج
نازلين:- صفنت عليه كتله لا مو سالفه عناد والله مشكلتي عقلي هواي يشتغل ميتوقف وينطيني مجال اعيش حالي حال بنات احسب احساب الكل خطوة اخطيها ماحب امشي درب  اذا ما اضمن نسبه نجاحه اقل شي ٧٥ بلميه
امي هل شي ممتستوعبته مني بعدها الفكر القديم اتزوجي والحب يجي بعد الزواج قبل البنات يتزوجون لان كل  اعتمادهم على رجال وكل املهم بلرجال يتصورون هم الخلاص الكل المشاكل وهاي اقوى امنياتها جانت
هسه لا كلشي اتغير مبقه فرق بين رجال والمراة المراة تكدر تعتمد على روحه وتشتغل وتجي وتروح بدون متحتاج للرجل واذا يوم رادت ترتبط لازم تختار شخص يختارة قلبها حتى تكدر تسعدة ويسعدها ولا غير هل شي زواجها فاشل
اصيل:- ممكن اسالج اذا مابيه تدخل مني
نازلين:- ابتسمت ابتسامه حزينه اني جنت محتاجه احجي ابقلبي واتمنى واحد يفهمني
اسال مسموحلك اي سؤال ولا يهمك
اصيل:- انتي ابد محبيتي  شلون ليهسه محد دخل كلبج  ولا انتي وفاءا الشخص مانعه عن زواج
نازلين:- اني بلكليه انعجبت بزميل وياي وراد يخطبني بس اني كلت خل اكمل رغم جنت معجبه بيه بس عقلي جان متحكم بتصرفاتي كلت خل اجرب بلكي نكدر ننخطب واتزوج شو هذا بس عرف اني وافقت على خطوبه بس اجلت علمود الدراسه بدت عقدة تطلع سلبياته تطلع لاتحجين ويه هذا وذاك اشراد اني لو بهل عمر يمكن جنت استوعب تصرفاته واكدر احاول اغيرة وافهمه بس بذاك العمر لا محبيت شي اسمها عبوديه نهيت موضوع وياه قبل يبتدي
وليهسه  صح هواي يدكون بابي بس محد دك باب قلبي حتى افتحه اله الباب
ابن عمي شاب مناقصه اي شي كل مواصفات موجودة بيه مثقف ومتكلم متمكن واخلاق وجمال  اذا افكر بلعقل اكول هذا بعد شريد بس يا اخي قلبي ميرغبه كوة
اصيل:- كلبه انخمش من تمدح بابن عمها بس كالت كلبي مايريدة ارتاحيت
اصيل:- يمكن حجي امج صح مو انتي تمدحيه بلكي حبيتيه
نازلين:/ هههه شوف اني ما ادخل قضيه اذا ما اضمن نجاحه ابد  اذا تزوجت شخص عقلي مقتنع بيه بس قلبي لا راح اصير حياتي مثل الاله الكترونيه تحكمنه الساعه والمواعيد والروتين حياة جماد مابيها روح لا اكدر اسعدة ولا اكدر انسعد
اني اريد شخص يجي يحارب عقلي ويتربع بقلبي ومينطي مجال العقلي يفكر ذاك لو اشكد ميكون عندة سلبيات راح اتغاضه عنه لان مسيطر قلبي يريدة
اصيل:- وكلبج مدك ليهسه
نازلين:- حرجني بلسؤال اتغيرت ملامح وجهي اتاخرنه خل نرجع بعد
اصيل:-  جاوبيني بلاول لحد هسه كلبج مدك
نازلين:- جريت حسرة وباوعت بعيونه كتله خل نتمشه ونحجي
اصيل:- يله امشينه ماعندي شي
اتمشيت حتى يروح توتر والرجفه الصارت بيه
اصيل :-اسمع منج ومنتظر جوابج
نازلين:- شيخ بشنو يهمك هل سؤال
اصيل:- يابنت الناس لاتجاوبيني بسؤال
نازلين:- شيخ اسمعني واريدك تفهمني اني يرادلي معجزة حتى اوازن مشاعري وعقلي اكو حرب عالميه الرابعه تصير بداخلي بين عقلي وقلبي واني منتظرة منو يفوز اكثر من هذا لاتنتظر مني جواب
اصيل:- افتهمت قصدها يعني كلبها دك بس عقلها يمنعها زي انه شسوي حتى افوز بيها اندك تليفون الووو هايمه شلونج احبيبه
خيريه:- هلا يبعد جبد امك طالت غيبتك يمه شوكت ترد
اصيل:- مابكه شي خيرج يوم محتاجتني بشي
خيريه:- لا انه مامحتاجه بس سلامتك بس شهد ثبرتنه بيك
اصيل:- هههه انطي التليفون ليه خل احاجيها
شهد :-ماتفكر عندك بنت تشتاك الابوها وانت اشكم شهودة عندك
اصيل:- هههههههه عندي شهودة وحدة وشهودة وحدة وشهودة وحدة ومحد ياخذ مجانها
نازلين :-اشوفه يحجي بلمبايل نار شبت بيه من الغيرة
اصيل:- بويه اكمل شغل ورادلج شجيبلج وياي
شهد:- هل يطلع منك بويه نعم الله
اصيل:- هههه وج بت اشيوخ من صغرج صار من بطن عيني انه اجيبلج شيخ اصيل
شهد:- اي بس لابد شي وياه منا منا هاي بغداد شكبرها مابيها شي الشهودة
اصيل :-اويلي على طمع صار بويه انه اعرف بنيتي شتريد
نازلين:- حسيت رجلي متشيلني من القهر بلاول حسبالي يحجي ويه مرته وبعدين من كلامه عرفت بنته انقهرت لان مبين هواي يحبها زين اني شلون اخرب هاي العائله حسيت روحي مجرمه
اصيل:- يله بويه روحي نامي في امان الله
اصيل:- هاي شهد بنتي السانها اطول منها ههههه
نازلين:- جاوبته بحزن بس حاولت لابين اله حزني الله يخليها الك
ممكن اسالك سؤال
اصيل:- حسيت بيها متغير صوتها وشكلها بس انه اريدن كلشي تعرف عني
اشيخطر بالج اسالي
نازلين:- انته اشكم وحدة متزوج
اصيل:- انصدمت بسؤالها حسيت بيه تريد اتشغل عقلها حتى يغلب قلبها كمت افتهم عليها
شوفي نازلين خل اسولفلج سالفتي 
انه من صغري جان عليه عين اصيرا شيخ عمامي وخوالي وكرابتي اكو بيهم الطماع واكو بيهم الزين  وانه شاب مستقبل الشيخيه  مجانها يمي وكلها جانت تعرف واغلبهم رادو ينطوني بناتهم طمع بلشيخيه
رجل عمتي خلفته بس بنات فديوم بلديوان هداني بنته كدام الخلك كلها وزلم كلها كاعدة زين انه اذا اردها عيبه على بنت واذا اقبلها موش البنت الي انه رايدها ابوي جان الشيخ كال وهديتك مقبوله لان البنت بتنه مانريدها تنكسر  تزوجتها وهيه ممقصر وياي ولا انه بس مجرد اراعي الله بيها اخاف ربي يحاسبني عليها  وهيه بنت مارايد اشيلها ذنب ابوها
نازلين:- انصدمت بلحجي السمعته انتظر شيخ اني سامعه بشي اسمه فصليه بس هديه شنو هلكد النسوان يمكم رخيصات تهدوهن بدون متراعون مشاعرهن انتو يازمن صدك تحجي
اصيل :-اي بلعرب ناس اكو ناس ممتعلمه بعدها على جهل واحنه شيوخ لازم نتفهمهم ونكدر نتعامل وياهم وتعامل الشيوخ لاتشوفيه شي هين

نازلين :-وهسه اكيد لازم اتكمل مشوارك اي واحد ينطيك فصليه تاخذة واي واحد ينطيك هديه تاخذة تبقى هيج يعني
اصيل:- لايبنت ناس انه ذاك الوكت مجنت شيخ والجلمه جلمه ابوي
وهسه انه شيخ محد يكدر يلزمني بشي وانه اكدر الف السالفه الماتعجيني
نازلين:- زين انته محبيت فديوم
اصيل:- راح احجيلج سالفه يمكن اتضحكج
انه مجنت امن بشي اسمه حب جنت دوم اصحك من اسمع فلان حب فلانه ودوهنته كلت انه يجي يوم وبنت تتحكم بكلبي لا ماممكن انه القرار قراري وبيوم اتحديت العشك بعالي صوتي مثل مهبول كتله وينك يل عشك المتعب العشاك انه اتحداك تهزمني وظليت اتوعد واحجي ويه روحي وجنه العشك زلمه مدامي وتحداه
ماطولت