شمس بغداد

بارت التاسع عشر

هي الشمس تغدو تارة وتغيب .....
                                    والدهر لنا في الحادثات مريب .....
تغربت عن اهلي فيا طول غربتي .......
                                    اياليت شعري هل اموت غريب.....
فواسفاً ان مت في دار غربتي ........
                                   غريب ولا يبكي علي حبيب........
فيا قلب صبراً ولاتكن جرحاً.......
                                    فان خير الخلق قد مات غريب.......
اه راحه راحه
والله جرعت من الصبر سبعين ......راحه
ولا قلبي استراح وشفت ......         راحه
يكلون الصبر عكباه ......               راحه
والله الصبر شي يفيد لو دنا المنيه.                       موال عبد القادر محمد

.......
صارت وقت الفراق
حضنت امي وبجيت بجي مال عمري كله  ا
نازلين:-
ماما اريدج انتي اتصبرين ابويه ديري بالج عليه
ولاتبقون بغداد

شفت ابويه كاعد على درج ومدنك ويبجي
حبيبي وروحي وعيوني انته

اني ترباتك وشخصيتي انته بنيتها
بنتك قويه ومتنهزم صدكني

بس كونك سالم بابا لان انته سندي وظهري
اترجاك لاتنقهر وتتمرض الخاطر نازة جنت احجي واشهك من البجي

صدكني صح جريمه بحقي بان اصير فصليه ويمكن هذا اصعب ظرف امر بيه بحياتي

بس الاصعب منه اذا هملت حالك وصحتك وتمرضت بوكتها صدك انتهي

حبيبي راح اصير بعيدة لاتخليني اتعذب بتفكيري بصحتك الخاطري انطيني وعد لاتخلي الحزن ياثر

عليك لان نازلين عايشه ومسندة عليك
كل مصايب اتهون عندي ولايصير بيك شي
دلشاد :-
حضنتها ومن بلجي اني وياها يمكن راح انموت
انتي ضي عيوني اذا غبتي دنياي مابيها ضوة

انتي اول فرحتي بدنيا اتباها من اكول اني ابو نازلين مايوم خذلتيني

بسمتي بشوفت وجهج الحلو
نازلين:-
بابا اترجاك الفصليه هينه عليه
بس انكسارك موتي اريدك تفهم هلشي واذا اتحبني ابقه قويه انته صير قوي
دلشاد:-
انطيج وعد الخاطر عيونج الحلوة راح اصير قوي مثلج
اني صح ابوج بس منج اتعلم اصير قوي
نازلين :-
انته مدرستي فديت عمرك وتعليمك يااحن اب بلدنيا
بابا لاتبقون بغداد رتب اموركم وطلعو لو لشمال لو

للخارج لاتعوفون دلير وحدة
وشوف اني الله اشقاسملي
المهم بالي يرتاح من ناحيتكم
دلشاد:-
ربي ينطيج الصحه والقوة والصبر بنتي روحي واني راضي عليج دنيا واخرة
نازلين:-
كمت ابجي بحركه ودنكت على ايدة ابوسهم 
حجايتك هاي تسوة الدنيا عندي وهيه راح اتصير مصدر قوتي
علوان:-
كومو استهدو برحمن كافي ابو دلير موزين على صحتك
نازلين :-
كمت من حضن ابويه شفت كلهم يبجون حتى فضيله حتى اخت شيخ اصيل كاعدة وتنزل دموعها بدون

صوت وحتى الشيخه
عفتها وتوجهت اليسرى

حبيبتي وصديقتي ديري بالج على صوفي ماوصيج باهلي
سرى:-
الله وياج الله يسهلج طريقج لايظل بالج يمنه احنه بخير اذا انتي بخير