شمس بغداد

البارت الخامس والعشرون

اصيل :-
كومي اكليلج حاجه موزين عليج تبقين بدون اكل وبدربج سويلي شي اكل جوعان
نازلين:-
اممم اوك هسه انزل
نازلين:-
لبست ثوب عريض والربطه ونزلت شفت غرفة جوري هوسه اتمشيت عليهم شفتها على جربايه

والشيخه كاعدة وامريه لاخ
سلام وعليكم
كلهم ردو السلام
نازلين:-
شلونج ام شهد شلون صرتي
جوري:-
بخير مابيه شي
نازلين:- انشاء الله مابيج شي محتاجه شي اني نازلة اسوي اكل متغديه لا
خيريه:-
اي والله جيبليها اكل مماكله شي
نازلين:-
صار من عيني عفتها ونزلت اني هواي انقهر على جوري لان فقيرة حتى مدافع على روحها احسها

مظلومه
نزلت حضرتلهم غدة وسويت عصير برتقال افريش
مهند :-
هلا بلحلوة ماعاد كمت اشوفنج ليش
نازلين:-
ههه غير انته متسال عليه
مهند:-
انه ملتهي ويه المظيف والناس
نازلين:-
ههههه هوة اشكد اصغير بس يحجي مثل الرياجيل دتعال هذا عصير الك اشرب
مهند:-
مشكورة يل حلوة
اخذت العصائر قدمتهلم وانوب صعدتلها صينه الاكل

ونزلت صعدت صينيه اكل الاصيل والي
وعصير برتقال فريش
اكلنه كملنه
اصيل :-
نازلين اطلب منج شي ولو اشوفنج تعبانه وحملج جثير
نازلين:-
اممم اطلب اذا كدرت عود افكر اسويه يو لا
اصيل :-
هههه ملعونه لاصدك مشتهي كيك نفس الكيك الجنتي مسويته الي
نازلين:-
اتغيرت ملامح وجهي من اتذكرت من سويتله الكيك وضعيتي وحياتي وهسه اني وين وشديصير بيه
اصيل:-
انتبهت عليها ذكرتها باهلها
ماريد لاتسوين
نازلين:-
لاعادي بس عدكم مواد
اصيل:-
هسه انده على فاتن
صاح فاتن اجتي
فاتن :-
ها خويه
نازلين :-
عدكم مواد اسوي كيك
فاتن:-
شنو الترديه
نازلين :-
عددت الشغلات الي احتاجه مجان عدهم دزو مهند جاب
اني كيفت بصراحه لان احب اسوي كيك ومعجنات
فاتن:-
ساعدتني بس سويت كميه جبيرة
اصيل:-
عفتهم ورحت للديوان وجان يجي مهند وشايل صينيه بيه عصير برتقال وكيك وقدم للمظيف وانه ابتسمت

لان ماخلته بخاطري
اكلت منه هواي طيب
فاتن:-
شفت الكيكه اتذكرت الكيكه الجانت بغرفة الشيخ بغداد نفسها زين هيه هاي نفسها هيه مسويتها شنهي سالفتها

ويه الشيخ والاكل المليان المجمدة شنو جان متزوجها لو شنهي ظلت اساله تاكل بفكري مالها اجابه
نازلين:-
ها فاتن منطيتيني رائيج طيب يو لا
فاتن :-
ها اي طيب
نازلين:-
شبيج شو صافنه
فانن :-
سالفه براسي محد يحله غيرج
نازلين :-
الله اليستر كولي شنو السالفه
فاتن:-
نفس هل كيك جان بيت الشيخ بغداد انتي جنتي مسويته
نازلين:-
اممم اتحسرت اي اني جنت امسويتها
فاتن:-
والاكل المطبوخ والمجمدة المليانه هم انتي
نازلين :-
اي هم اني
فاتن:-
انتي جنتي زوجته للشيخ لو شنهي السالفه ترة انه دخت
نازلين :-
الموضوع مو هيج السالفه طويل
فاتن:-
بس احب اسمعها فدوة ترة تفكيري يودي ويجيب بيه
نازلين:-
اوك خل نكمل هاي الهوسه ونصعد انسولف
فاتن:- خوش
كملنه شغل وصعدنه فوك بغرفتي حجيتلها السالفه كلها
نازلين:-
بقيت بس تبجي واني ابجي وياها لان اتذكرت حياتي واهلي وحجيتلها الموضوع كله
فاتن :-
بسج لاتبجين انه يمج مثل اختج انتي وانظلمتي بس انه مستغربه اخوي ليش هيج ظلمكم