شمس بغداد

البارت الحادي والعشرون

حنان:-
لاحسبالج خلفتي من الشيخ وحامل منه يزيد من كدرج (قدرج) لو تخلفيلها ١٠وليدات انتي هديه واخوي لابد يتزوج عليج ويجيب شيخه
نازلين:-
انصدمت من هاي حنان ليش هيج اتسوي ويه مرت اصيل
ثانيا مرت اصيل اسمها جوري وليش اتعيرها بلهديه

وهاي جوري ليش ساكته وتبجي ومتحجي هيه مو بت عمه وام جهاله بعد ليش متصير شيخه كلشي مجاي افتهم
اصيل:-
جنت اعاين عليه تعبانه  من شمس ناديت اخوي الصغير وكتله اريدنك تعونها هاي مظلومه بس حجي

بسرك لايطلع وهوة مقصر راح عاونها وانمرد كلبي من شفتها ذبت من راسها بس شنو بيدي عليها اخوي

ماقصر ماعافها شفتها رجعت عرفت جايه تسبح سويت روحي نايم
نازلين:-
ضجت من هاي حنان هواي عبالك مسويه عصابه
صعدت فوك شفت فاتن تعاي اريد افتهم منج ترة راسي انسطر
فاتن:-
اشعلامج وسلامة راسج
نازلين :-
جوري مو بنت عمتج
فاتن :-
اي
نازلين:-
زين مو مرت الشيخ وام شهد وهسه حامل منه
فاتن:-
اي
نازلين:-
هيه اسمها جوري صح لو اني غلطانه
فاتن:-
صح
نازلين:-
ليش يصيحوها هديه اني اعرف ابوها هداها للشيخ وين الغلط بلموضوع حتى حنان تعيرها وهيه ساكته وتبجي ومتجاوبها
فاتن؛-
اوووف منج يلفصليه انتي ماتركدين ابد
نازلين:-
هسه شرايدة منج بس جاوبيني
فاتن :-
هيه بت عمتي بس ابوها هداها الاخوي موش هوة الرادها
نازلين :-
اعرف هل شي ابوها قدر اخوج هداه اغلى شي عندة زين ليش جاي تنهان
فاتن :-
مو التنهدي تظل هديه وتنعاب عبن اهلها رخصوها
نازلين:-
صح اهلها ملازم يهدونها ويعتبرها سلعه الاغراضهم الشخصية ومفكرو هيه انسانه بس معلينه بهل حجي

مفروض انتو تقدرون هل شي
فاتن:-
الهديه تبقى رخيصه موش الشيخ الودة ناس على اهلها ومعززة ومكرمه الشيخه مرت الشيخ لازم تكون من حسب ونسب ومكرمه ومعززة
نازلين :-
هزيت ايدي بستهزاء انتو عايشين زمن الجاهليه ترة ومتعرفون بروحكم
اصيل:-
شفتها اتاخرت جنت حيل تعبان ونمت وما وعيت اشصار بعد
نازلين:-
طبيت الغرفتي شفت اصيل نايم تقربت عليه وشميت عطرة كمت احجي ويه روحي ها نازلين شكو شبيج

بعدج تحبيه
لالا مستحيل احب انسان متخلف مثله
نازلين :-
لعد ليش ترتاحين بشوفته
مااعرف قلبي بعد ممقتنع  بان اصيل مو خوش انسان

ميريد يقتنع بعد يكول احتمال اكو سبب مقنع التصرفاته واني قلبي ابد ميخيبني

كمت سبحت وبدلت ونزلت شفتهم محضارين كومه اكل مثل الي مسوي ثواب ويترسون جداري والشيخه

توصي هذا بيت افلان واهذا للجامع وهذا للحرس وهذا لسعيد
لزمني فضول فاتن
فاتن :-
بلي
نازلين:-
مسوين ثواب
فاتن :-
ههه لا احنه بيت شيوخ لو نسيتي لازم كل وكت مضيفنه مفتوح للجوعان وللمحتاج وللفقير يوميه نطبخ ونوزع للبيوت الى نعرف ايدهم ماتوصل
نازلين:-
اتعجبت من كرمهم حياتهم متناقضه بنظري عبالك الغاز
دورت على مهند شفته بيدة صينيه وصاحني يلفصليه
نازلين:-
اجيتك جاي ادور عليك
مهند:-
شنهي هل جمال عمي اتبوشي لاتسبين السلف
نازلين:-
هههه عفيه خليني البيه مكفيني
كعدنه بلكاع اني وياه واكلنه اجتنه جوري  وتصيح عليه بعصبيه
جوري :-
احد كلج جاي للونسه هينه فزي ويه نسوان اشتغلي
مهند:-
ام شهد انه رايدها تاكل وياي
جوري:-
بس شيخ مايصير هل شي
مهند:-
انتي مالج غرض
جوري:-
سكتت ومشت
شهد:-
عمي اي اكل وياكم
نازلين:- تعاي
كعدت شهد بصفي واني وياها ومهند اكلنه
شهد:-
انه احب الحلوات عبن انه حلوة اريداً اصير بجمالج اريدنج تعديني من بياضج
نازلين:-
هههه انتي تجنين انتي الكمر وقمه بالجمال
شهد:-
انه ادري عبن اريد اصير ضويه مثلج
نازلين :-
هههه حبيتهم هواي طيبة قلب وفطارة وذكاء جامعيهن سوة ساعات اتشوفها تكول اكبار وساعات اتشوفهم