شمس بغداد

البارت السابع والثلاثون

تعال بياذنب لوجيت احاجيك..
ونه اظنوني الجبيره اتعلكت بيك...

شلت حبك ابكلبي وخايف اتظيع..
ودمع بين الجفن والعين اخليك..

وذا مرني الحزن وايريد له ادموع...
اعيوني ابجيهه اله ولتصدك ابجيك...

احس حجيك شعر واسوالفك شوك...
وحلاتك من حلاتك تنجبر بيك...

أنه العود الكبر صوتي اعلى دنياك...
أفز واصحه بلحن واغفهاعلى طاريـك...

واصوغ اسمك قصيده بلون موال...
واحتار ابوفه بياطوراغنيــك...

أذا مرك عطش وتريدلك ماي...
دهاك ادموع عيني ابفرح ترويـك...

حسبت احساب توفي العهد وياي...
وخنت باول الممشه وكلت اوافيك...

وبعت روحي ابرخص ماردك الطيب...
وانه بنبض الكلب لو تنشره اشريك...

بعد ماضل وفه ولاجلمه تنكال...
أذا اولك هذا اشلون تاليك...

اصيل :
حن كلبي ليها بنص اليل كعدت مفزوع مشتاك وضاك صدري وحسيت قسيت عليه قررت ارجع البغداد وامرلها

سبحت وغسلت طلعت بوجهي البغداد
.....
نازلين  :
مرت عليه ايام صعبه كلش لان حسيت باهانه منه مجنت اتوقع يجي يوم هيج يحجي وياي بهل طريقه

صح اني هواي جرحته بلكلام صح اني قسيت عليه كله صوجي اجاني يبجي وصعبه على الرجال بان يبجي ويترجه

اني بوكتها بعدة جرحي جديد قسيت عليه صعب بعد ينسه الي سويته بيه بس هم مجنت متوقعه هيج تصرف

منه تمنيت ينطيني مجال ابدي صفحه جديدة وياه بس هوة سدها بوجهي اكيد يتغير لان معجباته هواي وحياته

اتغيرت واكيد مباقي على حبي وحب غيري
بدلت ورحت للمحكمه طبعا علي ابد ميفاركني

جنت اخذ دروس بلمحكمه علمود تطبيق اصير قاضيه
علي :
شبيج هيج حزينه من الصباحيات
نازلين:
لا ماكو شي مابيه شي
بس ممكن اسالك سؤال
علي :
اسالي
نازلين:
انته متمل منتظر وحدة ميئوس منها
علي :
اسمعي يبنت الناس
اني انسان احجيها بصراحه وياج عاشرت نسوان هواي وصادقت بنات هواي بس قلبي مدك الوحدة منهن  شو

مجرد متعجبني وحدة راساً احصل عليها وامل منها
انتي عجبتيني بلبدايه بس مجنت متوقع راح احبج جنت

اتوقع حالج حال القبلج
بس من وكعتي ردتي تتخربطين ولزمتج بصراحه غير احساس صار بقلبي

حسيت انتي الي انتظرج العمر كله اخذتي لك تفكيري اشكد اجوي بنات عيوني كامت متشوف غيرج
اصيل:
وصلت للمحكمه واني مقرر اروح اعتذر منها ونتفاهم لان كلبي ماعد يتحمل افراك

طبيت للمحكمه دورت عليها شفتها كاعدة هيه ونقيب علي اتقربت عليهم سمعت علي يحجيله على حبه الها