شمس بغداد

بارت الاربعين

علت الهلاهل والدنيا انكلبت  وكلها اجتي اتهني وتبوسني

والفرحه بعيون الكل رجعو الزلم بقو نسوان كالو العريس راح يدخل

اخذوني انزع الحجاب طبيت  نزعت الحجاب جنت مسويه تسريحه بسيطه وفاتحه شعري

طلعت وكعدت منتظرته يجي
بدت الهلاهل واهازيج على طبته

ماتنوصف دكات كلبي لان جنت مسويتله مفاجئة من شفته كمت على حيلي وانداريت حتى يشوف شعري

طبعا طول هل فترة ابد مكصيت شعري خليته يطول لان اصيل جان يحب طوله وصل اقل من ركباتي

ب٤اصابع
وجنت مشسورته ورغم هوة سرح
اصيل:
طبيت شفتها بدون حجاب ولابسه فستان يجنن عليها

ياكل منها اكل اندارت شفت شعرها طويل معرفت شسوي من الفرحه معقوله رجع طول شعرها معقوله

رب العالمين هيج يحقق كل امنياتي ودمعه صارت بطرف عيني من الفرحه وايدي كامت ترجف من فرحه

وكلبي دكاته علت بست ايدي وخليته على كصتي وشكرت ربي بل لا احجي وياها حرف حتى رب

العالمين لاياخذ نعمته مني وابقه العمر اشكرة حتى يزيني من فضله

رحت وكفت بصفها خليت ايدي على شعرها ولزمت وجها بثنين اديه وهيه خجلانه ومدنكه بستها من كصتها

وخليت كصتي على كصتها وغمضت وكمت بس اتنهد همست باذنها احلى مفاجئه جانت الي شعرج الحلو طولتيه

نازلين:-
طولت شعري بس علمودك واقسمت ما اكصه لو اموت ولابد يجي يوم وتشوفه

اصيل :
اجه احلى يوم بحياتي وكل احلامي اتحققت 
احبنج
احبنج
احبنج
نازلين :-
كافي كلها تباوع علينه خل نكعد
اصيل :-
جا انه نسيت نفسي بشوفت شعرج وعلي هههههه
كعدنه وجابو الحلقات ولبسناهن وطشو الجكليت اتفاجئت شفت فاتن جابت علبه ذهب

اصيل :
مو بس انتي اتفاجئيني انه هم حبيت افرحج بهل هديه البسيطه
لبسني التخم الذهب بس كلش حلو
لازم ايدي ابد ميعوفها وبس يعرك رغم الجو بارد
اصيل :-
احس نار  اشتعل بيه شلون والناس اتعوفني شوي وياها
عصرت ايدها حيل صاحت بكل نزاكه
نازلين :
اخ
اصيل :- ولج من هاي اتصيحين لعد لو استفرددت بيج شتكولين
نازلين :
انته حباب مستحيل اتضوجني
اصيل :-
ههههههه ها بدينه ياهو ضوج الثاني
نازلين:-
ههههه والله موقصدي نسيت هههه اسفه
اصيل :-
لا انه اعرف شلون ارداً حكي منج
طكينه صور وكصينه كيك وكلته كيك وهوة بس

يعاندني يجيب الكيك يم حلكي وياكله
مرة مرتين ٣
اخير شي كلت ماريد زعلت
اصيل :-
هههه لا هل مرة اخذي ما اقشمر عليج
نازلين :-
ماريد ما  .ما
اصيل :-
احسن انتي كيكه وتاكلين كيك شتصيرين ارحمي بحالنه شو
فاتن :-
جنت بس اصلي على نبي  من العين والحسد اول مرة اشوف اخوي هيج فرحان مسكين كضه عمرة يركض.