شمس بغداد

بارت الثالث

دلير خابر ضحى
الووو
ضحى:
الووو
دلير :
هاحبي شلونج حب
ضحى :
هلو حبيبي زينه الحمد لله
دلير :
دومج يارب
خبيبتي شنو الاوضاع يمج ابوج اشكال شو مرجع النه خبر
ضحى :
خابر عمامي ومنتظر منهم خبر
دلير :
وهم صدك اتصيرين الي وتنورين دنيتي واخيرا حلمي راح يتحقق
ضحى :
دلير انته صدك اتحبني
دلير :
خرب عمامج ولج اموت عليج مو بس احبج
اوووف ربي صبرني شوكت بعد تجين يمي ارويلج الحب شلون يصير
ضحى :
بخجل كافي دلير عفيه خل ننخطب بلاول بعين اشتحجي اقبل
دلير صار تامرين امر وذاك الوكت هم منعيني شوفي شسوي
ضحى:
بضحكه لالا مامنعك
......
نازلين :
هواي كيفت لان دلير راح يخطب الي يحبها ماما حبيبتي اريد اروح لشمال تجين وياي
نرجس:
ليش ماما خيرج
نازلين :
ماما واعدت دلير غرفتة نومه اجيبها من شمال
نرجس :
شلج بهل تعب منا اخذيه احسنلج
دلشاد:
لا نرجس نازلين صدك تحجي بلشمال هواي حلوات ونازكات ولاتنسين نازة شتقرر هوة الي يصير هاي بت ابوها وحبيبت ابوها
نرجس :
شوف شوف الرجال لا ترة زودتها لاتخليني اغار من بنتي
دلشاد :
ههههه بغمزة لاتخافين مكانج انتي بلقلب محد ياخذة
نازلين :
ضحكت على غزلهم ماما انتي الخير والبركه ورحت بست راس ابويه بس لادخلين بيني بين العشق هههه

اجتني تركض تضربني ضحكت وانهزمت منها
ثاني يوم رحت لشمال وصيت غرفه دائريه ويصير

تول وردي فوكاه نفس مواصفات الغرفه الي تتمناه ضحى وحاجيه بيه يم دلير اهنا بلشمال همه يفصلون

الغرف التركيه على اي فصال انتي ترديه شيعجبج من لون ويجي كادر وياهم من يجون ينصبوه بلفعل غرفه خلصت بسبوعين

اجتي والغرفه وياه كارد عمل
طبعا احنه اي كادر عمل يجينه من شمال نتعامل وياه

كانه واحد من عدنه منتقي بيه يبون ويطلعون براحتهم بدون استاذان نفس اطباعهم هناك اذا كان كادر عمل

من بغداد انحاول نتصرف نفس عاداتهم حتى لاياخذون نظرة مو زينه علينه يعني نتقيد بلتعامل وياهم
...........
فضيله :
علوان شو شيخ اصيل منطاك جواب وصار اسبوعين وعيب من العالم لااحنه وافقنه ولا جاوبناهم
علوان :
والله شكلج فضيله اضنهم ميقبلون
فضيله :
علوان بس انته تعرف ضحى تحب دلير وهوة هم شاريها البنيه حرام واحد يحرمهم من لاخ بدون سبب
علوان:
الله كريم فضيله انطيني مبايل انه اخابر
دكيت جاوبني شيخ اصيل الووو
علوان :
هله عمي حياك الله
شيخ اصيل:
يا هلا بلمهلا
انه اعتذر عمي بطيت عليك بلجواب
تعرف عمامي كل واحد منهم بشغله لحد مالميتهم اخذ مني وكت
علوان :
لا عادي بس عيب من الوادم مارديتلهم خبر
شيخ اصيل:
عمي جاوبهم بويه احنه خيرنه مايروح الخيرنه واذا على العريس اهو ابن عمه جويسم رادها وهوة احق بيها
علوان :
اي بس بعد عمك بتي ماتحب بت عمها وماتريدها
شيخ اصيل :
عمي من تزوجه اكيد راح اتحبه وانته تعرف ولد عمها احق بيها لو انته ناسي تقاليدنه وعاداتنه
علوان :
لابويه ماناسي بويه يصير خير
الله وياك
فضيله:
ها علوان شبيه هذا السكير النسوانجي جاسم وليش وجهك صار اصفر
علوان :
شكلج فضيله مقبلو بلكردي يردوها لجاسم يكلون هوة ابن عمها واحق بيها
فضيله :
اسمع علوان مستحيل انطي بتي الواحد نسونجي وسكير ويوميه مطلعيه من مراكز بلواسطات
علوان :
اظن شيخ اصيل مايعرف اسوالف جاسم حضري ملابسي اروح البصرة الحجي مو مال تليفونات
فضيله:
صار من عيني