شمس بغداد

البارث الثالث والثلاثون

اصيل:-
طلعوا كلهم وعافوني كمت كوة اتجي حيلي مهدود خذت وياها عافيتي رحت جبت العلاكه البيها شعرها

خليته يمي لزمت ضفيرته يله كدرت انام
.......

نازلين:-
نقيب علي ضوجني حبيت اوكفه عد حدة رجعت للبيت جانو كاعدين يتعشون سلمت وصعدت فوك

نزعت حجابي طبيت اسبح واني اغسل راسي ايدي صار على جرح الي براسي وتذكرت من اصيل جان

يداويني ودموعي تنزل ويه الماي الدوش ماريد قلبي يحن ماريد اتذكره بس بقه هذا الاثر كلما الزم راسي يذكرني بيه

هواي بجيت وحجي ويه روحي لازم ما ابجي لازم انساه لازم اعيش حياتي

طلعت بدلت ولزمت مبايلي شفت روحي اروح على صفحه الفيس مالته اشوف اخر اتصال

طبيت على واتساب اخر اتصال شوكت
اوووف اني اشداسوي انطيته حظر بكل تواصل النت

حتى لايحن قلبي واترقب اخبارة
رحت انام اتكلب ما اكدر فكري يمه ويم الحلم الشفته ما

انكر بالي يمه بس اكره هل شي اتمنى احقد عليه ما اكدر

رحت طلعت سبحه خليتها بيدي وحاولت انام بس ياترى شلون صار واني اتخيل شكله مجان يبجي وكاعد

كبالي ومن جان يكلي بس صبري وياي ودموعه تنزل مجنت افهم شنو براسه جان بس جنت اثق بيه

خلص بعد ميفيد انتهى كل شي
ماريد ابد افكر بيه

مكدرت انام ابد لا اكدر اركز بدراستي ولابشغلي
تعبت اريد اطلعه من افكاري
......

عدنان:-
حالت اصيل كله بسبب عشكه للكرديه اويلي تعب هواي وضحة بعشكه حتى يحل مصايب وتهور جاسم

خيريه:/
خايفه على وليدي حالته فرد نوب
عدنان :-
شويه شوي ينساها بس يرادله صبر
خيريه
:- ماظنه ينسه اول عشك بحياته
عدنان:-
ادعيه انتي امه وداعئج مستجاب
خيريه:-
جا انه شعندي غير بس ادعي من الله ومن اهل البيت يفكرون ضيجه
.......

اصيل:-
حلمت جنهابحضني نايمه وحاضنها وشعرها بعدة طويله وانه العب بشعرها واشماً بيه ماشوف اله ناديه

اجتي وبيدة قامه وفركتنه بلنص وكصت شعرها وهيه طاحت ومابعد شفتها بقه بس شعرها يمي فزيت شفت

ايدي بلجيس البيه شعرها وهيه ماكو يمي
حسيت برجف بجسمي وما اكدر اكوم اتغطه لزمت

مبايلي دكيت على ابوي
الووو
عدنان :-
ها بويه خيرك
اصيل:-
بردان وحيلي مهدود محتاج غطه
عدنان:/
جايك اوليدي
طبيت عليه وجها نار كبرة ويرجف وعيونه حمر

ناديتهم فاتن اجتني ركض
روحي جيبي ماي بارد الجسمه
فاتن ؛-
رحت كسرت ثلج بطشت واخذته واني ابوي وامي ابرد بجسمه وهوة يرجف مثل السعفه ويحجي ويسولف