اسطورة الحب و القسوة

الحلقة 1 «تولين»

ملاحظه الحوار بين (..) بالانجليزيه

في مكان ما وسط المحيط على سطح يخت ضخم قاعد على الطاولة بكل اناقة و رجولية خزر على يمينو عض شفتو

-(طالعة تجنني)

-(انت تاني يا روحي )

-(احم احم نقدرو نبداو ؟)

-(طبعاااا )

كاتب العدل: (سيد آدم*** ،هل تقبل الزواج من الآنسة كاثرين اشبين؟)

آدم حط يدو فوق يدها و تبسم شبة تبسيمة

- (نعم اقبل )

كاتب العدل : (و انت الآنسة كاثرين آشبين هل تقبلين السيد آدم ** زوجا لك في السراء و الضراء ؟)

كاثرين بحماس -(نعم اقبل)

كاتب العدل: ( اعلنكما زوجا و زوجة يمكنك تقبيل العروس) قرب آدم لكاثرين و هو يتبسم باسها على جبهتهااا بوسة حب معزة و احترام في نفس الوقت انطلقت الالعاب النارية في السماء ..كل للمعزومين ناضو يسفقو فرحااانين بحبهم الكبير لي توجوه بعرس اسطوري

stop :المخرج

الكل خزر فيه بحيرة

المخرج : (قررت هاذاا يكون اخر مشهد و نهاية المسلسل ككل) قرب ليه المساعد تاعو

-(و مشهد مقتل اادم نحذفوه؟؟ )

المخرج:(ايه و رااح نخلي النهاية مفتوحة )

جواد (ادم) : (ااايه و اخيراااا هنيتونا )

نااض يسفق فرحان بنهاية المسلسل لطول العام و هو يخدم فيه ...الكل باركلو و تمنالو النجاح المسلسل لي كان شيئ اكيد بماانو توب مودل عالمي مثل جواد بن *** فيه و خاصة هذي اول تجربة ليه في التمثيل .. عدل وقفتو و هز خشمو السماء حركة يعملها كي يكون راضي على نفسو ..قرب ليه مدير اعمالو طبطب على ظهروو

كمال : كل شي مبروووك شريك و اخيراااا خلصنا

جواد : ايه يسلمك ،نقدرو نروحو نحتافلو درك ..واش رايك في بار ***؟؟

كمال : هاهاها ايه نروحو لكن مش دوك مازال عندك مؤتمر صحفي

جواد : لا تعبت اليوم منقدروش ناجلوه ؟ كماال رمش عينيه ..قادر يحتفل و مش قادر يروح للمؤتمر

- لا مانقدروش ..لازم ليوم الصحافة الكل هنااا قلب عينيه بتذمر -اوك روح و انا نصف ساعة نلحقك .... في جهة اخرى واقفة عند راس ختهاا تشوف فيهاا كيفااش راقدة و تتبسم وحدهااا

ياسمين : تولين ... هزتها شوية بيديها

قلبت عينيها و هاذ المرة رفعت وتيرة صوتهااا

تولييييننننننن-

نااضت مفجوعة تشوف منا منا تحاول تستوعب شكونها و وينهااا بعد ثواني رجعلها عقلها تنفضت ..

تولين: اااه وشبيك تعيطي مع صبااح ربي .. هبلتيي

ياسمين : اييه هبلت و راح نزيد تهبل اذا معرفتش الشي لي خلاك تتبسمي و انت في سابع نومة !!

تولين تبسمت بخبث.. موتي و منقلكش يا روحي رفدت المخدة و رماتها عليهااا

ياسمين : اااعععععع منحرفة ..يالله حضري روحك ما بقاش وقت علينااا

نااضت تتكسل تنهدت تنهيدة من اعماق قلبهااا كارهة حياتهاا ،هزت اول شي جاء قدام يدها لبست و سيبت شعرها الحرير من اي شي طالعت تفتق بالزين هبطت الدروج و وقفت في اخر درجة تشوف في اختهاا و باباهااا يفطرو و صوت ضحكهم معبى الدار ...عايشين بالقليل لكن فرحانين..بالرغم انو مش عائلتها الحقيقية الا أنها تحبهم اكثر من روحهاا ... تقدمت جهة باباهااا و باستو من خدوو

تولين :صباح الخير يا اغلى اب في الدنياااا

أحمد : صباح الخير يا حبيبت قلبي

ياسمين شهقت : واناااااا مش حبيبة قلبك

أحمد : هاهاهاها انت قلبي بحد ذاتوو تولين : طاب جنانك و مزالتي تغيري

ياسمين :وااااش !! مزالني صغيرة

تولين : ايه هديك هياا يالله خلينا نروحو ديجا رانا متاخرين ... دوك يروح علينا الحافلة

ما تلحقي بالجامعة تاعك و انا ما نلحق بجدمتك

أحمد: صح عندها الحق روحو ربي يسهل عليكم

وصلت تولين المحل و غير دخلت قابلتها المعلمة تمضغ في الشوينغوم (العلك) .. تنهدت

تولين : تقول شيطان قابلك مع صبح ربي مش عبد (تمتم بين شواربها)

المعلمة : منغ منغ واش راكي تمتمي وحدك عندك منغغ منغغغ 15دقيقة تأخر راح نحيهم من الخلاص في اخر الشهر ماجيش تقوليلي ناقصين منغغغ منعععع

تولين قلبت عينيهااا و عضت شفتها بغزول مرجعتش عليها و قصدت بلاصتها تخيط وقت جات عندها حبيبتها نسرين

نسرين : صبا ح الخير يا روحيي

تولين :صباح النور راكي مليحة ؟؟

نسرين : الحمد الله وشبيها هادي كل صباح ديرنا فلم رعب

تولين : شفتيها تقول حيوان خلق ليفترس ...كي نشوف الشوينغوم في فمهااا قلبي يوجعني عليه