سقف الحياة

مشهد

#مشهد
#سقف الحياة
#الكاتبه روزايه.....

الحياة فرصه..فرصة واحد لارجعة فيها..
امشها صح فتسير حياتك..امشها بتهور فتلعن ساعة ولادتك
لو ان الزمن يرجع بي للوراء لما كنت افعل كل الذي فعلته..
لكن تسجل الحساب وانتهى الامر فدفعت الثمن بحياتي قبل مماتي...

ليلى صاخبه من الليالي الحمراء بنادي ليلي  بلبنان  دك وركص وناس تشرب وناس مختليه ببعض سهره بس شباب وبنات   ...

كاعده بوسط صديقاتي ومتخذه مكان بالزاويه استمع لصوت الاغاني واباوع بعيوني دندنت ويه نفسي ويه الاغنيه ...

اول مره ادخل لملهى اونادي ليلي بس صديقاتي هن الي اقنعني وكالن هي حياه وحده نعيشهه خلي انجربهه بكل تفاصيلهه لاتضلين خايفه شوفي الناس شلون عايشه ...

انتابني شعور غير مرضي على الي دا اسوي او بلأحرى تأنيب الضمير الي انتفض بهاي اللحظات شلون هيج اسوي ليش كاعده هنا وما اعرف طيشي وين راح ياخذني وشنو المجهول الي راح اواجهه...

التفتت على بنت خالتي إيرام حاجيتهه بس الصوت عالي جان متسمع قربت نفسهه عليه وخلت ايدهه على اذنهه بمعنى عيدي ما سمعت...

حجيت يم اذنهه بصوت عالي إيرام اني اريد اطلع من النادي ما اتحمل هالقرف لج شلون اجينه هنا ....

... اكعدي يابه وين اطلعين شوفي الصبايا شلون متونسات وانتي كالبه وجهج اتونسي وعيشي اللحظه...

.. لج إيرام هذا المكان مو مريح وشوفي نضرات الشباب علينه كومي بسرعه اذا عرفت خاله راح اطيح حظنه كالت لاتتاخرن وعبالهه رحنه للمطعم ...

.. ما اطلع الا اشبع ونسه وركص تريدين اطلعي وحدج هو اسبوع وراجعين على ايران وراح ننحبس هناك وكولشي هناك ميصير وممنوع ....

... الظاهر إيرام مستمتعه لاخر درجه وماحابه تطلع من النادي بس اني لازم اطلع خلي اشوفلي تكسي اجرهه وارجع للفندق يم خالتي...

بين شعور الذنب وتأنيب الضمير وبين وسوسه الشيطان الي يكول بس انتي خايفه شوفي البنات شلون يضحكن ومتونسات عيشي مثلهن ....

كلما اريد اطلع تلزمني وحده من البنات تحجي وياي ويوبخني ويخلن اكو خلل بيه واني معقده كل البنات الي بعمري هنا متونسات بس اني شعور بداخلي موحلو....

ردت اطلع ورجعت ترددت ما اعرف بهذاك الوقت شلون جنت افكر وشلون جنت اسمح لنفسي هيج اسوي بس المهم اسمع كلام إيرام وصديقاتي بكولشي سواء صح او خطأ....

رجعت كعدت اشرب عصير كوكتيل ومخليه رجل على رجل اريد اجرب كل شعور مثل الي يطلع بالتلفزيون بس اكو ضمير بداخلي ماراضي على الي اسوي بس متجاهلته  ...

سديت اذاني وعيوني عن لا اسمع ذاتي اسمع بس وسوسه الشيطان وهو يحثني عن فعل المنكر ونسيت نفسي منو اني ومنو اهلي واصلي شنو ...