البارت الثامن والعشرون...
سقف الحياة...
للكاتبه روزايه....
ايمن... والله عمي ما اعرف شكلك بس هي حره باختيارهه الي تشوفه مناسب الهه خلي توافق علي..
لاتخلي ابالهه مرضهه وضعفهه بس اذا هي ماحبه ترتبط بيه واختارت نصيبهه الله يتممه ع خير...
نور... سكت ابو حوراء وماحجه اي شي مانعرف ايمن ليش كال هيج معقوله كل هاي اللوعه والحب ويفضل كرامته ع حب عمره...
استاذن ابو حوراء وطلع وماما هاجت ع ايمن وتعاركت انريد انسكتهه ماكو وايمن منا عصبي ...
كالتله انت واحد جذاب تحبهه وتموت عليهه بس تكابر وعود شوفوني اني عندي كرامه ولك راح تضل طول عمرك تعاني وكول امي ماكالت...
ايمن.. اسكتي لخاطر الله اسكتي ... احبهه اي بس ما اتزوجهه ما اخليهه تصير ام لاطفالي افتهمي الحب شي والكرامه شي لاتضغطين عليه كافي رحمه لابوج...
... ليش تشرد اذا تحبهه ليش تخسرهه شفت روحك من احتركت شصار بيك ماكو انسان مايغلط واعترفتلك وتابت كافي لتالي ...
بنفسك رحت وسالت وكالولك موعلاقه جانت صداقه عدهه ليش فهمني فوك قهرهه وبسببنه احتركت وتشوهت وانت اجيت كملت عليهه وتخليت...
... ما مواعدهه بشي يمه لاتضغطين عليه بروح ابوج عبالج هين عليه احبه اني وما انساهه لاخر يوم بعمري بس الي خانتني وباوعت بعيني لو ع جثتي ماتصيرلي مره. ...
... هسه لوانت خاينهه هم راح تتخلى عنك لو تسامحك وهي شخانتك نامت ويه واحد والله شفتهه تحجي ويه ولد بالدوام سون اشكال وتزوجن وانسترن ...
... انتي راح اطلعيني من طوري لاتقارنين مره بيه اذا خنت واذا كالوا عليه ابو البنات نقص من قدري لو محد راح ينطيني مره ...
بس اذا هي انذكرت بسوء كدامي تريدني اتحمل بحجه الحب انعل ابو الحب الي يذل ويمسح كرامتي ...
اخر مره اكلج حوراء احبهه بس ما اتزوجهه خلي تروح لحال سبيلهه واني وياهه لحدما تتعافى بس زواج لاتنتظر مني...
نور... طبك الباب حيل وطلع يحجي بمكابره هو هذا ايمن لو موحب مايوكف بوجهه صار اسنين انحاول ويا ورغم الي مرت بي بس ضل على نفس موقفه....
مانفتح الموضوع بعد وايمن التحق للجيش ووراهه بااسبوع اجانه خبر معزومين على خطبة حوراء ام العريس مسويتلهه حفله....
ماما بجت وذمت ايمن تحب بنت اختهه حيل بس الله يسلمه اخوي قافل وماتقبلهه ابد ...
ايمن جان عنده انذار وكلنه مانحجيله بس الحظ العاثر لازم يصادفه بيوم نزوله جانت الحفلة مالتهه وماندري بي نازل...
من رجعنه المغرب لكينا بالبيت تلكانه بالمطبخ لازم كوب الجاي بيده سألنه وين جنتوا اني وماما وحده تباوع بوجه الثانيه مانعرف شنكول بس ماما جانت متحمله علي..
أنت تقرأ
سقف الحياة
Romanceخطوه خطوتان ثلاث خطى سرتها ولا اعلم اين المصير.. فقط الذي اعلمهُ انني ارى ملامح الهاويه
