#البارت الواحد والعشرون...
#سقف الحياة
#الكاتبه روزايه...
حبايبي كل عام وانتم بالف خير وعساكم من عواده....
....
ازاد... تركت الي بيدي ودخلت للصاله صارت بوجهي عمتي ام سرمد وجهتلي خزره وام زياد كذلك ماراضيه وعبالك اني طردتهن...
كعدت على الدرج بين ماتخلص الهوسه ويطلعون من المطبخ احس نار وتسعر جواي اباوع لنفسي لشنو عايشه شنو هدفي بالحياة ...
لوعندي فلوس اطلع ورا اهلي حتلو مايردوني بس المهم اخلص من نظرات الاتهام ...
اجتي نور كعدت يمي خطيه عدهه امتحان ومالحكت تقره لان تشتغل ويايه ضلينه كاعدين على الدرج اني وياهه تقريبا فرغ المطبخ وكلهه التهت بالعشا ...
رحت للمطبخ اغسل شكو ماعون واكع حته ماتصير هوسه هو اولهه وتاليتهه براسي واكفه اغسل المواعين فات زياد...
اني دنكت ولاحجيت بس كال ازاد رحمه لاهلج من تشوفين ولد مجتمعه لاطلعين ...
... اني من العصر بالمطبخ وما اعرفهم منين غير اشتغل...
... عوفي الشغل الف وحده ابمكانج من تشوفين واحد غريب فوتي جوه...
... ماشي ..
... حضري الجاي لان كملوا عشا وهسه يجي ايمن ياخذهن ...
.. هزيتله براسي وطلع شقصده من هاي التصرفات كلهه ...
حضرت الجاي وبديت اصب بي فات ايمن رافع ارداناته وغسل ايده بالسنك مخليه ع الكاونتر باكيت كلينس سحب من عنده وجفف ادي ...
التفت عليه كال كملتي الجاي جيبي وكلي لامي اني راح اروح تجي وياي لو تضل ويه انور ...
... ماشي هسه اكلهه ... كلت لامه كالت غير نساعدج خلي يروح مستعجل هو يبلع اللگمه ويوكف فوك راسنه ...
التهيت بغسل المواعين ونور ماخليتهه تشتغل صعدت بغرفه زياد تقره مع العلم مايقبل واحد يفوت لغرفته بس جوه هوسه خطيه وفوك غرفتين وحده مال زياد ووحده فارغه مابيهه تبريد....
نور...
جان عندي امتحان وصعب وخايفه ارسب كالت ازاد روحي بغرفه زياد اقري كلنه ندري بي من جان صغير يكولون مايقبل واحد يشاركه بملكه ..
بس شسويله قابل يطردني فرشت كتبي بالكاع وكعدت اقره اندمج بالقرايه هواي اشو فجاه اجاني اعياز الفضول لازم اكوم اشوف الغرفه زين شبيهه مابيهه...
وكفت على حيلي جانت الجربايه ام نفرين وميز علي عطرين فقط وفرشه شعر شد انتباهي اسم العطر مكتوب علي لوگاست ...
اشتميته ريحته تخبل نفسه الي يخلي منه اشو بس هم تلزك الريحه بيهم واني اغرك روحي ومحد يشتم عطري لا وفوكاهه ينحبون من العطر...
اريد اجرب اخلي عطر ايمن واروح للدوام بلكي ساحرتلي واحد بعطري ...
فتحت مجرات الميز بيهن اوراق وشغلات مال شركات رحت على الكنتور مقفول قفل واحد افتحهن بالسره واشوف ...
أنت تقرأ
سقف الحياة
Romanceخطوه خطوتان ثلاث خطى سرتها ولا اعلم اين المصير.. فقط الذي اعلمهُ انني ارى ملامح الهاويه
