سقف الحياة

البارت 11

#البارت الحادي عشر...
#سقف الحياة
#الكاتبه روزايه...

كتب قدري على جبهتي بحبر ابدي لا يزول..
حزن وقهر كأنهما توأمي الذان ولدتهما امي معي..
فلا استطيع في الحياة قدماً بدونهما..
الى متى..الى متى يستمر هذا العذاب فحتى المحكوم بالموت يموت وتنتهي معاناته..الا انا لا انا بحيةٍ ولا بميتةٍ
اسير نحو قدري مابين هذا وذاك...

هاي اني اسير بخطواتي الى المجهول واتعثر بمطبات الحياة عمري ما اتجاوز 20 سنه وانكتبت عليه اشوف ايام قليل بحقهه السواد...

كل هذا غضب رب العالمين ماحفظت نفسي الي تحثني على المنكر جنت اطاوعهه والبي كل وسوسه الشيطان...

نور لازمه ايدي ودموعي تنزل حيل تاذيت اريد اسيطر على دموعي مااكدر كمت اشهك وهي تسكت بيه لايطلع صوتي...

خليت ايدي على حلكي حته اسمع شراح يكول ياسر وشنو رد فعل زياد بهيج خبر...

ياسر... باركلي ابو الزوز خطبت...
... هدوء الظاهر زياد يحجي ويكله منو ويباركله...

.... وحده من يمنه جيرانه ماراح اتزوج الا تجي وتحضر عرسي وتزفني بسيارتك...

... لحظات بشعه الى حد مااكدر اوصفهه الاخ يعزف بالحان على جرح اخو يخابره ويكله باركلي وهو خاطب حبيبته...

اني مااحب زياد ولا احب ياسر بس ياسر اتعلقت بي وزياد انقهرت علي معقوله اني لهدرجه وحده ملازمتني اللعنه من اول مادخلت لهاي العائله خربتهه...

ماكدرت اسمع اي حرف بعد كمت من الكاع نظفت ملابسي ونور وياي اخذتني لبيتهم ماردت اروح نفسيتي تعبانه حيل خلتلي كرسي وكعدت بالحديقه كالت اروح افتهم واجيج...

راحت نور واني اتجرع مراره الالم اني الي مااعرف شي بس كميه المرار واني اتخيل شعور زياد شنو اريد استوعب كل هاي السنين واني مغفله وماادري بي ....

زين ليش مالمحلي بيوم ليش احتفظ بحبه لنفسه يجوز احب غيره او احاول ارتبط المن احمل الذنب لزياد لو لاهلي لو للكل الي ضموا عليه كولشي....

تقريبا مرت اكثر من ربع ساعه اجت نور تركض جايبتلي كلاص مي شربته وكعدت جوه بالكاع ولزمت رجليه تهدي بيه...

نور... ازاد صيري قويه لاتخسرين حياتج حاولي تتقبلين الموضوع احتمال بالعشره تتوافقون وتحبي ويحبج ...

... نور اني ضايعه اني استاهل الي يصير بي اني وحده موخوش اني استاهل حقيره...

... ع كيفج ويه نفسج ولج يفيدج ياسر الخاين الي اخذج عناد باخو محد يفيدج والله...

... نزلت الكرسي وكعدت بالكاع صرت كدامهه وبديت احجيلهه عن كولشي عن سخافتي وعن حقارتي وعن اخلاقي الي انعدمت بايران ...