#البارت الثاني عشر...
#سقف الحياة
#الكاتبه روزايه...
اتمنى لكم متابعه مممتعه بهذا البارت ومليانه اكشن مااكدر اكلكم لاتجاوزون لان اني هم اتجاوزت وحجيت اشكال ما اتحملت 😂 احبكم ....
....
بهاي الحياة كولشي يهون وكولشي يكدر يتصلح الا التلاعب بالمشاعر الا الخيانه لهنا الانسان مجرد مايذكر خيبه الامل الي لازمته بذاك الوقت كافي بان تخلق من عنده انسان قاسي ميته الاحاسيس والمشاعر عنده ....
رفعت راسي وباوعت لياسر بعتب حجيت بعصبيه انت شنو من بشر فهمني متاكد من نفسك انت انسان صاحي انت واحد مريض....
شلون ادزله صوره اديناتنه ودكولون يدري وكايل مبروك وهو مايعرف شي ولكم شنو من بشر انتو ليش مستغفلي ليش مخلي عايش بامل...
لك شلون تكدر هيج تسوي باخوك صارحه كله اني خطبت ازاد ترى اني ما احبه زياد حاسبته اخويه الجبير ليش هيج جاي تسوي شنو موقفك كدامه من يجي ويشوف كميه الوقاحه الي سويتهه...
... ولج انتي لو ادك على راسج ليل نهار ماتنعدلين تضلين عوجه اذا جبتي اسمه كدامي ماتلومين غير نفسج ...
اني حر العب علي بكيفي اني اريده اشوف ينزف دم كدامي عندج اعتراض لو تريدين ادافعين كدامي...
... زياد اخوك الجبير ويجيب ويدزلك فلوس وحته مايقبل تشتغل يخاف عليك وانت هيج تجازي ...
ياسر ابعد فكره اني احب زياد مستحيل هذا الشي ولابيوم فكرت بي بس حرام الي تسوي خلي نفسك ابمكانه شايف كميه الالم الي راح تصيبه....
... اسكتي مالج دخل بيوم العرس اكله شتريدين دكولين عليه كولي مريض مخبل اناني كولي...
زياد عمره كله شامخ ماطخ راس لواحد شوفي هاي عمامج يحترموا ويخافون منه والدليل شوفيهم شلون مخبوصين من خوفهم منو راح يكله الخبر...
... لا غلطان ياسر لو مثل مادكول يحبوا ويحترموا ماسووا هيج وضموا علي ماشفت واحد منهم وكف بوجهك ودافع ماعدا ايمن وجدي كلهم وياك....
كل الي كلته غلط زياد يحبو بس علمود الفلوس وحرام عليكم هيج مستغلي ...
... كومي ارجعج انتي موشكول طلعه وحسج اسمع اسم زياد مره ثانيه...
... ماجاوبته كمت امشي ورا وهو بسرعه وصل قبلي لسياره فتحهه وصعد واني بعدني امشي شكد عديم ذوق يعوفني ورا صدك لا كال ايمن ماعنده غيره...
انداريت من الجهه الثانيه صعدت واثنينه ساكتين لحدما وصلنه للبيت واحنه حرف ماحجينه اول ماوصلت طبيت للبيت حته بدون ما التفت علي يوم عن يوم اشمئز منه...
لكيت نور يمنه خطيه جايه من زمان وتنتظرني بسرعه اخذتهه وطبينه للغرفه محتاجه وحده اشكيلهه دموعي صايره سهله بسرعه توكع بس سالتني شلونج بجيت ...
أنت تقرأ
سقف الحياة
Romanceخطوه خطوتان ثلاث خطى سرتها ولا اعلم اين المصير.. فقط الذي اعلمهُ انني ارى ملامح الهاويه
