#البارت الثالث...
#سقف الحياة
#الكاتبه روزايه...
زياد يجي باجر الي سمعته من نور دكول راح عمره 15 سنه يدرس وما اجه ابد وهسه عمره 29 سنه يعني صارله 14 سنه ماجاي للعراق ....
واضحه الفرحه عليهم بحيث مخبوصين وهو مسويهه مفاجاه مامنطيهم خبر قبل فجاه كالهم باجر اجي بيومهه بابا ضل يم بيت جدي وانب نمت لان عندي دوام وماما عفتهه كاعده تشوف تلفزيون....
ثاني يوم كعدت من الفجر راجعت امتحاني لحدما كعدت ماما سوت ريوك وبدلت ورحت على نور لكيتهه واكفه تنتظرني ....
طلعنه اني وياهه نمشي المدرسه بعد شارعين عنه واراجع بماده الامتحان ونور ماتقبل دكول مايصير نحجي بالشارع ....
امشي رافعه راسي مابيهه شي ما اباوع على ولد ولاشي بس ما امشي بخوف ومدنگه...
صاحت بيه بسرعه يامعزايه نزلي راسج اذا يشوفنه ايمن يشلع عيونج ويبطلنه من المدرسه...
... واني شنو مسويه دا امشي وساكته ماملزمه اتبع تعليمات اخوج مدام مامسويه غلط...
... هذا الحجي يفيدج جربي مره وعود كولي هيج والله دكولين التوبه....
... امشي امشي عشره مثل اخوج ميخوفوني مدام ممسويه غلط ....
... الله يهديج السانج متبري منج وراح يوكعج بورطه امشي خلي انفوت لاينسد الباب....
دخلنه للمدرسه ماحابه الدوام بسبب عربيتي موحيل مضبوطه بحيث ال التعريف ما اكولهه عندي عداوه وياهه وكوه احضر واكتب بس نور مامقصره وياي تعلمني هوايه صح استجيب بسرعه واتعلم بس احس بصعوبه ....
كملنه الدوام ورجعنه للبيت شفنه سياره حديثه واكفه بالباب وسياره ايمن اعرفهه بس الثانيه غريبه ....
نور... شوفي ولج اجه زياد امشي خلي انطب بسرعه...
... دوكفي شجاج مستعجله واذا اجه...
... لا ولج احب زياد مثل ايمن واكثر ابد ماقصر ويانه من جان بابا حالته موشي وماعدنه هو خطيه شكد ساعدنه....
تمشي سريع وتحجي بحيث مالحكت بيهه هي دخلت تركض للبيتهم واني رحت لبيتنه مالكيت احد الظاهر يم بيت جدي الي هو نفسه بيت عمي ابو زياد...
غسلت وبدلت ولبست تراك وطلعت لبيت جدو اشوف اهلي واشوف زياد الي قبل بايران جنت احجي ويا.......
دخلت للمطبخ فارغ بس الطباخ مشتعل وريحه الاكل فايحه اسمع صوت ضحك وسوالف عمامي وصوت جدي العالي...
طبيت للصاله واشوف الكل مجتمع من كبار وازغار استحيت حيل ضليت واكفه بصف الباب حته ماسلمت ....
شافني باباصاح عالي آزاد سلمي على زياد ابن عمج.....
ولا رفعت راسي ابد مادري ليش اتخبط بخطواتي لان ولد عمي كلهم مجموعين وهو اول مره التقي بي
أنت تقرأ
سقف الحياة
Romanceخطوه خطوتان ثلاث خطى سرتها ولا اعلم اين المصير.. فقط الذي اعلمهُ انني ارى ملامح الهاويه
