#البارت الخامس...
#سقف الحياة
#الكاتبه روزايه...
الكل يباوعلي بصدمه ماما تكرص بيه وماتعرف شتحجي تريدني اسكت وبابا يباوعلي متفاجئ بلي اكوله...
قطع لحظات الصمت صوت جدي وهو يكول شنو مسيحيه بويه انتي مسلمه شنو تحولتي چاهيه بكيفج ...
... اي جدو حولت من جنت بايران اني وبنت خالتي وعادي خالتي تدري مابيهه شي وكالت بكيفكم...
جنت احجي بكل ثقه ولاعبالك كاعده بنص عشيره مال زلم سمعت انور يكول استفاد شوف الخرط ....
بابا... لا بنتي انتي متوهمه ميصير نحول بكيفنه وانتي مسلمه هاي السوالف ماتفهميهه الا من تكبرين...
ام رونق اسمهه هيفاء... يا ابو ازاد البنت من اجت ماتصلي انت ابوهه ماشفتهه فوكاهه دكول مسيحيه المفروض تنتبه عليهه من يوم اثنين ليش اسمكم اهل ...
صاح بيهه عمي محمد اسكتي لاتتدخلين خلي نفتهم
بويه ازاد منو كالج حولي وشلون تعوفين دينج المسيح هم دين بس نبيهم عيسى احنه نبينه محمد مايصير يابنتي...
... عمو اني حولت بارادتي وعادي يصير وهسه اني مسيحيه واصلي مثلهم
انتبهت على زياد عدل كعدته وحجه بهدوء متصنع مبين كوه لازم نفسه ....
اسمعي آزاد انتي مسلمه نعرف صغيره وانجرفتي بكلام بنت خالتج بس ميصير المفروض تجين تحجين لاكبر منج امج او ابوج ميصير تصرفين بكيفج....
لاحظته من يحجي صاك ع اسنانه كوه يتصنع الهدوء مبينه العصبيه حيل ...
كلامي جان صاعقه عليهم واحد يرفع واحد يكبس عمي حسن رجع على ابوي يحجي موكنالك انتبه عليهه يابه هاي بنيه وتطبع باطباع غيرهه اليوم مسيحيه باجر شتسوي...
بابا... لا بعدهه طفله وماتعرف الصح من الغلط هذا مجرد حجي بنتي اني اعلمهه...
... شوكت تعلمهه من الفاس يوكع بالراس وهذيج الساعه مايفيد كلشي وياخوي لادكول طفله موهاي بناتنه بكدهه مايخطن خطوه بدون علمنه....
... شبيكم مزوديهه ترى طفله هي تحاسبوهه محاسبه الوحده عمرهه عشرين كتلكم بنتي مالك دخل بيهه ....
ايمن ... عمي انت من تضل ادافع عنهه ودكول طفله راح تتصرف بكيفهه احنه ما نذمهه بس هيج عمر تنجرف بسرعه والله يسلمهه آزاد تتأثر بالحجي المفروض تنصحهه مو تأيدهه....
... تعالوا ربوا بمكاني بنتي مالكم دخل بيهه اعرف غلط الي سوته بس اني احجي وياهه لاتتدخلون...
ايمن... شنو ماندخل عرضنه هي باجر عكبه مرجعهه علينه اذا مدحوهه يرجع النه واذا ذموهه علينه دكول بنتي ومالكم دخل علمهه انصحهه مو كاعد ادافعلهه وهي طولهه شبر ومسويه سالفه اكبر من راسهه...
أنت تقرأ
سقف الحياة
Roman d'amourخطوه خطوتان ثلاث خطى سرتها ولا اعلم اين المصير.. فقط الذي اعلمهُ انني ارى ملامح الهاويه
