سقف الحياة

البارت 15

#البارت الخامس عشر...
#سقف الحياة
#الكاتبه روزايه...

الفرحة لا تسع قلبي وانا ازف اخي بيدي اخي سندي الذي لطالما تمنيت ان البسه القاط وازفه لفتاة احلامه..
اخي قدوتي جزء من قلبي وشخصيتي..
اعطيته قلبي فاعطاني خنجر بوسطه خنجر مسموم غزى روحي ودمي..
ازفه بيدي لكن لمن؟!!
لطفلتي لفرحتي لروحي التي تخيلتها ام لأطفالي..
فلا عجب لغريب داس علينا ومشى..
فالذي من دمنا اغرقنا بدمنا وامسينا بلا احباب..

.....

ايمن... اعرف نفسي متاخر حيل وفات الاوان المفروض من اول يوم خطب بي احجي لزياد جان ماصار الي صار...

بس ما اعرف ليش وشلون شنو سبب تاخيري ليش ماطلت هوايه بالموضوع من جانب ماردت اجرحه ومن جانب ماردت ادخل بس من اصفن الهه كلهه اعتبرهه اعذار بس حته استر خطأي...

اعرف الخبر نزل صاعقه على راس زياد بحيث ماعرف شيحجي بسرعه كالي ايمن روح هسه شويه واخابرك ...

سديته من عنده واني مخلي نفسي بهذا الموقف شنو شعوره الحب طز بي والحبيبه تروح وتجي الا الاخ والا الطعنه من اقرب شخص لا والي يقهر تعب كلبه كله عليهم...

من اباوع لبيت عمي ابدي اروح احركهم كلهم وما احمل المسؤؤليه غير لازاد تدري بزياد ع الاقل جان انسحبت وتدري بحقاره ياسر بس شنو تفكيرهه ما اعرف ...

اتذكر من اجه زياد جانت هي بالمتوسطه تقريبا بعدهه زغيره جنت احجي ع زياد اكله ليش تجبرهه عوفهه ترى بعدهه صغيره وماداركه للحياه....

لحدالان اتذكر كلامه جان يكول لا ايمن هاي احسهه دمار لادكلي صغيره انت الصغير وحده رعنه محد موكفهه عند حدهه...

اذا عفتوهه بدون مراقبه ومحد يحاسبهه والله تشمركم بورطه مااطلعون منهه الي تصرف هيج تصرفات هاي موزغيره ...

حته ماكال ترى رايدهه اني وشي لان زياد بهذاك الوقت عمره فوك 25 وهي 15 سنه بس من راح ورا مده كبرت وصدك حلوه هي كام يشوف صورهه وعمي دائما يدزله صور العائله لذلك انعجب بيهه...

بس كل هذا وكال احترم رأيهه اذا متقبل لاتجبروهه وخلي تزوج الي تقتنع بي لان جان ماشيهه عدله هيج صار ويااا..

طلعت برا ادخن فوك قهر الدوام اجي الكا اتعس هنا اجتني نور تركض ايمن هذا زياد يخابرك ...

جاوبته بس ماعرف شنو احجي بس كتله هازياد ....
زياد... ايمن خطوبه ياسر استمرت 3 اشهر يعني كل هاي المده واني مغفل زين انت ماكلت هذا اكثر من اخوي خلي احجيله لو ضاع الوفه عدكم...

انخطبوا وتزوجوا وحامل واني اخر من يعلم ليش اني زعطوط كدامكم ليش استغليتوني...

ترى ماراح اموت ورا ازاد طز بيهه ماتقبل حبت ياسر احترم قرارهه ليش خدعتوني بس اريد افتهم شغله وحده ليش سويتوا بيه هيج ...