سقف الحياة

مساعده

هلاووو حبايبي شلونكم موبارت بس اريد اسولف وياكم شويه ...

تفاعلكم بالقصه حيل قليل المشاهدات الالف والتصويت مايتجاوز 500 شنو السبب ممكن اعرف يعني من اكعد واكتب انطيكم من وقتي وانتي تجين بس تقرين ماراح يكلفج شي اضغطي على نجمه وخلص على الاقل اكو واهس للكتابه...

الشغله الثانيه اكو متابعه ويانه صار فتره تراسلني وصراحه نادرا ما اجاوب لان قليل افتح نت بس حملتني امانه انشر مشكلتهه ماحبت تنشرهه بالفيس وتعرفون سوالف الكروبات....

بما انو احنه هنا لمة بنات الي اريده منكم تقرون مشكلتهه للاخير وتنطونهه اراءكم لعلى وعسى تاخذ حل من وحده منكم بس الي اريده منكم بلا تجاوز اريد تعليق يرسيهه على بر لان حايره هي واتمنى اقدملهه اي مساعده ...

حبيباتي حته الاصنام الي بس تباوع ياريت تشاركون وتبدون اراؤكم احسبوهه مثل اختكم... اليكم المشكله....

السلام عليكم حبيت انشر بالواتباد لان اعرف اغلبيته بنات واريد اسمع منكم وبلكي وحده منكم يكول تعليقهه صواب وحل لمشكلتي...

بنات اني عمري 28 سنه مهندسه الحمدلله متعينه عائلتي زغيرخ ويدعموني بكل خطوه مشكلتي بدت من اني بلاعداديه...

طيش مراهقه وجانت اول مانزلت التليفون عندي تواصل ويه ولد عمي .. خالي ... خالاتي يعني شقه ضحك البعض منهم جان ياخذهه بلا قصد ويكولون عدهه علاقه وخفيفه ومدري ايش ...

المهم بلاعداديه وحبيت ابن خالتي مو ذاك الحب بس مثل مانكول بدايه اعجاب استمريت ويا سنه تقريبا بس لا نتخابر ولاشي بس من نروحلهم والاهل اخذوا نظره بان احنه لبعض...

مرت الايام والسنين كبرت وحسيت نفسي العب بالنار وماكو حب اتجاه ابن خالتي قررت اتركه وخبرته بهالشي احترم رأي وقراري ونغلقت السالفه ...

دخلت جامعه حبيت حبي الحقيقي تعلقت بي الى ابعد حد انسان مثقف وواعي استمرت علاقتنه بحدود السنتين هذا الشخص يكون صديق اخو ابن خالتي الي سابقا عندي علاقه بي ....

بعد فتره من علاقتي بحبيبي صار خلاف بيناتنه خلا ينهي العلاقه بهاي اللحظه طلع من عيني وحاولت بكل الطرق انسى بس للاسف فشلت ...

ورا فتره رجعنه لبعض بس عندي برود موطبيعي اتجاهه كل الحب الي جنت احمله اله صار شي عادي خلال هاي الفتره رجعت اتواصل ويه ابن خالتي كلام وضحك واعترفلي من جديد وكنت متقبله الموضوع ....

لان ماكو نتيجه من حبيبي واحسه يخوني ودائما عصبي وشكاك ويسالني اسئله مال عدم ثقه ...

المهم مراسلاتي ويه ابن خالتي متقطعه بس اعترف بخطأي كنت ابادله نفس المشاعر بهاي الفتره حبيبي تغير جذريا رجع طبيعي من حب ولهفه ...

حاولت بكل الطرق اطوي صفحه ابن خالتي وابدي من جديد ويه حبيبي بس ماكدرت لان ابن خالتي ما انطا مجال باليوم الي ما اجاوب يخبص الدنيا حاولت اخلي علاقتنه سطحيه...

اجه اليوم الي خطبني ابن خالتي ورفضت بس هاي كلهه يدري بيهه حبيبي يدري تقدملي او اعترفلي ورفضت بس ميدري اني ويا نتراسل....

من رفضت هنا انفتحت ابواب جهنم كام يهدد ويتعارك وصارت مشاكل بين العائلتين وراح تزوج وانتهى كولشي...

رجعت لحياتي الطبيعيه عاهدت نفسي امام الله ما امشي بدرب خطا والحمدلله التزمت واني وحبيبي ع علاقه حلوه ماتخلو من المشاكل وخاصه من يسمع كلام عن ابن خالتي يرجع عليه يكول لوماشايف مجال منج ما خطب ...

ابن خالتي صار وين ميكعد يحجي بيه يكول جنت ع علاقه بيهه وتحبني واحبهه واذا متصدكون اشوفكم مراسلاتهه وصدك شوف رسائلي وبعض من كلامي لواحد من اقربائي هذا الحجي بيوم زواجه...

مرت بحدود 5 سنوات بين متخرجت وتعينت واني عايشه علاقه حب المشكله هسه حبيبي ناوي يتقدملي بهاي الايام وما اعرف شحجي وشنو اكول...

هوايه اخطاء سويتهه وهو كشفهه بنفسه ونتعارك ويسامحني اخر مره سالني ماضامه علي شي كتله لا ...

يسمع كلام عني من اهله لان امه صديقه خالتي ودكولهه جانت تحبه وادزله رسائل ويرجع عليه واحاول ابرر نفسي رغم شكه وعدم ثقته بس يسامحني وتقريبا هسه متصافين...

بس هذا الموضوع ماثر علينه هواي دائما يتذكره ونتعارك من ورا بس كتفاصيل مايعرف بيهه...

هسه اني حايره وليلي ما انامه خاف يتقدملي واخو ابن خالتي يكوله يشوفه الرسائل ويكوله هذا دليل عليهه احسبوني اختكم والله ندمانه واكل باصابعي بس الغرور اخذني وماحسبت للبعيد...

فدوه لگلبگم ساعدوني لاتكولون احجيلهه الحقيقه لان مستحيل يتقبلهه احس نهايه علاقتنه تصير بس اريد حل شسوي خايفه من الخطبه مع العلم شكد منتظرتهه...

مرات اكول مامعقوله لحد الان ضامهن بس من ارجع ع كميه الحقاره الي عنده لا مستعد يسوي كلشي...

ومرات اكول احتمال خالتي لان تكرهني ماتحبنه وماتحجي ويانه تروح تحجي لامه وهي امه تريدلهه حجه عليه...

وعندي هوايه شمات واعداء مستعدات يخربن كلشي ويروحن يحجله بس هو مايصدكهن الا بحاله دليل ...

فهموني شنو اسوي العمر يركض واني ما اكدر اسوي شي فدوه احسبوني اختكم وانصحوهه مستعده اي شي اسوي بس لا دكولين صارحي واحجيله لان مايتفاهم وشلون كذبت علي...

اسفه على الاطاله راح اتابع تعليقاتكم والكاتبه تجاوب بمكاني ...