#البارت الثاني..
#سقف الحياة
#الكاتبه روزايه...
صعدنه بالسياره بعد ماسلمنه عليهم الي عرفته هذا عمي فاضل وابن عمي ياسر اخو زياد....
تحركت السياره واني طول الطريق اباوع من الجامه اشوف الناس ملتهيه كل واحد بشغله والي شايل علاليك المسواك راجع لاهله ...
انتبهت على بابا يباوع بلهفه وعيونه مدمعه ويسولف ويه عمي على الوضع ويسال عن البصره وعمي ييردد البصره بخير بناسهه ....
شكد بسيطه حياتهم وحلوه واكو فرحه بعيون الناس تقريبا اكثر من مره شفنه همرات امريكيه واسال بابا هاي شنو يكول هذوله الاحتلال .....
الطريق طويل وكلساع نفوت بشارع نعست وغفيت بحضن ماما وعفتهم يسولفون....
ماحسيت غير ماما تكعدني واصلين بيت جدوو ياسر نزل الجنط واحنه نزلنه من السياره اباع على البيوت شكبرهه هنا عبالك عمارات بايران ابيوتهم صغار واغلبهه شقق تخنك حته حديقه ماكو نادرا ....
هنا كل بيت عبالك مدرسه وجهال تلعب بالشارع واكو نسوان كبار كاعدات بالباب بسولفن وكدامهن ماعون فواكه...
اكو محلات طالعه من البيوت وكاعد بيهه رجال حجي والابتسامه مرسومه على وجهه وهو يلوح بيده بالسلام على عمي فاضل...
دخلنه لبيت جدو جان عباره عن حديقه ينبني بيهه بعد بيت كلهه عباره عن اشجار زيتون ومتسلق مسدي على السياج وانواع الورود بيهه ....
الحديقه جانبيه بيهه ثيل عراقي مرتب وميز طعام وكراسي مثل الكعده مسويهه عطر اشجار الزيتون مالي المكان ....
بالوسط ممر طويل اشتايگر ملون احمر واصفر وابيض مبين قديم بس نظيف ومغسول ....
امشي بصف ماما واتلفت يمنه ويسره استكشف بالمكان الجديد الممر ياخذنه لباب المطبخ الي مخلين ابابه سنادين مال ورد ناز ....
اتلكنه نسوان واكفات اباب المطبخ يرحبن بينه واخذن امي بلاحظان واهلا وسهلا والحمدلله على السلامه ....
يسلمون على بابا وهو فرحان بيهم يكلهم هاي بنتي آزاد وكل الي يشوفني يبوسني ويكرصني من خدي جنت مخليه شبه حجاب لنص شعري وشادته من كدام حته قصير مايستر ....
بس بهذاك الوكت عمري صغير وهوايه شفت بنات بالشارع مثلي حجابهم نص ونص...
دخلنه ليجوه بعد ما اجتازينه المطبخ للصاله بوسط اهلا وسهلا شفت بابا ركض على رجال جبير حجي كاعد ولازم العصا مالته بيده وبصفه حجيه وجهه دائري وسمره....
يبوس بأيدهم ويكلهم سامحني يابه فاركتك كل هاي السنين ويرجع يحضن بالحجيه ويبوس بايدهه ....
وهم يتناوبون علي ياخذوا بلاحظان والحجيه لازمته من وجهه وتتفحص بي وتشوفه شكد كبران ....
أنت تقرأ
سقف الحياة
Romanceخطوه خطوتان ثلاث خطى سرتها ولا اعلم اين المصير.. فقط الذي اعلمهُ انني ارى ملامح الهاويه
