#البارت السابع...
#سقف الحياة
#الكاتبه روزايه...
رفعت راسي واني الخوف متملكني مااريد اوكع بهيج موقف احس الاظافر دخلت بنص كتفي ....
دنك راسه عليه وهو يضغط حيل ويحجي بنفس سخافته وكلامه الي مابي ذره رجوله...
ياسر... هاست آزاد عرفت سبب رفضج طلعتي مخليته جوه ايدج وفوكاهه ايراني ....
... ياسر ابتعد عني داتاذيني ارفع ايدك واحجي وياك كرجال لا تصير مثل بنيه البيت...
اني كلت هيج وهو جرني من ايدي ولواهه ودنك اخذ التليفون الواكع بالكاع ويجر بايدي ويهدد...
اسمعي زين ماراح اجاوبج على كلامج هذا بس راح تجين تتوسلين بنفسج كلمه وحده اذا حجيتي هذا التليفون اخلي بيت عمامي واشوفهم سوالفج وهذيج الساعه عود يدورولج ستر لو طلقه وحده براسج....
ماخفت من كلامه ولا انهزيت بكد الشعره سحبت ايدي من عنده وتفلت بوجهه اخر كلمه كتله امشي ياعار ....
رحت اركض لبيتنه واسمعه يسب ويلعن بيه ما انطيته اهميه بس كلبي يدك سريع تلمست كتفي ياذيني من اظافره صدك واحد مريض ....
متردده حيل بين احجي لماما خاف يفرهه عليه والتليفون عنده شلون احل السالفه خاف يشمرهه براسي وصدك يكتلوني اني سامعه عن سوالف العشائر وخاصه عمي حسن شلون متعصب اتذكر من كتلهم حولت ديانتي شلون انتفض ضد بابا....
فكرت بايمن اي هو لازم احجيله اكيد يحلهه على الاقل ياخذ التليفون ضليت انتظر ياسر يطلع اباوع من شباك المطبخ تاخر يله طلع وهو يباوع على بيتنه...
بسرعه خليت الشال على راسي وركضت على بيت عمي فاضل بدون ما استاذن بسرعه دخلت للصاله الهث صارت بوجهي نور كتلهه وين ايمن.....
بلاول ماجنت منتبهه بس من ماحصلت جواب انتبهت على بنيه شابه بكد كاعده ومخليه طن مكياج وياهه وحده تشبه عمه هناء....
هناء... ها بنيتي ازاد اشبيج مفزوعه تعالي...
... ها عمه بس اريد ايمن عندي شغله ويااا...
... ايمن التحق البارحه لتكريت عدهم انذار ودوره تدريب بقاعده البكر يكملهه ويرجع كولي اني هنا...
... هااا لا هيج شغله يله مع السلامه ... طول مااحجي وهاي تباوع صفح عرفتهه هاي حوراء الي جان يحبهه ايمن ....
رجعت لبيتنه واني بدوامه تفكير موطبيعيه وين راح ياخذني الزمن ويشمرني بسلا اصير تحت رحمه ياسر .....
اريد موبايلي حته احذف الصفحه شورطني اني اجت ابالي ايرام اخابرهه وتحذفهه من يمهه ....
دكيت عليهه من موبايل ماما وحجيتلهه الصار كالت ماشي اعتبريهه انسدت شويه اخذت نفس ....
الوب بمكاني مثل وحده تطلك شلون بيه لازم اخلي حد لهيج مهزله خومايضل يهدد بيه ياسر كلت خلي اخابر ريحانه صديقتي احجيلهه واسمع رأيهه....
أنت تقرأ
سقف الحياة
Storie d'amoreخطوه خطوتان ثلاث خطى سرتها ولا اعلم اين المصير.. فقط الذي اعلمهُ انني ارى ملامح الهاويه
