#البارت الثالث عشر...
#سقف الحياة
#الكاتبه روزايه...
ماذا ان تألمت بطريقه عجيبه بطريقه لا احد يشعر بها بطريقه قاسيه جدا ..ماذا ان تألمت ولا تجد مأوى ولم تجد منفذ ماذا ان فكرت بالهروب من كل ذلك ..هل ستستطيع هل ستتحمل كل النتائج ..ماذا لو وُجهت لك كلمات جارحه من اناس لم تتوقع منهم ذلك ..من اناس قد ترى انهم كل ما تملك ..ماذا لو ان قلبك لم يتحمل ماذا لو حدث كل ذلك هل ستكون ع ما يرام...
آزاد ... طفله بريئه اصبحت شابه قذره انتهى بها المطاف انسانه منكسره هذه هي حياة ازاد...
رفع نفسه من عندي واني مسلوبه الاراده مااكدر افتح حته عيني احس بي يفتح باديه وحلكي بس صدى انيني بالغرفه ...
شمر عليه الفرشه ولبس ملابسه وطلع واني اصارع العذاب وحدي اريد ارفع نفسي مااكدر انتهيت الالم ياكل بيه من كل جهه ...
سمعت صوت باب الممر وهو ينسد معناتهه دخل منا هالحقير سحبت نفسي كوه وكفت على رجليه والدم ينزل بطولي امشي استند على الحايط اخذت ملابس ورحت للحمام...
مسلوبه الاراده مصدومه بحياتي الي اشوفهه تنتهي كدامي اغسل وابجي اغسل كل مكان لمسه احس بلمساته القذره ....
طلعت من الحمام وكل حيل ماعندي احس نفسي راح اوكع ماكدرت اكمل كعدت يم الدرج الم داخل صدري قوي حيل بحيث يخنكني ....
صرخت بصوت عالي ياربي ساعدني يا الهي اني اتوب اليك الهي لاتعوفني وحدي جنت اردد وابجي بكل قوتي...
اضغط على حرك ايدي لان يوجعني واني ازيد علي بس مومثل النار الي بكلبي....
بهالاثناء دخلت ماما شافتني واكعه بالكاع والدم مايرضى ينكطع عندي نزف شمرت عبايتهه واجت تركض عليه تكعد بيه وتصيح ازاد يمه شبيج...
مااكدر اجاوبهه بس فتحت عيني الهه شفتهه مرعوبه وتكلب بيه ودموعهه على خدهه ...
كدرت انطق بكلمتي يمه ياسر اعتدى عليه وراح....
هاي الكلمتين جانت كفيله تخلي ماما تضرب على وجهه كعدت بالكاع وتضرب على خدهه وراسهه انفعلت وهي تصيح يافضيحتج يافاطمه ياصخام وجهي....
كومتني من مكاني وااخذتني للغرفه غيرت ملابسي وخابرت بابا تبجي وهي تصيح الحك حسين ازاد راح تموت...
شفتهه ماتعرف تصرف مثل الطير تهمش غمضت عيني بكل اسى الله لايرضى عليك ياسر والتوبه يارب ....
ماادري المن خابرت بس اسمعهه تكلهه الحكيلي شويه واسمع الباب تتندك حيل من صوتهه عرفتهه ام زياد ...
راحت امي تلكتهه الظاهر من الباب كالتلهه بحيث اجت حالتهه اكثر من ماما ضربت وجهه بقسوه وبجت بحرقه كلب ازيد من امي....
أنت تقرأ
سقف الحياة
Romanceخطوه خطوتان ثلاث خطى سرتها ولا اعلم اين المصير.. فقط الذي اعلمهُ انني ارى ملامح الهاويه
