#ولد_عمي ( الجزء الثالث من سلسلة اقرباء ولكن )
الفصل العاشر
الصافي بهمس .. تنفسي رورو
رحيق وخذت نفس لانها فعلا كانت ماسكة نفسها
الصافي بضحكة .. جميل للدرجة هذي
رحيق وخدودها انحمرو وهزة راسها بنعم
الصافي .. انتي الاجمل والله ربي يحفظك يابنت عمي ويخليك لي
رحيق رفعت وجهها في وجه الصافي وبدون ولا كلمة لكن في سرها قالت ويحفظك لي يا #ولد_عمي
الصافي .. استني نسيت
*وطلع العلبة من جيبه ولبسها الدبلة وهيا خذت منه الدبلة ولبستها له*
الصافي .. وهضا طاقم هدية امي ليك لاني نسيت الذهب بكل لكن ان شاءالله حنجيبلك هديتي بروحي
رحيق .. زي منك زي من امي امل انتم واحد
الصافي .. نا مش واحد عندي لكن تو نعطيه لامي لانه مش لايق على الڤيلو
رحيق .. به
*على خشة خلود ومعاها امل *
خلود .. هيا يا عرسان وقت تطلعو تو
امل .. زي ما وصيتكم
الصافي ورحيق .. ان شاءالله
*وطلعو مع بعض رحيق ايدها في ايد الصافي والناس كلها رغم انهم مش واجدين العيلة والمقربين ليهم لكن لانه فرح واحد كان عدد لاباس بيه من المعازيم وكلهم عينهم على هالثنائي الغريب عريس مش هو او لخبطة في الاسم وحلو الضيوف واجد وهما يسئلو في خلود وامل اللي بطلو من الرد لكن ماعطوش تأكيد ولا نفي ان العريس تغير وعدى فرح حلو وبسيط وفرحت واجد رحيق بعد مابلغتها وتين انها بتتزوج عبدو اخيرا بعد يوم من فرحها وللحظة الصافي ورحيق نسو اروحاهم والوضع اللي انحطو فيه وعاشو الفرحة كانهم فعلا كانو لبعضهم من الاول وخذت المصورة لهم صور حلوات مع بعض ومع العيلة كلها وصاحباتها وبعد وقت طلع الصافي ورحيق بعد مالبست كابها وبعد السلامات طلع لشقته وبزفة كبيرة ماتخيلتهاش بكل سيارات فخمة واجواء مش عادية كيف عاد وراجلها عنده معرض سيارات وبيفتح الثاني قريب غير رفيقه اللي صاحب محل واكيد اصحابه جايين حتى هما ووصلو لشقتهم وخشت بعد ماسمت بسم الله والتوتر سيد الموقف بعد ما الصافي سلم على رفاقته وسكر الباب وهو بروحه مش عارف شنو بيدير او كيف يبدا معاها *
الصافي .. رحيق نحن مش عارفين شنو بنديرو وبنخلو الوقت هو اللي يقرر شنو اللي بيصير بينا فلذلك انتي خشي للدار غيري دبشك ونا حنرقد هنا في الصالة لعند مانفرش وحدة من الديار
رحيق .. بهزة راس
*خشت للدار وحولت الڤيلو ولقت البنات حطات ليها روب نوم صايع مشت خششاته للدولاب ولبست بيجامة خفيفة قطنية حلوة ومسحت مكياجها لانها ماتحبش المكياج وتشوف في روحها احلى بلاه وعدلت شعرها وفطنت بباب الدار يطق
الصافي .. معليش بناخذ دبشي
(والتفت لرحيق وانتبه لشنو لابسة وانها ماحطتش محرمة على راسها حس براحة كبيرة وتأمل خير ) رورو خوذي راحتك وبغض النظر على كيف ازوجنا الا انك حلالي في الاخير
*وخذا بيجامة وطلع سيبها تفكر في شنو المقصود من كلامه وطلع غير دبشه ورحيق غارقة في كلامه اللي قررت فعلا انها تقعد معاه بطبيعتها معاه وتخلي لربي تسيير حياتهم ولوين توصل*
أنت تقرأ
( سلسلة اقرباء ولكن) الجزء الثالث بعنوان ولد عمي
Nouvellesسلسلة اقرباء ولكن سلسلة متصلة ببعض وعشان تفهم الجزء الثالث لازم تكون قاري الاول والثاني التنزيل يومي باذن الله كالعادة
