( سلسلة اقرباء ولكن) الجزء الثالث بعنوان ولد عمي

الفصل الثاني عشر

#ولد_عمي ( الجزء الثالث من سلسلة اقرباء ولكن )

الفصل الثاني عشر

رحيق
من لما اقترحت على الصافي انه ننرقدو مع بعض على سرير واحد ونا متوترة وخايفة ومش قادرة نسيطر على رعشة جسمي وخايفة ننفضح قدام الصافي اللي كملت عليا لما شفت الدبش اللي شرنه امهاتي ليا كان كله ارواب نوم و واحد افضح من الاخر وكملت لما الصافي اختار لي لبسة شورت على اساس استر حاجة ومتت من الحشم رغم اني نبي نستمر في علاقتي مع الصافي مانبيهاش تنتهي زي ماهو قال ومش عارفة كيف نوصل ليه قراري هذا وبدون شعور لقيت روحي انادي فيه وماردش عليا اول مرة وثاني مرة التفت ليا 

الصافي التفت لرحيق وبصوت طلع مهزوز معبي بشهوته غصبن عنه .. نعم يا رورو مارقدتش
رحيق ..خايفة
الصافي باستغراب .. من شنو
رحيق .. مش عارفة
*الصافي رفع روحه شوي وجبد رحيق ليه حضنها بكل نعومة كانها قزاز خايف عليه ينكسر وهيا سكتت معاش عرفت شنو تقول
الصافي بهدوء رغم النار اللي جواه .. احكي رورو في شنو تفكري وماتخافيش مني ايش اللي تفكري فيه قوليه
رحيق وهيا حاسة باطمئنان مش عادي من حضنه .. خايفة من رجعت زين واسبابه
الصافي وتشنج من كلام رحيق .. ليش شنو بتتوقعي منه بيدير
رحيق وصوت مهزوز .. خايفة يقولك طلقني وانت ادير اللي تبيه
الصافي رفع وجه رحيق من حضنه وبنظرة رحيق مافهمتهاش .. وانتي تتوقعي اني ممكن اندير هكي
رحيق وركزت على عيون الصافي .. لا

*وبدون اي كلام خذاها الصافي في بوسة قاسية في البداية وبعدها هدت وتمت ناعمة زي نعومة بشرة رحيق تحت ايدين الصافي وماسيبهاش الا عشان الهواء وبدون اي كلام بينهم حضنها وهي دست راسها جوا صدره ورقدو وكل واحد فيهم مايبيش يشغل دماغه كأن البوسة هذي لخصت كلام واجد ينقال
وفي الصبح ناض الصافي وملقاش رحيق احذاه وتنهد وهو يذكر طعمة بوستها وحلاوتها
رحيق
نضت من النوم بدري ومش عارفة ليش وعيت بدري لاني نعشق النوم بشكل مش طبيعي وصبيت بشويش بدون مايفطن الصافي وغيرت دبشي للبسة امس وصبحت على امي امل وقلت ليها بنركب نشوف لبسة من دبشي نغيرها

* وفعلا لقت قفطان بسيط قطني ولبست عليه مالية مفتوحة خفيفة ونزلت تساعد في امل في ضمان الحوش وتجهيز الفطور قبل مايبدو الناس بالزيارات*

امل.. عمتكم عايشة امس قالتلي انها عازمتكم بكرة على العشاء انتي والصافي وقالتلي اناكد ليها انكم بتجو او لا
رحيق .. وشنو جد هالكرم عليها
امل .. عيب تقولي هكي
رحيق .. يا امي انتي طيبة والناس مش كلها زيك

*على خشت عمها صلاح جايب حاجات ناقصات للحوش وطلعت الصافي من داره وامل جابت معتصم سانداته بيش يلتمو على الفطور ونزل حتى اسامة ورامز وخلود وبعد التصبيحات وجهزن الصبايا الفطور قمعزو مع بعض*

امل .. صافي قلت لرورو ان عمتكم عايشة عازمتكم بكرة على العشاء
الصافي باستغراب .. شنو المناسبة
صلاح .. مناسبة انكم عرسان ومن عادة العيلة بعد فترة من زواج اولاد العيلة يعزموهم وحتى عمتكم محضية ورجعة وانصاف حيعزموكم وغير خوالك رواد وصباح وايمن وحسام وآية 
الصافي .. عليك نفاق يعني عشان الناس وعادات ماليهاش لازمة
اسامة .. ليش تقول هكي
الصافي .. ياعمي شنو نسيت ايش دارو فينا
خلود.. مافيش حد نسى ولانقدرو ننسو لكن في الاخير هنا ما دارنش حاجة غلط او حرام
رحيق .. كيف مادارنش حاجة غلط
امل .. مطالبتهن بحقهن الشرعي مش غلط ولاحرام
رحيق .. بسـ....
صلاح .. مافيش بس يا بنتي هنا بس ماقدرنش وضعنا لكن حاجة غلط لا والحمدلله انهن دارن هكي كنهدا راه ماطلعناش من حوشنا ومكناش حنطورو وقعدنا على مانحن فيه
الصافي .. في هذي عندك حق يا باتي
واصلا لما بعنا الحوش بارضه جاب لنا مبلغ محترم بنينا بيه وزدت وسعت معرضنا وكبرت شغلنا
امل .. المهم بكرة شنو عندكم
رحيق .. كيف بنمشو يا امي وانتي الناس خاشين طالعين عليكم 
خلود.. ونا قاعدة شنو بنخليها بروحها
الصافي .. ماهو
امل .. خلاص بما ان ماعندكمش شئ خلوني نتصل بعمتكم ونقوللها انكم بتجوها