............ من المااضي ...........
صحيت الصبح ع صوت عراك مرت اخوي واخوي كالعاده يوميه ع هل صياح والمشاكل
نزلت الدرج ولاكتني مرت اخوي
فاطمه:اي للضهاري مشالله بعد طبكيها ويه الليل وكعديلنه ثاني يوم
عذاري:ها فطيم مشتهيه عركه
فاطمه:فطيم شنو ولللج انه بكدج طايحه الحظ
عذاري:هوب هوب هوب طايحه حظ شنو ولج شنو شو ماخذه راحتج يولي
امجد:اااااانننه مو مطمووور وتالي وييياجن يوميه هل مشاكل هاااي مو جزعنه واللله
عذاري:والله ماتحجي وي مرتك صالها ساعه تنك
امجد:احترمي نفسج لا اكووم انجزج بلعباس
عذاري:درت ضهري ومشيت متعودين يوميه
انه عذاري من البصره عمري 14 سنه
ابوي وامي موجودين وعنده اخ واحد مزوج ومرته فاطمه وخوات ثنين بنين وزهراء
ااااخ فطيم وامجد مربيلنا عله بلبيت صياح وعياط اربعه وعشرين ساعه وعركات انه لسان وماسكت وتكب المشكله
امي مره فقيره لاحول ولا قوه وابوي من نوع عصبي ماينجرع عشت عمري ويا بتهديد يزوجني حياة كئيبه حيل وياهم
بيوم من الايام جت جارتنا ام زيد وحجت وي امي
وكفت اتصنت عل حجي
ام زيد: ام امجد البت كبرت وتاليها زواج ورجل يسترها وهم خوش ناس صح جبير بس زنكيل ويدللها صح عرب همه بس تتأقلم ع طبعهم
ام امجد:والله خيتي الرئي الاول والاخير لبوها واخوهه
ام زيد:فكرو بلموضوع ولا تطولين برد الجواب
عذاري:بقو يسولفون وانه حسيت طركاعه وطاحت ع راسي
يبووو
و هسه امي تروح وتحجيله السالفه وتزوجني النوب تكلها جبير هاي العايزه خرب حضي
والله ماريد اتزوج هسه ليش حاطني برراسه
اووووف كله من وره عمامي الي يحشون براسه علينه ومطيح حضنه
للعصر اجه ابوي من شغله وكابلته امي
وامجد اجه هم كلت هاهيه كملت السبحه
بقيت اكرض بداخلي والله بعدني صغيره ويني وين العرس يبووو عليج عذاري
بقيت اتسمعلهم من وره الباب تحاجيهم بلموضوع
ابو عذاري:اي بيهه الخير شسمه شكد عمره شيشتغل مايشتغل
ام عذاري:اسمه حميد عمره 28 سنه مرته متوفيه وعده جهال ثنين ولد وبنيه
كالت عده اسواق
ابو عذاري:اي هاهيه كوليلهم يجون خل نمشيها شعدها ضاله
امجد:بس يابه مو تحسه جبير عليها
ابو عذاري:احسن يابه
ام عذاري:يعني هاهيه نكوللهم يجون
ابو عذاري وامجد:اي كليلهم
ام عذاري:زين ماشفتو رئي عذاري شنو
ابو عذاري:وحنا من شوكت ناخذ رئي نسوانه للزواج
ام عذاري:ها ماشي عيني انه اردلهه خبر عود
