وانطفينا اثنينه
بحسبة ضياع گلوبنه
وعالذكرى عشنا اتصوريت !
ثاري وي غيري ضويت
ثاري بس انا انطفيت 🌿
ومن شفتني أمشي بشوارع
مالهن داعي بحياتي
بالي يمك ..
چنت أحبك 🌿
...............
بنين:انه غير اخافن عليج بس هاهيه التردي يجرالج بس ايشي يصير مو تذبي براسي من هسه اكلج
عذاري:مايصير هسه بس سوي الكتلج عليه
وماريد اي واحد يعرف
بنين:روحي كولي لمي اريدن اروح للسوك محتاجه شغلات اشتريها الي وللجهال كدام ابوي حته يعرف
عذاري:رحت كعدت يمهم
اكلج يمه
ام عذاري:ها عيني
عذاري:امشينا العصر للسوك محتاجه هدوم للجهال وشغلات اليه
ام عذاري:انشالله يمه شوفي ابوج شيكول
ابو عذاري:شموديجن للسوك
عذاري:يابه غير نشتري حاجات محتاجينها لان هناك انه ماطلع الباب مايقبلون
ابو عذاري:انتي ويامن ترحين
عذاري:اروح اني وبنين وامي واخذ رقيه وياي وعود سامر اخلي هنا يم فاطمه
ابو عذاري:روحو بس لاتتأخرون
عذاري:ماشي لعد يمه العصر نطلع
ركضت لبنين لكيتها توها طالعه من غرفة ابويه وبوجهه فوك لغرفتنا
ها ولج بشري
بنين:لكيت بس بطاقه السكن لأن ماكدر اخذ جنسيته ياخذها العصر للشغل
عذاري:لعد ع منو حتسويلياهه
بنين:ع ماتي يجوز
عذاري:خاف متصير اشلون
بنين:ناخذ مال امي عود معليج هيه تتدبر
عذاري:ماشي نشالله تسهل عليه
الضهريه كلها كاعدين نسولف اني وخواتي وفاطمه متخبله علجهال وفرحانه بيهم عبن هي ماعدها جهال ميصير عدها
تعجبت عليها شون متغيره ويايه
..............
صارت الساعه ب4 العصر وامي كالت يلا
حضرنه روحنه اني وبنين.
وبدلت لرقيه وطلعنه بعد ماخليت سامر يم فاطمه وزهراء
اول مطبينا السوك وحده تباوع بوجه الثانيه اني وبنين وامي منطلقه
ضلينه ندور ع محل تلفونات مااكو طار واختفه
لحد مالكينه واحد بالاخير وبصفه محل مكياج
عذاري:اكلج هسه شون نفوت وامي
بنين: مادري دبريها انتي
عذاري:صفنت وشفت ابو عصاير بعيد علينه كتلهه يمه
ام عذاري:ها يوم
عذاري:هاج فلوس وروحي اشتري لرقيه عصير من هذاك خطيه حاره بينما نفوت لهذا المحل نشتري مكياجات
ام عذاري:خليها من عندي شنو تنطين فلوس
بس لاتبعدن اذا تأخرت
عذاري: لا منبعد
وللله راحت امي وركضنا طبينا لمحل التلفونات جان كاعد بي رجال جبير
بعد ماسلمنا
بقيت ادور بلتلفونات وبنين دتشتري منه شريحه
اشرت ع تلفون ابيض صغير
كال هذا اسمه كلكسي ثري جان توه نازل وذاك من ذاك الشايله
لمن عاملنه علي طلع ب275 الف
باوعت ع بنين طلعت فلوس من جنطتها وحاسبته كللش فرحت بلسوته الي ونشالله ارجعها الها
شكل الشريحه بي ونفتح اول ماطلعت لزمته بنين سوته صامت
بنين:باعي ابد لتعلين صوته ليروح يدك ويكشفه رجلج حطي بجنطج وسكتي
عذاري:مااشي
حطيته بجنطتي وفتت لبو المكياج شتريت لبنين هم كلت عيب
كلش جنت متوتره من اخذت التلفون شكلي راح اواجه صعوبات
وبقه بالي يم الورقه مال رقم اكرم اخاف يلكاهه حميد
رجعنا للبيت والحمدلله تم كلشي بخير بقت بنين اتعلمني اشلون اسوي انترنيت علشريحه كوه فتهمت عليها
مرت اليومين وانه ابيت اهلي ارد بس ارجع للبيت بس شغل تفكيرب اشلون رح اكدر اخابر اكرم وشنو رح اكله
هوه اني اذا ادخل لغرفتي دقيقتين يصيحوني
كلت الله كريم الله يسهلها
للعصر اجه حميد عليه لكاني مبدله ومتحضره
نص ساعه ووصلنا لعيالي
اول مافتت تلكتني عمتي
عمتي:ها ولج عذيره جيتي
عذاري:ااي عمه
عمتي:ولمه اموتج اذا خذيتي الجهال بعد
عذاري:بوستها وكعدت علجودليه
يااا ليش عمه
عمتي:ولج روحي راحت وياهم تعودت عليهم
وهنوب اكولن لحميد يروح يجيبهم مايقبل
عذاري:هاهيه والله منا وهيج انه اروحن وحيدي وارجع وحيدي لا الجهال ولاشي مدامج ترديهم
عمتي:اي بعد عيني جده تعالو
عذاري:ع صوتنه اجن البنات سلمت عليهن وكعدت
كوه فكيت روحي منهن
صعدت للغرفه بعدما لمحت همام ديغسل علمغسله
مشافني
اول مسديت الباب نزعت عباتي وقفلته
صفنت هيج كلت ها لا خليها بليل بس لا هسه يسئلوني ليش قافلته شنو. حجتي شكوللهم ف هسه علمود من يكولولي ليش قافلته اكلهم دابدل
لعت التلفون واني ارجف خاف احد يدك الباب
تذكرت الورقه مال الرقم طلعتها واني كوه اكتب معرف ليش لدرجه جبيره خفت بوقتهااا
سجلته بلگوه ودكيت
رحت جوه الجربايه ختلت وشغلت المبرده حتى صوتها يصير اقوه ومايبين صوتي من احجي
كوه دحست نفسي جوه الجربايه
دكيت ضل يرن يرن
اول ماكول الو
عذاري:الو
اكرم:تفضلي منو؟
عذاري:انته منو
اكرم:غير انتي الداكه
عذاري:ماعرف شلون جتني فكره اكوله قبل فتره شفته بلتلفزيون ع قناة.... جانت بوقتها قنوات وكنترول يدزون ارقام مال تعارف
اكرم:بس انه ماداز رقمي هسه
عذاري:لا انه قبل فتره طويله شفته وسجلته وبقيت ابالي وكلما ارد ادك واستحي
اكرم:هاا اتشرفت عيوني
عذاري:تسلم عيونك
اكرم: الله يسلمج بس مكتيلي منو شسمج
عذاري:ها اسمي عذاري وانته
اكرم:انه اكرم ..زين اشكد عمرج
عذاري:انه عمري 18 سنه وانته
اكرم:بعدج بعدج. انه عمري 31. سنه
عذاري: اها تشرفت بيك
اكرم: الي الشرف. شني انتي مزوجه لا
عذاري:اي انه متزوجه
اكرم:لعد اشلون خابرتيني
عذاري:اا انه رجلي موهنا بس هسه حيجي
اكرم:هاا لعد من يصيرلج مجال دكيلي
عذاري:نشالله بس انت لادك
اكرم:ماشي مع السلامه
عذاري:الله وياك
سديته منه وانه احس روحي صارت ترجف من جمال صوته
يااا عذاري هاي شبيج تخبلتي
داكوم ونركع راسي بلجربايه تذكرت انه جواها
حفضت رقمه وسميته بنين حتى اخاف يلكفه عندي انه مرتاحه بسم اختي
رجعت كلشي لمكانه وفتحت الباب اول مافتحته انصدمت بهمام واكف
همام:ليش قافله الغرفه
عذاري:شنو ليش قافلته انه دابدل
همام:وليش رحتي لهلج منهو سمحلج ترحين
عذاري:شنو غيرر انه رحت بعلم ر....وللحكايه بقيه
.......................
اااذا اتكولن البارت قصير اشويچن 😂❤
