كلب باوراق عمرك ،
ناس راحوا ناس اجو ..
ناس رايدهم يضلون ومشوا 🌿
....................
وانطفينا اثنينه
بحسبة ضياع گلوبنه
وعالذكرى عشنا اتصوريت !
ثاري وي غيري ضويت
ثاري بس انا انطفيت 🌿
.....................
ماحسيت غير بس انسحب الكرسي وكعد همام بعصبيه
عذاري:يممه
همام:اليوم من كتلج مسحي حمرتج طوخ ليش مامسحتيها
عذاري:محاطه طوخ اني
همام:بااعي مكياج مامكياج ماعدنه مره تحط
عذاري:ع يا اساس جا مرتك واختك مو حاطات اشكال
همام:انتي هذه شنو السانج وعلي اكصه اذا تجادليني
عذاري:وبعدين انته شعليك بيه انه عروس جديده من حقي كلشي احط
همام:صدك متستحين. انتي وصلفه
عذاري:ضليت اباوعله وراهه دنكت راسي اشرب چاي
همام:وبعد سالفه
عذاري:شنيه
همام:بطلي كلساع تمرين من كبالي وتتواجدين بلمكان الكاعد بي
عذاري:شنو ليش
همام:معليج لتمرين وخلص
عذاري:كمت من مكاني ومشيت اسمعه يتعوذ من الشيطان
يا هذا شبي تخبل بنص الليل
رجعت لغرفتي ضليت لل3 يله نمت
مرت يومين واني احاول الكف جهاز هناء واخذ رقم اكرم. ماعرف ليش هيج فكرت
لحدما شفتها الصبح نايمه والتلفون حاطته ع الشحن
جريت التلفون وكتبت الرمز رأسا فتح
طبيت للفايبر ضليت ادور لحدما لكيت اسمه طلعته وطلع ويا الرقم
جريت القلم وكتبته ع ايدي واني ارجف لاتكعد وتشوفني
لو احد يطب بس الحمدلله عدت ع خير وطلعت ركض للغرفه
ضليت ادور بلجرارات لحدما لكيت قلم ودفتر اصغير
شكيت ورقه وكتبته
باوعت هااي وين رح اضمه
فتحت الكنتور وطلعت علبه الذهب مال وحطيت الرقم ودحست العلبه بين الهدوم
نتضرت حميد لليل يجي
واني بلغرفه اكرض بروحي مدري شجاني
لل11يلا طب حميد للغرفه
نتضرته لحدما اكل وكمل
شفته اتمدد علجربايه كلت خل اجي يمه بله
عذاري:حميد
حميد:هاعيني
عذاري:اا اعرف بيك تعبان ومو وكت هلسوالف بسس. انه اربعه وعشرين ساعه وحيدي وضوجه
شتريلي تلفون بسيط التهي بي
حميد:تلفون؟
عذاري:اي
حميد:شسوين بي
عذاري:التهي بي بوقت الضوجه لو اخابر اهلي واخواتي احاجيهن قابل شسوي بي
حميد:لا تلتهين بلتلفون وتكومين تقصرين بشغلج وتصير مشاكل
واذا ع اهلج هذا تلفوني وخابريهم
عذاري:هاي شبيك يعني اريد تلفون شنو قابل شطالبه
حميد:اسكتي تره تعبان كتلجج ماكو تلفون
عذاري: صفنت هيج اتذكرت بنين عدها فلوس بلكت تشتريلي تلفون
اكول حميد
حميد:خير نشالله شكو بعد
عذاري:وديني باجر لهلي والله مشتاقه الهم وهم اريد اشوف امي وخواتي
حميد:انشالله بس تاخذين الجهال وياج واديرين بالج عليهم اذا انطخو طخه ديري بالج لان اعرفنج ثوله متنتبهين
عذاري:مااشي بس ابات يومين
حميد:لا اوديج الصبح وارجعج بليل
عذاري:لااا حميد هاي شبيك حباب حباب بس يومين
حميد:ماشي الله كريم
باجر الصبح اتحضري اوديج ومناك اطلع الشغلي
عذاري: ايييي عفيه
نمت واني فرحانه بس اشلون اذا بنين ماقبلت تنطيني الفلوس حته اشتري تلفون
.............
ماحسيت غير علصبح وصوت العصافير ركض خبزت والريوك حته متريكت زين كبل صعدت بدلت ولبست العبايه
وحضرت الجهال بلبدايه عمتي ماقبلت اخذهم بس بعدين همه رادو وياي
طوول الطريق اني متحمسه اريد بس اوصل.
والله هناك ووصلنا اول مدكيت الباب طلعت امي
تفاجئت بجيتي حضنتني وبوستني وطبيت ركض وعفتها تسلم ع حميد
اول مدخلت للمطبخ لكيت فاطمه مرت امجد كاعده
عذاري:السلام وعليكم
فاطمه:هااا هله هله
عذاري:كامت بوستني وحضنتني حته تعجبت كتلها شعجب
فاطمه:ها يولي مادري شو شتاقيتلج
عذاري:طلع كلبج طيب خايبه
فاطمه:والله خيه من رحتي لحد هسه محد كاتلني جنتي كبل يوميه طابنتني
عذاري:ايي غير من سوالفج هذن
هناك وطبن خواتي
بنين: و انه اكول هلصوت مال منو يلعلع مو غريب علي
عذاري:توني فتت خايبه جا شوكت سمعتيني العلع
زهراء:خيه انتي غير ماسامعه صوتج
ام عذاري:ولج غير تكليلي رح اجي
عذاري:والله شو طخت ابالي بليل كلت الحميد وبلكوه قبل
ام عذاري:هله بيج يمه
عذاري:اكول جا حميد وين
ام عذاري:والله اتعذر كال عندي شغل وعمي وامجد ماكو شلون افوت ونتن نسوان وحيدجن
بنين:زين يسوي والله خوش حميد
فاطمه:يولي هذوله جهال رجلج
عذاري:اي سامر ورقيه
فاطمه:ماشالله يخبلون
عذذاري:اي شفت امهم حلوه كلش فطالعين عليها
بقينه نسولف لحد الغده تونه دنصب وطب ابوي وامجد سلمت عليهم بثكل وكعدنا نتغده
بلكوه كدرت اختلي ابنين واحاجيها
عذاري:ا اكلج بنين
بنين:ها كلبي
عذاري:اريد اطلب منج طلب وكون ماتفشليني
بنين:لا خيه كولي تفضلي
عذاري:عندج افلوس
بنين:اي عندي مجمعه ليش
عذاري:محتاجه تلفون وكلت لحميد ومايرضه يشتريلي والله اردهن الج بعدين
بنين:اي ادللي ميخالف بس اشلون اذا لكفه عندج
عذاري:لالتخافين مايلكفه انه سبعه واضمنه مايندله
بنين:شسوين بي بس
عذاري:هسه اشتريلي وبس
بنين:انتي شكد حضلين هنا
عذاري:يومين حبات وارجع
بنين: بس شلون نروح للسوك
عذاري:باعي كولي لمي العصر عذاري محتاجه كم شغله تريد تشتريها ملابس ومدري شنو
وهناك بلبوكه تطب اشتري واطلع
بنين:والشريحه شلون لتزم جنسيه وبطاقة سكن
عذاري:اووف عليج الله انتي دبريلياهه
بنين:مامرتاحتلج انه عذاري
عذاري:هاي شبيج بنين ماريد عوفي
بنين:لا انه غير اخافن عليج هاهيه التردي يجرالج بس....وللحكايه بقيه
.............
بعدني اشتاگلك ويهزني طاري الشوگ،
وتكتل عازتك بس ما كلت معتاز .. 🌿
