احس حرگه بكصتي تلمستها مثل الجرح يابس بصفحة كصتي ووجع ذبحني
ضليت اون واصيح وين اني
ولج يمه لحكيلي دخيلج
اريد اشيل روحي ما اكدر
ياربي دخيلك شصارلي ووين اني
فركت راسي قوي اريد اتذكر
واتذكرت الصار والطلقه الضربنياهه
عزززه العزاج عذاري اليوم شحيسوون بيج
يممه وين اني
كمت ابجي واصيح من الالم مال راسي
والحيره احس قلقتني احس قفل دينفتح
حصرت نفسي واني اريد بس ضوه يفوتلي
اول مانفتح الباب وجتني بنين وجهه ملكوف جتي تركض
بنين بهمس:ولجج شفتي سوالفج ووين ودتج ولجج اشكتلج هسه انه شسويلج وشحاچيچ
من عزه العزاج اكون
عذاري:رااسيي خيتي ولج راسي ذبحني
بنين:اششش صوتج ولطم
كومي ع كيفج هسه اجيج انتضري
عذاري:اخخ يمه راسي
ربي دخيلك اوكفلي.مالي غيرك
بنين:تعاي اكعدي عدل
عذاري:كامت حطت شي سائل ع صفحه كصتي كام يحركني كلش
بعديت ضمدته اليه ورشت ع وجهي ماي
بنين:دقيقه ماتضلين هنا كومي
عذاري:جا وين اولي
بنين:اذا تبقين ليباجر يكتلوج كومي هاج هاي الجنطه لبسيها بضهرج
بيها ملابس من عندي الج وكم فلس انه مجمعتهن
وتلفون صرصور حاطتلج بي رقمي ولو انتي ماتستاهلين بس اختي ماكدر اكسر بيج هيج لو مهما غلطتي
عذاري:كمت ابجي وبستها
خيتي كليلي وين اروح انه بهل ليل هاذ بس فهميني
بنين:مادري عذاري ماعرف بس كومي خلصي نفسج
عذاري:وهذا البكصتي شنو بس فهميني
بنين:باعي
همام جان ديلتحق ف بدربه جاب رقيه لان رادتج ف هوه من لاكفج وصايره المشكله ضاربج طلقه بس اكرم دافع ايده وجايه صفح يعني احمدي ربج ماجايه بيج
واحنه جنه كاعدين ومانحس غير الباب تتكسر علينه
طلعنه ولكيناج حاطيج بلباب ومدمايه وحميد وهمام. يصيحون ولج فضحونه بلمنطقه
ابوي من صددمته راسا تخربط علينه وامجد ديريد ايكتلج ولزمته امي
بس ابويه كله لا انه ماموتها هيجي
ذبوج فوك بهل غرفه وكعدو صارت هوسه جبيره
وطلبو كعده عشائريه ويه هل ولد هاذ
بس هسه ساعه3 الفجر هسه تطلعين بعده الضوه مو كله طالع ترحين للكراجات
بسرعه يله كومي من اهمداج ع هلسوايه السويتيها
عذاري:كمت ابجي وايدي ع راسي وانه اشوف بنين تحجي وتتلفت
كومتني ع كيفها وسحبتني طلعتني بره علدرج
نزلت ع كيفي درجه درجه وانه احس نبضي صار 200
والحيره الحايرتها بس. الله يعلم بيها
انه شجابني لهل درب
توني فتحت باب المطبخ ونسحبت من ايدي قوي ونشمرت بلكاع
ابو عذاري:لج ساااقطه وكعتي مااااي وجهي بسوالفج
ولجج ليييييش اليوم اموتج وحق الله لج انه هيج تسويين
عذاري:يابه عليك العباس بس اسمعني
ابو عذاري:ولج شسمع بس فهميني شسمع انه شلون اطلع بلشارع بعد شتكووول علي العالم بنتك هيج وبناتك هيج ولج ليش بس كليلي
شيباتي حطيتيهن بلطين لييشش
