عرفت الناس والمو ناس
وما عاتب گفه الرايح
الشجرة شما حداها الريح
متعاتب ورگ طايح 🌿
.........................
عذاري:حميد
حميد:ها
عذاري:انته ليش هيج مبتعد عني
حميد:شسويلج لعد
عذاري:شنو شسويلي غير انته رجلي سولف ويايه اكعد
حميد:باعي عذاري انه من البدايه حجيت وكلت شكو قبلتي لعد
عذاري:شنو شكلت
حميد:اني مرتي مصارلها اربعه اشهر من توفت وبعدني متعلق بيها وانه من البدايه خليت امي تتفق ويه اهلج انو ماخذج اتقومين بواجبي وبواجب جهالي لان بعدهم صغار وشوفت عينج كلمن ملتهي وعايفيهم شكو قبلتي من البدايه
عذاري:انه مادري بهذا الحجي شنو ذنبي هيج تاركني
حميد:تعرفين متعرفين انه هذا العندي
عذاري:كمت ابجي ع حضي ليش هيج اهلي يسوون بيه انه شذنبي كل عمري 15 سنه دمروني هلكد يردون يخلصون مني
باوعت عليه كام وطلع النوب زدت بل بجي
يعني شلون بيه اني
كمت طلعت من الغرفه دا اغسل وجهي
وفات من يمي همام
وكف يم الغرفه مال هناء وعمتي
وشايل السويج بيده
وطلعت هناء لابسه العبايه هيه ونسرين ومرت محمد
عذاري:وين حتروحون
هناء:لبيت عمي حامد هنا قريب وره بستانه ترحين ويانه
عذاري:ها
باوعت ع همام يباوع عليه وع هناء
مادري لا ماروح
هناء:دتعاي علواهس نتونس ونمر يمن يم البستان
همام:خلتلبس عبايه وتجي يلا انتضركم
هناء:لج امشي يله بسرعه
عذاري:دفعتني هناء طبيت بسرعه لبست العبايه ولفيت الشال ومكيجت خفيف وطرت اني وعباتي چني باتمان
طلعت للباب البره لكيتهم واكفين نقهرت علجهال رجعت ركض جريتهم وجيت
مشينه فتنا للبستان
يخبل اول مره افوتله كله اشجار وساكيات
كايده الجهال منا ومنا
اكلج هناء
هناء:ها خيه
عذاري:خايبه هذا بس لازم السويج بيده جا عليش ماخذنا مشي مايودينه بلسياره
هناء:شنو هذا ولج كولي همام
هوه راد يودينا بلسياره بس نسرين كالتله مررنه بلبستان صارلنا هواي مامارين منه
عذاري:ها خوش لعد
بقينه نمشي
وره شويه مدلي ايده بيها كلينس
عذاري:ها شنو هايه
همام:مسحي حمرتج
عذاري:اخذت الكلينس منه ومامسحتها عاندت هسه هوه شعلي
وصلنا لبيت عمهم طبينه سلمنه لكيت جناينهم تلاثه حبابات خوش بنات ضلن يضحكن ويسولفن ويانه
بس بنات عمهم ثنين ماحبيتهن بس يبسبسن ويه هناء
انتبهت عليهم شلون يحترمون همام
بس كلساع يباوعلي ويخزني لان مامسحتها
للحمره
انتبهت ع نفسي هواي اباوع ع همام واركز بي
جان حنطاوي وشوارب عنده وشعره مارنز وخفيف
استغفرلله العضيم واتوب اليه حرام الداسوي
بقينا لل11 ونص احنه يمهم تالي ترخصنا
وكمنا
دنمشي بلبستان وحسيت شي التف برجلي ونجبحت
تخبلت
عذاري:يممممه عزه بعيني جا هذه شني اللفني يمممه
هناء:ولج انتضري شو بس اصبري
همام:اوكفن ثبرتنه بلصياح خلفتح ضوه
عذاري:بس فتح الضوه همام لكيت حيه صغيره ملتفه عليه تريد تلدغني
تخبلت عليهم بلصياح والعياط هناء ونسرين ونور طفرن وهمام يجر بيه
لحدما ضربها ع راسها وماتت
عذاري:كمت من الكاع واني افحط واعدل بعباتي وسامر ورقيه والبنات خربانات ضحك
