سمعت صوت عالي واسمي
شويه وصاحني من جوه حميد بصوت عالي
نزلت اركض من الدرج وصلت قريب المطبخ واشوف همام وهناء وعمتي وحميد موجودين
هناء:والله يمه كتلها. نساعد اني وياج عليهن ومانفهت الي رأسا صعدت لغرفتها وحته كتلها غسلي وبدلي لسامر ورقيه وماسوت كالتلي انه شلي دخل بيهم
عمتي:يمه لعد احنا شعدنا ماخذيها غير اداريك وتداري هلجهال هايه اذا من اولها شالت ايدها
همام: حمييد من هسه بدت هلمشاكل ضب مرتك احسلك يعني هنه مواعين ماكدرتلهن ؟؟؟؟
حميد:هاهيه خويه مصار شي هسه تغسلهن
تعااي عذاري
عذاري:ها ضليت اطكطك بصابيعي شنو السالفه
حميد:هناء مو كالتلج نغسل مواعين اني وياج ليش مراده عليها وعايفتها وصاعده
عذاري بصدمه:انه؟؟
هناء:اي انتي
عذاري:والله مكالتلي والنبي اصلا عبالي غسلهن نسرين ونور
حميد:المهم هسه تجين تغسليهن وتصعدين لغرفتج ومشااكل ماريد
عذاري:ماشي
ضليت اتلفت عليهم همام عاكد حاجبه وطلع وعمتي وهناء نسحبن وراحن لغرفهن
باوعت لحميد غوركت عيني
حميد والله ماكلتلي ولا حجت والنبي انه عادي اغسلهن شننه قابل
حميد:عذاري الله يخليج مالي خلك مشاكل البيه كافيني
عذاري:باوعت ضليت صافنه عبرني ومشه وكف يم الباب وكال
حميد:الجهال متوصخين غسليلهم وبدليلهم متشوفيهم
عذاري:انشالله
راح وعافني اغسل بلمواعين والدمعه بخدي شرراح يعيشني ويه هيج مله
خلصت المواعين ودانشف بلسنك
وطبت هناء ذبت كلاص الجاي علسنك وراحت كبر حته مغسلته
خلصت المطبخ ورحت علجهال
جانو سامر ورقيه نوعا ما زينين مو وكحين غسلتلهم وبدلت الهم وهمه صافنين بوجهي
للعصر ندك الباب وفاتو اهلي
طرت للهول ماصدكت اجاني منقذ
ركضت ع امي شبكتهه وبوستها وسلمت ع خواتي وامجد وابويه باسني براسي
وكعدو وره مسلمو ع حميد ومحمد وعمتي عجوز النار
وره شويه طب همام جان لابس عسكري. وشايل جنطه سوده بيده ولابس بسطاله تكرمون
عرفته عسكري اووف واخيرا حيولي
سلم ع اهلي وانطلق وياهم بلحجي بس ابد ماضحك ولا ابتسم. وحميد اصلا بعالم اخر عبالك همام العريس ويحاجيهم وكاعد وياهم
بقت امي تسولف ويايه وع عيالي شلونهم ويايه كتلها زينين محبيت احجي شي لان الحجي لايقدم ولا يأخر
بقينا نسولف انه وخواتي صارت بل6 وابوي كال يلاا
جلب بيهم همام علعشه لكن ابوي رفض وراحو وتمنيت اجلب بيهم واروح وياهم ميخالف اتحمل فطيم وسوالفها بس هنا انه ماتحمل كلهم علي
طبينه للبيت بعد ماودعناهم جان عد بيت حميد كاع وبستان لان منطقتهم اساسا خضار وريف شكد تمنيت اكله امشينا نروح نفتر بلبستان بس كلت هوه فاصل بحالي بحال بساتين وفرفره
كمت ساعدتهن بل عشه احنه ونسوي طلع همام هوه وجنطته من الباب بعد ماودعهم وراح
كلت بكلبي گشره نشالله شلون وجه كئيب وشراني
بدن يصبن بلعشه ولتمو واكيد ماخلت من هناء وسوالفهه بعدنا اول يوم شبيها وياي حضي
غسلت وصعدت فوك
وره ساعه طب حميد للغرفه كال امي اصيحج
نزلت كلت خير ياطير
وصلت لغرفتها لكيتها كاعده هيه ونسرين ونور وهناء امدده
طبيت كتلها تفضلي عمه حميد كال تصيحلج
عمتي:اي كعدي
عذاري:اجيت كعدت بصف نسوان حمويني
جان تحجي
عمتي:انتي بعد صرتي من عدنا ماكو داعي تطلع السبعه يلا تمدين ايدج بلبيت هذا هم بيت اهلج
عذاري:نشالله عمه
عمتي: الكعده هنا كلنا نكعد بلسته ونص الصبح كون الخبز حار والريوك محضر
ف منا وهيج الخبز عليج الصبح وبليل والمواعين
ونسرين عليها مسح البيت ونور مرت محمد عليها تركيب الغده والعشه
والحلال البره انتن تقاسمنها بيناتجن بين الحلب وتنضيفهن والحشيش
نسرين ونور:نشالله عمه
عذاري:بكلبي كلت عزه الغزاك حميد شدعوه هلكد شغل
بس عمه انه ما اعرف اخبز هواي
عمتي:انه اعلمج باجر كعدي بلخمسه ونص عجني ولحد ميختمر خبزي سهل مايرادله شي
عذاري:نشالله عمه
شفتها مددت وكالت اخذن راحتجن
حته ما وزعت الشغل ع هناء
كمت صعدت لغرفتي واني حايره باجر شون حكعد ساعه سته واني جنت ابيت اهلي اكعد ب12. ؟
وللحكايه بقيه....
