عذاري:اخ ايدي شبيج
نسرين:عذاري هواي داشوفج تحومين يم همام
عذاري:شنو قصدج
نسرين:تردين تتقربين من رجلي انه هواي اشوفج قريبه منه
عذاري:استغليتها فرصه اكبب المشكله كمت اصييح
والله بعدد مالي كععده هنااا شنو تتهميني عدي علاقه ويييه رجلج ماتستحينن
هسه تخابرون رجلي يجي يوديني لهلي انه ماسكت
عمتي:هاها ها شكو شنو هلصياح
نسرين:عمه والله ماكتلها شي
عذاري:جججذابه اتكلي عدج علاقه برجلي هسسه تخابرون حميد
عمتي:يايا سكتي فضحتينه لعنه الله عليج
عذاري:ع صوتنا اجه محمد سويت روحي ابجي واعيط
انه تاليها تكوللي عدج علاقه بحماج هاي لان رحت اسد الباب ورا حررام عليجن ترضاهه خويه محمد
محمد بصياح:يابه صللوو ع النبي شهل حجي هذا عليكم العباس لو احد غريب هنايه جا شكال علينا كومي بويه كومي
عمتي:المكاااره الحيه البت وين كالتلج هيج بس امده ابني اذا اخذ بكلامج ومشه وراج
عذاري:صعدت الدرج اني وابجي ورحت لغرفتي ع السريع لميت ملابسي بلجنطه ولبست العباة
ونزلت كل مابيه من حيل لكيت عمتي تسب بيه بلمطبخ وبل هول صوت محمد وحميد يحجون بصوت عالي
ستغليتها فرصه كتلها استحي ع كبرتج هيج تهيجين الشك ابمرت ابنج حسبالج ماسمعتج
شو هاي جت هجمت عليه وضلت تضرب بيه ع صياحي اجه حميد ومحمد يفاككون
عذاري بصياح:مااالي كعده بهل بيييت هسه توديني لهلي ما اضل هنايه انه
حميد:عذاري بس اسمعي ع كيفج هذوله الجهال منو الهم لخاطرهم
عذاري:ابد ابد هسه توديني لهلي وهناك ابوي يتفاهم وياك انه ارد اشوفن يقبلها هيجي بنته تنهان وتنضرب
ركضت للكراج وهوه يتوسل ورايه
ردت الزمه من ايده التوجعه الي هيه الجهال هناء مهنا وعمتي ماتتقرب يمهم قابل تكعد اداريهم
ركبني تكسي وهوه بس يهدي بيه
وصلنا لبيت اهلي. هنا لازم انجح
دكينا الباب جانت الساعه ب12 الضهر
طلعلنا ابوي كبل شمرت نفسي بحضنه ابجي
ابو عذاري:اسمالله الرحمن خيركم شكو هاي شبيج عذاري
حميد
حميد:شلونك عمي
ابو عذاري:اهلا حميد تفضلو تفضلو
حميد:والله ياعمي مدري شجرالها
ابو عذاري:هسه دفوتو كعدو
ام امججد ويينج
ام امجد:هاها جيت
يمه بنيتي شبيها
عذاري:ولج يمه مصيبه طاحت عليه
ام امجد:اسمالله فوتي يمه فوتي الله يستر
عذاري:طبيت للصاله كعدت بعدما سلمن عليه البنات وامجد
كعدنا كلنا بلصاله
ابو عذاري:بويه شني الموضوع شبيج تبجين بس لايكون ابو سامر ضاربج لو مزعلج
عذاري:اني وابجي حجيت كتله لايابه ابو سامر ماله علاقه
