رحنا للصالون اني وبت عمي شهد وبنين
فتنا للصالون جانت قبلي عروس خلصتها واجت عليه
بدت تشتغل بيه من ال11 لحد 4العصر صح جان مكياج خفيف وتسريحه بس بقينا ننتضر علمود امجد يجي يرجعنا.
خنكتني العبره من طلعت من الصالون
صعدنا بلسياره واني بغير عالم زوجوني واني عمري 14 سنه لواحد عده جهال
وصلنا البيتنا صارت الهلاهل والاغاني وننتضر العريس يجي لان كالو بس زفه
لحدما اجو الجهال يصيحون اجه العريس
كلبي راد يطلع من مكانه خوف ع قلق. من مواجهه حياتي الجديده الماعرف شلون حعيشها
طببو اهله وموسيقى وطبل هرجونا هرج
تقدم عليه باسني براسي
وامه واخته يركصن وبعد نسوان. سلمت ع اخواتي وامي وطلعنا ليبرا مغطانه بلبرنص عماني عمي وشفت ابوي وامجد درت وجهي وماودعتهم
صعدت بلسياره واجه هوه بصفي ديسوق
طلعنا بيت اهلي واني احس روحي تغيب وترجعلي خوف موطبيعي اجاني شفته ساكت ماحجه ايشي بس يسوق
خفت ابجي ويسمعني
نص ساعه تقريبا ووكفت السياره يم البيت ونزلو اهله وهلاهل وموسيقى والجكليت الذبو فشخو راسي بي مكيفين كل عقلهم
طبيت للصاله مالتهم وكعدت مجان هواي ناس واغاني ماكو بس سوو كولات وهاهيه واجن نسوان اخوته سلمن عليه
باوعت علساعه ساعه 6ونص المغرب شبسرعه هيج الوكت طاار
امي وبنين يمي جني ويايه بقت امي تحجي وتعلم بيه احس جسمي كله كام يرجف
هناك واجت امهم علينه
ام حميد: عيني حبيبه كومي لغرفتج صعدي
ام عذاري: خيتي مو بعد وكت الدنيه مغرب ومايجوز خاف
ام حميد :ياا خيه دكومي بنتج خلتصعد خوما هسه يزفو
عذاري بهمس:لعد اذا مو هسه يزفو شكو معلكيني فوك
ام عذاري:وجع سكتي لايسمعنج
عذاري:كمت بنفاذ صبر وياهن وصعدت الدرج لفوك غرفتي
طبيت جانت اخشابها عاديه يعني زينه مرتبه كعدت وبدت امي تقره براسي وتنطيني محاضرات
ام عذاري:مثل مكتلج بنيتي وهذا اللسان بطلي دخيلج ذول عيال ومايتحملون
عذاري:وطبهم مرض وذا ماتحملوني
بنين: عود تونه كنالها لسانج بطلي
ام عذاري:سكتي يمه سكتي هاي ماوراها خير
عذاري: مر وقت والهوسه والحجي جوه هناك وسمعنا يزفو وخطواته علدرج باوع نضره اخيره لأمي وبنين
ودنكت
اجن باسني وطلعن علسريع
فات هوه سد الباب وسلم رديتله السلام
نزع سترته علكها وجان الصمت سيد الموقف
بقيت اني كاعده منصيه
حميد:كومي بدلي بينما يجيبون اكل نتعشا
عذاري: ها ماشي هسه بسس
حميد:شنو بس
عذاري:اندار انزع بدلتي
حميد:ماشي
عذاري:شفته صد ليغاد علسريع نزعت وبدلت ولبست الروب فوكا واني كلني ارجف
كتله كملت رأسا اندار هوه هم نزع اهدومه وندك الباب
فتحه اخذ الصينيه من اخته وسده الباب
حميد: تعاي اكلي
عذاري:اكل انته بلعافيه اني مجوعانه
حميد:تعاي
عذاري:هذا شكله قافل اجيت كعدت واني الم بروحي
اكلت شوي ويا هوه منصي ياكل بهدوء
كمت من الصينيه كتله اريد اغسل وين
حميد: هاي الحمام داخل الغرفه فوتي
عذاري:فتت للحمام غسلت وطلعت لكيته شايل الصينيه
وطب وراي يغسل
ركضت لطرف السرير كعدت بعد اشويه ادعبل بلكاع
فات هوه باوعلي ضحك واجه للسرير تغطه ودار ضهره
شكد حسيت بإهانه فوكاهه هوه الماراضي
