ابو التكسي كلساع وباوع بلمرايه
هنوب كمت اكرض بنفسي
عذاري:عفيه بس شوكت نوصل
ابو التكسي:هسه فد عشر دقايق لان زدحام
عذاري:مادري ليش حسيته يجذب عليه بلوقت
يبوو عذاري طردي هالافكار من راسج شدتحجين هسه
والوكت يركض ركض والساعه 12 حظر تجوال
وهسه ساعه صارت ب9ونص
بعد بعد وكت
بس شلون لوماقبلو ابات
ياربي سهلها عليه
ضليت الطريق كله ادعي الله يسهل عليه
وصلت الكاظم نطيته كروه وطبيت ركض مشيت بلبدايه سوك صغير
هاي اول مره ادخل للكاظم عليه السلام
مشيت وجانت اشكال المحلات والحلويات جنت كلش جوعانه فتت للاسواق اخذت كيكه وعصير داليا
حته الناس قليله بس ايرانيات اكثر شي يرطنن مافتهمت عليهن
كعدت اكل ولزمت التلفون رجعت دكيت ع اكرم مغلق يارربي شكو شلون هايه
طلعت رقم بنين ودزيتلها رساله
اتهجيت وكتبت
"اذا اهلي مو يمج خابريني"
دزيتها وكعدت اكمل اكل وصافنه ع حضي وع الناس رايحه جايه
عشر دقايق وخابرتني بنين فتحت خط لكيتها تبجي
عذاري:الوو بنين خيتي
بنين وهيه تبجي:هاا عذارري
عذاري:شلوونج ليش مادكيتي علي ماكلتي اخيتي شصفه بيها وشبيج تبجين
بنين:هاا لاا مابيه شي بسس اا وين انتي
عذاري:انه هسه بلكاظم حبات هنايه واشوف شون تنكضي اكرم كالي حجيج..بديت اسولفلها ع كلشي مريت بي اليوم
بنين:هااا ديري بالج ع نفسج يله اني حروح
عذاري:مااشي باي
سدته حته بدون متكلي باي
جانت تحجي بقلق مدري شبيها
هاا يجوز خافت احد يجي
خلصت الاكل وطبيت للتفتيشات لازم اذب تلفوني والجنطه بل الامانات
هااي شلون ياربي وذا دك علي اكرم
كلت ادك مره اخيره بلكت يرد لكن للأسف مغلق
سلمت الموبايل والجنطه ولفيت عباتي عدل ومشيت
دخلت صحن الامام احس روحي فرفحت وختنكت رأسا بجيت
شلون الي عين ازور امامي. واني خاينه وموطاهره
دخلت لزمت شباج الكاضم وبجيت بجي لحدما خلص دمعي
تمشيت للصحن شفت هواي ناس ممدده وناس كاعده
دحست نفسي ونمت
.....................................................................
بنين:طلعت عذاري وماحس غير امي وكعت عليه
كمنه نصيح انه واختي
رشينه ماي عليهه يلا صحت تنعي ع عذاري
ام عذاري:يمممه وين وديتي روحج. شحيجراالج يممه
بنين:يمه دخيلج كافي راح تموتين كافي
ام عذاري:شكافي يايمه وانه بنيتي شردت شحكول وشحجي
ركضي خابري اخوج شوفي ابوج شصار بي
عمت عيني عليك
بنين:دكيت ع امجد مايرد
مرت نص ساعه ورجع خابرنا
الوو امجد
امجد:ها بنين بسرعه حضري لبوي فراشه
بنين:شبي بس كلي
امجد: صاعد السكر مالته وتخربط
يله احنا جايين
بنين:سده مني وراح
اوويلي عليج عذاري هلكدوتج وعملتي العجب بينه
جابو ابويه ولتمو عمامي كلهم
مكلنا ع سالفه عذاري
بس فاطمه راحت فتنت
صارت هوسه كلش جبيره
من الساعه 6طلعو عمامي 4 وولد عمي.
يدورون ع عذاري وامجد ماخله ماكسر البيت حته انه ضربني
عباله انه مهزمتها اخذ مني تلفوني وضل كلبي بنار اخاف عذاري اتخابر
امي حالتها للأسوء وابوي دمعته بعينه وحلفو بس يلكوهه يكتلوها
النوب اجو بيت حميد علينه هدو يريد يذبحها حميد
وصارت هوسه الها اول مالها اخر
استمرت ناس طالعه وناس طابه
لليل كاعدين ع بلمطبخ وفات امجد كضبني من شعري عطت من الوجع
شفته لازم تلفوني
لزمني كلبي
امجد:هاي الساقطه دازتلج مسج هسسه تخابريها تكوليلها انتي وين
بسررعه يله
بنين:شنوو لالا هاي مو عذاري بس اخخ عوف شعري
امجد:لتجذبيين هاي دتكلجج اذا اهلي مويمج خابريني
هسسه تخابريها وتشوفيها بياشارع لافيه يلا
بنين:رديت وايدي ع كلبي وعرفت انها بلكاضم
وجنت فاتحه سبيكر وكلشي سمعو
عمامي كام يصيحون كل واحد لزم سيارته ومشه لبغداد واخذوني وياهم
طول الطريق انه ابجي
فهموني انو ادخل اجيبها واجي عرفتها باتت بلصحن
.
.
.
.
.
.
.
مرت 13 ساعه تقريبا من الطريق ماخله من التعب والضيم ومتحلفين يغسلون عارهم
تذكرت كلامي من كتلها لاتورطيني وياج من رحنه اشترينا التلفون
بس بعد شيفيد
طبينه بغداد ساعه 11 الصبح وصلنا الكاظم وانه لحضه مانايمه
امجد:باعي اذا تحاولين انتي والعار تنهزمن ديرن بالجن
تجيبيها بدون متكوليلها اي كلمه
بنين:وخر عاد فتهمت
مشيت تفتشت واني كلبي مثل النار شسوي شلون اكدر اختي تنذبح كدام عيني
لا النوب اني اوكع بيها ...وصل الصحن جانو ناس هواي دورت دورت ماكوو مالكيتها يااربي وينها دخيل الله وين ولت هاي ....وللحكايه بقيه
ارائكم ❣واعذروني البارت قصير بس مريضه
