طلعت من الصحن واخذت حذائي من الكشوانيه تكرمون وركضت
فتت من يوم السوك ولمحتها دتشرب مي وتغسل وجهه
لفيت عباتي وركضت لزمتها من ايدها وجفلت
عذاري:بنييين
هاي شجابج
بنين:حضنتها ابجي ماعرف شنو اكوللها
عذاري:احجي لج شجابج شوون لكيتيني
بنين:انه اجيت ويه اكرم
نهزمت من بيت اهلي ماكدرت اعوفج وحيدج
شفتها
ابتسمت وتمسح بدموعها وباستني قوي
عذاري:علييج الله ووين وينه اكرم موكتلج مايعوفني وحدي
بنين:ديلا امشي وياي
كادتني وهيه فرحانه كلش انقهرت
بس انه عبد مأمور شسوي بعد
طلعنه الباب وكفنه علشارع العام دنعبر الامجد طبعا عمامي بسيارتهم بس امجد واكف بره
عذاري:هاا وينه اكرم شو ماكو
بنين:هسه دمشي
سحبتها من ايدي واني احاول ماخلي عيني بعينها
كلش صعبه تودي اخوك ابن امك وابوك للموت وانته مجبر
عبرنا الشارع علجهه الثانيه دامشي وشفتها وكفت رجعت ليورا وعيونهه مدمعه باعت عليه انه دنكت
عرفتها شافت امجد شفت امجد تقرب علينه يمشي
بنين:سامحيني خيتي وداعتج انجبرت اسويها
جاوبيني فدوه لاتسكتين
عذاري:لا هاهيه انه غلطت وحاخذ عقابي خلص واشكرج ماقصرتي وياي يابت امي وابوي
بنين:مسحت دموعي واجه امجد جرنه من ايدينه واخذنه للسياره كلمه ماحجه
.
.
.
.طول الطريق مسكتنه من البجي وامجد عيونه نزلت دمعها وماحجه شي جان شكله مخذول حيل قطع حاجز الصمت صوت عذاري
عذاري وهيه تبجي:سامحني خويه
والله موقصدي اغلط شي بسس نجبرت
جاوبني فدوه اروحلك لاتسكت وتحسسني بلندم اكثر دخيلك
امجد:خذلتيني
شلون اطلع كدام العالم بعد؟
مافكرتي بيه شحيصير مافكرتي بأبويه وشيباته الحطيتيهن بلطين
بنين:شبعت بجي الطريق كله. اذاني كلامه حيل وصلنا البصره بليل متأخرين
هنا بدت عذاري ترججف خاصه من شافت السيارات
وبيت حميد هنا
نصدمت من شفتهم اليوم شحيصير بختي
كمت فتحت بابها نزلتها وهيه رجلها متعينها
وكعت وكومتها
اجه اخذها مني امجد جرها ليجوه وركضت ورا لكيتها كلها بلكراج
ام حميد:اسستشرفتي برراسنه من كناللج عدج علاقه بحمااج نكرتي ادبسزز عزلتي ووسويتي عملتج السووده
حميد:كافي يمه سكتي
امي بلكاع تلطم وتبجي واختي وياها وفاطمه تصبر بيهن
شمرها بلكاع وجاب لمسدس وجهه عليها
كدام بيت اهل حميد
غمضت عيني بقووه وشديت اعصابي وسمعت صوت الطلقه بذني
والعياط والصياح
ماكدرت افتح عيني حسيتها نقفلت والي دمرني اكثر صوت الطلقه الثانيه
حسيت ع اعصابي رخت ورجفت
رغم العياط والصياح احس داير مدايري حاجز يمنع الصوت يمي اذني صارت بيها وشه
فتحت عيني ع كيف وشفت الدم يسيييل من راس عذاري
ارتعش جسمي واني اتقدم عليها
وجهه شاححب ورأسا صارت زركه
حفزت من الكاع ودخلت ادفع بلعالم واركض ليفوك قفلت الباب عليه
ضليت حوالي تلث ايام انه بهاي الغرفه لا اكل ولا شرب
نايمه وعيني علمكان الجانت بي كاعده
جانت اكو قطرات دم يابسه
غمضت عيني وتذكرتها من كتلها ابويه
.
.
.
.
.
.
.
ماتت عذاري الله يرحمها وامي صارت بيها جلطه وابويه للان مريض ونقطعت الضحكه عنه
صار العار ملاحقنه بكل مكان ...بعد مرور شهر من موت عذاري دخلت بحاله نفسيه وبصدمه
كولما احاول اغمض عيني اتذكر دمها الملى المكان ومتندمه مكدرت انقذها...اما اهل حميد فعلاقتنه مقطوعه
واكرم للأن منعرف شي عنه ...انتقلنا لغير مكان عشنه
بيتنا يعمه الهدوء وكل شخص بينا تركت بي عذاري غصه وقهر وسالفه طويله
.
.
.
. توفت اختي عذاري سنه 2009/6/6 ادعو الها بلرحمه والمغفره واشكر كل من تابع القصه من البدايه لحد النهايه واشكر من اترحم العذاري رغم غلطها لكن تبقه مراهقه ومتعرف ❤واني القمت بسرد القصه للكاتبه
.............. النهايه !
ارائكم 💜
