افترقنا منذ الصغر

البارت(1)

#قصة جديدة

# افترقنا-منذ-الصغر

#للكاتبة رقية-ليث

.
.
.
.
.
.
عبير: يلة فضينة صارلج ساعة تشتغلين وما عرفتي تسويلج شغلة بيها خير
نسيم بتعب: كملت ما بقى شيء
عبير: وفوك هذا كلة تردين ام اللسان طويل
فرح: خلي اشتغل اني عنها خطية من الصبح ليهسة بس تشتغل
عبير: اتي مالج دخل...روحي لشغلج
فرح: خطية بس خلي تأكللها لكمة عل الاقل
عبير بعصبية: فررررررررررح..كتلج روحي لشغلج
فرح بخوف: ماشي.........رايحة

نسيم...مرحبا اني نسيم عمري٢٤ سنة اول ما نخلقت ولحد هذا عمري واني عايشة بالميتم مااعرف أي شيء عن اهلي مااعرف غير بس شيء واحد وهو اكو مرة اسمها أيمان جابتني عل هذا الميتم....دائما بليل اكعد ابجي لان احس روحي  ضايعة بدون أهلي واكو هواي أسئلة ادور برأسي...ليش اهلي خلوني بالميتم؟...يا ترى همه عايشين لو لا؟....يفكرون بية؟ يتذكروني؟...وهواي اسئلة بالي بالميتم مالتنة لازم الواحد من يصير عمرة ١٨ يطلع من الميتم بما انو هو كبرر ولازم يعتمد عل نفسة...طبعا تفأجئتوا ليش اني ما طالعة من الميتم...اني اكللكم ليش طبعا رادو يطلعوني من الميتم بس اني ما قبلت لان اذا اطلع اصفى بالشوارع لهذا كتلهم يطوني مهلة حتى ادور عل شغل ومكان انام بي بس بالمقابل انظف الميتم كل يوم...والحمدلله لكيت شغل وصارلي سنة بي....وكاعدة اجمع حتى اشتري شقة صغيرة عل كدي....و ياية بنية بالشغل اسمها رانيا صرنة اني وياها صديقات ﻻن نشتغل بنفس القسم (قسم ملابس نسائية) طبعا اني اشتغل بمول
رانيا كلتلي عل شقة تصير قريبة عليهم فرق بيتين بين بيتهم والشقة
اليوم راح نروح نشوفها و يجي ويانة اخوها سعيد

رانيا: مو تنسين اليوم نشوف الشقة
نسيم: اكيد حياتي شلون انسى
رانيا: ما بقى شيء ونكمل شغل شنو رأيج اخابر سعيد يجي علينة
نسيم: تمام...راح اروح اشوف الزبونة شتريد واجي
رانيا: تمام

خابرت رانيا سعيد وكللها نص واجيكم
كملنة شغل و كعدنة ننتظر سعيد يجي

هيثم: هاا شو واكفين هنا...اوصلكم اذا تريدون؟
رانيا: لا ماكو داعي اخوية هسه راح يجي علينة
هيثم: خوش لعد..اذا تحتاجون شيء كلولي...يلة مع سلامة
رانيا: مع سلامة....لج عوبة شبيج صفنتي!
نسيم: لج اموع و اذوب من اشوفة
رانيا: ولا راح تبطلين من هاي سوالفج...هسه ياريت معبرج هو
نسيم: يجي يوم و يعبرني
رانيا: يمعودة ترة ميفيدج
نسيم: وليش ميفيدني؟
رانيا: دمشي امشي اجة سعيد
نسيم: افف منج دائما تخربين احلامي

ركبنة بالسيارة و صلنة للشقة
شفتها حلوة صغيرة و عل كد فلوسي
بس يرادلها شوية تنظيف

سعيد: اهاا شكلتي نسيم؟
نسيم: صراحة حلوة..بس يرادلها شوية تنظيف
سعيد: يعني نكول موافقة
نسيم: ايي هاهية اشتريها
رانيا: يااااي يعني راح تصيرين قريبة علية علمود كل يومية اجيج
سعيد: يعني ليكلك انتن كليومية مو سوية
نسيم: تدري برانيا و خبالاتها...هههه يلة اني لازم ارجع عل الميتم مااكدر اتأخر  واني راح اعتمد عليك بشغلة الشقة
سعيد: من ناحية الشقة اطمني....شلون اخليج تروحين وحدج امشي اني اوصلج
نسيم: لا ماكو داعي اني اروح وحدي
رانيا: صدك تحجين شلون تروحين وحدج خلي سعيد يوصلج
نسيم: والله اخاف تتأخر عل شغلك
سعيد: صدك تحجين...دمشي امشي وانتي رانيا امشي للبيت يلة بسرعة
رانيا: حاضر سيد سعيد ههههه

وصلني سعيد للميتم واستقبلتني عبير كالعادة بالحجي الي يسم البدن

عبير: عيني ست الحسن وين جنتي شو تأخرتي؟؟
نسيم: اني مو كتلج راح اروح اشوف الشقة
عبير: وشلونها الشقة؟
نسيم: حلوة...راح اشتريها
عبير: يعني واخيرا راح نخلص
نسيم: والله تعبانة دخليج خليني اروح انام
عبير: و منو راح يغسل الماعين؟
نسيم: اني علية بس الكنس و المسح...الماعين مو شغلتي
عبير: شو طلع لسانج ست نسيم
نسيم: ليش تكرهيني...ليش؟
عبير: لتگلبيها مناحة...يلة امشي نامي مناقصتج
نسيم:فرح وين؟
عبير: نايمة...عيفيها لتكعديها
نسيم: يعني ليش اكعدها...اكيد راح اخليها نايمة...اطلب منج طلب اخير؟
عبير من ورة خشمها: كوووولي!
نسيم: كليلي منو هي المرة الي جابتني عل الميتم....وليش من صار عمري ١٠ سنوات بعد متجي
عبير: مااعرف شيء...
نسيم: جذابة والله جذابة تعرفين منو هية المرة بس انتي متقبلين تكليلي
عبير: اففف اتي شغلتج طويلة اروح انام احسلي..(عفتها ورحت)

ظليت الليل كلة ابجي اريد اعرف منو اهلي ليش عافوني بالميتم
احس روح محتاجتهم....خايفة من كلشي خايفة من الناس و من نفسي خايفة من كلشي
للفجر و اني منايمة افكر بحالي شلون راح اعيش وحدي وية هل المجتمع الي راح يأخذ نظرة علية نظرة البنية المو شريفة
ظليت اباوع بصورتي اني و صغيرة من جان عمري ١٠ سنوات الصورة الي اطتنياها المرة الي بعد مشفتها
جان مكتوب ورة الصورة الله يحفظج
اتمنى اعرف منو هاي المرة....ليش خلتني بالميتم و ليش جانت تجي تشوفني وليش بعد متجي...ليش وليش وليش هواي اسئلة بالي
معقولة تطلع امي!!
ممكن اي و ممكن لا
عقلي مشوش مااعرف شسوي
دخت من التفكير ونمت......كعدتني فرح من النوم حتى اروح للشغل

نسيم: هااا حياتي فروحة؟
فرح: يلة حياتي راح تتأخرين عل الشغل
نسيم: ايي حياتي راح اكعد

••••••••••••••
اتمنى تعجبكم^^

لا تنسوا التصويت و التعليق^^

رأيكم مهم❤❤❤