#قصة جديدة
#افترقنا-منذ-الصغر
#للكاتبة رقية-ليث
.
.
.
.
.
كملنة اكل و كعدنة نشتغل التهينا بالشغل لان صار ازدحام
وبعدين خلصنه و كل واحد راح لبيته
ورة اسبوع استلمت الشقة
و بدينة اني و رانيا انظف بيها
كملناها و هي جان بيها اثاث بس مو كامل
جان عندي فلوس من الي مجمعتهن كملت كل شيء ناقص بالشقة
و انتقلت للشقة مالتي ورة اربعة ايام
طبعا فرح خطية كام تبجي و انكسر گلبي عليها
لان هي كلش متعلقة بية واني كذالك
من احنه و صغار سوية صح فرق بالعمر بينه
بس ما مبين هذا الشيء
اول يوم الية بالشقة ظليت الليل كلة كاعدة ما اجاني نوم
لان جنت خايفة منطقة جديدة و بيت جديد
والمشكلة الاكبر وحدي بالشقة
يمكن غفيت بس خمس دقايق و دگ المنبه
كعدت متكسرة و تعبانة لان مشبعانة نوم
جان بودي مااروح للشغل و ارجع انام
بس مااكدر مااداوم لازم اروح
رانيا اخوها سعيد يوصلها كل يومية و هو يروح مناك لشغلة
لهذا كلتلي تعاي وياية يوصلج سعيد لان قريبة عليهم
بالبداية رفضت لان زحمة و كلت عيب الشاب يبتلي بية
بس رانيا اصرت علية اضطريت اوافق
اجوا علية و رحنه للشغل
سئلوني عل الشقة اذا مرتاحة بيها او لا
و كتلهم الحمدلله مرتاحة
وصلنة للشغل...اول ما دخلت ما شفت هيثم بس بعدين شفته كاعد يلعب بالموبايل
مبين هستوة جاي....والصبح ماكو ناس هواي لهذا لو نكعد نسولف لو نتصفن
سلمنه عل الشباب و صعدنه فوك
طبعا اكو بعد بنات ويانه بالشغل بس علاقتنه بيهن محدودة..مو كلش قوية
ضلينة كاعدات اني و رانيا نسولف لان ماكو احد
بس فجاءة حسيت روحي دخت و ردت اوگع
بس رانيا صاحت بنية و يانة اسمها نرجس و كلتلها جيبيلها مي راح توگع
كعدت عل الكرسي لان بعد مااشوف بعيوني
حسيت الدنيا كام تفتر بية
صعدوا الشباب و شافوني لان البنات فوگ نخبصن بية
كتلهم مابية شيء لتخافون...قلة نوم و طلعت من البيت ما متريگة لان جنت مااشتهي
هيثم: اكو واحد هيج يسوي...شلون متتريگين؟
نسيم: مااعرف مجنت اشتهي
هيثم: راح اروح اجيبلج لفة من برة...علمود تاكلين لان وجهج صار اصفر
نسيم: لا تسلم مااريد
هيثم: سكتي احسن..هسه راح اروح و مااتأخر ولتعاندين
رانيا: روح معليك بيها
هيثم: يلة رايح دقايق واجي
نسيم: ليش كتيلة يروح مااريد مساعدة من احد
رانيا: هاي شبيج هو شكال قابل حتى متريدين مساعدة من احد
نسيم: اففف منج..
رانيا: و بعدين اتي مو تحبي...خلي يجيبلج لفة بعد شكو لهل الدلع
نسيم باوعتها صفح: شو بالبداية ميفيدج و ميفيدج...هسه صار براسة خير
رانيا: طلع خوش ولد...شبيج غير اني مااحجي
نسيم: خليج ساكتة احسن
رانيا: هو لهذا السبب اني اسكت..هههههه
اجة هيثم و جاب وية لفة
كعدت اكل...شوية ارتاحيت و شوية رجع وجهي طبيعي لان صرت صفرة
كاعدة اكوم ارجع للشغل بس ما خلوني كلولي ارتاحي عود تلحگين عل الشغل
ضليت شوية كاعدة بعدين ضجت و كمت رجعت لشغلي
كعدت اشتغل و ياهم....بس احس روحي تعبانة
اجة صاحب المول شافني بهاي الحالة گلي روحي ارتاحي لان وضعج ميطمن
وافقت اروح لان حالتي جانت مو مال ابقى بالشغل
ردت اروح كيات بس هيثم تبرع يوصلني
صراحة اني تفاجئت...طلب الاذن من صاحب المول وافق
اني رفضت لان شلون اركب وية واني مااعرفة
بس اضطريت اروح وية لان ماكو حل ثاني
هيثم: شلون صرتي؟؟
نسيم: احسن
هيثم: انتقلتي للشقة لو بعدج؟
نيسم تفاجئت من سؤالة ليش لهل الدرجة مهتم بهل الموضوع: ايي البارحة انتقلت الها
هيثم: متخافين بالشقة وحدج...يعني اقصد بنية شابة وحدج متخافين
نسيم شلون مااخاف متگلي شلون مااخاف: هذا قدري..و قدري كاتب اعيش وحدي شسوي لعد
هيثم: الله يسهل عليج..سؤال؟
نسيم: جواب!
هيثم: مرتبطة؟
نسيم: هيثم اني مو مال هاي السوالف الي تبدوها بسؤال مرتبطة ومااعرف شنو من هل الخربطة...جنت متوقعتك شاب محترم و مؤدب بس للاسف طلعت مو گد الثقة...نزلني يلة بسرعة نزلني من السيارة
هيثم: هاي شبيج اعصابج..اعصابج شبيج اگلتيني و شربتيني شسئلت اني قابل عمي والله اسحب سؤالي يا كلمة رجعي لمكانج
نسيم: نزلني
هيثم: ترة وصلنة ما بقى شيء...وبعدين ماكو داعي لهل العصبية
نسيم: لوف يسرة....ايي هاي الشقة وصلت(نزلت وطبگت الباب حيل)
هيثم: عل الاقل مع السلامة...لو حتى هاي ماكو..يلة مو مشكلة نمشيها هاي المرة
نزلت من السيارة و جنت بحالة عصبية
سؤالة ما عجبني...ما احب هذا النوع من الاسئلة
دخلت للشقة و جنت تعبانة نزعت شالي و تمددت عل القنفة
ورة خمس دقايق اتصلت رانيا حتى تطمن علية
و كتلها لتخافين صرت احسن
كمت سويت شوربة و كعدت اكل
كملت اكل و رحت نمت
مااعرف...چم ساعة نمت احس روحي مثل الاموات نمت و ما حسيت عل روحي..
كعدت عل صوت الموبايل...شفته رقم غريب
ماردت اجاوب..بس بعدين جاوبت
نسيم بتعب: الووو..منو وياية؟
هيثم: هلو نسيم..اني هيثم شلون صرتي هسه
نسيم تعجبت منين جاب رقمي: عفوا بس من وين حصلت عل رقمي؟!!
هيثم: مو مهم...المهم انتي شلون صرتي؟
نسيم: هيثم منين حصلت عل رقمي؟
هيثم: من رانيا...يلة ارتاحيتي هسه
نسيم: من رانيا!!!!
هيثم: ايي اني طلبت منها رقمج طبعا هي بالبداية رفضت بس..
*************
اتمنى تعجبكم^^^
لا تنسوا التصويت و التعليق^^
احبكممممم😻😻😻
أنت تقرأ
افترقنا منذ الصغر
Roman d'amourفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
