#قصة جديدة
#افترقنا-منذ-الصغر
#للكاتبة رقية-ليث
.
.
.
كلها تصيح و تبجي اسمع صوتهم برة و الدكاترة فوك راسي...
بعدها ما حسيت عل شيء كأني متت
مااعرف صارلي شكد عل هل الوضع اسبوع اسبوعين شهر مااعرف
ورة فترة بديت احس شوية شوية و كدرت افتح عيوني و احرك ايدية
جان ماكو احد بالغرفة...
حسيت احد اجة انفتحت الباب شفتها الممرضة تفاجئت من شافتني فاتحة عيوني بسرعة سدت الباب و راحت
مااعرف ليش ضحكت عل ردة فعلها
مااعرف شنوو صار بية و شكد صارلي عل هاي الحالة
ورة شوية اجتي دكتورة تحمدتلي بالسلامة و كلتلي و كفتي گلوبنه عليج
نيسم بتعب: دكتورة شنو صار احجيلي؟؟
الدكتورة: جنتي داخلة بغيبوبة وهاي الغيبوبة استمرت لمدة اسبوعين بالاسبوع الاول جانت حالتج غيرر مستقرة و كنتي عل وشك تخسرين حياتج لان نبضج صار ما مستقر بس الحمدلله سيطرنه عل الوضع و استمرت حالتج لمدة اسبوع ثاني بس جانت مستقرة الحمدلله وجنه ننتظر و كتيش تكعدين و هسه الحمدلله و الشكر كعدتي وانشالله مابيج شيء
نسيم انصدمت مني الي سمعته يعني صارلي اسبوعين عل هل الوضع: زين دكتورة اهلي وين؟؟
الدكتورة: اهلج برة ينتظرون خطية فرحوا من كنالهم كعدت
نسيم: ممكن اشوفهم؟؟
الدكتورة: حاليا مااكدر اسمح ﻷي احد يشوفج لان مااريدج تتعرضين ﻷي صدمة لان هذا الشي ممكن يخليج تخسرين حياتج...تحملي بس اليوم نطمن عليج وباجر تكدرين تشوفيهم
قاسوا ضغطي ونبضي و سولي فحوصات و بعدها ظليت وحدي بالغرفة
ضجت لان ماكو شيء التهي بي
حاولت انام بس ماكو عيني متاخذ نوم
اتذكرت الي صار قبل اسبوعين يا ترى اني جنت بحلم او حقيقة معقولة اني و هيثم اخوان ما مصدكة هذا ولا مستوعبته ظليت ابجي بس بعدين حسيت نفسي اختنگت حاولت اهدئ روحي لان الدكتورة كالت ميصير تبجين او تتعرضين لصدمة...
جنت منتظرة باجر حتى اشوف هيثم و افتهم منه السالفة
ظليت سهرانه مكاعدة اكدر انام ورة شوية اجت ممرضة اطمنت عل صحتي و راحت
يمكن نمت بس نص ساعة و كعدت....
اجتي الدكتورة تشوفني و كتلها اريد اشوف خطيبي هيثم
كالت ماشي هسه اصيحة و تكدرين تشوفي
هسه اكللها اخوية لو خطيبي هههه والله سالفة تضحك و دوخ و تبجي
حظي ولا يوم كعد عدل دائما اعوووج
ورة شوية اجة هيثم وجانت عيونة حمر من كثر البجي
تقرب علية و لزم ايدي..كلي
هيثم: نسومتي والله خوفتيني عليج ليش تسوين بيه هيج ليش ادخلين بغيبوبة و متكعدين منها الا تهبطيني ترتاحين من تسوين بية هيج...احجي لتظلين ساكتة
نسيم: ليش الي سمعته جان قليل جوز لو وحدة غيري چا دخلت غيبوبة لمدة سنه من ورة الصاعقة الي كلتها
هيثم: هذا هو قدرنه شنسوي بعد
نسيم: هيثم اني لساعني ما مستوعبة احنه اخوان...شلون فهمني؟!
هيثم: خليها من نرجع للبيت احجيلج كلشي
نسيم: والله اني افضل تحجيلي السالفة هنا لان خاف انصدم و ادخل بغيبوبة ثانية ماطول اني بالمستشفى
هيثم: اسم الله عليج لتكولين هذا الحجي بعد
نسيم: لعد احجي السالفة هسه
هيثم: ماشي راح احجيها
نسيم: ايي احجي واني اسمعك
هيثم: افضل تجي امي و تحجيلج السالفة
نسيم: ﻻﻻ هيثم انت احجيها مااريد اشوف أي احد..مااريد
هيثم: حبيبتي هدئي هدئي مراح يصير شيء بس تحجيلج السالفة و تروح ماراح تأذيج..
نسيم وهي تبجي: خايفة هيثم خايفة من أي احد مااريد اشوف احد مااريد
هيثم حضنتها: اششش...هدئي كافي ماراح تشوفين احد غيري هدئي
نسيم: لتعيفني وحدي خايفة مااريد ابقى وحدي مااريد
هيثم: حياتي لتخافين اني يمج...بس هسه دقيقة اروح وارجع
نسيم وهي تبجي: لا هيثم لتعيفني وحدي اخاف...حباب هيثم ابقى يمي مااريد..مااريد ابقى وحدي
هيثم: حياتي والله مااتأخر...
نسيم: ترجعلي موو...متعيفني وحدي؟
هيثم: اكيد ارجعلج ماعندي غيرج اني
هيثم...طلعت من الغرفة واني بحالة مااعرف اوصفها ﻷحد
كعدت بالممر ابجي مااعرف ابجي عل حالي لو عل نسيم الي مااعرف شبيها لو ابجي عل حبي الي ضاع بلمح البصر مااعرف عل منو ابجي
فجاءة حسيت احد حط ايدة عل چتفي
ميسم: مااكدر اشوفك بهاي الحالة و اسكت
هيثم حضنتها حيل: تعباااان...ميسم حيييل تعبان مااعرف شسوي..خايف عل نسيم خاف تضيع مني حالتها كاعدة تصير اسوء من الي قبلها
ميسم: ما عندة غير بس الله...ادعي ربك يشفيها و يكومها بالسلامة وانشالله تصير زينة
هيثم: مااعرف شسوي احس ايدية و رجلية متربطات....يأست من كلشي بالحياة تخيلي يعني نسيم طلعت اختنا هههه طلعت خطيبتي نفسها اختي لج البنية الي حبيتها و ما حبيت غيرها طلعت اختي..هسه كليلي شسوي
ميسم: اهدء و كلشي راح يصير احسن و يرجع مثل قبل....هسه روح لنسيم لان هي بحاجتك اكثر من أي شيء ثاني حاول تكون قوي كدامها لان اذا شافتك ضعيف راح تنهار كون قوي..
رجعت للغرفة شفت نسيم نايمة و يمها الدكتورة و الممرضة..
هيثم: خيرر دكتورة نسيم بيها شيء؟؟
الدكتورة: مااعرف شنوو اكلك..للاسف تعرضت لصدمة قوية خلتها تتعرض لنهيار عصبي لازم متشوف أي شخص يأثر عل صحتها هل الفترة لان هذا راح يزيد من حالتها حاولوا تصيرون اقوياء كدامها...لان هسه قبل شوية اجيت حتى اشوف حالتها و جانت بوضع..
-------------------
اتمنى تعجبكم^^
لا تنسوا التعليق و التصويت^^
احبكممممم❤❤❤❤
أنت تقرأ
افترقنا منذ الصغر
Romantikفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
