افترقنا منذ الصغر

البارت(4)

#قصة جديدة
#افترقنا منذ الصغر
#للكاتبة رقية-ليث
.
.
.
نسيم بتعب: الووو..منو وياية؟
هيثم: هلو نسيم..اني هيثم شلون صرتي هسه
نسيم تعجبت منين جاب رقمي: عفوا بس من وين حصلت عل رقمي؟!!
هيثم: مو مهم...المهم انتي شلون صرتي؟
نسيم: هيثم منين حصلت عل رقمي؟
هيثم: من رانيا...يلة ارتاحيتي هسه
نسيم: من رانيا!!!!
هيثم: ايي اني طلبت منها رقمج طبعا هي بالبداية رفضت بس كدرت اقنعها بطريقتي
نسيم: بسيطة حسابي وياها بعدين...المهم انت شتريد هسه؟
هيثم: اكلج شو انتي بس تتعاركين شبيج؟؟
نسيم: تحجي شتريد لو انهي المكالمة اختار
هيثم: هدئي يمعودة خابرت بس علمود اسال شلون صرتي
نسيم: بصفتك شنووو؟
هيثم: زميلج بالشغل..لا اكثر و لا اقل
نسيم: يعني احنه زملاء؟
هيثم: زملاء او اخوة ماكو فرق
نسيم بأستغراب: اخوة.؟؟
هيثم: ايي نعم
نسيم نهيت المكالمة بعصبية...خوة والله يا الله ميدري اني احبة وهو كاعد يكلي اخوة
اني اعلمها لرانيا شلون تنطي رقمي..خابرتها

نسيم بعصبية: بسسس كليلي منو انطاج الحق تنطي رقمي...هاااااا فهميني يلة
مااعرف انتي شنو من صديقة متخافين اذا سوالي شيء وتدرين بية اني وحدي
رانيا: نسيم هدئي...شبيج انفجرتي علية....ترة هو ظل يلح علية كلش هواي و هو كلي بس اريد اطمن عليها و كلت هاي فرصة حتى تتعرفون عل بعض و بلكت يطلع يحبج...و اني بالبداية اصلا رفضت انطي الرقم بس كتلج او اصر عل هذا الشيء
نسيم: اففف منج اففف...دائما تخليني بمواقف لا يحسد عليها....مرة ثانية يا رانيا اذا سويتي شيء بدون علمي اقري الفاتحة عل روحج...افتهمتي
رانيا: شعتبرة هذا تهديد
نسيم: شتعتبري اعتبري و يلة باي( نهيت المكالمة)

كعدت اتأمل و افكر مااعرف شنو مستقبلي
شنو يتنظرني بهاي الحياة...مستقبلي مجهول
رحت طلعت صورتي من الجنطة و ظليت صافنة عليها ظليت اشتمها مااعرف حسيت بيها ريحة المرة الي انطتني هاي الصورة و كلتلي نسخة الية و نسخة الج
شلون يعني هسه افتر بيت بيت و اكلهم عدكم نسخة من هاي الصورة
ههه مااعرف شسوي حاسة روحي وحيدة و مهمومة محتاجة احد يكون سندي بهاي الحياة
محتاجة ليوم واحد احس نفسي مثل الناس الي عايشين بأمان وية اهلهم
اتمنى لو ارجع طفلة من جانت تجيني المرة و تجيبلي اكل وملابس و تسولف و تضحك وتلعبني جانت كل هذا اسوي من تجي تشوفني جان الضحكة من تروح من وجهي بس بعد مااختفت حسيت روحي عايشة بمكان مجهول و ناس مجهولة محد يحبني بصدق او يهتم بية يظلون يحجون من وراية
و يكولون شوف هاي يتيمة متعرف اهلها وين
و لا تعرف حتى اذا جانوا عايشين او لا
متعرف اذا يحبوها يتذكروها يعرفون عدهم بنية اسمها نسيم او لا
كل هذا يحجوة من وراية...بس اني اعرف بهذا الشيء
بس اظل اكتم بصدري..بس الى متى...الى متى اظل اخفي جروحي و دموعي عن الناس..
اكيد راح يجي يوم و تظهر هاي الجروح و الدموع مااعتقد اكو واحد راح يتحملها
من كثر ما الالم الي بيها قوي..وجبير
مسحت دموعي و كمت اصلي و ادعو ربي يساعدني و يحميني من كل شر بهاي الدنيا...
كملت صلاة..كعدت عل التلفزيون اشوف شنو بي لان ضوجة
شفت مسلسل عجبتني كعدت اباوعها
جانت عيوني عل المسلسل بس عقلي و تفكيري مو يمها بعالم ثاني
بعالم سميتة عالم الوحدة عالم الاكتئاب
فزيت من العالم الي جنت بي عل صوت الجرس مال الباب
كمت حتى اشوف منو اجاني
طلعت رانيا مبين عليها جانت باجية

نسيم بقلق: خيرر شبيج؟؟...ليش كاعدة تبجين؟!!
رانيا وهي تبجي: ميهون علية زعلج تدرين مااكدر اشوفج زعلانة مني...احبج و سويت هذا الشيء لمصلحتج
نسيم: يا مصلحة كاعدة تحجين عنها....تنطين رقمي لشاب غريب تعتبر مصلحة
رانيا: كلت انتي تحبي..وهو من تخربطتي مبين علية مهتم بالسالفة لهذا كلت جوز يحبج...
نسيم: اخوان....يعتبرني اخته اني وية بنظرة اخوان لا اكثر و لا اقل
 رانيا: منو كلج هذا الحجي؟؟!!
نسيم: هيثم هو الي كال هذا بلسانة
رانيا وهي تضحك: هههههه.....بشرفج يعني انتي صدگتي الكلام الي كالة؟
نسيم: وليش حتى مااصدك!
رانيا: لج هسه أي شاب تحجين وية يكلج اعتبرج اختي...وبعدين يطلع العاشق الولهان...لج اكيد كاعد يجب عليج اي شاب يكلج احنه اخوان واعتبرج مثل اختي طببي من الاذان للثانية لان كلامة كلة خريط بخريط..ماشي حياتي
نسيم: يعني احتمال يحبني
رانيا: واحتمال جبير هم....متأكدة يحبج يجي يوم وتتأكدين
نسيم: انتي شنو الي غيرج هيج مو جنتي متحبي و تحسي ملعب ومن هل السوالف و تكليلي ميفيدج...شنو السالفة هسه؟
رانيا: جانت مجرد وجهه نظر و تغيرت...بس من بعد ما شفت اهتمامه بيج من دختي تغيرت نظرتي تماما
نسيم: صايرة تخوفين
رانيا: اعجبج اني كل يوم شكل....هاي سعيد رمش علية يمكن اجة يلة اني لازم اروح باي حياتي
نسيم: بيباي

راحت نسيم واني كعدت شوية انظف بالشقة وبعدين نمت
كعدت ثاني يوم بدلت و تريكت لان بعد التوبة اذا اطلع بلة مااتريك
خابرتني رانيا و كتلها جاهزة.....اجو علية و رحنه للشغل
سلمنه عل الشباب و صعدنة فوك
البنات اجن سلمن علية و سئلني شلون صرت
وكتلهن الحمدلله احسن
ورة خمس دقايق اجاني مسج شفته طلع من هيثم
-----------------
اتمنى تعجبكم^^^

لا تنسوا التصويت و التعليق^^

احبكم😘😘