#قصة جديدة
#افترقنا-منذ-الصغر
#للكاتبة رقية-ليث
.
.
.
.
ابو هيثم: امك كالت يتيمة
هيثم: ايي...ليش عندك اعتراض؟
ابو هيثم: لا معندي اعتراض من هاي الناحية بس اهم اخلاقها
هيثم: اطمن من هاي الناحية ماكو احسن من اخلاقها
ميسم: اتفضل هذا المي
هيثم: تسلمين
ميسم: شصار بموضوع الخطبة؟؟
هيثم: اذا ابوية موافق هاهية باجر نروح نخطبها
ابو هيثم: لا معندي اعتراض خلي امك و اختك يروحون و يشوفون البنية وانشاءالله خيرر
هيثم: انشاءالله...يلة اني استأذن اروح انام
ميسم رحت ورة هيثم: هيثم..هيثم
هيثم: خير يا طير؟!
ميسم: لا بس حبيت اكلك..باجر ممكن اجيبلي مقلوبة عل الغدة
هيثم: ومطبخين اتي شبيج؟
ميسم: حياتي مو تدري بية بالصيدلية مكظية كل وقتي...حباب هيثم حبااااب
هيثم: هسه كتلج كلاص مي ما قبلتي...وتريدين اجيبلج مقلوبة
ميسم: مو بعدين جبتلك
هيثم: لو ما ابوية يعيط بيج...يلة اريد اولي انطمر وخري من يمي
ميسم: اكرهك
هيثم وهو يضحك: واني احبببج
رانيا....ماما ترى باجر راح يجون خطابة عل نسيم(انتبهت عل سعيد غص بالچاي)
ام رانيا: يا صلوات الحمدلله والشكر والله فرحتلها من كل گلبي
رانيا: والخطابة ترى راح يجون لبيتنه
ام رانيا: ايي هلا بيهم
رانيا شفت سعيد اشرلي عل اروح للمطبخ رحت حتى اشوف شيريد: خير سعيد تريد شيء
سعيد: رانيا مو تعرفين اني احبها لنسيم
رانيا: وهي متحبك شلوون يعني تريدني اجبرها عليك...سعيد خليها بحالها ولتحاول تسوي مشاكل رجاءا
سعيد: يعني راح يجون يخطبوها من بيتنه و تريديني اظل هادئ
رانيا: سعيد اترجاك لتسوي شيء وبعدين هي تعتبرلك مثل اخوها و تحبك كحب الاخت لاخوها هي تحب هيثم وه يحبها رجاءا سعيد لتسوي شيء هاي صديقتي ومااريد تخرب فرحتها بسبب اخوية
سعيد: ماااشي مااشي..بس مااعرف شلون راح اهدئ
رانيا: حياتي روح نام و ارتاح...وانشاءالله تلكة البنية الي تفرحك و تسعدك بحياتك....يلة حياتي روح نام
سعيد: ماشي راح اروح....بس لتتوقعين راح انساها واذا ما صارت من نصيب هيثم راح تصير الي..فاهمه
رانيا: ماشي..هسه روح نام انت تعبان مو واعي شنو كاعد تحجي
نسيم....كعدت الصبح بكل طاقتي و قواي العقلية
فرحانة لان اليوم راح انخطب من شخص ما جنت متوقعة بيوم راح نصير اني وية واحد
كعدت من الصبح اغني و فرحانه طلعت صورتي و ظليت ابوسها
اتمنيت لو هاي المرة جانت موجودة جا فرحت مثلي
حسيت عيوني دمعت بس كابرت وما بجيت مااريد شيء يعگر مزاجي اليوم
بدلت و خابرتني رانيا كالت اليوم راح نأجر تاكسي لان سعيد ميكدر اليوم يوصلنه
كتلها خو ما بي شيء...كالت لا بس عندة شغل و طلع
كتلها ماشي....نلتقي بالفرع لعد
صدك طلعت و شفتها موجودة تنتظرني
اجرنه تكسي ورحنه للشغل
شفت هيثم جان كاعد و صافن مااعرف وية بالة
اول ما طبيت عدل كعدته و ابتسم من شافني
اني هم باوعتلة وابتسمت
مااعرف اليوم شلون خلص اشتغل وبالي يم الخطبة
كملنه شغل و من كاعد نطلع اصر علينه هيثم انو يوصلنه
واحنه وافقنه
حاول يخليني اكعد يمة بالصدر بس كعدنه ثنينه ليورة
حاط المراية مال السيارة و يباوع علية
مااعرف شلون سيطرت عل روحي وما ضحكت
و صلنه لبيت رانيا لان رانيا كلتلي تعاي يمنه و جهزي نفسج
لان ماكو احد بالبيت اخوها سعيد بالشغل وعدها خوات ثنين متزوجات وابوها شهيد الله يرحمة لهذا بس اني وياها وامها بالبيت
رحنه للبيت واستقبلتني امها كاعدة وتحضن وتبوس بية
كلش احبها مرية فطيرة و حبابة عل نياتها
طلعتلي رانيا الثوب و كدرتة وصدك اجة علية فيت
و طلعتلي الحذاء الي مشتريته وية هم اجة عل كدي
سوتلي شعري شسورتة وبعدين برمت الخصل من جوة
و حطتلي سبرية حتى يثيت
وشوية مكياج خفيف
طلعت اخبل...طلعت للهول حتى تشوفني امها ظلت تقرة ايات و تسمي تكول خاف يحسدوها لبنتي ام عيون خضر
طبعا اني مواصفاتي بيضة و عيوني خضر و شعري جوزي و ضعيفة يعني جسمي مرتب اما بالنسبة لطولي وسط لا طويلة ولا گصيرة
ورة نص ساعة اندكت الباب...طلعت ام رانيا حتى تشوف منو
واني و رانيا كاعدين نشوف من شباج المطبخ
دخلن مرية و بنية شابة
رانيا: ولج هاي البنية تنطيج شبهه بعض الملامح حتى يا سبحان الله راح اطلعن ثنائي يجنن
نسيم: ايي..اصلا هو هيثم كال اختي تنطيج شبهه اكلج اني بديت اخاف
رانيا: شبيج يا حياتي استرخي ماكو داعي تخافين
نسيم: مااعرف...خايفة اكلج دخلي انتي بدالي
رانيا: يا ولج غير يخترعن من شكولي...شو لا شكل ولا جمال
نسيم: شبيج ولج...تخبلين
رانيا: هسه انسي هذا الحجي...اخذي نفس عميق وسوي شهيق زفير
نسيم وهي تأخذ نفس: شهيق زفير شهيق زفير
ام رانيا: يلة نسومة تعالي جيبي الصينية مال الضيافة وتعاي
نسيم: ماشي جاية
اخذت الصينية و دخلت للصالة سلمت و قدمتلهم الضيافة
بس احس الانظار علية مااعرف ارتبكت اول مرة انخطب واجرب هذا الشعور
ام هيثم: يمة الله يخليلكم بتكم...شنو هل الجمال الله يحفظها و يبعد عين الحساد عنها
ام رانيا: تسلمين عيني..وحتى انتوا بتكم مناقصها شيء اية من الجمال
ام هيثم: تسلمين هذا من ذوقج...والله خلينه ندخل بالموضوع مباشرة احنه جايين نخطب بتكم نسيم...
¤¤¤¤¤¤¤¤¤
اتمنى تعجبكم^^
لا تنسوا التصويت والتعليق^^
احبكممممم❤❤❤
أنت تقرأ
افترقنا منذ الصغر
Romanceفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
